شعرك مايمسك اللفه وعلى طول يخرب؟ الحل عندي | #قورجس_تيبس

السلام عليكم ورحمه الله وبركاته ♡ 

 

رجعت لكم ببوست جديد من سلسله #قورجس_تيبس

فكره السلسله للي مو عارف هي بوستات قصيره لتجارب لي نفعت معاي وحبيتها .. ماحطيتها بالانستقرام لان ابي احفظها وماتضيع للمستقبل ..

انا شعري زمان اسويه ويفي ويطلع مرتب لليوم الثاني ، اول تدوينه لي كانت عن الشعر الويفي قبل سنتين ونص هههه ، من كثر مو مبسوطه اني ضبطت الويفي قلت لازم اشاركم فيه

بس طريقتي تغيرت اكيد مع الوقت وماصرت استخدم الرغوه لان مايعطي لفات طبيعيه وبنفس الوقت شعري ابد مايثبت يعني اسويه واطلع للمناسبه الا اللفات متفككه ومتبهذله ، فحصلت الحل!

انا شعري من النوع الناعم بس مموج وفيه نفشه فضروري استشوره قبل .. اذا انتي من نفس نوع شعري احرصي لما تستشورينه لاتفردينه حييل مجرد تنعيم بسيط ، واستخدمي سبراي واقي من الحراره قبل انا اخذ من صيدليه بوتس ومره ممتاز .. قسمي شعرك اقسام لما تستخدمين الفير .. لاتكون الخصله كبيره ولاصغيره حيل .. واهم نصيحه استخدمي سبراي شعر قبل ماتسوين ويفي .. يعني لما تقسمين الخصله وتبين تلفينها بخي عليها من السبراي المثبت ولفيها ع طول بس لاتكثرين سبراي .. بعد اللفه امسكي الشعره بيدك وبخي شي بسسيط من السبراي عليها وبعدين فكيها ..

بكذا اضمن لك شعر ويفي مرتب لثاني يوم ان شاءلله :)

بالنسبه لجهازي الي استخدمه هو جوسي ابيير او خوسيه ابيير الي هو .. اخذته قبل ٣ سنين وحاليا ينباع باغلب المولات بالرياض .. المقاس الي عندي وسط ممتاز جدا للويفي والكيرلي انصح فيه اكييد .. اما السبراي ماركه اندولا اخذته من نزيه ميزته تثبيت قوي بس مايخلي الشعر ميبس او خشبي حابته جدا :)

ان شاءالله البوست يكون مفيد واشوفكم ببوستات ثانيه

قورجس ♡ 

Shower, after shower & night routine | روتيني بالشور ومابعد الشور والعنايه الليليه.

,

السلام عليكم وَ رحمه الله وَ بركاته ♥♥♥ ، بوست اليوم عن الشور ومابعد الشور النسخه الشتويه ، تكلمت قبل عن هالموضوع هنا:

http://igorgeousta.blogspot.com/2012/12/my-after-shower-routine.html

وهنا

http://igorgeousta.blogspot.com/2012/09/blog-post_18.html

كثير منتجات تغيرت وأضفت أشياء جديده ، وأفضل شي صار الروتين أرتب وماياخذ وقت ، أحب نفس هالمواضيع واتحمس اشوفها باليوتيوب ، احب اشوف الناس شنو تستخدم ممكن اتعرف ع منتجات جديده وَ طرق جديده ، الفرق بالطريقه هذي انو اعتمادي ع الترطيب بشكل أكبر بما إنو الأغلب بشرته تجف مع البرد ، ان شاء الله تستمتعون وَ تستفيدون من البوست Lets get started !

مراجعه مجموعه المكديميا ، تستاهل ولا اشيل فلوسي لمنتجات افضل ؟ تجربتي + رأيي

السلام عليكم وَ رحمه الله وَ بركاته ♥♥، مدري ليه بكل بوست اقول اشتقت وماراح اغيب مره ثانيه وماتوب ههههههههه ، ابدا ابدا ماطفشت من التدوين في احد يطفش ياخذ جرعات حُب! بالعكس بس مرات الظروف اقوى مني ، ببالي دايما مدونتي ومتابعاتها الجميلات ومستحيل اتخلى عن حلمي :$ الا اذا طفشتو مني هذا شي ثاني p: 

موضوعنا اليوم احس مره مهم ، لان اخذ ضجه كبيره كبيره ، اغلب البلوقرز وحتى البيوتي قوروز باليوتيوب اجانب او عرب تكلمو عنها .. عشان كذا حبيت اكتب هالموضوع اقطع الشك باليقين ههههه ، تجربتي للمجوعه اكثر من سنه وماغيرتها ابدا يعني بتكون تجربه حقيقه ان شاء الله ..

ريحتك جميله وَ ريحه نظافه ♥♥ طريقتي بتعطير جسمي وَ شعري مع عبدالصمد القرشي ♥♥

السلام عليكم وَ رحمه الله وَ بركاته ♥♥ مين منا ماتبي تكون ريحتها جميله! يمكن الكثير مايهتم بالشي هذا بس عن نفسي مرره الاحظ روائح الاخرين هههه ، استغرب لما أسلم ع أحد وأشم ريحه استشوار او ريحه عاديه والادهى والامر لما أشم ريحه مو زينه ابد :( يمكن تشوفين البنت وخاصه بالزواجات بأجمل حلتها ولبسها وَ ميك اب وكل شي وريحتها جميله بس لما تسلمين تشمين ريحه شعرر واستشوار ، أبدا شي مو حلو! عن نفسي اعشق اعشق المسك وخاصه بتعطير الشعر وَ مايقل أهميه عن تعطير اللبس والتعطير الشخصي ، اليوم بتكلم عن مجموعتي من مسك عبدالصمد القرشي وَ طريقتي بتعطير الشعر والملابس ان شاء الله.

سلسله باي باي صالون ، استشوري شعرك بشكل بروفشنال ♥ blow-dry ur hair like a pro

السلام عليكم وَ رحمه الله وَ بركاته ♥ ، في سلسله من زماان كنت حابه ابدا فيها وقلت الحين الوقت المناسب ، تقريبا من سكنت هنا رحت لكذا صالون او مشاغل من اردى شي لافخم شي وَ الي لاحظته انو كل اسعارهم غاليه مقارنه بالشغل العادي جدا ، ماقدر اقول اني فريت كل الصوالين صراحه بس رحت الي اكثر شي معروفه ، ماحسيت بشي يرضيني او حسيت انو شي متعوب عليه بجد ! سويت ويفي ب٣٥٠ ريال ،، شعر ياااابس ومسوين بف واصل للسما خير ان شاء الله ؟ وانا اصلا سويته لمناسبه صغيره وحرصت عليهم كثييير وعادي مستمرين بالجل والسبراي غرقوني ههههه ، رحت لواحد ثاني وطلبت منهم ويفي وحرصت انو لمناسبه عاديه ومن كثر ماكان شغلهم ناعم اول ماطلعت من المشغل طاح الويفي وتفكك ههههههه ، مارتحت ولا اظن بلقى شي يناسب الي متعوده عليه ، فقلت ليه مابدا اعتمد ع نفسي وصارلي سنه عن المشاغل وَ حوستها كل شي اسويه بالبيت بدون صرف فلوس واهم شي اهم شي راحه البال ، ومين راح يعرف لنفسك غيرك انتي ؟ عشان كذا حبيت ابدا السلسله هذي الي طفش من الصوالين والانتظار ودفع الفلوس من غير شي يستاهل بالمقابل بيحصلون كل الاجابات بالسلسله هذي ان شاء الله ، بس بالبدايه حابه اوضح نقطه .. اذا انتي مو متعوده تسوين شغلك بنفسك اول عشر مرات ماراح تعجبك النتيجه بس بعدين بتعرفين لنفسك وتصيرين احسن من المشاغل ان شاء الله ، عن نفسي صرت اتقن كثيير شغلات وكل مره اتحسن فيها واهم شي اذا جت مناسبه فجأه ماشيل هم واتنح وادور مشغل يستقبلني صرت اعتمد ع نفسي الحمدالله ♥♥ ، وَ اغلب الاشياء الي ممكن تسوينها بنفسك بحر كبيييير .. يعني طريقتي هذي صح حلوه وَ عمليه بس ممكن لو حصلت طرق افضل راح اطور من نفسي ، عشان كذا انا ممكن اعطيكم البدايه بعدين انتو انطلقو كل وحده تشوف الي يناسبها وتبحث عن اشياء ماشيه مع نوع بشرتها وَ شعرها وبالنهايه كلنا راح نستفيد ان شاء الله ، خلصت قرقر يلا نبدا بالطريقه ..

شعرك دهني ؟ بقولك سري للتخلص من الدهون بثواني ! بس لاتعلمين احد :$

-

السلام عليكم يَ جميلاتي  

هالموضوع اهداء للحلوات الي صاحيات ينتظروني ولا النايمات مالهم شي < كن احد درا عنك :$

المهم ، اليوم صحيت متأخر شوي من النوم ، ( الي يحبني يدعيلي انو اعدل نومي :"") )

يادوب سويت روتيني وخرابيطي وتغديت فجأه فجأه انعزمنا ، 

اكره العزايم الفجأه بس مرات لها طعم ولما احط ميك اب سريع يطلع احلى من الي اتعب عليه < في احد ملاحظ ولا بس انا < ياكثر قرقتي

الي متابعني كويس كويس يعرف انو شعري دهني واخر مره لما اخذت شور ماستخدمت شامبو فيشي الي جد احسه كنز !! لانو يتحكم بدهون الشعر فثاني يوم ع طول ماكأني غسلت شعري وبدا يدهن كني سيلانيه "مع احترامي لاخواني بالسيلان بس محد ينكر حبهم للدهن :$" المهم مافي مجال اخذ شور لان مستحيل وحطو تحتها مليون خط اني اخذ شور باقل من نص ساعه ماعرف مستحيل عشان كذا اكره العزايم الفجأه محد يراعي برودي واحتاج وقت عشان اتضبط :$

فكان الحل السحري الي مخترعه يبيله حبه راس < يارب تكون حرمه < تبطين 

الاختراع العجيب ينفع للي عندهم دوامات وشعورهم تبهذلهم !! معروف اصلا الي ياخذ شور يومي يقطع الشعر ! ومعروف بعد انو الدهون الي تفرزها الفروه مفيده للشعر جدا جدا واسألو اي خبير ، فاخذو يومين لاتطلعون فيها وخلو شعوركم تدهن ونعم للتعفين بس لحد يشوفكم كذا وتقولون لا قورجيس قالت مابي استأثم باحد لو سمحتو :$

لحد يدقق عَ التصوير لانو من الايفون :$

اسمه ال Dry shampoo اي الشامبو الناشف ! شامبو ينظف فروه الراس كانك تو ماخذ شور ! جد ماستهبل هههههههههه انا اول ماسمعت فيه قلت مستحيل وين يروح الدهن ! بس فيه ماده تمتص الدهون كلهااا وتعطي الشعر فوليوم جممميل ، تحسين فريش ومافي حتى ريحه دهن ! استخدمته اليوم الظهر وللان مارجع الدهن :$

شريته لما كان عندنا مناسبات ورا بعض وتعيجزت صراحه كل يوم بسوي شعري وخاصه ياخذ وقت طويل ومن ثاني يوم يبدا يدهن يبهذلني وجربته وضبط :$ بس امانه ماستخدمه الا لما احتاج يعني مو كل مره استخدمه ، صارلي ٥ شهور مشتريته واستخدامي له ماتعدا ال٥ مرات ، صح فعااال وصح مايضر الراس وبالعكس عاادي ،، بس انا احب اغسل شعري احس افضل فمخليته اخر حل .. لازم يكون عندي خطه بديله جاهزه دايما :$

طيب كيف نستخدمه ؟ 

الدهون عاده تتركز بالفروه من قدام و قريب من الرقبه من ورا ، انتو شوفو المكان الي تحسونه دهني و قربو العلبه تقريبا ٣٠ سانتي بعيد عن الفروه ورشوه .. الي استخدمه فيه ماده بيضا ماكان موجود غيرها يوم شريتها بس سمعت انو نزلو غيرها بدون لون فتأكدو !

الماده البيضا عااادي تروح ! لما تبخون مسجو فروه الراس "نفس المكان الي بخيتوه" وبعدين مشطوه ويختفي كل شي ابيض :)

مرره سهل ويفك ازمات وينفع للي يداومون وبشده !

اماكن الشراء : صيدليه بوتس 

المكان : العثيم مول الربوه - صحارى مول - الخيمه مول بخريص 

السعر : قلت قبل ٥ شهور ماخذته ماذكر الصراحه بس ماكان غالي اببد اقل من ٤٠ ريال اتوقع.

في منه انواع كثيره الي اخذته : كول اند كريسب

اسم المنتج : Batiste Dry Shampoo

نقدر نستخدمه يوميا ؟ عن نفسي ماحبذ بس حاولت ادور بالنت لو مضر ماشفت شي :(

بس الافضل تستخدمونه بين الغسلات يعني لو تغسلون شعركم كل ثلاث ايام تستخدمينه :)

سمعت انو بودره الاطفال آو البيكنج باودر ممكن تكون بديل ! بس ماجربت :(؟

ان شاء الله استفدتو وغطيت ع كل الاسئله اشوفكم ببوستات احلى ان شاء الله :$

أي إقتراحات أو طلبات 

عَ التويتر:

https://twitter.com/Gorgeous_blog

أو الأسك:

http://www.formspring.me/GorgeoustaBlog

كونو جميلين دائما  / قورجيس ××

أحبكم :$ ()

Big easy curly hair ♥ درس كيرلي هير بشكل بسييط :$ وَ ريفيو هديه !

-

السلآم عليكم وَ رحمه الله وَ بركاته ()

أول تدوينه في عالمي الجممميل :$ ♥ ، عانيت كثيييييير عشان هالشي يطلع للنور :/
نسيت كيف أصمم ، أنسق كلام ، أصور كل شي :/ بس إن شاء الله خطوه خطوه القادم بيطلع أجمل ()

أنا شخصه بيني وبين شعري عداوه ، مَ أعرف له , أتفنن بكل شي من لبس ومن مكياج والشعر أخر اهتمامي :$
اذا بكشخ أروح لصالون أريح مخي ، بس بدو الصالونات تستهبل فوق راسي !
أجل ويفي ب350 ريال ! المشكله يحطون بف واصل للسما وشعر مثل الجبص : /
فقلت : محد يحك جلدك مثل أظفرك وَ شمرت عن سواعدي واتجهت لقوقل + اليوتيوب

كنت أبي فير بمواصفات جيده + سهل الإستخدام + سعر مناسب.
طحت بالجميل هذا ، الي أقدر أسميه كنززززز ..! شريته من 9 شهور وَ تو أستخدمته :$
يمكن لأني عجااازه أو كنت خايفه من التجربه ، بس كنت أناقش صديقتي وَ قالت لي عن طريقتها بالفير

تقول : "أول مَ أخلص شور أنشف شعري وَ أخلي فيه شووي مويه وَ أبدا أجزأه وَ أسويه بالفير "..
جربت الطريقه طلع كشه طبيعيه :/ مممٌ حلو بس مو مرتب أبببد.

شعري طبيعته ناعم في نفشه بسيطه وويفي بنفس الوقت ، بس من فتره طحت بطريقه واااو ♥ 
مثل مَ أبي وَ أجممممل ، لدرجه قامو يسألوني أي صالون مسويه ؟ هههههههههههههههههه يدرون إنو مالي بالشغلات هذي :$ !

* نبدا مع ريفيو مبسط:

الفير المستخدم: جوسي أبيير مقاس 19 ♥ ،
 ليش إخترت هالمقاس ؟ ببساطه ينفع للويفي وَ الكيرلي! وَ مخططه ع المقاس الأكبر اذا ربي سهل , حرارته عاااااليه فيجي معاه قلوفز هذا اذا ضيعتيه انسي تقدرين تسوين شعرك ماراح تتحملين الحراره ،
ماله مساكه مدري شيسمونها ! بس الي تسكر ع الشعر نفس الفيرات المعتاده ، وزنه خفيف والمقبض بلاستيك ، الحراره بس وحده ماتقدرين تغيرينها ، يقولون غير مضر للشعر لأنو عليه طبقه ،
سهل الاستخدام وَ ماا يطول الشعر وانتي تسوينه ، أنا شعري طووووووويل أخلصه بساعه الا ربع -أقصد بطويل الى أخر الظهر- اللون الي مختارته بنك وَ في ألون كثييييره.

* طريقه الاستخدام:

أول شي نحتاج لرغوه شعر (أستخدم new wave ماركه ويلا)
مثبت شعر (سبراي من لوريال )
مشابك شعر
القلوفز (يجي مع الفير)
مشط أكيد

بالبدايه راح نسوي نفس هالصوره :

الدميله لورين ♥ 

أنا أحب شعري يكون مرتب فأول ماأخذ شور أكون عامله حسابي ومسويه ماسك لشعري ،
 أنشفه وَ استشوره ع الخفيف وَ خاصه من فوق ب هالأزرق المملوح *فارسي المغوار*
مانبي الشعر نااااعم بس يكون مرتب ونركز ع الجذور.

الحين نقسم الشعر قسمين ، من فوق الأذن ونجمعهم بكليبس ، ونبدا نشتغل ع اللي تحت ، اذا نبي ويفي نكبر الخصله الي راح ناخذها وعاااااااااادي راح يثبت ويطلع جميل () اذا نبي كيرلي نصغر الخصله ،
نحط رغوه ع الشعر وَ نحط الفير عَ الشعر وبسرعه نسويه بالفير مانبيه ينشف ،

* شلون تسوين الخصله ؟

تبين الشعر بعيد عن الوجه لبرااا مو لداخل ، نمسك الخصله ونحط الفير من وراها ونلف الشعر عليها ، بحط فيديو توضيحي ان شاء الله ، لما نلف الخصله نراعي الخصله تكون كامله تلمس الفير لاتحطون الشعر فوق بعض ، اذا الشعر ماكفا ع الفير كااامل رصووه جمب بعض بس أهم شي  ماينلف فوق بعض ! بس نلفه للنهايه نمسك الفير ونوجهه لتحت مثل اتجاه الشعر ! ان شاء الله مفهوم :$ وننتظر 15 ثانيه الى 20 ثانيه ، حلو لو تجربين خصله قبل عشان تعرفين شعرك كم يبيله حتى يستوي لأنو يختلف من شعر للثاني،
الحين نقطه مهمه اذا خلصتي شلون تفكين الشعر ؟ لاتسحبين الفير لا فكي الشعر واسحبي الفير بشوويش ويكون ع شكل دوائر وامسكيه بيدك شووي لحد مايبرد ورشيه بسبراي.

وَ بس ! الطريقه جددن سهله بس حاولت أشرح التفاااصيل كلهااا :$♥ 
هذي طريقتي الي اعتمدتها ان شاء الله بلا مشاغل بلا هم ، أتمنى كل وحده تحاول تتعلم وَ تعتمد عَ نفسها حتى نكون بأحلى طله دايما ! محد أنولد متعلم ولا أحد يعرف لك الا أنتي.

هذا رابط ممكن يفيدكم:

http://www.youtube.com/watch?v=tYc4lwTvF9U&feature=related

أفكار:

- ممكن نسوي كيرلز عَ أطراف الشعر والباقي ستريت.
- ممكن ننزل راسنا لتحت ونحاول نفرق الشعر بكل خفيف حتى يعطي منظر طبيعي.
- هيد باند بتطلع جمممميله مع هالستايل وومكن نلبس توربان او طوق كيوت.
- نقدر نحط الشعر كله عَ جنب واحد ، يعطي أنووووثه ♥.
- نقدر نسوي بف خفيف أو نلم جزء من الشعر لورا.
هذا ال- ستايل ينفع للجامعه والمدرسه ، سهللل وَ ماياخذ وقت ♥.

ملاحظات:

الفير شريته ب350 اذا موب غلطانه من أزمه تشكيل "معاملتهم جدااا جميله وَ مريحين وَ وصلو الشحنه بوقت قياسي"
مَ أسمح بالنقل خاص بالإقلاع وَ مدونتي
الي عنده إقتراحات أو نقد أو أي شي ، الأسك والتويتر والتعليقات مفتوحه لكم وَ حياكم الله ♥ D=
كونو جميلين / قورجيس ××