روتيني الصباحي ، كيف آبدأ يوم منجز؟ ♥

السلام عليكم وَ رحمه الله وَ بركاته ♥♥

كثير تمر علينا ايام خمول أو كسل أو مزاج سيئ ، في هذي وحده من الطرق الي أتبعها

حتى اتنشط وماأخلي الكسل يستحوذ على يومي وأفتح نفسي لإنجاز المهمات

الحمدلله بعد سنين من المعاناه لتعديل النوم قدرت أضبط نومي واستمتع بالصباح لأن مهما كان

أفضل وقت للإنجاز الصبح وتحسين يومك كل بركه :)♥

تجربتي بالطلب من موقع فرانك وانطباعي عن مقشر فرانك الخرافي! ♥

السلام عليكم وَ رحمه الله وَ بركاته ♥،

بوست اليوم عن منتج اشتهر بالفتره الاخيره ، اذكر اول مره شفته قبل سنه ونص عند بلوقر استراليه وحمستني عليه مره

بس وقتها كنت حامل وقلت بس اولد بطلبه ونسيته هههه!

بس مع انتشار المنتج وكثرت المدح عليه قررت اجربه واكتب رايي بالضضبببط

في نقطه محيرتني ، كثير منتجات الناس تتكلم عنها انها غيرت بشرتها او شعرها ويقدسونه

انا ماذكر في منتج جد جد غيرلي بشرتي او شعري بشكل خيالي!

ممكن روتين معين بس منتج واحد مقدر اعيش من دونه مستحيل!

فلا تنتظرون مني اي تقديس لاي منتج كان الا اذا فعلا حسيت بفرق معاه وماقدر اتخيل حياتي من دونه ♥

مشترياتي من موقع امازون وانطباعي عنه | Amazon haul

السلام عليكم وَ رحمه الله وَ بركاته
صارلي فتره ادمنت الشراء من النت وخاصه اخر شهرين كان فوق الحد صراحه ههههه بس خلاص بعقل السنه الجديده ان شاء الله :$ قررت كل فتره اوريكم مشترياتي من كذا موقع وانطباعي عن الموقع نفسه ، ماراح اتكلم عن طريقه الطلب اون لاين لان قوقل مكفي وموفي ، بليييز بليييز اخذو طله ع قوقل واقرو كثيييير الطريقه سهله اهم شي تكون لغتك الانقلش شووي حليوه عشان تقدرين تختارين صح اما الباقي مره سهل!

شلون قدرت ارجع الترطيب والحياه لبشرتي ، روتين البشره الحالي ♥♥

السلام عليكم وَ رحمه الله وَ بركاته ♥♥ ..

قبل فتره نزلت ريفيو بالانستقرام عن هالمنتج من نيتروجينا 

حفله منتجات | خلصتها او نسيتها ..

،

السلام عليكم وَ رحمه الله وَ بركاته ♥♥ ..

حفله منتجات لان احس اكثر منتجات بتكلم عنها بتاريخ مدونتي :|

ع مدار السنه الي فاتت تقريبا صرت اجمع منتجات ببوكس اما تكون منتهيه صلاحيتها او مخلصه منها عشان اسوي عنها ريفيو ، فإن شاء الله يفيدكم

Shower, after shower & night routine | روتيني بالشور ومابعد الشور والعنايه الليليه.

,

السلام عليكم وَ رحمه الله وَ بركاته ♥♥♥ ، بوست اليوم عن الشور ومابعد الشور النسخه الشتويه ، تكلمت قبل عن هالموضوع هنا:

http://igorgeousta.blogspot.com/2012/12/my-after-shower-routine.html

وهنا

http://igorgeousta.blogspot.com/2012/09/blog-post_18.html

كثير منتجات تغيرت وأضفت أشياء جديده ، وأفضل شي صار الروتين أرتب وماياخذ وقت ، أحب نفس هالمواضيع واتحمس اشوفها باليوتيوب ، احب اشوف الناس شنو تستخدم ممكن اتعرف ع منتجات جديده وَ طرق جديده ، الفرق بالطريقه هذي انو اعتمادي ع الترطيب بشكل أكبر بما إنو الأغلب بشرته تجف مع البرد ، ان شاء الله تستمتعون وَ تستفيدون من البوست Lets get started !

ريفيو ماسك مشاهير هوليود قلام قلو ♥ Glam glow mask first impression

السلام عليكم وَ رحمه الله وَ بركاته ♥ كيفكم وكيف عيدكم ان شاء الله انبسطتو فيه مثلي ♥♥♥♥ من تجهيزاتي للعيد من ناحيه البشره هذا المنتج الي خاطرت اجربه لاول مره قبل مناسبه مهمه لان بشرتي اصلا تعبانه فهي خاربه خاربه لول ، البوست اليوم بيكون ريفيو عن ماسك قلام قلو الشهير وانطباعي الاولي عنه ، ماسك قلام قلو انشهر كثيير هذي الفتره واكيد سمعتو انه اختيار نجمات هوليود الاول عشان كذا سموه ماسك هوليود.

مراجعه غسول جلايكولكس + مرطب جلايكولكس ١٠٪ + مسحات ايفين تون ورأيي فيهم ♥ #قورجستا

السلام عليكم وَ رحمه الله وَ بركاته ♥♥ أخيرا جيت بموضوع كثيييييييير طلبوه مني ، وَ قلت ماراح أنزله الا لما أخلص من تجربتهم تماما! فضيت العلب وَ جيت بتجربتي ♥ ، بالبدايه حبيت اوضح شي ، عندي صعوبه بمراجعه الكريمات وَ اشياء العنايه هههههه ، لان ماحس في كريم واحد يسوي المستحيل هو نظام كامل متكامل حتى الاكل له دخل بالموضوع والنفسيه تأثر بالبشره وعوامل كثيييييره ، عشان كذا احس بصعوبه لما اكتب تجربتي لان ماحس بتكون صادقه او متكامله تماما! بس بالبوست هذا بتكلم بالي شفته والي حسيته مع استخدامي للمنتجات وقد اصيب وقد اخطئ بس بتكلم بشفافيه تامه ان شاء الله بدون مبالغات :$

تبين بشره ناعمه ؟ بشره صافيه ؟ جسم موحد اللون؟ هنا خطه الهجوم !

السلام عليكم وَ رحمه الله وَ بركاته ♥♥، شرايكم بالعنوان بس ههههههههه ! كثير يشتكي من مشاكل ببشرته ، ويبدا يدهر بالخلطات واللطخ ووصخي نفسك ووصخي بيتك ولا في فايده هههههه ، السالفه ابسيط من كذا بكثييييييير ، ماتحتاج زيت قلي بزبده طبخ بطحين وَ عشرين الف صابونه! الخلطات يمكن تجيب نتيجه بس اذا تركتيها بيرجع كل شي مثل ماكان وأسئلوني ، بتتعبين وتضيعين وقتك وغير الجهد بتصنيع الخلطات احس بعض الخلطات تحطين نص المطبخ فيها :|
في بنوته سألتني بالايميل انها تبي نظاره وتبي بشره حلوه مثل اي بنت ثانيه فهذا الموضوع اهداء لها ♥♥ ، انا عندي روتين ماشيه عليه بس ابي نتايج افضل وَ افضل فسويت لي جدول ، بسيط بس فعال ، فحبيت اهديه للبنوته هذي ولكل بنت تسعى للجمال وَ البشره الحلوه ، ماعندي مشاكل كثيره ببشرتي ، بس اطمح تكون على اجمل صوره ..

DIY Lip scrub & Lush review مقشر بينكي وَ سويها بنفسك ! #الهام

السلام عليكم وَ رحمه الله وَ بركاته ♥  مين مايشتكي من روج مخطط ومو ثابت او شفايف متشققه بشع شكل الروج عليها او شفايف بدون روج بس جدا باهته وَ متشققه وَ ناشفه .. انا من النوع الي شفايفي تعاني كثييير من الجفاف ومن وانا صغيره اعاني من المشكله هذي ومدمنه عَ تقطيع الشفايف باسناني ههههههههه ، بس العاده خفت تدريجي بس للان مستمره فيها وخاصه اذا صرت فاضيه امارسها :$♥ عشان كذا احرص دايما تكون شفايفي خاليه من التشقق عشان ماتعبث فيها ، احط مرطبات كثير كثير بس ماينفع ترطيب ع شفايف ناشفه او طبقه جلد ميت .. نفس حاله ترطيب البشره وسطحها جلد ميت ، كانك يابو زيد ماغزيت ! عشان كذا صرت اقشرها من وقت للثاني ، انا طبعي كسول احب الشي الجاهز قدامي ماحب اجلس اسوي خلطات واحوس ، عشان كذا اعتمدت مقشر لوش ♥♥ .. جربته وَ صار من منتجاتي المفضله الي اعشقها وَ اعشق ريحتها ! ريحه علك وَ طعم يمي *يس ينفع تلحسونه p:* مقشر لوش له نكهات ثانيه بس انا حبيت هذا ولونه بينك فخلاص ادماان ♥ .. مايسوي المعجزات طبعا بس يشيل الجلد الميت ، ماراح يفوتك شي لو ماشريتيه بس حلو كشي جاهز وَ شكله كيوت ..

MINI HAUL ♥ مشترياتي من ماك ، بينفيت ، سنتربوينت وَ غيره ! وَ محل جديد تعرفو عليه اكثر ♥

السلام عليكم وَ رحمه الله وَ بركاته ♥ يالله كيف المطر يجيب السعااااده وَ الابتساممه ، اعششق المطر عندي اي شي سعيد اربطه بالمطر وَ الخيير ، الحمدالله يارب ♥♥ كنت بسوي تدوينه العنايه باليد وَ مجهزه اغراضها بس مامدا الوقت وَ اشتريت منتجات جديده ودي اضيفها لروتيني فاذا ربي سهل وَ شفت نتايج بعطيكم الطريقه النهائيه ، انا ع وعدي حتى لو اتأخر تحملوني :$ اليوم بوستنا قسم قورجستا ، صح دخلنا بالاحد بس انا يومي مايبدا الا اذا صحيت من النوم ههههههههه ، فكرت اوريكم اخر مشترياتي وَ انطباعاتي الاوليه عنها .. ماسميها ريفيوز ابدا لان ماعطيتها حقها بالتجربه بس اجربهم وَ اقتنع فيهم اسوي لهم ريفيوز الحين بس عرض مشتريات + انطباع اولي ، بعضها جديد وَ بعضها قديم بس بالنسبه لي دام ماستخدمتها الا مره فتعتبر جديده :$♥ طبعا سلكو للتصوير اسرع شي بالحياه ههههه

مجموعتي السوب قلوريه + قيف اواي حمااااسي ♥♥♥ *اانتهت المسابقه*

السلام عليكم وَ رحمه وَ بركاته ♥، قبل فتره تكرمت علينا صيدليه بوتس وَ جابت ماركه سوب أند قلوري الي أعشقها
وللان مدري ليه كانو مانعينها ! يقولون عشان الصور ماحسه سبب مقنع ، بس ماعلينا اهم شي جابوها وَ رضينا p:

وماااشااء الله ماجلست يوم والا كل الارفف فااضيه ، وَ كثاار بنوتات يسألوني ايش ناخذ من الماركه وايش وايش ،
فان شاء الله هالتدوينه بتكون مفيده لكم ، تأخرت بالتدوينه اليوم لأن حضرتي اخذت دوش محترم ههههههه ، جربت كل منتجات سوب اند قلوري عشان انقلكم التجربه بشفافيه وواقعيه اكثر p: بصراحه أكثر شي يجذبني للماركه هذي الباكنجق اعششق البينك ودرجاته :( وَ حلو تدلع نفسك من وقت للثاني ♥♥♥!

البوست طويل حبتين + الي بيكمله كله في مفاجأه بالأخير :$

كل شي عن العنايه بالبشره + ريفيو عن مجموعتي من كلينك ♥

،

السلام عليكم وَ رحمه الله وَ بركاته

هالموضوع كثيير انطلب مني وماحبيت أتكلم الا لما أخلص من تجربه المجموعه من كلينك

بس أول شي بنتكلم عن البششره وأهم النقاط الي لازم ننتبه لها ..

اذا بشرتك تقشر بس تحطين فاونديشن

اذا بشرتك تطلع فيها حبوب ومو عارفه كيف تتحكمين فيها

اذا بشرتك دهنيه كثييير وتخرب شكلك بالميك اب !

كثير مشاكل بالبشره حلها بروتين بسسيط نتبعه وَ خلصنا !

أول وأهم شي لازم نعرف نوع البشرات عشان نختار المجموعه المناسبه لها وَ نحصل على أفضل نتيجه

كثااار تكلمو عن هالنقاط وَ برجع أتكلم عنها ، لازم لازم نكون عارفين نوع بشرتنا

لأنه يحدد المنتجات الي راح نستخدمها وَ حتى الميك اب ♥ !

حتى نحدد نوع البشره ، اول مانصحا من النوم قبل لانغسل حتى تكون البشره ع طبيعتها

ويكون أفضل وقت لتحديد نوع البشره ..

البشره العاديه :

بشره من اسمها عاديه مسامتها اما صغيره او متوسطه ، مافيها دهون او جفاف كثير

هي من البشرات الي مرتاحه بحياتها p:

يجيها من فتره للثانيه مثل الحبوب الخفيفه بس تروح مع الروتين

البشره الجافه :

اذا حسيتي بشرتك مشدوده وَ متقشره بشكل خفيف ، ومافيها دهون يعني بشرتك جافه

مشكله هالبشره التجاعيد تبين فيها اسرع من الباقي بس الحلو مافيها حبوب او اي شي

البشره الدهنيه :

هي البشره الي تلمع من افرازات الدهن وخاصه الجبهه والذقن ، تكثر فيها الحبوب اكثر من غيرها

فيها مسامات وسيعه من جهه الخدود ورؤوس سودا ع الانف ، اصعب بالاهتمام بس الحلو مافيه تجاعيد كثيره p:

البشره المختلطه - بشرتي - :

هي مختلطه اما بين الجاف والدهنيه او العكس

التي زون هي منطقه الجبهه + الانف + الذقن مثل الصوره :

اما تكون المنطقه دهنيه وباقي الوجه جاف او العكس ..

هذي هي البشره المختلطه ، والاهتمام مضاعف لان نبي نوحد المنطقه ونخليها

كلها نفس التون او النوع ..

البشره الحساسه :

هي البشره الي تتحسس من اي شي او اي منتج ع طول تصير حمرا

وتطلع حبوب او تتحسس حتى من تغييرات الجو ، صعبه هالبشره : (

بس في منتجات خاصه لها ..

بعد ماحددنا نوع بشراتنا وَ ضروري تعرفون نوع بشرتكم ..

بتكلم عن شوي نصائح لاشياء الي لازم تسونها أو لازم تبتعدون عنها !

لازم تسوون :

١. لازم يكون عندكم روتين بشره ( غسول - تونر او تونيك - مرطب ).

٢. لازم لازم الروتين مرتين باليوم اول ماتصحون وقبل لاتنامون.

٣. لاااازم تغسلون الميك اب ولاتنامون فيه اببد هذا ابشع شي تسونه لبشراتكم

صح نتاكسل بس الي يبي بشره صحيه يبتعد عن النوم بالميك اب.

٤. لازم نقشر وجهنا مره الى مرتين بالاسبوع مو اكثر.

٥. لازم نستخدم ماسك او قناع للوجه بشكل دوري اما يكون طبيعي نسويه بالبيت او نشتري جاهز.

٦. مووويه ، المويه سر جمال البشره ! لازم نهتم بالداخل مثل مانهتم بالخارج كثرو شرب مويه مو اقل من ٦ كاسات باليوم.

٧. لازم نستخدم واقي من الشمس حتى لو ماراح نطلع من البيت ، مره مهم لحمايه البشره 

حتى لو الجو مغيم او في مطر مايمنع انو في شمس !! مهم الواقي ويفرق بالبشره كثير.

٨. اكيد التغذيه مهمه وَ  الخضار والفواكه بشكل يومي بيبان بالبشرات.

٩. غسل الفرش تبع الميك اب لاتستهينون فيه ، وخاصه فرش الفاونديشن 

غسلوها اقل اقل شي مره بالاسبوع اذا تستخدمونها يوميا ، لان السوائل تجمع البكتيريا وبتكثر الحبوب ببشرتك.

١٠. اخر نقطه يستهينون فيها الناس ، غسل المخدات او الشراشف او البطانيه وغيره .. ترا شي مهم وَ خاصه انو الجسم 

يحتك فيه بشكل مباشر ، وممكن البكتيريا وَ الغبار يتجمع عليه وَ ابدا شي مو حلو للبشرات لازم نهتم بنظافه المكان الي حولنا.

هذي نصائح سريعه بس جدا بتفرق بالبشره ، وَ في كم نقطه يبي لها شرح بشكل دقيق

بخليه للبوستات الجايه افضل ..

لازم مااتسوون p: او تتفادون :

١. اذا طلعت حبه بالوجه خلوها ! صح يدنا تحكنا نشيلها بس بتخلي اثار بالوجه احنا بغنا عنها :( .

٢. لا تلمسون وجهكم كثير الاحتكاك بين اليد والبشره يمكن ينقل جراثيم وبكتيريا.

٣. لاتستخدمون ادوات ماتخصكم ، وخاصه فرش الميك اب :( ابدا مو حلو ترا وينقل الجراثيم للوجه

صح انا واثقه بالي اخذ اشيائي وبنظافته بس مهما كان البشرات تختلف.

٤. لاتنسون الترطيب حتى لو بشراتكم دهنيه في مرطبات مخصصه لها.

٥. لاتنسون الرقبه وَ الصدر من الاهتمام تعتبر جزء من الجسم !

تقريبا هذا الي ببالي حاليا ،

موضوع البشرات عالم كبيير مستحيل نلخصه ببوست واحد ،

وَ أغلب النصائح معروفه بعالم التجميل يعني مو اختراع أو فلسفه ،

في موضوعين لازم تطلون عليهم جدا مفيدات من مدونه جميلتي فوفيتا :

١. 

كيف تعرفي نوع بشرتك - روتين العناية بالبشرة Skincare Routine For Your Skin Type

٢.

أساسيات المكياج: البرايمر وتحضير البشرة للفاونديشن Makeup Basics: How To Prepare Your Face for Makeup

تكلمت عن كل شي كنت بقوله وفرت علي لوول ، شكرا فوفيتا :$♥

بتكلم عن مجموعه كلينك للبشره الدهنيه \ المختلطه

هل تستاهل تشترونها ؟ نفعتني أو لا ؟

*  غضو النظر عن الغسول كان محذوف بسله xp  *

المجموعه هذي للبشره المختلطه اخذتها من باريس قاليري بحدود ال٣٤٠ اذا مو غلطانه لان زماان ماخذتها

تحصلون ماركه كلينك وهي ماركه طبيه بأغلب المحلات : سيفورا \ سنتر بوينت بالرياض قاليري \ فيسيز \ دبنهامز \ فافاوم

المجموعه اسمها 3 steps غسول \ تونر \ مرطب

في كذا نوع لكذا بشره شوفو الرابط هنا♥

http://www.clinique.com/cms/product/franchise/3step_system_detail.tmpl?slide=2

الغسول 

الغسول مناسب لجميع انواع البشره.

الطريقه :

تغسلين بشرتك بالمويه بعدين تحطين من الغسول ضختين بس تفركين الغسول بيدك

حتى يرغي وبعدين وزعيه ع البشره بس لما تغسلون انتبهو لشي مهم

وَ خاصه للبشرات المعرضه للحبوب ،

غسلو وجيهكم برفق لاتفركون كثيير بكذا تهيجون البشره او تخلونها تفرز دهون بشكل اكثر

يعني بحركات دائريه خفيفه لمده ١٥ ثانيه كفااايه وَ بعدين غسلو البشره وَ طبطبو عليها بمناديل

أفضل من الفوطه لان هذيك معرضه للتجمع البكتيريا أكثر

- الغسول مرتين باليوم صباح وليل -

* رأيي :

حسيت الغسول ينظف صح بدون مايجفف البشره أو يترك اثار دهنيه ♥

بعد ماننشف البشره يجي دور التونر

التونر :

للبشره الجافه

للبشره الجافه بعد

المختلطه للجافه

المختلطه للدهنيه - نفس الي عندي -

للبشره الدهنيه

الطريقه :

تحطين بقطنه شوي تونر وَ مسحي بشرتك ، الي لاحظته بالتونر ينظف اكثر من الغسول

وَ خاصه اذا كنت حاطه ميك اب ، وامسحو رقبتكم والاكتاف شوفو البلاوي الي تطلع هههههه

* رأيي :

كثار تحسسو من الغسول ، نفسي اول ماستخدمته شوي قوي

بس تعودت بشرتي عليه ، وَ صرت ماستخدمه كثيير مره كل يومين لان حسيته قوي مثل ماقلت

وَ استخدمه اكثر شي اذا حطيت ميك اب لان ينظف صح

- ذاكرين مرتين باليوم بس ع حسب تعود البشره لو حصل تهيج يكفي مره كل يومين -

بعد التونر يجي دور الترطيب ،

مثل ماقلت حتى لو بشرتك دهنيه تحتاجين مرطب ..

المرطب :

مرطب للبشره الجافه للجافه حيل

مرطب للبشره الدهنيه

لما دورت بموقع كلينك شفتهم مغيرين علب الكريمات

مو حاطين الا هالعلبتين ووحده ثالثه للبشره الجافه

الي اذكره لما كنت ابحث انو في مرطب لونه بينك وثاني اخضر اذا مو غلطانه

والاصفر الي عندي للبشره المختلطه

عَ العموم اقرو من ورا العلبه يكتبون كل شي ،

* رأيي :

المرطب جدا خفيف عَ البشره مايخليها دهنيه وَ لايرطبها بزياده

تمتصه البشره بسرعه ومايترك اثر لمعه عَ البشره

حبيته جدا وَ حلو قبل الميك اب♥♥ .. 

- استخدمه مرتين باليوم بعد التونر -

،

وَ بس هذي مجموعه كلينك للي كان يسأل وَ استخدمتها من قبل للرمضان لقبل شهر تقريبا

خلصت أغلب العلبه وَ رأيي حسب الي شفته :

المجموعه تستاهل ♥ ، بشرتي كانت تتقشر والميك اب يتقطع وَ الحبوب زايده ببشرتي

مع الروتين هذا يوميا ،، بشرتي مع الميك اب صارت اجمل بكثيييير

الحبوب خفت وَ الدهون قلت بس مو بشكل كبير

أنصح بالمجموعه للي حاب يهتم ببشرته

اذا في مشكله ببشرتك مثل اثار حبوب او بشره مو موحده كلون

المجموعه هذي ماراح تفيد ، احسه يفيد كاهتمام بس كحل مشكلات لا !

ماقلل المسامات بس خفف الدهون والحبوب ..

هل برجع اشتريها ؟

لا ، احس في مجموعات كثيييره افضل صح فادتني 

بس في مشاكل ببشرتي فبختار مجموعات تخصها 

بس الي ماعنده مشاكل كبيره ببشرته انصح بالمجموعه هذي جدا 

ان شاء الله أكون أفدتكم وَ غطيت أغلب تساؤولاتكم ♥ ..

لتواصل معي أو استفسارات أو ملاحظات :

| |

الايميل :

gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه

كونو دائما جميلين \ قورجس 

سيفورا \ بيرشكا \ زارا \ اوشيو \ بودي شوب حتى الدانوب له نصيب p; | مشترياتي ♥

,

السلام عليكم وَ رحمه الله وَ بركاته

كنت بنجلط الا شوي من الساعه ١٢ الى ٣ وانا اعدل بالصور !!!!

مادري وش علته الاب كل شوي معلق ، بس قلت ياأنا ياهو اليوم :\

المهم ، كيفكم يَ جميلات ؟

خطرت ببالي "منيره"  كانت دااايم داايم تعلق ع البوستات وكلامها جميل ويجيب السعاده

بس مدري وين اختفت :( يارب تكون بخير وين ماكانت ()

بوست اليوم عن مشترياتي من هنا وهناك ، مو مع بعض بس شي جديد طازه وشي لأ p;

بس يعتبر مشتريات ولا p;

- ماشاء الله -

حابه أبدا بالميك أب  ،

بسم الله علي الله يتمم علي من زماان ماشريت شي بخاطري ههههههههه

اشتري الي أحس محتاجته ، قبل كنت ماروح السوق الا وطالعه بروج او بلشر !

بس حاليا عندي الي مكفيني *تقنع نفسها*

فرشتين جميلات من سيفورا ،

اليمين اسمها miniral powder brush من سيفورا تكلمت عنها بالمفضلات

سعرها بحدود ال١١٠ ريال رقمها ٤٥ 

حلوه لتوزيع الفاونديشن تعطي لوك جمميل جدا معتمدتها من اخذتها 

اليسار فرشاه البروزنر و للكونتور حلوه رقمها ٤٣ وسعرها ب١١٣

أسعار سيفورا جدا حلوه مقارنه بجودتها ، حبيت فرشهم كثير ومتحمسه اجرب شي جديد منهم !

بما انو برايمر العين من اوربن ديكاي خلص فقررت اجرب شي جديد وكان المدح عَ تو فيسد

أخذته من سيفورا ، وظيفته تثبيت الشدو لأطول وقت ممكن

وَ صح وفوق الصحات بعد ! حبيته أكثر من اوربن ديكاي 

اوربن ديكاي حسيته كريمي شوي بعكس تو فيسد ، ومايعطي لون مايل للشفاف أكثر

سعره ب١٥٠ ممكن مو متذكره بس يستاهل كل فلس ، كميه صغيره تكفي وَ يدوم طويل

أوزعه بإصبعي ولا أجمل :*

نجي لبارت الكريمات ! خلصت من المكياج بدا هوس الكريمات ههههه

من اليمين كريم ايفين للبشره الحساسه 

هو مخصص للبشره الي تتعرض للاحمرار او طفح او لجفاف البشره بسبب فرط التنظيف

تو ببدايه تجربتي له فلا أحد يسألني عن شي ههههههه

السعر ب١١٥ ريال من صيدليه وايتس - بنوراما مول

الي جمبه لوشن جلايكولكس بأحماض الفواكه لتقشير البشره

من صيدليه الحبيب - التخصصي ب١٢٠ ريال

الكريم ، كريم جلايكولكس ١٠٪ بأحماض الفواكه

اااااع هالكريم دخت عليه العشر دوخات عشان احصل تركيز ١٥٪

ولااا حصللت رحت لكل صيدليه تتخيلونها ماحصل شيي !

فقلت باخذ ١٠٪ تأثير اقل بس امري لله ، لما رجعت للصيدليات الا ١٠٪ بعد مخلص

ههههههههههههه انقهررت وجلست ادقدق ع الصيدليات لحد ماحصلته بوايتس

الي جمب بندا الي ع الشارع ماعرف اسم الشارع بس فرعهم هذا معروف اتوقع p;

سعره ب١٣٠ ريال

- الكريمات جديده علي فمابي أتكلم عنهم الا لما أخلص منهم عشان أحكم صح :$ -

مسحات ايفين تون من نفس شركه جلايكولكس الي اسمها توبيكس

لتوحيد البشره وَ تنقيتها ، هي عباره عن شرائح قطنيه + محلول + بودره تخلطينهم وَ تمسحين بالقطنه

سعرها ب٢٥٣ ريال ،

الله ينفعني بها عشان امدحها لكم وَ تشترونها هههههههههه

ماخذتها من وايتس - بنوراما مول

وَ تحصولنها بالحبيب بعد وَ أدمه وَ الصيدليات الكبيره : )

الي جمبه من فوق ، قطرات من ايسنس دراي دروب ، هو محلول تنقطونه فوق المناكير

وَ يجففه بسرعه ، جربته مره يمكن ! بس يبيلي اجرب اقين عشان احكم صح ..

سعره رخيصصصصص ب١٣ ريال يمكن :\ !!

الي جمبه من ايسي ، اليسار كيوتكل اويل ، زيت خاص للجلد الي حول الأظفر بالخوخ

مررره حلو ، وً برطبه صح وَ يساعد لو بتتخلصون من الجلد الزايد ينعمها لكم عشان تقصونها

من شريته وَ أنا ماستغني عنه ..

سعره ممكن ١٠٠ وشي ناسيه مره وضيعت الفاتوره :$

الي جمبه 3 way glaze ٣ اشياء بمنتج واحد !

بيس ينحط قبل المناكير عشان مايضر الاضفر

سترينقثر ، يقوي الاظفر اذا انحط بروحه

توب كوت ، ينحط بس المناكير تجف عشان يحمي المناكير ويعطي لمعه حلوه

أحب الاشياء الي أقدر استخدمها أكثر من استخدام *سعاده* :$

نفس الشي ناسيه السعر لان ضيعت الفاتوره :$ بس اكثر من ١٠٠

كلهم من صيدليه وايتس - بنوراما مول

* كل شي من بنوراما ههههههههه أحبه لانه قريب p;*

نروح لبودي شوب

مثل ماقلت قبل زمااان عن بودي شوب ماحبه مره :(

وَ أخر مره رحت له ماحسيت نزلو شي جديد او شي يجذب !!

اكتفيت بعطرين فواحه + عطر زيتي

العطرين واحد بالمسك الابيض ريحته حلوه بس مو الريحه الي أحبها

ماقول شيينه بالعكس ! بس مش مودي ابد مع اني احب المسك بس ماحس هذا مسك صح ههههه

الثاني exotic روائح فواكه واشياء هاديه واستوائيه

حبيته اكثر من المسك ، اسعارهم ب٢٣ للحبه

العطر الزيتي ، amber oud عود العنبر عطر زيتي تركيزه قوي

كان عليه خصم ، حلو كنت احسبه بيكون بديل للمسك الي خلص من عبدالصمد القرشي

بس هيهاااات هههههههههه

حبيته بالمحل وبس رجعت البيت موو مرره !!! ممكن لما اتبخر واحطه

بعيش الجو وَ أحبه p; سعره ١٨ ريال

بودي شوب بكل مكان مايحتاج اقولكم p;

اوشيو *قلوب*

أميره هذي الصوره اهداء لك انتي واريج احلى من الكليراسونيك صح ههههههههههه

هالشنطتين الكيوتات عليهم خصم من اوشيو وطبعا قورجس ماصدقت خبر

داخله عشان بجايم وَ اخذت هذول عادي عادي جدا يستاهلووون :**

الصغيره للميك اب وخاصه لمااسافر او باخذ ميك اب كثير ماعندي شنط بالحجم هذا

*نصابه عندها بس ماقدرت تقاوم الميني ماوس :( *

سعرها ٩٩ وبعد الخصم ٤٩ بسس !

الهيلو كيتي تجنننن اعششقهااا ياااناااس :"(

شوي كبيره تجنن للسفر تشيل اشياء كثيره *كل شي للسفر وهي قاعده بمكانها*

وفيها من داخل اماكن تخزين فمره بتنفع :*

سعرها ب٦٩ مادري كم قبل ، من اوشيو الرياض قاليري وفي ببنورما

وَ أتوقع للان تنزيلات فلحقو لو حابين :$

ستيتمنت نيكلس من زارا

ماعرفت اصوره ههههههههههههه

حلو صاير سلسلاين فوق بعض سعره بعد الخصم ٤٩ ريال

وفي هيد باند جلد بعد من زارا اخذته ب ١٩ ريال بس p;

* تخيلو صوره هيد باند فيه ستدز ذهبين ناعمين وكشخه*

الششوووززززات !!

أنا وحده أعششق الهاي هيلز وخااااصه البمبز او الي مرتفع من قدام

ماحب الواطي او الي له بوز مو حلو علي احس :|

كل شوزاتي بمبز ههههههه :(

مايعجبني اي شوز واحب المرتفع مرره 

ابدا جدتي الله يخليها لي ماتهاوشني :$ بس مره صارت سالفه

بس مابي اكرهكم بالهاي هيلز :|

الي يبي يقرا يضلل الكلام والي ينقرف بسرعه لايقرا :

* مره كنت رايحه زواج انا وامي وصديقتي وبس وصلنا باب القاعه

السايق قرب للباب عشان ننزل والبوابه مرتفعه على هضبه

عشان السيارات تصعد لها مثل نظام الفنادق

المهم نزلنا وسمعنا صراااااخ

انا مانتبهت بس امي راحت تشوف ،

ولما رجعت ادور امي ولا اشوف الناس متجمعه وَ تصيح

انا شفت حرمه منسدحه ودم

وخفت مارحت ، شويات الا وامي جايه ومنقلب وجهها

تقول الحرمه لابسه كعب وتصعد الهضبه هذي ماجت من الدرج !

كانت تمشي ع العشب فلفت رجلها وانكسرت والعظام طلع من الجلد

امي تقول اشوف العظام قدامي وجلست تقرا ع الحرمه ماتدري شتسوي لحد ماجو اهلها واخذوها *

بعدها حرررمت البس كعب واخااف اذا مشيت مع اني متعوده بس اخاف تلف رجل :|

البسه اكثر شي بالبيت او بارض مستويه مو اماكن عامه نوو وااي :|

الحمدالله الذي عافانا والله يشفيها المسكينه

- نعود لمحور حديثنا ههههههه -

الشوزات بس شفتههم اخذو ئلبي ، بما انو مو كل شي يعجبني

فماصدقت واخذتهم اثنينتهم :|

حبيت التفاصيل الي عَ الكعب ، وَ خامته شامواه

أحب الشامواه ع فكره وعادي البسه طول السنه :(

من بيرشكا سعره ب١٩٩ ريال اذا موب غلطانه :$

الجميل الأسود بعد من بيرشكا ونفس السعر ،

ماعندي اسود ساده وَ أحسه يمشي مع كللل شي ..

عندي واحد وانكرف لحد مامات الله يرحمه وَ عقبال هذا ان شاء الله

بما انو بمود الشوزات بوريكم my new love 

شوزي الرياضي لاني اعششق الرياضه *من جمبها*

HOW PRETTY !!  

كان فيه بنك وبنفسجي بس مو مخصصين للرياضه

هذا مخصص للرياضه مثل الايروبكس وَ غيره 

وفي مخصص للمشي والجري يكون خفييف 

أنا قلت للي يبيع وَ عطاني هذا قال انسب شي

* تذكرت موضوعي مع البياعات ههههههههه الله يخلف *

من اديداس عليهم خصم كان ب٤٩٠ تقريبا 

صار ب٣٦٠ ريال بس !!

مرريح وأحس سهل علي رياضتي ،

من اديداس - بنوراما مول

هههههههههه المفروض اسميه قورجس مول p:

كم شي كيوتي ، مو شرط تكونين ست بيت مثلي عشان تشترين هالاشياء اشكالهم تشفع لهم p;

كيوووووت T____T

الدجاجتين عباره عن صحنين للبيض ، اذا طبختي البيض رزيه بالصحن هههههه

لهم اسم بس نسيت :|

من الدانوب الحبه ب١٥ ريال ممكن !

السمكه الظريفه

اذا عندك اعشاب او شي من هذا القبيل

تحطينه بالسمكه وتغطينه بالكوب وبس تخلصين تشيلينه

واستمتعي بأطعم مشروب بدون شوائب 

هو مطاط وَ مخصص للأكل يعني مافي خوف ان شاءالله

سعره ١٠ ريال من الدانوب بعد

تذكرون كوبي البلاستيك الفوشي الي قلدت اميره فيه ؟

جبت له خوات وَ إخوان 

اول ماشفتهم مابي احكي عن شعوري

حاله من الكياته الي ماتحملها ابدا ابداااا

تنحت مدري شأخذ كلهم ابيهم بغا يجيني تهزيئي هههههههههههههه

جد طولت وَ أنا اختار فقال زوجي اخذيهم كلهم وَ فكينا هههههههههه

اول واحد من اليمين مكتوب 

if you obey all the rules you will miss all the fun :p

وعليه صور عطورات كيوته 

ثاني واحد بومه تززننن ،،

والاخير مكتوب I LOVE NERDS هههههههه

ينفعون للمويه ، كوبي القديم ماينزل بيدي دايم اعبيه مويه ويكون حوللي

لان ماخاف يتوسخ او يجيه شي لان غطا وشفاط - مزازه

وينفعون للمشروبات البارده بشكل عام ..

الحبه ب٢٢ ريال من الدانوب طبعا !

ببنورااامااا موووول p;

ختامها الهديه الظريفه من متجر فانيلا

ارسلولي كوبون خصم من متجرهم ، فبس دخلت احترت ايش اخذ !

مااشاء الله كل شي حبيته عندهم  

متجر متنوع وَ مناسب لكل الاذواق وَ غير هذا اسعارهم جدا جدا معقوله مقارنه بغيرهم

اخترت كذا قطعه كتجربه اوليه ، وصلوني بنفس اليوم ماشاء الله سريعين :$

وَ كانو مغلفين بطريقه جميله وَ تضمن لك القطع توصل سليمه ..

أول شي أخذت اكسسوارين منهم

سواره سبايكي سيلفر ، وَ حرفيااا صايره ماتنزل من يدي مرره مريحه وَ تناسب اغلب اللوكات !

والثانيه سواره مع خاتمين ، مرره جميله عَ اليد وَ مميزه حبيتها !!

أخر شي طلبته ،، 

شلون قلبي يطاوعني اكشخ بدون ماأكشخ فوني معي !!

تززنن اودري هوبرن :"")

تعاملهم جددا جميل ، وَ طريقه الطلب سهله جدا جدا جدا

بس تسجلون وَ اختارو القطع وضيفوها لسله الشراء

وَ بعدين روحو لسله الشراء وَ اختارو الدفع وَ بس!!!

وَ الاحلى من كذا انو الدفع يكون عند التسليم ، في اريح ؟

رابط المتجر للي حاب ياخذ فكره

http://vanillaeshop.com

وَ مره شكرا لهم ()

وَ بس هذي مشترياتي ، باقي ملابس بس أبدا ماعرفت أصورها

متى اجيب منيكان بس :"( !

* اللهم بارك لي فيما رزقتني *

وَ الحمدالله

لتواصل معي أو استفسارات أو ملاحظات :

| |

الايميل :

gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه

كونو دائما جميلين \ قورجس