السلام عليكم وَ رحمه الله وَ بركاته ♥، بموضوع غيمه تسعه الي فات تكلمت عن الثقه وَ اسباب السعاده .. وَ قلت انو اهم اسباب السعاده الثقه بالنفس .. ( شوفو البوست
هنا ) وَ بالنسبه لي ثاني أهم اسباب السعاده هي الاشياء الصغيره بحياتنا ، الاشياء الي مانعطي لها بال او مهمشينها ، بالنسبه لي هي الي تدفعنا كل كل يوم للسعاده وَ الابتسامه ، مثل دايما اول ماصحى اول شي اسويه اشيك ع حساباتي
"تويتر + مدونه + انستقرام + ايميل + اسك" بس اشوف كلامكم انبسط انبسط وَ احس اقدر ابدا يومي بتفاؤول
♥♥♥ ، كثيير يقولون لي وَ خاصه من اهلي ايش مستفيده من المدونه ؟ تعب عَ الفاضي مافي مردود ، مافي وظيفه مافي دخل منها ، اجابتي بسيطه جدا! انا جالسه اسوي شي احبه ، جالسه اكون "
سعيده" ، اقدر اقول انو هالايام من اجمل ايام حياتي ؟ لاني امارس هوايه لي كنت احلم فيها من سنييين وَ ماتتخيلون قد ايش كنت ابي اسوي كذا من زمان ، بس كل مره صديقاتي يقولون لي سخافه ، اف فضاوه ، طيب عالم النت عالم وهمي اش استفدتي تتعاملين مع ناس ماتعرفينهم ؟ بس تطلعين من النت بتنصدمين بالواقع !
تدرون ايش سويت ؟ سويت ديليت لكل شخص سلبي ، شخص محبط بحياتي ماصرت اتعامل معاهم الا نادرا ، وَ حققت حلمي وَ مكمله بتحقيقه وَ عندي طاااقه وَ بوصل للي ابيه ان شاء الله
♥، اول مابديت بالمدونه ، كثاار يسألون شسمك ؟ من وين ؟ ايش جنسيتك ؟ ماكنت اجاوب ماكنت ابي احد يعرفني حتى مايبدا التحبيط هههههههههه بس لما وصلت للمرحله هذي اقدر اقول بكل فخر اسمي شيماء نواف وَ من الكويت وَ تو من فتره عشت بالرياض الجميله الي حبيتها وَ حبيت أهلها وَ كل شي فيها اعتبرها بلدي مناصفه وَ بنفس مرتبه الكويت ، كثار يقولون لي ماراح تتحملين راح ترجعين للكويت ، مانكر جتني لحظات ضعف ليش ؟ لان صرت اشوف صديقاتي واشوف حياتههم كانت تختلف عني وََ عن وضعي وبدت مرحله المقارنه "
الي تكلمت عنها بالبوست الي فات" بعدين وقفت مع نفسي ، شفت ايش في مميزات هنا بالرياض ؟ ايش التغيرات للاحسن الي صارت بحياتي هنا ؟ وَ جد في اشياء وَ تفاصيل تافهه ماكنت منتبهه لها بس هي الي عطتني امل وَ دافع كبير لان احب حياتي وَ احب نفسي
♥، وَ سبحان الله صرت اشوف صديقاتي وَ اشوف انا شنو عندي وَ ماعندهم هم ! صرت اشوف حياتي افضل افضل بكثيير وَ اشوف تفاصيل صغيره بحياتي ماكنت اشوفها قبل ،
التفاصيل الصغيره هي الي تسعدنا ..
