صور من عالمي الصغير ، تسريحتي ومكتبي وَ شويه أفكار ♥ My vanity & Disk

،

السلام عليكم وَ رحمه الله وَ بركاته ♥♥♥، هالبوست انطلب مني كثييير ، وَ كل مره بنزله بس أكمل باقي التسريحه ومشت الايام ولاغيرت شي ولازدت شي ، فقلت بشيل التسريحه عن بكره ابيها بس بنزل موضوع تذكاري قبل هههههه :(

سلسله العوده للمدارس ، مدرسه\جامعه جديده وَ كيف اكون صداقات.. حياه جديده وَ أيام جميله ♥

السلام عليكم وَ رحمه الله وَ بركاته ♥ ، يمكن احد يقول شفيها المفهيه حاطه عوده للمدارس + ايام جميله مايجتمعون !!، الا يجتمعون ههههههههه .. جدا جدا استغرب من حلطمه النااااس ماتبي تداوم ، ياليت لو انو العطله مستفيدين منها اصلا عشان مايبون يداومون :( قبل ع ايامي كنت انبسسط اذا قربت المدرسه اجهز ملابس المدرسه كلها واشتري شنط ودفاتر وادلع نفسي حتى استيكرز اشتري ههههههههه ، لحد الثانويه العامه وانا اسطر دفتري وارتبه!

One Gorgeous Year ♥ سنه أولى جميله ~

السلام عليكم وَ رحمه الله وَ بركاته ♥ تتذكروني :$؟ وَ مرت سنه .. من الصبح فاتحه البلوق ابي اكتب ابي اعبر بس هالايام وواضح جدا علي انو قريحتي الكتابيه شبه انعدمت ههههه ، مو لان مليت ابدا لا بس انشغلت وبالي مشغول وظروف كانت اقوى مني! ببالي البلوق دايما وانتو بعد دايما ببالي ، مادري من وين ابدا ! من اول بوست كتبته ع خجل واستيحاء < صح الكلمه :$ ؟ ولا من الفتره الي تركت التدوين فيها وكنت مشتاقه له جدا جدا او من اول كلمات تشجيعيه جتني وردود فعل ابدا ماكنت اتوقعها! او شرايكم اتكلم وين كنت قبل البلوق والعالم هذا ؟! بتكلم بكل اريحيه عشان كذا البوست طويل واقدر اسميه شخصي جدا جدا ♥ ..

لحد يستغفلك ، لحد ياخذ حقك ، لك راي .. بَلغ! #بلاغ_تجاري

السلام عليكم وَ رحمه الله وَ بركاته ، اليوم جدا جدا جدا مبسوطه بمتابعاتي وبصديقاتي البلوقرز جد اثبتو لي ولانفسكم وللناس انو عندنا صوت وَ نقدر نغيير ، كتبت هالبوست بناء ع طلب كم بنت وَ ايضا اجمع الافكار وَ الكلام بمكان واحد وَ اوضح بعض النقاط ، بالبدايه شفت صوره للبلوقر نونيتا انو في منتج من بينفت شرته قبل اسبوع واليوم رفعو سعره بصراحه ماتأكدت بنفسي بس لفتني باحدي الكومنتس عن بنت تكلمت عن برنامج *بلاغ تجاري* حمليه واشتكي ع اي شي شفتيه وبيتحركون! هي جربته وجاب معها نتيجه ، الاسعار من حولنا كل مالها بازدياد شي طبيعي صح ، بس مو الطبيعي انو الازدياد بشكل موسمي وكل مره ازور محل احصل القطعه سعرها يرتفع ويرتفع والسعر الاساسي بالموقع جدا منخفض وسعره بالدول الي برا غير غيير ، فقلت ليه مانزل البرنامج وابلغ عن مخالفه صارت معاي واخلي البنات يبلغون ، كتبت بالانستقرام "أنا اشتريت من ماك بودره وجه فكس بلس قبل ٦ شهور ب١٥٤ وبعدها بشهرين رجعت شريتها رفعو سعرها ل١٦٠!! والي تبيع تقول عادي كل مره يغيرون السعر :/ واحنا ندفع واحنا نضحك لان سوقهم ماشي ، الجشع مستحيل يوصل لهدرجه!! البودره تدرون سعرها كم ؟ بسسس ١٠١ ريال!! الارواج بامريكا سعرها ب٤٠ ريال يعني ارواج ريميل عندنا صارت اغلى من ماك عندهم هههههه ، لازم نوقف هالارتفاع والضحك كل شي بدا يغلا ابتداء من اللبس والاكل والمكياج .. بكره اظن المويه والبنزين بيديلونهم بعد :/ الله يستر .. الخطوات بسسسسسيطه بس نزلو ع جوالكم برنامج اسمه *بلاغ تجاري* موجود بالايفون والاندرويد .. اكتبو المخالفه الي شفتوها بكل مصداقيه ، انا كتبت المخالفه عن ماك .. اخر شي عندكم معلومات عن المبلغ اكتبو اسمكم ورقمكم وايميلكم وارسلو التبليغ .. اذا انتي ماتبين احد يستغلك بلغي الحين ، فلوسنا مو لاقينها بالشارع عشان تدفع مبالغ خياليه لهم :/ واذا ماحسيت في تجاوب من ماك اوعد نفسي ماعاد بشتري منه وبطلب من النت اريح واسهل واوفر فلوسي .. بلغو اذا تبون يكون لكم يد بتغيير البلد للافضل وعلى قد ماندفع ناخذ ، بلغو بلغو بلغو ❤"
في بنات قالو طيب ماراح يسون شي اشتكينا من قبل! وفي بنات تقول عادي يمكن عشان الاجارات مرتفعه اكيد النت ارخص ، الي نشوفه بمحلاتنا وجشع التجار مو شي جديد ، ماركه ماك ع سبيل المثال ماركه متوسطه بس اسعارها تشطح للماركات الهاي اند مثل شانيل وديور وغيرهم ، جودتها مو نفس جوده الماركات الكبيره وبنفس الوقت انا ابي ادفع واخد قد مادفعت ، الاسعار مو قد الجوده ولا قد الخدمه اصلا! غير هذا المحلات الاجنبيه فرق السعر بينا وبينهم كبيييييير! وهم عندهم ضرائب بعد :\ روج بامريكا ١٥ دولار يعني ٥٦ ريال وعندنا ينباع ب٩١ وسمعت انو رفعوه وكل موسم بيرتفع لحد مايوصل ل١٠٢ اظن! لان كثار من البنات يحبون ماك مو معناته استغلال لهدرجه ... انا لما رحت اخر مره اشتري منهم قبل شهرين تقريبا اسأل عن سعر البودره الي كانت معي عطتني سعر وبس وصلت للكاونتر وحاسبت الا سعر ثاني ، قلت لها انو الي باعت لي توها قالت انو البودره ب١٥٦ شلون صارت ب١٦٠؟؟ ردت علي كل مره ماك يغيرون اسعارهم ، لما جيت بطلع اسمعم يقولون تو حاسبت لوحده ب١٥٦ شلون رفعو السعر! شي مو طبيعي الي يصير ، انا اتكلم عن تجربتي مع ماك ولي تجارب مع محلات كثيره وخاصه سلسله الشايع ، مع احترامي لهم استغلال استغلال .. قبل كنا نسكت ونقول اوك مافي ترجيع عادي ناخذ بطاقه امرنا لله ، بس انو يكنسلون البطاقه والترجيع مع بعض ؟؟؟؟ لو في محلات تبديل قلنا مو مشكله بس ليش نتدبس بشي مانبيه مو غصب ! يكرهون الشخص بالتسوق *بيستانسون الرجال* لا يعني مستحيل اكره السوق بس تنحرق اعصابي لا اكثر ولا اقل :$
اول مابديت ابلغ ماتوقعت التجاوب بسسسسسرعه ماشاء الله حسيت الدكتور الربيعه الي ماسك وزاره التجاره الرجل المناسب بالمكان المناسب ، الله يجزاه الف خير ، صح شي يحزن انو ننبسط انو شخص يعطينا حقنا :") بس يارب بدايه خير ويصير مثال يحتذى فيه ، وكل شي بجزاءه عند ربه ، التفاعل كان سريع جدا معاي ، والتبليغ كان اسهل ! لو كل بنت شافت شي غلط وحست باستغلال او استغفال من احد ، مطعم صالون محل ملابس محل اثاث اي اي شي تبلغ لاتسكت ، احنا لانو نسكت الطمع والجشع يزداد ، وزير التجاره عطانا فرصه انو ناخذ حقنا ، حتى لو ماخذناه كامل بس كثر الدق يفك اللحام ، احنا شعب دفيع ومحد ينكر هالشي بس مو معناته استغلال وجشع ، صار الواحد الي يبي يروح السوق يبيله ميزانيه كامله ، احنا نبي نلبس ونكشح ونشتري الي خاطرنا فيه بس بدون مانحس انو فلوسنا تطير ، مادري ايش اقول اكثر بس جد جد قررت عن نفسي اذا ماشفت تغيير ماراح اشتري من هنا ابدا ، كل شي بالنت اوفر واسهل واجمل وارررخص ، الشحن مايكلف ، التكلفه ع الوزن وكثييير مواضيع بالنت كثييييره كثثثثيره دورو وشوفو بنفسكم ترا ماتحتاجون الا فيزا وتفتحون حساب بريد وبس!!! خلو بضاعتهم لهم اذا هم راضين يستغلونا احنا راضين انهم يخسرون ، لو وقفنا وقفه جاده بيكون لنا قرار بالتغيير للافضل ، البعض بيعتبره شي تافهه ، بس المحلات تزيد بكره الاكل بيزيد والبنزين بيزيد ويمكن حتى الهواء بيخلون عليه سعر!! احنا عايشين في مجتمع فلازم نتكاتف وهذا بالاول والاخير بيفيدنا كلنا ماراح يفيد شخص واحد ، خلو كلمتكم انا ادفع احصل نتيجه الي ادفعه ، لا اكثر ولا اقل ، لازم نكون اكثر وعي ، كثار مايعرفون اسعار المنتجات الاصليه  عندكم النت استغلوه وابحثو قبل لاتشترون شي اذا حسيتو في فرق كبير وبين النت خلوه لهم واطلبو من النت وفري فلوسك لشي ثاني ، الي تقول الشحن يكلف ، يمكن يمكن يكلفك بس بالاول والاخير انتي محد لعب عليك ولا احد استغلك انتي تدفعين القيمه الحقيقه للشي وبس! نبدا بتغيير شي بسيط وبكره نبدا التغيرات الكبيره ، كثير بلوقرز تفاعلو معي ومن جد كلنا بنصير يد وحده ويكون لنا صوت ، ومالنا صوت بدون متابعاتنا ،، متحمسين ؟

١) حملو برنامج "بلاغ تجاري" بنفع للجلاكسي والايفون.
٢) اكتبي اسم المحل الي تبين تبلغين عنه.
٣) عنوان المحل بالضبط يعني المنطقه المدينه بالشارع الفلاني رقم المحل وكذا.
٤) نشاط المحل يعني يبيع ايش بالضبط؟
٥) نوع المخالفه هم محددينها اختاري المناسب.
٦) وصف تفاصيل المخالفه.
٧) لو عندك صوره ارفقيها افضل.
٨) معلومات عنك اسمك ورقم الجوال والايميل.
٩) ارسال.

لاتنسين تكتبين بهاشتاق #بلاغ_تجاري بالتويتر عشان يتحمسون البنات ويبلغون مثلك ..

وبس ، راح يتصلون عليك بعدها بدقايق ، التفاعل سريع منهم فرجاء خلو معلوماتكم دقيقه تماما ، ولو عندكم فاتوره او اي اثبات مادي فهذا شي بيساعد كثييييير للاسف الفواتير ماجمعتها فالي عندها الفاتوره ترفقها او اذا دقو وطلبو يشوفونها تحفظها عندها ، كثره الارسال راح يحسون بقيمه المشكله الي احنا فيها وراح يكون في تجاوب ، ساعدو بالي تقدرون عليه اذا ماعندك مخالفه ارسلي الرابط لاحد تعرفينه وساعدي بنشره ، كثير كثيير في تجاوب بالانستقرام والتويتر ومتأمله خير فيكم ياصديقاتي ويارب نقدر نوصل للجرايد ، انا او انتي بروحنا ماراح نسوي شي بس كلنا مع بعض راح نقدر نغيير ، لاتحسين نفسك انك ماقدمتي شي انتي تقدرين تغييرين مساعدتك لنا بتعني الكثيرلحد يستغفلك ، لحد ياخذ حقك ، لك راي .. بَلغ!!

ايش اخذ بشنطه اليد وَ شنطه السفر ، ترتيباتي وَ شويه أفكار ♥ #قورجستا

السلام عليكم ورحمه الله وبركاته ♥♥، اعتذر عن تأخير البوست من أمس اشتغل عليه بس لان الكام جديده جالسه اتعلم عليها وابدا ماتجننت عشان اضبطلي كم صوره :( المهم ! مابقى شي ع العطله وَ السفرات والوناسه ، فحبيت اسوي هالبوست عشان احفزكم تشدون حيلكم وَ تكافحون لاخر يوم دوام ♥♥p; بوست اليوم بيكون عن اهم الاشياء الي اخذها بشنطه اليد + السفر ، طبعا محتويات كل شنطه يد تختلف من بنت للثانيه ، عن نفسي احب اشيل معي كل شي وكل ماكانت الشنطه كبيره كل ماكانت افضل! كل ماذكر شنطنا القديمه وقد ايش كانت نقطه اقول كيف كنا عايشين هههههه ، الي اذكره بالنسبه لشنطي انها بدت تتضخم من اخر سنوات الثانوي لليوم هذا الي وصلت لحد كبير من التضخم هههههههه ، الي بتكلم عنها اليوم بس شنطه اليد للطلعات وَ السفر بشكل عام ♥ ، واكيد تختلف اختلاف تام عن شنط العزايم والسهرات!

اذا كانت حياتك عباره عن كتاب فما هو عنوانه ؟ #تكنوشيك | TedX

السلام عليكم وَ رحمه الله وَ بركاته ♥، تدوينتنا اليوم بقسمي الجميل تكنوشيك ، مثل ماذكرت قبل اذا شفت مقطع يعجبني بحطه هنا ، من المقاطع الي استوقفتني خلال بحثي وَ حوستي باليوتيوب .. مقطع جدا جدا ملهم ، يبين لك انو الدنيا ماتوقف عن حد ، اذا صارت لك نكسه مو معناته توقفين ترجعين اقوى وَ اقوى ، سبحان الله بعض الناس قوتهم تخليك توقف مع نفسك وَ تقول لو انا مكانها بسوي كذا ولا ؟ البعض يستفيد من اي مشكله تواجهه وَ يبني مستقبله ، صح نخطط وَ نخطط لحياتنا بس ماندري بكره ايش يصير ، التكيف صعب بس الاستسلام هو موت بطيئ ، هالبنت اسمها ايمي ، صار لها موقف استفادت منه وَ غيرت حياتها بشكل ماتتصوره ! حلو نشوف نصف الكوب الممتلئ دائما ، احب الناس المهلمه القويه الي ماهمها ايش يصير معها بحياتها لانها بتقدر تقوم مره ثانيه وَ تقول لا أنا اقوى ، من اكثر المقاطع الي الهمتني ، قصتها جميله جدا جدا لاتفوتنها :

نتائج تحدي قورجس للجمال + سواليف وَ مفاجأه ♥

السلام عليكم وَ رحمه الله وَ بركاته ،
احم آدري انو ياقدمي وَ تو الناس :$ بس ماحب أكتب أي شي الا وله مزاج وَ أكون مهتمه له عشان اكتب بذمه وَ ضمير ،
الي متابعني من قبل يعرف انو بديت تحدي قورجس ٣٠ يوم من الجمال ، و وعدتكم أرجع بالنتايج ، طبعا التحدي خلص من زمااان بس تو اروق أكتب عنه ، بالبدايه ماتوقعت انو بيكون بالصعوبه هذي ! لسبب واحد بحياتي ماخلصت شي ههههههه دايما ابدا واوقف بس الحمدالله من بعد البلوق صرت اكثر جديه بقراراتي واكملها للأخر.

الهدف أنزل ٥ كيلو وَ أحب أبشركم مانزلتها كلها p; بحياتي ماسويت ريجيم ولا اعرف مقدره جسمي كم ينزل وكيف يستجيب ، فبالعكس ماضايقني هالشي لاني حاولت واستمريت واثبت لنفسي اني اقدر ، نزلت ٤ كيلو وزني من ٦٣ الى ٥٩ وطولي ١٥٧ ونص فشي حلو : )

I GOT TAGGED ♡ you're it ♡

،

السلام عليكم ، تاق جديد من جميلتي جود شوفو مدونتها هنا

الي مايعرف التاق ، هو مثل بوست يكون اسئله او طلبات بس يجاوب عليه البلوقر

يختار كم شخص يجاوب عليه ، الي بدا بالتاق اروى ، جد شوفو مدونتها مره مبدعه هنا

جود اختارتني اجاوب عَ اسئلتها ، شكرا جووود *.*

الاسئله بالانقلش بس بجاوب بالعربي احترام لمتابعاتي الي مايحبون يقرون انقلش :$

متجر حرفون وَ أيفوني وَ مسابقه ♥

السلام عليكم وَ رحمه الله وَ بركاته

كيفكم يَ جميلاتي ؟

إن شاء الله تكونون بألف خير .. بمناسبه رجعه المدارس والناس الي مالها خلق

حبيت أطرح هذا البوست لعل وَ عسى يغير مود البعض p:

متجر حرفون ، من المتاجر الي شدت لي نظري

حبيتها وَ حبيت فكرتها وَ منتجاتها الي تقدمها !

بالنسبه لي أحب كل شي مميز وَ حلو الشخص يميز حتى جوالاته وَ أجهزته الالكترونيه

بما إنها صارت جزء لايتجزء من حياتنا ..

ومتجر حرفون تقدم لك كل شي مميز ،

نبذه عن المتجر :

" حرفون .. شركة سعودية ناشئة تسعى لإستغلال المواهب الخليجية الشابة وتحويل إنتاجها الفني الراقي النابع من هويتنا ومحيطنا لسلع تجارية متاحة للمستهلك الخليجي المميّز. بدأنا بإستكرات الجهزة المختلفة والقادم من منتجاتنا أكثر بحوله تعالى . "

مافي أحلى من الابداع الشبابي وَ المحلي ،

فكانت من هنا الانطلاقه وَ حبيت أجرب خدمه الطلب من المتجر ..

المتجر يقدم استيكرات لاجهزه الالكترونيه - ابل \ سامسونج \ بلاك بيري -

من تصاميم ايادي عربيه ، 

اول شي دخلت ع الويب سايت تبعهم :

http://www.harfone.com/

طريقه الطلب وَ لا أسسسهل !

الصعب تختارين المنتج لان جد شي يحير كل شي جميل عندهم هههههههههه

للطلب المتجر حاط الطريقه برابط فيديو يبين الخطوات بالضبط

يعني مالكم عذر ابد :$

http://www.harfone.com/video-how-to/

بعد ماطلبت واكدت العمليه ارسلولي ايميل برقم الطلب ،

عشان تتبعون حاله طلبكم تاخذون الرقم وتفتحون صفحه تتبع الطلب وتحطون الرقم

وَ تعرفون لو طلبكم طلع او قيد التحضير او غيره ..

وَ يتصلون عليكم ياخذون العنوان مضبوط وَ بأقل من يومين الطلب يوصل 

في أسسسهل !!

طبعا لان بالرياض الطلب وصلي خلال يومين 

لو كنتو برا الرياض مادري عن المده بس ابدا ماراح يطولون !

اخترت هذا الاستيكر المميز

التعامل جدا جميل صراحه وَ المنتج ع الواقع احلى من الصور 

حتى لما صورته ماحس عطيته حقه بالتصوير : (

صوره اول ماوصل الطلب ، الحلو بالورقه انو اذا طفشتو من الاستيكر تقدرون ترجعونه للورقه هذي

ومتى مابغيتو تلزقون الاستيكر بيكون كأنو جديد فلحد يرمي الورقه مهمه جدا :$

أحب التفاصيل !!

اول ماحطيت الاستيكر من ورا !

حتى بالجوانب تحطون الاستيكر !

بيطلع شكل الجوال جددا جمييل وَ متناسق ..

حتي ازرار الصوت وَ غيره لها فتحات فمحد راح يعاني لان مهتمين بأدق التفاصيل ..

النتيجه النهائيه لجوالي بالنيو لوك !!

جدا حبيت النتيجه ، الاستيكر طباعته فاخره جدا

سهل انو تحطونه ع الجوال

وَ سهل ينشال ماراح يخلي أي بقع او يخرب الجوال بأي طريقه كانت

المعامله وَ التوصيل وحتى ترتيب الموقع جدا أعجبني

أحب التنظيم وَ الاتقان بالعمل "ماشاء الله"

هذا رأيي بالمتجر بكل حياديه ،

وَ كانو جدا جدا راقيين وَ عرضو هديه لمتابعاتي الجميلات :$

فشكرا متجر حرفون !

فحبيت أسوي مسابقه خفيفه ..

الشروط :

١. المسابقه عباره عن تصوير اي جوال او اي اكسسوار متعلق بالجوال

٢. التصوير يكون تصوير شخصي بدون استخدام الكام الاحترافيه

٣. سولي منشن بالصوره

٤. فولو لمتجر حرفون بالانستقرام + التويتر 

@harfone

٥. وَ أكيد بما انو المسابقه لمتابعاتي لازم يكونون مسوين لي فولو بالتويتر وَ الانستقرام

@igorgeousta 

٦. احترت بالنقطه هذي بس حتى ارضي جميع الاطراف

عشان تفوزون بالمسابقه اكثر لايك لاكثر ثلاث صور بتتأهل وَ أنا بختار أفضل صوره من الثلاث المتأهله

*تحديث*

٧. باخذ بس ٤٠ صوره وبحطها بحسابي وهناك التصويت بيكون

٨. المسابقه ليوم الاربعاء وممكن اخليها أكثر ع حسب الحماس وَ بعطيكم خبر أكيد :$

٩. الفائزه بالمركز الاول لها مشتريات بقيمه ١٥٠ ريال من متجر حرفون !

ان شاء الله الشروط تكون واضحه وَ مرضيه للكل :$

يعني صورو جوالكم او اكسسواراتكم الخاصه بالجوال ، سوولي منشن بالصوره ♥ سوو فولو لمتجر

حرفون بالانستقرام والتويتر واكثر لايكات بتتأهل معانا وبختار الفائزه وَ بس :$

وَ تابعوني بالانستقرام لكل تحديثات 

يلا مين متحمس يكشخ جواله معي  !!!!

لتواصل معي أو استفسارات أو ملاحظات :

| |

الايميل :

gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه

كونو دائما جميلين \ قورجس

#البائعه_السعوديه_تستحق_الافضل | نطالب بالتغيير !

،

السلام عليكم وَ رحمه الله وَ بركاته

من مبدأ التغيير يبدا بالفرد الواحد ويمتد للمجتمع كامل حبيبت أكتب هذا البوست !

كثييييير مضايقني هالموضوع كثير كثير ، وَ أشوف بنات متأذين منه

وحتى أمس البلوقرز تناقشو فيه

وَ طلعو ما في جعبتهم وَ حسيت للان باقي كلام بقلوبهم !

وأكيد الكلام لايودي ولا يجيب ، لازم يكون في خطوه ملموسه

حتى لو ماحصلنا النتيجه الي راح ترضينا نكون وصلنا صوتنا ع الاقل : )

خطوه تأنيث المحلات جدا كانت رائعه وكثير انبسط فيها وَ حبها ،

غير انو حصلو بناتنا وظايف محترمه ، احنا كزبونات عمليه الشراء صارت اريح وَ آفضل

وَ خاصه بمحلات اللانجري وَ الميك اب ..

مشكلتنا آو آعتبرها مشكله الشركات الي وظفت البنات بالأصح !

انو أغلب الموظفات -مو كلهم- اغلبهم وَ هذا مو كلامي كلام كثييييير بنااات 

حسيتها مو مشكله تواجهني أنا كشخص واحد ! مشكله تواجه بنات كثار ومتأذين منها

بدال لايصير التسوق متعه صار شي ينرفز وَ يرفع الضغط !

موظفات بدون خبره بأي شي ، المحلات صايره حوسه مافي ترتيب

تسأل عن أبسط شي مثل السعر محد يعرف !

صرت اذا دخلت مابي احد يساعدني بس ابي اخذ الاشيا الي ابيها واطلع بسلامه

اذا شفت وحده جايه من بعيد اقول بقلبي يارب لاتجي يارب لاتجي هههههههههه

مايعرفون شي ويغثونك بتعاملهم حتى لباقه مافي !

في مواقف كثييره صارت معي والله صرت أتجنب إدخل هالمحلات

آو قبل لا آروح آكتب كل شي أبيه بورقه ومرات اصوره عشان ابحث عنه بنفسي :\

أغلب الموظفات مالهم علاقه بالمجال هذا ، مو غلطهم اببدا

اكيد كل وحده تدور لقمه العيش ، الغلط من الناس الي وظفتهم

المفروض في دورات ، في أحد يوقف معهم وَ يفهمهم الاساسيات عَ الاقل

ولا قبل الرجال يبيعون وشاااااطرررين من وين عرفو ؟

أكيد أحد دربهم وأحد وقف معهم وَ فهمهم ..

مانبي فنانات ميك اب نبي اقل شي وحده فاهمه ايش تبيع 

فاهمه بإبسط الاشياء الي قدامها :\

من المواقف الي صارت معي في سنتر بوينت :

١)

أدور روج مات -مطفي- وماحصلته سألت الي تبيع قالت ايش مات ؟

قلت مطفي ، قالت يعني ايش مطفي ؟

:\ ؟؟!

٢)

كنت أدور عن ماسكرا من ميبيلين بس ماحصلت الكاونتر حقهم

سألت وحده مايمدي اسأل ومسكت يدي وجلست تحط ارواج

اول شي انصدمت قلت لحظه بس انا ابي ميبيلين مابي ماكس فاكتور

قالت لا انتظري هذا جديد ومستمره !

قلت ابي ميبيلين اصلا ارواج مااااابي !

قالت شفتي الشدوهات الجديده الي نزلناها ؟؟؟

قلت ماكس فاكتور ماااحبه اصلا انا ابي ميبيلين !!

قالت اخر كاونتر هو ميبيلين وقلت وين مشت وانا امشي وراها ادور عن منديل

امسح الحفله الي بيدي ، شافتها الي بميبيلين قالت لها شتبي هذي "تقصدني"

قالت مدري عنها شوفيها شتبي

هههههههههههههههه حتى لباقه وتأدب بالحديث مافي !

حسيت جالسه بحراج بن قاسم :\

٣)

هذي من المواقف الي قالو لها البلوقرر :

تقول فاطمه @AllForYou__

انو كانت بسنتر بوينت وشفت موظفه تفتح علبه المناكير

وتحط منها وهي جديده اصلا !

وجت بنت من بعدها وشرتها 

غير انو مافي ذمه او ضمير ، العلبه انفتحت فتاريخ صلاحيتها بدا 

بما انو تعرض للهوا ، وَ مضر صحيا اصلا :\ !!!

٤)

وفاء @WafaA7med تقول كل ماراحت تشتري ماسكرا منهم

تحصلها مفتوحه ومستخدمه ، المعروف المساكرات مثل شركه ميبيلين 

تجي ببوكس مغلف ، وحتى المنتجات الثانيه تكون مستخدمه او مفتوحه

مع انو اغلب الكاونترات يوفرون تيستر بس مافي أحد مسؤول عن الكاونتر

يرتبه ويهتم بنظافته ومايخلي الزباين تلعب بالمنتجات !!

جد حوووووسه حوووسه ، رحت لاماكن كثيييره بس ماعمري شفت

نفس حوسه محلاتنا ، احنا دافعين فلوس نبي ناخذ شي مقابل يستاهل !

في مواقف كثيره بس قلت اختصرها

هذا بالنسبه لسنتر بوينت

من المواقف الي صارت معي في ماك :

١)

كنت أدور بودره مينرلايز ، ماحصلتها سألت عنها تقول الموظفه مدري ايش قصدك

قلت بودره وجه قالت مدري روحي شوفي هنااااك وتأشر بيدها

وهي تسولف مع صاحبتها !

عصبت وقلت لها طلعيلي الي قلت لك عليه ، طلعت لي فاونديشن مضغوط

قلت هذا كريمي قالت اي طيب 

قلت ابي بودره بودره ، طلعت لي بودره فكس بلس قلت شفرقها عن المنرلايز

قالت مدري يمكن العلبه

زوجي الي ماله علاقه بالميك اب جلس يضحححك لهدرجه ماتعرف اي شي :| !!!

٢)

مو مشكله يعرفون الانواع بس لما جيت احاسب وسألت قبلها قالت لي ب١٧٠ ريال

لما جيت بحاسب طلع ب١٥٤ ريال

وجلست تضحك تقول قبل شوي محاسبه لبنت ب١٧٠ ريال هههه

مدري الغلط منهم ولا من الجهاز !

المفروض الاسعار تكون ثابته ومعروفه ولو انو ماك كل شوي يغير سعره

بس مو كل يوم اكيد !!

من المواقف الي صارت معي في سيفورا :

١)

كنت ابي برايمر للعيون ، دورت ماحصلت فاضطريت انادي الي تبيع

دورت وقالت مافي ، قلت طيب دوري بالدرج قالت لا مافي

قلت طيب افتحي الدرج وشوفي

وبالغصب فتحت الدرج وحصلت كميه كبيييره 

سكرته وقالت مافي هههههه قلت انا شايفه طلعي

قالت لا هذا منتج ثاني ، مدري مالها خلق تدور ولا وش سالفتها

فتحت الدرج ودورت وحصلت الي ابيه ورحت :\

زين ماتربعت بالمحل وجلست ابيع معهم بعد :|

٢)

كنت ادور هاي بيم من بينفت اقولها في

تقول مخلص قلت طيب متى تجيبونه قالت مدري

وكل هذا وهي معطتني ظهرها وتسولف مع الثانيات !

محسسيني اشحد منهم :\ ؟!!

من المواقف الي صارت معي في وومن سيكرت :

١)

كنت آدور سليبر -شحاطات بيت- قلت ابي الي عليهم خصم

قالت مدري شوفي بنفسك قلت وين فيه ١٠٠ سليبر ومافي علامات !

قالت يوووو ماحطو البنات عليهم علامات انتي اختاري وانا اشوف بنفسي اذا عليها خصم ولا

يعني ماعنددي شغل الي اروح ادور حبه حبه وانتي تشوفين سعرها :\

هونت ماخذت -ــــ-

٢) 

الي يبيعون كانو كلهم بالمخزن جالسين يسولفون لو انسرق المحل محد درا عنه

هههههههههه ، والي قاهرني الصياح

يافلاااااانه وين جوااالي يافلااااانه وين الشاااااحن

وهي باول المحل والثانيه بالمخزن :\

عيب يماما المفروض يكون الشغل بروفشنال لو نقطه بس لاتجلسين تصايحين

بالمحل اصوات مستفزه وتخرب علينا متعه التسوق ههههه :(

،

المواقف كثيييره وبمحلات اكثر والله بس مابي اذكرها كلها احس اكتئبت هههههههه

يعني قبل الرجال موظفين وفاهمين كل شي !

من نفسهم بيفهمون او احد مدربهم ؟

طبقو النظام الي طبقتوه قبل ع الرجال سوو نفسه ع الحريم 

مانبي شي والله نبي ندفع فلوس واحنا مرتاحين ومبسوطين

مانحس انو تم استغلالنا او احد ضحك علينا

وخاصه البنات الي مايعرفون كثير بالميك اب والي تبيع بتحوسها وتبيع لها اشيا ماتناسبها

أنا مو ضد شغل المرأه بالعكسسس خطوه ممتازه وَ الله يعطيهم الصحه والعافيه

مخلين عيالهم وبيوتهم ويتعبون 

بس اقل القليل ماننظلم احنا بعد !

بس اروح اشيل هم وحده تنشب لي ولا تعكر مزاجي ولا بسبب كسلها ماتخدمني ،،

المطلوب منكم حاليا ، تدخلون هاشتاق

#البائعه_السعوديه_تستحق_الافضل

اكتبو تجاربكم والمواقف الي مريتو فيها !

بس رجااااء بدون تجريح او سب ، اكتبو رايكم وشاركوني فيه ..

نبي نوصل رساله احنا كزباين للشركات انو نبي تعامل افضل

نبي بضاعه افضل :\

نبي مكان ومحلات انظف وارتب

نبي موظفات لهم خبره لو بسيطه جدا بالي يبيعونه

نبي لباقه وشغل كالمحترفات

نبي لهم تدريب او دورات تساعدهم يطورون نفسهم !

الهدف من الهاشتاق ندعم البائعات السعوديات مانخرب عليهم

نخليهم يطورون من انفسهم عشان نفسهم وعشانا احنا !

واذا في وحده من البائعات تتابعني وعندها اي استفسار تقولي ماراح اقصر

وبشرحلها كل شي يخص المكياج عادي جدا ،

اهم شي اشوف وحده تبي تطور من نفسها مو بس كذا عايشه بجهل :(

كثار من البنات صارو مايشترون من المحلات الي هنا

وانا منهم قلت مشترياتي جدددا ماخذ الا اذا شي مهم

نطلب من النت اكثر او اذا سافرنا

اذا ماحسينا في تطور او احد سمع مطالبنا بتصير مقاطعه

وانا جاده بالموضوع هذا :\ 

عن نفسي لو ماحسيت في تحسن اتعهد انا قورجس ماراح اشتري من محلاتنا ابدا !

*حسيت نفسي شي وانا اقول اتعهد انا قورجس ههههههه*

بشوف رده فعلكم لو جد في احد متضايق من الموضوع هذا مثلي !

اذا بخاطركم شي اكتبوه بالهاشتاق وحاولو تنشرونه ..

نقدر نغيير من الوضع الي احنا فيه ، نتساعد وبنغيره ان شاء الله

يمكن البعض يعتبر الموضوع تافهه ومايستهال ابد

بس هذا ابسط ابسسسط ابسسسط حقوقنا ، وهذي البدايه بس

نقدر نغيير المجتمع لان التغيير يبدا من الفرد !

وعن نفسي بحاول اوصل الرساله للشركات

- البندريه او دار البندر "سنتر بوينت"

- الشايع "ماك ، بودي شوب "

- الحكير " لافي ان روز ، لاسنزا"

لو في محلات ثانيه قولولي وعن شركاتها ..

يد وحده ماتصفق ، واذا تعتبر الموضوع تافهه يكفي انو نحاول نبدا بالتغيير

فاحتفظ رايك لنفسك لان مايهمنا ،

مانبي نضر احد بس نطالب الشركات بتدريب طاقم العمل واختيار الموظفين الصح

وأنا متأكده بننجح باذن الله بس ساعدوني شوي ()

كن أنت التغيير الذي تريده باالعالم *غاندي

لاتنسون تكتبون بالهاشتاق :

#البائعه_السعوديه_تستحق_الافضل

مطلبنا بسيط ، مين معي بالحمله هذي !

لتواصل معي أو استفسارات أو ملاحظات :

| |

الايميل :

gorgeousta@gmail.com

كونو دائما جميلين \ قورجس

فضفضه ٣ : كيف تخلين الناس كلها تحبك بدون ماتصرفين ولا فلس :)

،

السلام عليكم وَ رحمه الله وَ بركاته

كيفكم يَ جميلات ؟

التدوينه هذي من زمان ببالي بس ماعرفت كيف أبدا فيها!

بس قلت بخليها كسوالف عاديه ، هالبوست تغيير وبس تدوينه بشكل عام :)

نغيير شوي من الميك اب وَ الفاشون والأشياء الثانيه

لان بالنسبه لي هذا أهم موضوع بس مع زحمه الحياه أحس نسيناه أو صار شي ثانوي !

أكيد كلنا نحب نطلع بشكل حلو وَ نخلي انطباع جميل للناس 

نهتم باللبس والميك اب والبشره ، بس البعض ابدا مافكر بأخلاقه اسلوبه اتيكيته قدام الناس !

بالنسبه لي نقدر نوصل لقلوب الناس بابتسامه من القلب طالعه ،

عادي تبتسمين بوجه الناس مو حرام والله 

بس مو تتمشين بالسوق والاماكن العامه وتبتسمين للرجال وتقولين صدقه ههههههههه

حلو نكون عَ خلق ، حلو نوري الناس انو أمي وَ أبوي ربوني صح !

حلو اذا طلعنا من مكان يقولون الله يذكر فلانه بالخير ، حلو نخلي انطباع حيد عنا

اكيد ارضاء الناس غايه لاتدرك !

بس دايما وَ أبدا خلي انطباع حلو عنك ومايهم ايش يقولون أهم شي انو تكونين راضيه عن نفسك

أستغرب من الناس الي تخلي مزاجها يتحكم فيها 

واذا اجتمعت مع الناس وهي معصبه تنطقر ع الكل وتنشر الطاقه السلبيه

مطنقره خلي طنقورتك لك ههههههههه مو شرط تحضرين !

او حاولي تتناسين ع الاقل قدام الناس لاتنكتين وتستهبلين بس ع الاقل لاتكشرين بوجيه الناس

وخاصه لو ناس ماتمونين عليهم عيب!

ودي أكتب الاشياء الي اشوفها عيب بالعزايم يوووه عندي لسته طوويله ههههههههههههههه

شرايكم أكتب عن الاتيكيت وَ كيف نتعامل مع المواقف "من وجهه نظري طبعا"

هالبوست بخليه بشكل عفوي ، اذا عجبكم الموضوع بكتب بوست كامل ان شاء الله :)

من الاشياء الي تضايقني الناس المشفوحه او الي مو شايفه خير :\

حتى لو انتي ع قد حالك خلي عندك عزه نفس شوي !

انا اذا شفت شي يعجبني عند وحده عادي اسألها بس بأدب

ما آقول وين وين ماخذته بكم سعره وين المكان بلا بلا بلا !

حلو التأدب بالحديث ممكن تقولين جميل ماشاء الله ممكن اعرف من وين ؟

اذا قالت ، قولي عليك بالعافيه \ ملبوس العافيه \ تتهني فيه

اللسان الحلو والابتسامه بتخلي الكل يحبك غصب ههههه

اذا شفتي احد حياته احسن من حياتك او هي الحياه الي تتمنينها

قولي الله يتمم عليها ، الله يرزقها اكثر واكثر ، الله يسعدها ويوفقها ..

محد حياته بيرفكت ولا عايش الحلم الوردي في ناس مقتنعه وراضيه وفي ناس تطور نفسها

لاتفتحين عيونك ع الناس ويبدا شغل الشفاحه فلانه سوت فلانه راحت ياحظهاااا 

ياليتني مكاانهااا ! احس الي يسوي كذا انسان مريض ،

الحسد ترا مرررررض بالقلب وبتتعبين وانتي تقارنين وعيونك ع غيرك

قولي الله يسعدها والله يرزقني 

محد جت حياته حلوه بالصدفه ، والبيوت اسرار مانعرف كل شي ..

اشتغلي ع نفسك وطوريها حتى لو بابسط شي

تتبطحين وتحسدين غيرك

ربي ماراح يوفقك : )

تتمنين وتدعين ربك بس مستحيل بيجي الرزق والراحه ع رجولها لازم تشتغلين عليها

والله بيسهلها عليك اذا نيتك صافيه وقلبك نظيف ..

شي ثاني بتكلم عنه الناس الي متخفيه ورا "النيك نيم" بعالم النت

من زماااان وانا ادخل نت واحوس فيه بس سبحان الله كل مره اقابل ناس امرض من الي قبل

مو شرط ناس وجههو لي كلام معين، لا لما اتابع المشاهير والناس المعروفه اشوف المرض 

مو معناته انك متخفيه باسم ومحد بيعرفك خلاص تاخذين راحتك وتسبسبين بالناس

بس تطلعين بقلبك وتخلصين حتى لو محد عرفك ايش رايك بنفسك ؟

خلاص بردتي حرتك ؟ خلاص الدنيا صارت حلوه الحين ؟

خلاص صرتي الواو والكول والي محد بيقفطني هههههههههههههه

اذا الشخص ماسوا شي غلط وماغلط عليك انت بالذات او قل ادبه

فما عندك اي اي اي حق بالتعدي عليه ، لان ممكن مسمى واحد يصف حالتك

"مرض نفسي وَ الغيره"

اذا تعديتي ع شخص بدون حق يعني انتي غيرانه 

انتي تتمنين حياته ، قاهرك ومشغل بالك واول ماتدخلين النت تبحثين عن جديده

والله اتخيل الي يسبون :

اف اف يجنن لبسهاااا 

بعدين تكتب :

ووع وش هالذوق المخيس

،

ياللييييت اساااافر نفسهااااا :( 

بعدين تكتب :

الحمدالله والشكر مو شايفه خير بس تصورين انتي اصلا ماتطلعين من باب بيتك ههههاااي

،

اسلوبها يجنن والنااس تحبها !! ليش محد يحبني !!!

بعدين تكتب :

من زينك ومن زين الي تسوينه ماخذه مقلب بنفسك ههههههههههه

*طبعا هالسيناريو كله من مخي ههههه*

يامااماا ياحبيبتي اذا انتي تكتبين هالكلام وتقولين لا ماغار بس الناس مستفزه !

كل واحد يمثل نفسه وتربيته ، وترا جد جد جد حطيها حلقه باذنك

مو كل الناس جايه من نفس المجتمع مو كل الناس نفس التربيه مو كل الناس نفس الاسلوب

الحين اذا دخلتي الجامعه تنصدمين من المجتمع فماابااالك بعالم كااامل

فيه الصاحي والمجنون هههههههه

لاتحكمين ع شخص ماتعرفينه لاتنتقدين بوقاحه

انتي تمثلين نفسك حتى لو كنتي ورا اسم مستعار ، اثبتي لنفسك ان عندك اخلاق ومتربيه حتى لو محد درا عنك

اذا ع كذا خلاص محد بيصوم اذا ماكان احد بيشوفه وكل ماجلس بروحه بياكل

راقبي نفسك ، مو حلو احد يدعي عليك عشان شي تافهه ومايسوا ،،

ارتقو بأنفسكم بيكون المجتمع راقي 

ماعجبك شي انتقدي بس بأدب واحترام واذا الشخص الي قدامك محترم بيتقبل كلامك

شي ثاني *ماراح اخلص شكلي ههههه*

الاسلوب ، شرحه يطول بس حلو يكون كلاسي وعندنا اسلوب محبب

اذا بنطلب شي نطلب بأدب ،

لما تجيني اسئله يهمني الاسلوب صح بجاوب ع الكل بس الي تسأل بادب

فرق عن غيرها وبجاوب عليها بذمه وضمير !

مثال :

١. من وووووين ؟

٢. جميل ماشاء الله ممكن اعرف من وين؟

شرايكم مين أسلوبها أجمل ؟ 

ترا عندي عاده احلل الناس من كلامها واسلوبها

صح شي غلط بس هو كل انطباعات اوليه يعني مو بشكل جدي

الاولى اشوفها مشفوحه مو شايفه خير مستعجله وحوسه وبيتها مو مرتب وستايلها قديم

*جد والله اشوف كذا ههههههههههههههههه*

الثانيه اشوفها كيوته انسانه راقيه ورايقه بنفس الوقت اشوفها انو تشرب كوفي وهي تكتب وتتكلم بهدوء

ونعومه وجميله هههههههههههههههه 

انتو تحبون الناس تشوفكم كيف !

شي راجعلكم اكيد ..

بوست سوالف اكثر من انو شي مفيد 

بس كنت اوضح الاشيا الي اشوفها وانتقاداتي للناس ..

صح ماأزكي نفسي واني انسانه بيرفكت بس كل شي اكتبه احاول ارضي ضميري اولا

واذا في تقصير مني فانا مجرد بنت تخطي وتصيب وهكذا p:

اتمنى لكم عام جميل ، نطور فيه انفسنا ونصير ناس احلى وَ أرقى 

مانخلي الناس تحكم علينا آو تحبطنا ، نفرض تواجدنا وحضورنا وَ نمثل أخلاقنا وَ تربيتنا

لتواصل معي أو استفسارات أو ملاحظات :

| |

الايميل :

gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه

كونو دائما جميلين \ قورجس 

نتايج القيف اواي | Give away results ~

،

السلام عليكم وَ رحمه الله وَ بركاته 

وَ خلصت المسابقه وَ تحددت الفائزه تقريبا بالاجماع ..

الي حاب يعرف عن القيف اواي أكثر :

http://igorgeousta.blogspot.com/2012/11/give-away.html

وَ الهديه مثل ماذكرت سواره من

صوره للاسواره :

حابه اشكر كل من اخذ من وقته شوي وشارك بالمسابقه جد جد جد شكرا من الأعماااق

والله تمنيت افوزكم كلكم، بس حمستوني أسوي مسابقات وقيف اوايز أكثر وللي ماقدر يشارك مثل ماذكرت بسوي قيف اوايز اكثر بالمستقبل ان شاء الله 

الله يسعدكم بنت بنت  وَ مره ثانيه شكرا مره وَ اعذروني لو بدر مني أي تقصير 

واذا في اقتراحات او ملاحظات عن القيف اواي اتقبلها :$

بعرض لكم المتسابقات وَ بذكر الفائزه أخر شي 

وَ أشكر لجنه الحكم الموقره :$ وَ لا مافي تكريم لكم ههههههههههههههههههههه

بس في هق جماعي وَ أحبكم 

نبدا ؟

المتسابقه رقم ١

المتسابقه رقم ٢

المتسابقه رقم ٣

المتسابقه رقم ٤

المتسابقه رقم ٥

المتسابقه رقم ٦

المتسابقه رقم ٧

المتسابقه رقم ٨

المتسابقه رقم ٩

المتسابقه رقم ١٠

المتسابقه رقم ١١

المتسابقه رقم ١٢ 

المتسابقه رقم ١٣

المتسابقه رقم ١٤

المتسابقه رقم ١٥

المتسابقه رقم ١٦

المتسابقه رقم ١٧

المتسابقه رقم ١٨

المتسابقه رقم ١٩

المتسابقه رقم ٢٠

المتسابقه رقم ٢١

المتسابقه رقم ٢٢

المتسابقه رقم ٢٣

المتسابقه رقم ٢٤

المتسابقه رقم ٢٥

المتسابقه رقم ٢٦

المتسابقه رقم ٢٧

المتسابقه رقم ٢٨

المتسابقه رقم ٢٩ وهي الفائزه 

*صوت قرع الطبول ترترترترترتررررم*

آلف مبروك للجميله جواهر محمد !

التصويت الأغلبيه رشحتها : )

أكيد في بنات يستاهلون بعد ! بس التصويت كان ايش اكثر ستايل مناسب للاسواره 

ماصوتنا ابببدا للتصوير أو انو ماركه او لا !

فأحب أبارك لجواهر ، وتواصلي معي بالايميل حتى تستلمي هديتك ()

الايميل او التويتر مايفرق :*

وخيرها بغيرها للبنات ، مرره مرره شكرا والله من كل قلبي ، خليتو المسابقه حمااااس   

انبسطت فيكم وأتمنى محد يزعل مني ، وَ أوعدكم بمسابقات أكثر بالمستقبل ..

يعطيكم العافيه  ، وَ شكرا لجميلاتي أروى \ أبرار \ جوجو \ أميره

أحبكم :$