تجربتي بالطلب من موقع فرانك وانطباعي عن مقشر فرانك الخرافي! ♥

السلام عليكم وَ رحمه الله وَ بركاته ♥،

بوست اليوم عن منتج اشتهر بالفتره الاخيره ، اذكر اول مره شفته قبل سنه ونص عند بلوقر استراليه وحمستني عليه مره

بس وقتها كنت حامل وقلت بس اولد بطلبه ونسيته هههه!

بس مع انتشار المنتج وكثرت المدح عليه قررت اجربه واكتب رايي بالضضبببط

في نقطه محيرتني ، كثير منتجات الناس تتكلم عنها انها غيرت بشرتها او شعرها ويقدسونه

انا ماذكر في منتج جد جد غيرلي بشرتي او شعري بشكل خيالي!

ممكن روتين معين بس منتج واحد مقدر اعيش من دونه مستحيل!

فلا تنتظرون مني اي تقديس لاي منتج كان الا اذا فعلا حسيت بفرق معاه وماقدر اتخيل حياتي من دونه ♥

الماسكرا المجهوله وصلت وجهتها | Benifit Roller Lash mascara

السلام عليكم وَ رحمه الله وَ بركاته. ♥♥

قبل شهر تكلمت عن ماسكرا مجهوله وصلت لي .. البوست هنا للي ماشافه

وكثييير منكم عرف شنو هي الماسكرا برافو عليكم!

ريفيو عن منتجات ميك ابيه رخيصه بس ممتازه ؟ الجزء الاول

السلام عليكم وَ رحمه الله وَ بركاته ♥♥

بتكلم اليوم عن كذا منتج رخيص او منتج درق ستور بس ممتاز!

دايما ابحث عن بدائل تناسب كل الميزانيات ، مثل ماتكلمت عن مكياج غالي اليوم بتكلم عن كذا شي رخيص بس مو معناته مايسوى بالعكس ينافس ماركات كبيره ، الماركات الي بتكلم عنها تصنف درق ستور يعني تنباع بالصيدليات والسوبر ماركتات وغيرهم بالدول الاجنبيه وتعتبر رخيييييصه بس عندنا مطيرين الاسعار الله يهديهم فاذا عجبكم شي من الي ذكرته انصحكم تطلبونه اون لاين افضل.

تجربتي بالشراء من موقع مونيكا فيندر | تنسيقاتي لاسواره مونيكا Arm Candy ♥

السلام عليكم وَ رحمه الله وَ بركاته♥♥، 

اعتذر تأخرت عليكم بسلسله طلباتي من المواقع الالكترونيه وانطباعي عنهم

لما يكون العطر تحفه فنيه | جوله عطورات بصحبه بوتيك لودوريه ♡

السلام عليكم وَ رحمه الله وَ بركاته ، ♡ 
اليوم البوست مميز بالنسبه لي ، زمان كتبت عن بوتيك لودوريه (هنا البوست للي ماشافه) يوم كتبته كانت ابد مو دعايه قد ماهو شي فخم وجميل حبيت انقله لمتابعاتي وصديقاتي ، قريب تواصلو معاي بوتيك لودوريه ومن كثر ماكان يعنليهم البوست واثر فيهم اهدوني مجموعه عطور جديده وقالو تكلمي عنها مثثل ماتبين ، حبيت ثقتهم بمنتجهم لان كثير شركات اذا في اي نقد ماينفع تكتبينه ولازم كله مدح بمدح ، بالنسبه لي ثقه الناس اهم من المنتج المقدم ورايي وانطباعي بيكون دايما وابدا صادق.

رحله ماسكرا مع قورجس | شنو هي وليش وصلت لي ؟ + هديه لكم ♥

السلام عليكم وَ رحمه الله وَ بركاته ♥♥

بوست جديد لفكره جديده من نوعها جدددا متحمسه لها وان شاء الله تتحمسون معاي

اول شي شوفو الفيديو القصير الي سويته :

شادوهات سيفورا ل٤ لوكات متنوعه بشكل مميز | فكره لهديه ♥

السلام عليكم وَ رحمه الله وَ بركاته ♥♥♥
قبل فتره كنت بزياره محلي المفضل "سيفورا" باخذ اشياء ناقصه بس خلصت قالت لي الموظفه حابه تشوفين كولكشن الهوليداي ؟ انبسطت انو جايبين شي عندنا صراحه!! كولكشن الهوليداي هو كل نهايه سنه تقريبا اغلب الماركات تنزل مجموعات صغيره بشكل ملفت للنظر ، اما ينزلون شي جديد او ياخذون البرودكت الاكثر مبيعا ويحطونه كمجموعه ، الاحجام تكون اصغر ففرصه نجرب كذا منتج من الماركه بسعر حلو بدال لانشتري حجم كبير ونتوهق فيه!!

فاخترت مجموعه "4 eye look books" الي هي ٤ كتب فيها شدوهات متنوعه لتعطيك ٤ اطلالات ..

عروض البلاك فرايدي ، اختيارتي ومواقع كثيره | black friday deals ♥

السلام عليكم وَ رحمه الله وَ بركاته ♥♥

تكلمت قبل بالانستقرام عن البلاك فرايدي والخصومات الي فيه

فطلبو بنات مواقع ممكن يستفيدون منها فهذا البوست لهم :)

اول شي البلاك فرايدي :

هو اخر جمعه في نوفمبر وهي فرصه للناس تشتري هدايا حق الكريسماس

فالمحلات تحط والمواقع تحط خصومات توصل ل٥٠٪

في بنات قالولي العروضات بس بالمحلات ، لا هالشي مو صحيح حتى المواقع تسوي

بس مادري اذا خصوماتهم نفس المحلات او لا .. السايبر مونداي خاص بالمواقع اكثر الي ماعندهم محلات مثل الامازون اما الي عندهم محلات الخصومات بالمحل والموقع بنفس اليوم ..

شلون قدرت ارجع الترطيب والحياه لبشرتي ، روتين البشره الحالي ♥♥

السلام عليكم وَ رحمه الله وَ بركاته ♥♥ ..

قبل فتره نزلت ريفيو بالانستقرام عن هالمنتج من نيتروجينا 

حفله منتجات | خلصتها او نسيتها ..

،

السلام عليكم وَ رحمه الله وَ بركاته ♥♥ ..

حفله منتجات لان احس اكثر منتجات بتكلم عنها بتاريخ مدونتي :|

ع مدار السنه الي فاتت تقريبا صرت اجمع منتجات ببوكس اما تكون منتهيه صلاحيتها او مخلصه منها عشان اسوي عنها ريفيو ، فإن شاء الله يفيدكم

مشترياتي من ماركه ذا بالم ، ريفيو لمنتجات كثيره ، موقع جديد وهديه لمتابعاتي ♥♥♥

السلام عليكم وَ رحمه الله وَ بركاته  ♥♥، شرايكم بالعنوان ههههه ، لان الموضوع متشعب فلازم عنوان طويل شوي : )
كثار بنوتات يسألوني عن تاجرات موثوقات يطلبون منهم ، ونادرا ماأرشح احد الا اذا مجربته! فجربت اطلب من موقع منتجات من ماركه ذا بالم وحبيت اكتب تجربتي معاهم ، الموقع اسمه ksa shopper الي شجعني اطلب منه ، اول شي الاسعار! صراحه قارنتهم بكذا تاجره من النت وكانت رخيصه جدا مقارنه فيهم ، السبب انهم شركه مو فرد! فالبضاعه تجي من المصدر او الموزعين مباشره ، غير هذا اذا انتي ساكنه بالرياض الدفع عن التسليم ، فهذا شي ممتاز لان كثار مو خبره بالطلب اون لاين وغيره ، بيحقدون علينا باقي المناطق p; يصير تطلبون منهم اكييد بس الدفع اون لاين والطريقه سهله تحطون رقم البطاقه وتكملون شوبينق .

Voga Closet | لما التسوق يصير أسهل ~

،


السلام عليكم وَ رحمه الله وَ بركاته ♥، كثيير ناس توجهو للتسوق اون لاين وصار بديل لهم لعده اسباب اهمها البضايع صار وجودها نادر! وسهوله بالتسوق واريح يعني وانتي بسريرك تختارين الي حابته ويجي لحد بيتك بدون تعب!

بس في ناس تستصعب تطلب بنفسها وكثييير تجيني اسأله قورجس شلون اطلب ؟ قورجس شلون ادفع ؟ شلون افتح حساب؟ وغيرها ، عشان كذا اليوم بتكلم عن موقع جمميل من بضائع وتنوع وخدمه ، موقع فوقا كلوسيت هو موقع بريطاني فيه اكثر من ٤٠٠ ماركه اوربيه متنوعه للرجال والنساء والاطفال!

ريفيو منتجات بينفت ، لأن الابتسامه أجمل مايمكن أن ترتديه! ♥♥

السلام عليكم وَ رحمه الله وَ بركاته ♥،حبيت مقوله بينفت "لأن الابتسامه أجمل مايمكن أن ترتديه" فخليته عنوان بوست اليوم ، بوست اليوم ريفيو عن منتجات بينفت الي جربتها! ومع ابتسامه عشان تصيري أحلى ، بعض المنتجات مشهوره وبعضها جديد فراح أكتب انطباعاتي عنهم وَ إن شاء الله يساعدكم بإختياراتكم بالمستقبل ..

Shower, after shower & night routine | روتيني بالشور ومابعد الشور والعنايه الليليه.

,

السلام عليكم وَ رحمه الله وَ بركاته ♥♥♥ ، بوست اليوم عن الشور ومابعد الشور النسخه الشتويه ، تكلمت قبل عن هالموضوع هنا:

http://igorgeousta.blogspot.com/2012/12/my-after-shower-routine.html

وهنا

http://igorgeousta.blogspot.com/2012/09/blog-post_18.html

كثير منتجات تغيرت وأضفت أشياء جديده ، وأفضل شي صار الروتين أرتب وماياخذ وقت ، أحب نفس هالمواضيع واتحمس اشوفها باليوتيوب ، احب اشوف الناس شنو تستخدم ممكن اتعرف ع منتجات جديده وَ طرق جديده ، الفرق بالطريقه هذي انو اعتمادي ع الترطيب بشكل أكبر بما إنو الأغلب بشرته تجف مع البرد ، ان شاء الله تستمتعون وَ تستفيدون من البوست Lets get started !

مراجعه شدو باليت بالم جوفي من ذا بالم ♥ the balm jovi palette review

,

السلام عليكم وَ رحمه الله وً بركاته ♥ نزلت قبل فتره مجموعه اشياء وقلت لكم اختارو شي اسويله ريفيو والاغلب اجمع على باليت ذا بالم ، فلكم ماتريدون متابعاتي العزيزات p: ، باليت ذا بالم اسمه بالم جوفي روكستار باليت ، من شكله مستوحى من نجم الروك بون جوفي! فألوانه ابدا مو الالوان الطبيعيه والناتشورال الي متعودين عليها ، الي يحب اللوكات القويه والجريئه هالباليت موجه له.

مراجعه لسي سي كريم كلينك | الفرق بين البي بي كريم والسي سي كريم ♥

السلام عليكم وَ رحمه الله وَ بركاته ♥ ارسلت لي شركه كلينك اصدارهم الجديد من سي سي كريم ، للأمانه من زماان واصلني وجربته كثير لأن ماقدرت احدد علاقتي معاه اذا كويس ولا!

ريفيو ماسك مشاهير هوليود قلام قلو ♥ Glam glow mask first impression

السلام عليكم وَ رحمه الله وَ بركاته ♥ كيفكم وكيف عيدكم ان شاء الله انبسطتو فيه مثلي ♥♥♥♥ من تجهيزاتي للعيد من ناحيه البشره هذا المنتج الي خاطرت اجربه لاول مره قبل مناسبه مهمه لان بشرتي اصلا تعبانه فهي خاربه خاربه لول ، البوست اليوم بيكون ريفيو عن ماسك قلام قلو الشهير وانطباعي الاولي عنه ، ماسك قلام قلو انشهر كثيير هذي الفتره واكيد سمعتو انه اختيار نجمات هوليود الاول عشان كذا سموه ماسك هوليود.

مراجعه مجموعه المكديميا ، تستاهل ولا اشيل فلوسي لمنتجات افضل ؟ تجربتي + رأيي

السلام عليكم وَ رحمه الله وَ بركاته ♥♥، مدري ليه بكل بوست اقول اشتقت وماراح اغيب مره ثانيه وماتوب ههههههههه ، ابدا ابدا ماطفشت من التدوين في احد يطفش ياخذ جرعات حُب! بالعكس بس مرات الظروف اقوى مني ، ببالي دايما مدونتي ومتابعاتها الجميلات ومستحيل اتخلى عن حلمي :$ الا اذا طفشتو مني هذا شي ثاني p: 

موضوعنا اليوم احس مره مهم ، لان اخذ ضجه كبيره كبيره ، اغلب البلوقرز وحتى البيوتي قوروز باليوتيوب اجانب او عرب تكلمو عنها .. عشان كذا حبيت اكتب هالموضوع اقطع الشك باليقين ههههه ، تجربتي للمجوعه اكثر من سنه وماغيرتها ابدا يعني بتكون تجربه حقيقه ان شاء الله ..

مراجعه غسول جلايكولكس + مرطب جلايكولكس ١٠٪ + مسحات ايفين تون ورأيي فيهم ♥ #قورجستا

السلام عليكم وَ رحمه الله وَ بركاته ♥♥ أخيرا جيت بموضوع كثيييييييير طلبوه مني ، وَ قلت ماراح أنزله الا لما أخلص من تجربتهم تماما! فضيت العلب وَ جيت بتجربتي ♥ ، بالبدايه حبيت اوضح شي ، عندي صعوبه بمراجعه الكريمات وَ اشياء العنايه هههههه ، لان ماحس في كريم واحد يسوي المستحيل هو نظام كامل متكامل حتى الاكل له دخل بالموضوع والنفسيه تأثر بالبشره وعوامل كثيييييره ، عشان كذا احس بصعوبه لما اكتب تجربتي لان ماحس بتكون صادقه او متكامله تماما! بس بالبوست هذا بتكلم بالي شفته والي حسيته مع استخدامي للمنتجات وقد اصيب وقد اخطئ بس بتكلم بشفافيه تامه ان شاء الله بدون مبالغات :$

ريحتك جميله وَ ريحه نظافه ♥♥ طريقتي بتعطير جسمي وَ شعري مع عبدالصمد القرشي ♥♥

السلام عليكم وَ رحمه الله وَ بركاته ♥♥ مين منا ماتبي تكون ريحتها جميله! يمكن الكثير مايهتم بالشي هذا بس عن نفسي مرره الاحظ روائح الاخرين هههه ، استغرب لما أسلم ع أحد وأشم ريحه استشوار او ريحه عاديه والادهى والامر لما أشم ريحه مو زينه ابد :( يمكن تشوفين البنت وخاصه بالزواجات بأجمل حلتها ولبسها وَ ميك اب وكل شي وريحتها جميله بس لما تسلمين تشمين ريحه شعرر واستشوار ، أبدا شي مو حلو! عن نفسي اعشق اعشق المسك وخاصه بتعطير الشعر وَ مايقل أهميه عن تعطير اللبس والتعطير الشخصي ، اليوم بتكلم عن مجموعتي من مسك عبدالصمد القرشي وَ طريقتي بتعطير الشعر والملابس ان شاء الله.