اكلما اشتهيت اشتريت ؟ | نظمي احتياجاتك ودولابك ووفري فلوسك! ♥♥

السلام عليكم وَ رحمه الله وَ بركاته .. ♥♥
تكلمت عن هالموضوع كحلطمه بالسناب وماتوقعت التفاعل ماشاء الله ههههه!! تلاحظون السناب صار منبع افكاري ؟ جدا جدا تلهموني هناك واحب اسولف معاكم احس نمون ع بعض p:♥♥

كثير تجيني حالات ابي اشتري بس مو عارفه شنو ومرات يكون معاي مبلغ ويروح ع اشياء تافهه ماتنذكر! واتحسف عليها بعد فتره ، متآكده كثير يشتركون معاي بنفس الفكره ، ويطري ببالي داايماا اتخلص من كل لبسي واجيب جديد ، لان كثير مايمشي مع كثير وكثير تم استهلاكه وكثير اما راحت موضته او او ..

وظيفتين ، شغل خاص ، ام وَ زوجه .. حياتي في ٢٠١٤ بإختصار + خطوات لسنه ناجحه ♥.

السلام عليكم وَ رحمه الله وَ بركاته ♥♥♥♥♥♥♥♥

بالبدايه ، بكتب لكم ولنفسي تحديدا لاني احب ارجع اقرا كلامي والمدونه والانستقرام عالمي الصغير الي اشوف تطور نفسي ووين كنت ووين وصلت واشوف هل جد في تغيير وتحقيق اهداف ؟

ابي اسكر المدونه واختفي .. افكار تراودني! + اسرار النجاح ..

السلام عليكم وَ رحمه الله وَ بركاته ♥♥،،
كثير يشوفني بالفتره الاخيره قل تفاعلي ونشاطي بالمدونه خصوصا ، اختفي فتره تسألون عني وأرجع واختفي وارجع لدرجه ماعاد احد يفرق لو انا مختفيه او لا الا قله من متابعاتي المخلصات الي احبهم ..

الي متباعني من بدايه المدونه قبل سنتين وشهرين يعرف اني فاتحه المدونه لسبب معين ، سبب ابي احس الانجاز بحياتي وسبب اني اطور نفسي وسبب اني احب اساعد الناس ، كانت تجيني تعليقات وتحبيطات شي طبيعي جدا جدا ، كنت أتأثر بالبدايه بس مع الوقت اقول لنفسي لكل شخص ناجح اعداء او محطمين وليش ماأخذ هذي الطاقه واحولها لشي ايجابي لي وتعطيني دافع وهذا الي خلاني استمر الحمدالله. ♥♥

♥ قيف اواي وسنتين من السعاده ♥

السلام عليكم وَ رحمه الله وَ بركاته ..

حبيت اهدي متابعاتي الي هم اصلا صديقاتي الي احبهم ودعموني بكل خطوه بالمدونه

شي بسيط مني لكم وان شاء الله الجايات اكثر ،،

سنتين من السعاده + شلون تكونين مدونه ناجحه ؟

السلام عليكم وَ رحمه الله وَ بركاته ♥♥

اخيرررا قررت أكتب البوست وماخفيكم علما ان صارلي اسبوع اكتب وامسح ، اتوقع قريحتي الكتابيه اكل عليها الدهر وشرب *صح كذا :$ *

قبل كم يوم جالسه اشوف بوستاتي القديمه ، السنه الي فاتت كانت البوستات تقريبا ٢٨ بوست بس!

حزنت مره مره حسيت بتقصير تجاه المدونه :(

لان السنه الي قبلها كانو حول ال٨٠ بوست فكان فرق كبير!

بس الي اختلف ان السنه الي فاتت كانت فتره حمل وولاده لي وبيبي واول كم شهر صعب جدا اكيييد فعذرت نفسي ، وان شاءالله الجاي احسن بكثييير .. ♥♥♥♥

صور حفله إستقبال بنوتي "ديم" وَ تجهيزاتي بالتفاصيل ♥♥ ..

،



السلام عليكم وَ رحمه الله وَ بركاته ♥♥♥، رجعت لكم ببوست جديد مثل ماوعدتكم عن صور إستقبال ديوم .. الاستقبال كنت ناويه اسويه ببيت أهلي وهو ركن مرتب وثيم متكامل عن ديم مع التوزيعات وركن العصير وَ غيره وبأخر لحظه قررت أسويه بعد بالمستشفى الي بولد فيه "مستشفى سليمان الحبيب التخصصي" كتبت تجربتي عنه بالبوست الي قبل هذا ، بالنسبه للترتيبات ماكان ببالي ثيم معين بالبدايه صراحه وَ كنت أجمع أفكار من هنا وَ مرحله البحث كانت أصعب مرحله! اما التنفيذ ماأخذ اسبوع تقريبا وكان كل شي جاهز.

اعترافات ماما جديده ، تجربتي مع الحبيب التخصصي ، وسوالف ٤ شهور فاتت!!

،

السلام عليكم وَ رحمه الله وَ بركاته ♥♥♥ احم مستحيه منكم :$ أدري من زمان عن المدونه ، بس الي يتابعني عارف إنو كنت حامل وَ بعدها جبت بنوته مثل القمر p:

هالبوست تصبيره لبوستات جديده افضل وَ أجمل إن شاء الله ، وكل شي وعدتكم فيه من صور تحضيرات لاستقبال ديم ونصائح للحمل والولاده وتجربتي ان شاء الله كلهااا بنزلها بس استقر ..

مين أنا ، ليش عايشه ؟ .. #غيمه٩

،

السلام عليكم وَ رحمه الله وَ بركاته ، ماتدرون قد شنووو اشتقت لغيمه ٩ :"( كثير تجيني ايميلات وَ كومنتات انو يحبون غيمه ٩ ويبون تدوينات أكثر فيها ، وأنا عارفه هالشي لان نفس الشعور بس صعب أكتب كلام مو حاسه فيه او يعنيني لمجرد انزل تدوينه جديده ، غيمه ٩ احط ببالي انو موجهه لي اول شي وكل كلمه اكتبها اقصد فيها نفسي واشجعها وَ أعطيها طاقه ايجابيه ، عشان هالطاقه توصل لغيري لازم توصل لي أولا عشان كذا دايم أتأخر بتدوينات غيمه ٩ خصوصا :$ البوست طويل حبتين جيبولكم كوب كوفي او شي تحبونه واوعدكم بتستمتعون فيه باذن الله :)

One Gorgeous Year ♥ سنه أولى جميله ~

السلام عليكم وَ رحمه الله وَ بركاته ♥ تتذكروني :$؟ وَ مرت سنه .. من الصبح فاتحه البلوق ابي اكتب ابي اعبر بس هالايام وواضح جدا علي انو قريحتي الكتابيه شبه انعدمت ههههه ، مو لان مليت ابدا لا بس انشغلت وبالي مشغول وظروف كانت اقوى مني! ببالي البلوق دايما وانتو بعد دايما ببالي ، مادري من وين ابدا ! من اول بوست كتبته ع خجل واستيحاء < صح الكلمه :$ ؟ ولا من الفتره الي تركت التدوين فيها وكنت مشتاقه له جدا جدا او من اول كلمات تشجيعيه جتني وردود فعل ابدا ماكنت اتوقعها! او شرايكم اتكلم وين كنت قبل البلوق والعالم هذا ؟! بتكلم بكل اريحيه عشان كذا البوست طويل واقدر اسميه شخصي جدا جدا ♥ ..

ورده وَ مق وَ لوحه ♥ شكرا !

السلام عليكم وَ رحمه الله وَ بركاته ♥، وصلت لي هديه جميله من بنوته أجمل ، كثيير يهمني الشخص الي يهدي الهديه واذا هي نابعه من حب وتقدير او لا ، لامست هالشي من فاتن ♥♥ ! فكانت فرحتي بالهديه أكبر وَ أكبر ، كان مع الهديه بوكيه ورد جمممميل بس للاسف ماصورته صور حلوه :( بس في صوره عفويه للبوكيه بالانستقرام ، نشوف الهديه مع بعض ؟

وَ كشخت أيبادي ♥ @HandyBoutique

السلام عليكم وَ رحمه الله وَ بركاته ♥ الأجهزه الالكترونيه كثرت وَ بالنسبه لي تكشيخها لا يقل اهميه عن تكشيخي لنفسي ، لا امزح هههههههههههه .. بس حلو نوفر الحمايه لاجهزتنا صح انها تطورت وَ صارت كثيره بس بنفس الوقت زادت حساسيه الاجهزه وصارت معرضه للكسر بأسهل طيحه!

لحد يستغفلك ، لحد ياخذ حقك ، لك راي .. بَلغ! #بلاغ_تجاري

السلام عليكم وَ رحمه الله وَ بركاته ، اليوم جدا جدا جدا مبسوطه بمتابعاتي وبصديقاتي البلوقرز جد اثبتو لي ولانفسكم وللناس انو عندنا صوت وَ نقدر نغيير ، كتبت هالبوست بناء ع طلب كم بنت وَ ايضا اجمع الافكار وَ الكلام بمكان واحد وَ اوضح بعض النقاط ، بالبدايه شفت صوره للبلوقر نونيتا انو في منتج من بينفت شرته قبل اسبوع واليوم رفعو سعره بصراحه ماتأكدت بنفسي بس لفتني باحدي الكومنتس عن بنت تكلمت عن برنامج *بلاغ تجاري* حمليه واشتكي ع اي شي شفتيه وبيتحركون! هي جربته وجاب معها نتيجه ، الاسعار من حولنا كل مالها بازدياد شي طبيعي صح ، بس مو الطبيعي انو الازدياد بشكل موسمي وكل مره ازور محل احصل القطعه سعرها يرتفع ويرتفع والسعر الاساسي بالموقع جدا منخفض وسعره بالدول الي برا غير غيير ، فقلت ليه مانزل البرنامج وابلغ عن مخالفه صارت معاي واخلي البنات يبلغون ، كتبت بالانستقرام "أنا اشتريت من ماك بودره وجه فكس بلس قبل ٦ شهور ب١٥٤ وبعدها بشهرين رجعت شريتها رفعو سعرها ل١٦٠!! والي تبيع تقول عادي كل مره يغيرون السعر :/ واحنا ندفع واحنا نضحك لان سوقهم ماشي ، الجشع مستحيل يوصل لهدرجه!! البودره تدرون سعرها كم ؟ بسسس ١٠١ ريال!! الارواج بامريكا سعرها ب٤٠ ريال يعني ارواج ريميل عندنا صارت اغلى من ماك عندهم هههههه ، لازم نوقف هالارتفاع والضحك كل شي بدا يغلا ابتداء من اللبس والاكل والمكياج .. بكره اظن المويه والبنزين بيديلونهم بعد :/ الله يستر .. الخطوات بسسسسسيطه بس نزلو ع جوالكم برنامج اسمه *بلاغ تجاري* موجود بالايفون والاندرويد .. اكتبو المخالفه الي شفتوها بكل مصداقيه ، انا كتبت المخالفه عن ماك .. اخر شي عندكم معلومات عن المبلغ اكتبو اسمكم ورقمكم وايميلكم وارسلو التبليغ .. اذا انتي ماتبين احد يستغلك بلغي الحين ، فلوسنا مو لاقينها بالشارع عشان تدفع مبالغ خياليه لهم :/ واذا ماحسيت في تجاوب من ماك اوعد نفسي ماعاد بشتري منه وبطلب من النت اريح واسهل واوفر فلوسي .. بلغو اذا تبون يكون لكم يد بتغيير البلد للافضل وعلى قد ماندفع ناخذ ، بلغو بلغو بلغو ❤"
في بنات قالو طيب ماراح يسون شي اشتكينا من قبل! وفي بنات تقول عادي يمكن عشان الاجارات مرتفعه اكيد النت ارخص ، الي نشوفه بمحلاتنا وجشع التجار مو شي جديد ، ماركه ماك ع سبيل المثال ماركه متوسطه بس اسعارها تشطح للماركات الهاي اند مثل شانيل وديور وغيرهم ، جودتها مو نفس جوده الماركات الكبيره وبنفس الوقت انا ابي ادفع واخد قد مادفعت ، الاسعار مو قد الجوده ولا قد الخدمه اصلا! غير هذا المحلات الاجنبيه فرق السعر بينا وبينهم كبيييييير! وهم عندهم ضرائب بعد :\ روج بامريكا ١٥ دولار يعني ٥٦ ريال وعندنا ينباع ب٩١ وسمعت انو رفعوه وكل موسم بيرتفع لحد مايوصل ل١٠٢ اظن! لان كثار من البنات يحبون ماك مو معناته استغلال لهدرجه ... انا لما رحت اخر مره اشتري منهم قبل شهرين تقريبا اسأل عن سعر البودره الي كانت معي عطتني سعر وبس وصلت للكاونتر وحاسبت الا سعر ثاني ، قلت لها انو الي باعت لي توها قالت انو البودره ب١٥٦ شلون صارت ب١٦٠؟؟ ردت علي كل مره ماك يغيرون اسعارهم ، لما جيت بطلع اسمعم يقولون تو حاسبت لوحده ب١٥٦ شلون رفعو السعر! شي مو طبيعي الي يصير ، انا اتكلم عن تجربتي مع ماك ولي تجارب مع محلات كثيره وخاصه سلسله الشايع ، مع احترامي لهم استغلال استغلال .. قبل كنا نسكت ونقول اوك مافي ترجيع عادي ناخذ بطاقه امرنا لله ، بس انو يكنسلون البطاقه والترجيع مع بعض ؟؟؟؟ لو في محلات تبديل قلنا مو مشكله بس ليش نتدبس بشي مانبيه مو غصب ! يكرهون الشخص بالتسوق *بيستانسون الرجال* لا يعني مستحيل اكره السوق بس تنحرق اعصابي لا اكثر ولا اقل :$
اول مابديت ابلغ ماتوقعت التجاوب بسسسسسرعه ماشاء الله حسيت الدكتور الربيعه الي ماسك وزاره التجاره الرجل المناسب بالمكان المناسب ، الله يجزاه الف خير ، صح شي يحزن انو ننبسط انو شخص يعطينا حقنا :") بس يارب بدايه خير ويصير مثال يحتذى فيه ، وكل شي بجزاءه عند ربه ، التفاعل كان سريع جدا معاي ، والتبليغ كان اسهل ! لو كل بنت شافت شي غلط وحست باستغلال او استغفال من احد ، مطعم صالون محل ملابس محل اثاث اي اي شي تبلغ لاتسكت ، احنا لانو نسكت الطمع والجشع يزداد ، وزير التجاره عطانا فرصه انو ناخذ حقنا ، حتى لو ماخذناه كامل بس كثر الدق يفك اللحام ، احنا شعب دفيع ومحد ينكر هالشي بس مو معناته استغلال وجشع ، صار الواحد الي يبي يروح السوق يبيله ميزانيه كامله ، احنا نبي نلبس ونكشح ونشتري الي خاطرنا فيه بس بدون مانحس انو فلوسنا تطير ، مادري ايش اقول اكثر بس جد جد قررت عن نفسي اذا ماشفت تغيير ماراح اشتري من هنا ابدا ، كل شي بالنت اوفر واسهل واجمل وارررخص ، الشحن مايكلف ، التكلفه ع الوزن وكثييير مواضيع بالنت كثييييره كثثثثيره دورو وشوفو بنفسكم ترا ماتحتاجون الا فيزا وتفتحون حساب بريد وبس!!! خلو بضاعتهم لهم اذا هم راضين يستغلونا احنا راضين انهم يخسرون ، لو وقفنا وقفه جاده بيكون لنا قرار بالتغيير للافضل ، البعض بيعتبره شي تافهه ، بس المحلات تزيد بكره الاكل بيزيد والبنزين بيزيد ويمكن حتى الهواء بيخلون عليه سعر!! احنا عايشين في مجتمع فلازم نتكاتف وهذا بالاول والاخير بيفيدنا كلنا ماراح يفيد شخص واحد ، خلو كلمتكم انا ادفع احصل نتيجه الي ادفعه ، لا اكثر ولا اقل ، لازم نكون اكثر وعي ، كثار مايعرفون اسعار المنتجات الاصليه  عندكم النت استغلوه وابحثو قبل لاتشترون شي اذا حسيتو في فرق كبير وبين النت خلوه لهم واطلبو من النت وفري فلوسك لشي ثاني ، الي تقول الشحن يكلف ، يمكن يمكن يكلفك بس بالاول والاخير انتي محد لعب عليك ولا احد استغلك انتي تدفعين القيمه الحقيقه للشي وبس! نبدا بتغيير شي بسيط وبكره نبدا التغيرات الكبيره ، كثير بلوقرز تفاعلو معي ومن جد كلنا بنصير يد وحده ويكون لنا صوت ، ومالنا صوت بدون متابعاتنا ،، متحمسين ؟

١) حملو برنامج "بلاغ تجاري" بنفع للجلاكسي والايفون.
٢) اكتبي اسم المحل الي تبين تبلغين عنه.
٣) عنوان المحل بالضبط يعني المنطقه المدينه بالشارع الفلاني رقم المحل وكذا.
٤) نشاط المحل يعني يبيع ايش بالضبط؟
٥) نوع المخالفه هم محددينها اختاري المناسب.
٦) وصف تفاصيل المخالفه.
٧) لو عندك صوره ارفقيها افضل.
٨) معلومات عنك اسمك ورقم الجوال والايميل.
٩) ارسال.

لاتنسين تكتبين بهاشتاق #بلاغ_تجاري بالتويتر عشان يتحمسون البنات ويبلغون مثلك ..

وبس ، راح يتصلون عليك بعدها بدقايق ، التفاعل سريع منهم فرجاء خلو معلوماتكم دقيقه تماما ، ولو عندكم فاتوره او اي اثبات مادي فهذا شي بيساعد كثييييير للاسف الفواتير ماجمعتها فالي عندها الفاتوره ترفقها او اذا دقو وطلبو يشوفونها تحفظها عندها ، كثره الارسال راح يحسون بقيمه المشكله الي احنا فيها وراح يكون في تجاوب ، ساعدو بالي تقدرون عليه اذا ماعندك مخالفه ارسلي الرابط لاحد تعرفينه وساعدي بنشره ، كثير كثيير في تجاوب بالانستقرام والتويتر ومتأمله خير فيكم ياصديقاتي ويارب نقدر نوصل للجرايد ، انا او انتي بروحنا ماراح نسوي شي بس كلنا مع بعض راح نقدر نغيير ، لاتحسين نفسك انك ماقدمتي شي انتي تقدرين تغييرين مساعدتك لنا بتعني الكثيرلحد يستغفلك ، لحد ياخذ حقك ، لك راي .. بَلغ!!

♡ How To Be Happy - التفاصيل الصغيره الي تسعدني ♡ part 2

السلام عليكم وَ رحمه الله وَ بركاته ♥، بموضوع غيمه تسعه الي فات تكلمت عن الثقه وَ اسباب السعاده .. وَ قلت انو اهم اسباب السعاده الثقه بالنفس .. ( شوفو البوست هنا ) وَ بالنسبه لي ثاني أهم اسباب السعاده هي الاشياء الصغيره بحياتنا ، الاشياء الي مانعطي لها بال او مهمشينها ، بالنسبه لي هي الي تدفعنا كل كل يوم للسعاده وَ الابتسامه ، مثل دايما اول ماصحى اول شي اسويه اشيك ع حساباتي "تويتر + مدونه + انستقرام + ايميل + اسك" بس اشوف كلامكم انبسط انبسط وَ احس اقدر ابدا يومي بتفاؤول ♥♥♥ ، كثيير يقولون لي وَ خاصه من اهلي ايش مستفيده من المدونه ؟ تعب عَ الفاضي مافي مردود ، مافي وظيفه مافي دخل منها ، اجابتي بسيطه جدا! انا جالسه اسوي شي احبه ، جالسه اكون "سعيده" ، اقدر اقول انو هالايام من اجمل ايام حياتي ؟ لاني امارس هوايه لي كنت احلم فيها من سنييين وَ ماتتخيلون قد ايش كنت ابي اسوي كذا من زمان ، بس كل مره صديقاتي يقولون لي سخافه ، اف فضاوه ، طيب عالم النت عالم وهمي اش استفدتي تتعاملين مع ناس ماتعرفينهم ؟ بس تطلعين من النت بتنصدمين بالواقع ! تدرون ايش سويت ؟ سويت ديليت لكل شخص سلبي ، شخص محبط بحياتي ماصرت اتعامل معاهم الا نادرا ، وَ حققت حلمي وَ مكمله بتحقيقه وَ عندي طاااقه وَ بوصل للي ابيه ان شاء الله ♥، اول مابديت بالمدونه ، كثاار يسألون شسمك ؟ من وين ؟ ايش جنسيتك ؟ ماكنت اجاوب ماكنت ابي احد يعرفني حتى مايبدا التحبيط هههههههههه بس لما وصلت للمرحله هذي اقدر اقول بكل فخر اسمي شيماء نواف وَ من الكويت وَ تو من فتره عشت بالرياض الجميله الي حبيتها وَ حبيت أهلها وَ كل شي فيها اعتبرها بلدي مناصفه وَ بنفس مرتبه الكويت ، كثار يقولون لي ماراح تتحملين راح ترجعين للكويت ، مانكر جتني لحظات ضعف ليش ؟ لان صرت اشوف صديقاتي واشوف حياتههم كانت تختلف عني وََ عن وضعي وبدت مرحله المقارنه "الي تكلمت عنها بالبوست الي فات" بعدين وقفت مع نفسي ، شفت ايش في مميزات هنا بالرياض ؟ ايش التغيرات للاحسن الي صارت بحياتي هنا ؟ وَ جد في اشياء وَ تفاصيل تافهه ماكنت منتبهه لها بس هي الي عطتني امل وَ دافع كبير لان احب حياتي وَ احب نفسي ♥، وَ سبحان الله صرت اشوف صديقاتي وَ اشوف انا شنو عندي وَ ماعندهم هم ! صرت اشوف حياتي افضل افضل بكثيير وَ اشوف تفاصيل صغيره بحياتي ماكنت اشوفها قبل ، التفاصيل الصغيره هي الي تسعدنا ..

♡ How To Be Happy - كوني واثقه من نفسك كوني سعيده ♡

السعاده ♡ كلمه كثير ناس يبونها عنوان حياتهم ، هي كلمه بس هل هي شعور ؟ ايش يجلب السعاده للناس ؟
كثار يتخيلون السعاده بفلوس او ممتلكات ، كثاار يقولون سعادتي اكون بصحه وعافيه ، كثار يقولون سعادتي بان ربي يحفظ لي احبابي ، بالنسبه لي السعاده اذا ارتبطت بشي تفقد قيمتها ، اذا ربطت سعادتك بشي مادي بس تحصلين عليه تبين شي ثاني وثاني وثاني انتي تملين كوب مكسور فقط ، صح سعادتنا بصحتنا وباحبابنا حولنا ، بس هل يعني انو كل شخص مريض غير سعيد ؟ هل كل شخص فقد شخص غالي عليه غير سعيد ؟ السعاده هي انتي ، هي الرضا عن الذات ، تنبع منك كشخص ، اذا فهمنا انو سعادتنا شعور خاص فينا مرتبط فينا مو مرتبط بشي مادي او شخص ثاني ، مستحيل ننكسر!

I GOT TAGGED ♡ you're it ♡

،

السلام عليكم ، تاق جديد من جميلتي جود شوفو مدونتها هنا

الي مايعرف التاق ، هو مثل بوست يكون اسئله او طلبات بس يجاوب عليه البلوقر

يختار كم شخص يجاوب عليه ، الي بدا بالتاق اروى ، جد شوفو مدونتها مره مبدعه هنا

جود اختارتني اجاوب عَ اسئلتها ، شكرا جووود *.*

الاسئله بالانقلش بس بجاوب بالعربي احترام لمتابعاتي الي مايحبون يقرون انقلش :$

#البائعه_السعوديه_تستحق_الافضل | نطالب بالتغيير !

،

السلام عليكم وَ رحمه الله وَ بركاته

من مبدأ التغيير يبدا بالفرد الواحد ويمتد للمجتمع كامل حبيبت أكتب هذا البوست !

كثييييير مضايقني هالموضوع كثير كثير ، وَ أشوف بنات متأذين منه

وحتى أمس البلوقرز تناقشو فيه

وَ طلعو ما في جعبتهم وَ حسيت للان باقي كلام بقلوبهم !

وأكيد الكلام لايودي ولا يجيب ، لازم يكون في خطوه ملموسه

حتى لو ماحصلنا النتيجه الي راح ترضينا نكون وصلنا صوتنا ع الاقل : )

خطوه تأنيث المحلات جدا كانت رائعه وكثير انبسط فيها وَ حبها ،

غير انو حصلو بناتنا وظايف محترمه ، احنا كزبونات عمليه الشراء صارت اريح وَ آفضل

وَ خاصه بمحلات اللانجري وَ الميك اب ..

مشكلتنا آو آعتبرها مشكله الشركات الي وظفت البنات بالأصح !

انو أغلب الموظفات -مو كلهم- اغلبهم وَ هذا مو كلامي كلام كثييييير بنااات 

حسيتها مو مشكله تواجهني أنا كشخص واحد ! مشكله تواجه بنات كثار ومتأذين منها

بدال لايصير التسوق متعه صار شي ينرفز وَ يرفع الضغط !

موظفات بدون خبره بأي شي ، المحلات صايره حوسه مافي ترتيب

تسأل عن أبسط شي مثل السعر محد يعرف !

صرت اذا دخلت مابي احد يساعدني بس ابي اخذ الاشيا الي ابيها واطلع بسلامه

اذا شفت وحده جايه من بعيد اقول بقلبي يارب لاتجي يارب لاتجي هههههههههه

مايعرفون شي ويغثونك بتعاملهم حتى لباقه مافي !

في مواقف كثييره صارت معي والله صرت أتجنب إدخل هالمحلات

آو قبل لا آروح آكتب كل شي أبيه بورقه ومرات اصوره عشان ابحث عنه بنفسي :\

أغلب الموظفات مالهم علاقه بالمجال هذا ، مو غلطهم اببدا

اكيد كل وحده تدور لقمه العيش ، الغلط من الناس الي وظفتهم

المفروض في دورات ، في أحد يوقف معهم وَ يفهمهم الاساسيات عَ الاقل

ولا قبل الرجال يبيعون وشاااااطرررين من وين عرفو ؟

أكيد أحد دربهم وأحد وقف معهم وَ فهمهم ..

مانبي فنانات ميك اب نبي اقل شي وحده فاهمه ايش تبيع 

فاهمه بإبسط الاشياء الي قدامها :\

من المواقف الي صارت معي في سنتر بوينت :

١)

أدور روج مات -مطفي- وماحصلته سألت الي تبيع قالت ايش مات ؟

قلت مطفي ، قالت يعني ايش مطفي ؟

:\ ؟؟!

٢)

كنت أدور عن ماسكرا من ميبيلين بس ماحصلت الكاونتر حقهم

سألت وحده مايمدي اسأل ومسكت يدي وجلست تحط ارواج

اول شي انصدمت قلت لحظه بس انا ابي ميبيلين مابي ماكس فاكتور

قالت لا انتظري هذا جديد ومستمره !

قلت ابي ميبيلين اصلا ارواج مااااابي !

قالت شفتي الشدوهات الجديده الي نزلناها ؟؟؟

قلت ماكس فاكتور ماااحبه اصلا انا ابي ميبيلين !!

قالت اخر كاونتر هو ميبيلين وقلت وين مشت وانا امشي وراها ادور عن منديل

امسح الحفله الي بيدي ، شافتها الي بميبيلين قالت لها شتبي هذي "تقصدني"

قالت مدري عنها شوفيها شتبي

هههههههههههههههه حتى لباقه وتأدب بالحديث مافي !

حسيت جالسه بحراج بن قاسم :\

٣)

هذي من المواقف الي قالو لها البلوقرر :

تقول فاطمه @AllForYou__

انو كانت بسنتر بوينت وشفت موظفه تفتح علبه المناكير

وتحط منها وهي جديده اصلا !

وجت بنت من بعدها وشرتها 

غير انو مافي ذمه او ضمير ، العلبه انفتحت فتاريخ صلاحيتها بدا 

بما انو تعرض للهوا ، وَ مضر صحيا اصلا :\ !!!

٤)

وفاء @WafaA7med تقول كل ماراحت تشتري ماسكرا منهم

تحصلها مفتوحه ومستخدمه ، المعروف المساكرات مثل شركه ميبيلين 

تجي ببوكس مغلف ، وحتى المنتجات الثانيه تكون مستخدمه او مفتوحه

مع انو اغلب الكاونترات يوفرون تيستر بس مافي أحد مسؤول عن الكاونتر

يرتبه ويهتم بنظافته ومايخلي الزباين تلعب بالمنتجات !!

جد حوووووسه حوووسه ، رحت لاماكن كثيييره بس ماعمري شفت

نفس حوسه محلاتنا ، احنا دافعين فلوس نبي ناخذ شي مقابل يستاهل !

في مواقف كثيره بس قلت اختصرها

هذا بالنسبه لسنتر بوينت

من المواقف الي صارت معي في ماك :

١)

كنت أدور بودره مينرلايز ، ماحصلتها سألت عنها تقول الموظفه مدري ايش قصدك

قلت بودره وجه قالت مدري روحي شوفي هنااااك وتأشر بيدها

وهي تسولف مع صاحبتها !

عصبت وقلت لها طلعيلي الي قلت لك عليه ، طلعت لي فاونديشن مضغوط

قلت هذا كريمي قالت اي طيب 

قلت ابي بودره بودره ، طلعت لي بودره فكس بلس قلت شفرقها عن المنرلايز

قالت مدري يمكن العلبه

زوجي الي ماله علاقه بالميك اب جلس يضحححك لهدرجه ماتعرف اي شي :| !!!

٢)

مو مشكله يعرفون الانواع بس لما جيت احاسب وسألت قبلها قالت لي ب١٧٠ ريال

لما جيت بحاسب طلع ب١٥٤ ريال

وجلست تضحك تقول قبل شوي محاسبه لبنت ب١٧٠ ريال هههه

مدري الغلط منهم ولا من الجهاز !

المفروض الاسعار تكون ثابته ومعروفه ولو انو ماك كل شوي يغير سعره

بس مو كل يوم اكيد !!

من المواقف الي صارت معي في سيفورا :

١)

كنت ابي برايمر للعيون ، دورت ماحصلت فاضطريت انادي الي تبيع

دورت وقالت مافي ، قلت طيب دوري بالدرج قالت لا مافي

قلت طيب افتحي الدرج وشوفي

وبالغصب فتحت الدرج وحصلت كميه كبيييره 

سكرته وقالت مافي هههههه قلت انا شايفه طلعي

قالت لا هذا منتج ثاني ، مدري مالها خلق تدور ولا وش سالفتها

فتحت الدرج ودورت وحصلت الي ابيه ورحت :\

زين ماتربعت بالمحل وجلست ابيع معهم بعد :|

٢)

كنت ادور هاي بيم من بينفت اقولها في

تقول مخلص قلت طيب متى تجيبونه قالت مدري

وكل هذا وهي معطتني ظهرها وتسولف مع الثانيات !

محسسيني اشحد منهم :\ ؟!!

من المواقف الي صارت معي في وومن سيكرت :

١)

كنت آدور سليبر -شحاطات بيت- قلت ابي الي عليهم خصم

قالت مدري شوفي بنفسك قلت وين فيه ١٠٠ سليبر ومافي علامات !

قالت يوووو ماحطو البنات عليهم علامات انتي اختاري وانا اشوف بنفسي اذا عليها خصم ولا

يعني ماعنددي شغل الي اروح ادور حبه حبه وانتي تشوفين سعرها :\

هونت ماخذت -ــــ-

٢) 

الي يبيعون كانو كلهم بالمخزن جالسين يسولفون لو انسرق المحل محد درا عنه

هههههههههه ، والي قاهرني الصياح

يافلاااااانه وين جوااالي يافلااااانه وين الشاااااحن

وهي باول المحل والثانيه بالمخزن :\

عيب يماما المفروض يكون الشغل بروفشنال لو نقطه بس لاتجلسين تصايحين

بالمحل اصوات مستفزه وتخرب علينا متعه التسوق ههههه :(

،

المواقف كثيييره وبمحلات اكثر والله بس مابي اذكرها كلها احس اكتئبت هههههههه

يعني قبل الرجال موظفين وفاهمين كل شي !

من نفسهم بيفهمون او احد مدربهم ؟

طبقو النظام الي طبقتوه قبل ع الرجال سوو نفسه ع الحريم 

مانبي شي والله نبي ندفع فلوس واحنا مرتاحين ومبسوطين

مانحس انو تم استغلالنا او احد ضحك علينا

وخاصه البنات الي مايعرفون كثير بالميك اب والي تبيع بتحوسها وتبيع لها اشيا ماتناسبها

أنا مو ضد شغل المرأه بالعكسسس خطوه ممتازه وَ الله يعطيهم الصحه والعافيه

مخلين عيالهم وبيوتهم ويتعبون 

بس اقل القليل ماننظلم احنا بعد !

بس اروح اشيل هم وحده تنشب لي ولا تعكر مزاجي ولا بسبب كسلها ماتخدمني ،،

المطلوب منكم حاليا ، تدخلون هاشتاق

#البائعه_السعوديه_تستحق_الافضل

اكتبو تجاربكم والمواقف الي مريتو فيها !

بس رجااااء بدون تجريح او سب ، اكتبو رايكم وشاركوني فيه ..

نبي نوصل رساله احنا كزباين للشركات انو نبي تعامل افضل

نبي بضاعه افضل :\

نبي مكان ومحلات انظف وارتب

نبي موظفات لهم خبره لو بسيطه جدا بالي يبيعونه

نبي لباقه وشغل كالمحترفات

نبي لهم تدريب او دورات تساعدهم يطورون نفسهم !

الهدف من الهاشتاق ندعم البائعات السعوديات مانخرب عليهم

نخليهم يطورون من انفسهم عشان نفسهم وعشانا احنا !

واذا في وحده من البائعات تتابعني وعندها اي استفسار تقولي ماراح اقصر

وبشرحلها كل شي يخص المكياج عادي جدا ،

اهم شي اشوف وحده تبي تطور من نفسها مو بس كذا عايشه بجهل :(

كثار من البنات صارو مايشترون من المحلات الي هنا

وانا منهم قلت مشترياتي جدددا ماخذ الا اذا شي مهم

نطلب من النت اكثر او اذا سافرنا

اذا ماحسينا في تطور او احد سمع مطالبنا بتصير مقاطعه

وانا جاده بالموضوع هذا :\ 

عن نفسي لو ماحسيت في تحسن اتعهد انا قورجس ماراح اشتري من محلاتنا ابدا !

*حسيت نفسي شي وانا اقول اتعهد انا قورجس ههههههه*

بشوف رده فعلكم لو جد في احد متضايق من الموضوع هذا مثلي !

اذا بخاطركم شي اكتبوه بالهاشتاق وحاولو تنشرونه ..

نقدر نغيير من الوضع الي احنا فيه ، نتساعد وبنغيره ان شاء الله

يمكن البعض يعتبر الموضوع تافهه ومايستهال ابد

بس هذا ابسط ابسسسط ابسسسط حقوقنا ، وهذي البدايه بس

نقدر نغيير المجتمع لان التغيير يبدا من الفرد !

وعن نفسي بحاول اوصل الرساله للشركات

- البندريه او دار البندر "سنتر بوينت"

- الشايع "ماك ، بودي شوب "

- الحكير " لافي ان روز ، لاسنزا"

لو في محلات ثانيه قولولي وعن شركاتها ..

يد وحده ماتصفق ، واذا تعتبر الموضوع تافهه يكفي انو نحاول نبدا بالتغيير

فاحتفظ رايك لنفسك لان مايهمنا ،

مانبي نضر احد بس نطالب الشركات بتدريب طاقم العمل واختيار الموظفين الصح

وأنا متأكده بننجح باذن الله بس ساعدوني شوي ()

كن أنت التغيير الذي تريده باالعالم *غاندي

لاتنسون تكتبون بالهاشتاق :

#البائعه_السعوديه_تستحق_الافضل

مطلبنا بسيط ، مين معي بالحمله هذي !

لتواصل معي أو استفسارات أو ملاحظات :

| |

الايميل :

gorgeousta@gmail.com

كونو دائما جميلين \ قورجس

فضفضه ٣ : كيف تخلين الناس كلها تحبك بدون ماتصرفين ولا فلس :)

،

السلام عليكم وَ رحمه الله وَ بركاته

كيفكم يَ جميلات ؟

التدوينه هذي من زمان ببالي بس ماعرفت كيف أبدا فيها!

بس قلت بخليها كسوالف عاديه ، هالبوست تغيير وبس تدوينه بشكل عام :)

نغيير شوي من الميك اب وَ الفاشون والأشياء الثانيه

لان بالنسبه لي هذا أهم موضوع بس مع زحمه الحياه أحس نسيناه أو صار شي ثانوي !

أكيد كلنا نحب نطلع بشكل حلو وَ نخلي انطباع جميل للناس 

نهتم باللبس والميك اب والبشره ، بس البعض ابدا مافكر بأخلاقه اسلوبه اتيكيته قدام الناس !

بالنسبه لي نقدر نوصل لقلوب الناس بابتسامه من القلب طالعه ،

عادي تبتسمين بوجه الناس مو حرام والله 

بس مو تتمشين بالسوق والاماكن العامه وتبتسمين للرجال وتقولين صدقه ههههههههه

حلو نكون عَ خلق ، حلو نوري الناس انو أمي وَ أبوي ربوني صح !

حلو اذا طلعنا من مكان يقولون الله يذكر فلانه بالخير ، حلو نخلي انطباع حيد عنا

اكيد ارضاء الناس غايه لاتدرك !

بس دايما وَ أبدا خلي انطباع حلو عنك ومايهم ايش يقولون أهم شي انو تكونين راضيه عن نفسك

أستغرب من الناس الي تخلي مزاجها يتحكم فيها 

واذا اجتمعت مع الناس وهي معصبه تنطقر ع الكل وتنشر الطاقه السلبيه

مطنقره خلي طنقورتك لك ههههههههه مو شرط تحضرين !

او حاولي تتناسين ع الاقل قدام الناس لاتنكتين وتستهبلين بس ع الاقل لاتكشرين بوجيه الناس

وخاصه لو ناس ماتمونين عليهم عيب!

ودي أكتب الاشياء الي اشوفها عيب بالعزايم يوووه عندي لسته طوويله ههههههههههههههه

شرايكم أكتب عن الاتيكيت وَ كيف نتعامل مع المواقف "من وجهه نظري طبعا"

هالبوست بخليه بشكل عفوي ، اذا عجبكم الموضوع بكتب بوست كامل ان شاء الله :)

من الاشياء الي تضايقني الناس المشفوحه او الي مو شايفه خير :\

حتى لو انتي ع قد حالك خلي عندك عزه نفس شوي !

انا اذا شفت شي يعجبني عند وحده عادي اسألها بس بأدب

ما آقول وين وين ماخذته بكم سعره وين المكان بلا بلا بلا !

حلو التأدب بالحديث ممكن تقولين جميل ماشاء الله ممكن اعرف من وين ؟

اذا قالت ، قولي عليك بالعافيه \ ملبوس العافيه \ تتهني فيه

اللسان الحلو والابتسامه بتخلي الكل يحبك غصب ههههه

اذا شفتي احد حياته احسن من حياتك او هي الحياه الي تتمنينها

قولي الله يتمم عليها ، الله يرزقها اكثر واكثر ، الله يسعدها ويوفقها ..

محد حياته بيرفكت ولا عايش الحلم الوردي في ناس مقتنعه وراضيه وفي ناس تطور نفسها

لاتفتحين عيونك ع الناس ويبدا شغل الشفاحه فلانه سوت فلانه راحت ياحظهاااا 

ياليتني مكاانهااا ! احس الي يسوي كذا انسان مريض ،

الحسد ترا مرررررض بالقلب وبتتعبين وانتي تقارنين وعيونك ع غيرك

قولي الله يسعدها والله يرزقني 

محد جت حياته حلوه بالصدفه ، والبيوت اسرار مانعرف كل شي ..

اشتغلي ع نفسك وطوريها حتى لو بابسط شي

تتبطحين وتحسدين غيرك

ربي ماراح يوفقك : )

تتمنين وتدعين ربك بس مستحيل بيجي الرزق والراحه ع رجولها لازم تشتغلين عليها

والله بيسهلها عليك اذا نيتك صافيه وقلبك نظيف ..

شي ثاني بتكلم عنه الناس الي متخفيه ورا "النيك نيم" بعالم النت

من زماااان وانا ادخل نت واحوس فيه بس سبحان الله كل مره اقابل ناس امرض من الي قبل

مو شرط ناس وجههو لي كلام معين، لا لما اتابع المشاهير والناس المعروفه اشوف المرض 

مو معناته انك متخفيه باسم ومحد بيعرفك خلاص تاخذين راحتك وتسبسبين بالناس

بس تطلعين بقلبك وتخلصين حتى لو محد عرفك ايش رايك بنفسك ؟

خلاص بردتي حرتك ؟ خلاص الدنيا صارت حلوه الحين ؟

خلاص صرتي الواو والكول والي محد بيقفطني هههههههههههههه

اذا الشخص ماسوا شي غلط وماغلط عليك انت بالذات او قل ادبه

فما عندك اي اي اي حق بالتعدي عليه ، لان ممكن مسمى واحد يصف حالتك

"مرض نفسي وَ الغيره"

اذا تعديتي ع شخص بدون حق يعني انتي غيرانه 

انتي تتمنين حياته ، قاهرك ومشغل بالك واول ماتدخلين النت تبحثين عن جديده

والله اتخيل الي يسبون :

اف اف يجنن لبسهاااا 

بعدين تكتب :

ووع وش هالذوق المخيس

،

ياللييييت اساااافر نفسهااااا :( 

بعدين تكتب :

الحمدالله والشكر مو شايفه خير بس تصورين انتي اصلا ماتطلعين من باب بيتك ههههاااي

،

اسلوبها يجنن والنااس تحبها !! ليش محد يحبني !!!

بعدين تكتب :

من زينك ومن زين الي تسوينه ماخذه مقلب بنفسك ههههههههههه

*طبعا هالسيناريو كله من مخي ههههه*

يامااماا ياحبيبتي اذا انتي تكتبين هالكلام وتقولين لا ماغار بس الناس مستفزه !

كل واحد يمثل نفسه وتربيته ، وترا جد جد جد حطيها حلقه باذنك

مو كل الناس جايه من نفس المجتمع مو كل الناس نفس التربيه مو كل الناس نفس الاسلوب

الحين اذا دخلتي الجامعه تنصدمين من المجتمع فماابااالك بعالم كااامل

فيه الصاحي والمجنون هههههههه

لاتحكمين ع شخص ماتعرفينه لاتنتقدين بوقاحه

انتي تمثلين نفسك حتى لو كنتي ورا اسم مستعار ، اثبتي لنفسك ان عندك اخلاق ومتربيه حتى لو محد درا عنك

اذا ع كذا خلاص محد بيصوم اذا ماكان احد بيشوفه وكل ماجلس بروحه بياكل

راقبي نفسك ، مو حلو احد يدعي عليك عشان شي تافهه ومايسوا ،،

ارتقو بأنفسكم بيكون المجتمع راقي 

ماعجبك شي انتقدي بس بأدب واحترام واذا الشخص الي قدامك محترم بيتقبل كلامك

شي ثاني *ماراح اخلص شكلي ههههه*

الاسلوب ، شرحه يطول بس حلو يكون كلاسي وعندنا اسلوب محبب

اذا بنطلب شي نطلب بأدب ،

لما تجيني اسئله يهمني الاسلوب صح بجاوب ع الكل بس الي تسأل بادب

فرق عن غيرها وبجاوب عليها بذمه وضمير !

مثال :

١. من وووووين ؟

٢. جميل ماشاء الله ممكن اعرف من وين؟

شرايكم مين أسلوبها أجمل ؟ 

ترا عندي عاده احلل الناس من كلامها واسلوبها

صح شي غلط بس هو كل انطباعات اوليه يعني مو بشكل جدي

الاولى اشوفها مشفوحه مو شايفه خير مستعجله وحوسه وبيتها مو مرتب وستايلها قديم

*جد والله اشوف كذا ههههههههههههههههه*

الثانيه اشوفها كيوته انسانه راقيه ورايقه بنفس الوقت اشوفها انو تشرب كوفي وهي تكتب وتتكلم بهدوء

ونعومه وجميله هههههههههههههههه 

انتو تحبون الناس تشوفكم كيف !

شي راجعلكم اكيد ..

بوست سوالف اكثر من انو شي مفيد 

بس كنت اوضح الاشيا الي اشوفها وانتقاداتي للناس ..

صح ماأزكي نفسي واني انسانه بيرفكت بس كل شي اكتبه احاول ارضي ضميري اولا

واذا في تقصير مني فانا مجرد بنت تخطي وتصيب وهكذا p:

اتمنى لكم عام جميل ، نطور فيه انفسنا ونصير ناس احلى وَ أرقى 

مانخلي الناس تحكم علينا آو تحبطنا ، نفرض تواجدنا وحضورنا وَ نمثل أخلاقنا وَ تربيتنا

لتواصل معي أو استفسارات أو ملاحظات :

| |

الايميل :

gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه

كونو دائما جميلين \ قورجس 

تحدي قورجس : ٣٠ يوم من الجمال | Gorgeous 30 day challenge

،

السلام عليكم وَ رحمه الله وَ بركاته 

يسعدلي صباحكم \ مساكم ، مروقه اليوم أنا وان شاء الله تكونون مثلي :$

الي متابعني بالانستقرام بيعرف اني بديت امس مشروع قورجس ٣٠ يوم من الجمال 

ايش تحدي قورجس ٣٠ يوم من الجمال ؟

هذا التحدي من زماان ببالي وابي اسويه بس كل مره اقول بكره بكره !

أنا أحب الاهتمام والي يشوف غرفتي ملياانه كريمات وخرابيط ومستحيل امر صيدليه

او سوبر ماركت بدون ماقشقش ، بس صارلي فتره اهملت حالي وبشرتي من النوع العبيط :\

عبيط وجاحد بعد هههههههه اهتم فيها طول السنه ولما اتكيسل عنها اسبوعين يروح تعبي كله

بس ماقدر الومها الي يتعود ع شي مثل الزهره لما تتعود ع المويه وتقطعينها اكيد بتبذل !

* قورجس وتفلسفت *

المهم ، قررت أسوي هالنظام لمده شهر أتحدى فيه نفسي : )

النظام بيكون كالتالي :

* اهتمام ببشره ابتداء بالوجه لاخر اصبع بالرجل ههههههه

( مرتين الى ٣ مرات باليوم )

* رياضه لمده نصف ساعه

استقريت ع فيديو لجيليان ،

تمارينها متنوعه ونص ساعه تعتبر كافيه اذا سويتي هالتمارين يوميا !

الي حاب يبدا فيها :

الفيديو عباره عن ٨٥ دقيقه تقريبا ..

بس ترا مدموج بفيدو واحد ولاهو بالاساس عباره عن ٣ مراحل ..

المرحله الاولى لمده ١٠ ايام

المرحله الثانيه لمده ١٠ ايام

المرحله الثالثه لمده ١٠ ايام

يعني بشهر تكونين مخلصه التمارين ، في مقاطع مجزأه لكل مرحله

دوروها بالويتوب بس انا حبيت الفيديو هذا كامل ..

امس بديت بأول مرحله تعبت تعب احس بيغمى علي ههههههههههه

بس هذي جزاه الي ماتمرن بحياته p: 

انا وزني ماعمره تعدا ال٥٧ فبحياتي ماحتجت لريجيم او تمارين !

ولا فكرت فيها ،، من الكسل ممكن !

بس من بعد الزواج زاد وزني وخاصه انو حركتي قليله

بما اني بشقه صغيره فاكيد حركتي اقل مو نفس بيت اهلي 

الي احوس فيه يوميا بثلاث ادوار :\

وكنت بالجامعه وهناك كنت اصعد وانزل الدرج كثير ومحاضاراتي بعيده فاي كنت اتحرك !

بس وصلت مرحله قلت ستوب لازم ارجع قورجس القبل :\ !!

اذا عطيت نفسي مجال يمكن اصير بمرحله لا تراجع منها !

وخاصه انو لو انزل بس ٢ كيلو بكون بالمستوا الطبيعي ، وانا مابي طبيعي ابي ارجع ٥٧

كوزن مبدئي ، حطيت هدف اخسر ٥ كيلو الشهر هذا !

هدف طبيعي ومابي اتحلم كثير ، ٥ كيلو بتفرق فيني كثير

نصيحه اذا حطيتو هدف خلييكم واقعيين ، لان لو ماوصلتو له بتتحطمون كثير : )

واذا نزلت اكثر بالعكس زياده الخير خيرين :$

بس أنا ماعرف قابليه جسمي لخساره الوزن ! فقلت كشي مبدئي ٥ كيلو حلوين ..

* الي حابه تسوي التمارين وماعندها اوزان مثل الفيديو تجيب علبتين مويه ٦٠٠ مم وتكون معباه مويه اكيد ..

* النظام الغذائي الي حابه امشي عليه ،

هالشي صارلي فتره امشي عليه فماحس انو صعب ، احاول قد قد ماقدر يكون اكلي اغلبه سلطه وفواكه

ابتعد عن الدهون ، ماحرم نفسي من شي بس بكميه مناسبه ..

احاول اقيس السعرات الحراريه دايما بس ماحس اني بروفشنال كثير

بس حاطه لنفسي هدف انو مازيد عن ١٢٠٠ سعره حراريه باليوم

ومادري كيف تعرفون السعرات الحراريه انا سألت دكتوره تغذيه ..

واحاول ماكل فاست فود اكثر شي يدمر الجسم : (

الببسي صارلي ١٩ يوم قاطعته استبدله بالمويه

غشيت وشربت ٣ مرات سفن اب بس يأنبني ضميري وماأكمل اشرب شوي تذويقه بس ههههههههه

الاشيا الثانيه الي بسويها :

حاطه جدول لي ومعلقته ع البورد قدامي : )

عباره عن ٤ جداول :

١. جدول للاشيا الي لازم لازم يوميا اسويها وكاتبتها بالتفاااصيل

٢. جدول للاشيا الي اسويها بالاسبوع مثال :

( السبت تقشير البشره بمقشر لوكستيان بما انو يستخدم مره وحده بالاسبوع ،

الأحد ماسك جاهز -عندي كذا نوع فبختار كل اسبوع واحد- ، الاثنين : بودي كير ومونيكير وهكذا .. )

٣. جدول اكتب فيه كم كوب مويه شربت اليوم (توقعته سهل بس طلع اصعب شي ههههههه امس شربت ٤ اكواب والمفروض ٨ او ٢ ليتر بس بعوضها اليوم :( )

٤. الجدول الاساسي كل يوم بخلصه بكتب DONE وان اشاء الله مايخلص الشهر الا وانا مشطبه ع كل الايام :$

هذا جدولي الي كثار سألوني عنه ،

التفاصيل المفصله ماقدر اقول عنها بالضبط غير انو يبيلها شرررح مفصصل

وعادي لعيونكم اقدر اسويه بس اغلب الاشيا الي ضفتها جديده علي : (

فما اقدر اشرحها واقول اي بتنفعكم ! لاني اخترتها ع حسب احتياجي انا وبشرتي انا : (

عشان كذا بس اخلص من عيووني بكتب لكم كل كل كل شي سويته ولو نفعني او لا

لان وقتها اقدر احكم صح ، مابي اهايط واقول هذا لازم تسوونه ..

ابي اتكلم من واقع تجربتي ، وان شاء الله بينفعني :*

والي حابه تسوي لها جدول خاص تمشي عليه بس تبي تشجيع

عيووني لها بس تقولي عن بروفايلاها بالانستقرام واذا حسيت انها جديه بالموضوع

بشيك عليها يوميا واشجعها ومع بعض بنوصل لهدفنا ان شاء الله : )

نجي لأخر شي بالموضوع ، طيب اذا خلصت الشهر ايش بستفيد ؟

اولا بحس بشرتي رجعت لطبيعتها وصارت اجمل

ثانيا جسمي بيرجع مثل قبل ان شاء الله واللبس بيكون علي أحلى أكيد p:

ثالثا بحس بالرضا عن ذاتي واكون اتبعت نظام حياه صحي وَ مناسب

ومابيكون لشهر بس ! لا بخليه طول العمر اذا ربي احيانا ..

اعترف انو كنت مهمله من ناحيه الرياضه واقول جسمي حلو ماحتاج !

بس غلط غلط غلط مو دايما جسمك بيكون حلو ! حتى لو كنتي ضعيفه

بس انو الجسم بيكون مشدود ماتوقع !

عشان كذا لازم ندخل الرياضه بحياتنا لو نص ساعه باليوم ..

لما حسبت الروتين الكااامل كم ياخذ باليوم بتنصدمون

بس ٣ ساعات باليوم !!

يعني باقي ٢١ ساعه شيلو منها ٨ ساعات نوم -هو المعدل الطبيعي للنوم-

باقي ١٣ ساعه فراغ !

والي يداوم قولو ٨ ساعات تقريبا يعني باقي ٤ ساعات وزعوها ع هواياتكم والاشيا الي تحبون تسوونها ..

بس ترتيب وقت وبنحصل ع حياه مرتبه منظمه واهم اهم شي حياه منتجه

بتستفيدون من يومكم بدال لايروح ع النوم والكسل والتسدح *مثلي سابقا*

وأخر هديه بكافئ نفسي فيها :

يس شوز كريستيان لوبتان كلاسيك بلاتفورم !

تقريبا هذا الستايل الي ابيه عاد مدري لو بغيير رايي بس اروح المحل هههههههه

بس اتوقع هذا اكبر دافع لي بما انو من الويش لست ههههههههه

فالله يسهلها ان شاء الله 

شكرا لتحملكم سوالفي الكثيره ههههههههه

وحابه اهدي الموضوع لوفاء الجميله  هي الي شجعتني بالبدايه وفهمتني ايش لازم اسوي

مره شكرا وفاء ، احبك :$ وقلت لك بيجي اليوم الي ببدا فيه ولو انو متأخر شوي ههههههه

الي يبي يتابعني ع الانستقرام @gorgeous30d

وَ أحبكم :$ 

بنتي جوسي للبيع : ) *تم البيع*

,

السلام عليكم وَ رحمه الله وَ بركاته 

قطتي جوسي بعرضها للبيع : )

لسبب واحد انو زوجي طلع عنده حساسيه من القطط ..

I know this will sound crazy but I really couldn't sleep yesterday

this is a very hard decision for me : )

I was crying from last night till this moment lol!

كنت مجهزه لها صور عَ أساس بسوي لها بوست وَ أتكلم عن بنتي الجديده

بس تجري الرياح بما لاتشتهي السفن ، شي غريب انو بأقل من ٤ ايام تعلقت فيها بشكل مو طبيعي

أي اقدر أقول انها بنتي ، ماتوقعت بحب قطوه لهدرجه .. في كثار ماراح يفهمون شعوري بس عادي : )

أمس لما وديتها البيطري يفحصها كانت تصيح وتطالع فيني وتزحف تبي حضني ..

ماسكتت الا لما مسكت يدها وخليت البيطري يفحصها ، طلعت سليمه الحمدالله ..

ورحت وديتها أسوي لها دراي كلين لان توها صغيره ع الشور

لما قصو اظافرها جلست تتألم وتصيح صياح بيبي وأنا أصيح معها لوول

لدرجه طردوني من الغرفه : )

جوسي من أم شيرازيه وأب همالايا ، ولدت ١٨ اكتوبر يعني تو ماكملت شهرين ..

تحب وَ تعشق اللعب والنطنطه ، مسميتها الغزال هههه لان اذا لعبت تنطنط ماتمشي

تحب الناس وماتنام الا اذا عندها احد ، كنت انومها بحضني وبس تنام احطها بمكانها

اذا صحت تجلس تلعب لحد ماصحا ، مالها صوت ولا هي مزعجه او توسخ المكان

متدربه ع اللتر بوكس اي الحمام وانتو بكرامه ، وتروح له بدون محد يقولها

اذا طلعت برا البيت وهي تبي الحمام تجلس تطلع صوت لحد ماأوديها : )

تاكل الويت فود = اكل البيت ، تحب الدجاج المفتت وتاكل شووي دراي فود لان تو ماتعودت مره عليه

تحب الحليب وتشربه : )

جميله جدا جدا ، وتاخذ قلبك من اول نظره ، مدري كيف بخليها بس الله يعين

تحب الناس مثل ماقلت حتى لما جوني ضيوف ماستنكرت منهم وعلى طول جلست تلعب معهم

ما ودي ابيعها والله ، الي يعرفني يعرف قد ايش تعلقت فيها وكيف ازعجتهم بنتي وبنتي

قرار صعب علي ، تو كلمتني صديقتي وسمعت صوتي تقول تبكين عشان قطوه ؟

الحيوانات بتحبك حب غير مشروط ، اذا احسنت لها وَ عاملتها بشكل جيد

بتحبك وتخلص لك ، مستحيل تتغير عليك! هالصفات صعب تحصلونها ببشر بالوقت هذا

مستحيل أحد يفهم كلامي الا الي جرب يربي حيوانات ..

انا تعلقت فيها وحبيتها وحبتني ب٤ ايام! كيف لو عاشت معي وقت أطول ؟

المهم : )

أول وأهم شي ابي بيت محب يحوي جوسي ، السعر ابدا ابدا ماراح اختلف عليه

ابي شخص جدي ، بيحبها وَ يهتم فيها .. جوسي تنحب بسهوله وبتحبك بسهوله

بس انت بتهتم فيها وترعاها ؟ 

بما انو عمرها صغير فان شاء الله مابتتعذب معاها بتفهم وَ تطيعك بسهوله

الي يبيها ، اهم شي يوعدني يهتم فيها .. وَ مايتخلى عنها بسهوله 

ويكون أفضل لو كان عنده خبره بالقطط قبل

حتى أضمن رعايه أفضل لها ..

هنا لما سويت لها مكان تنام فيه ، عَ طول نامت :")

أزعجتها بالكام فصحت تطالع : )

وهنا تقول وخري عني بنام !

أكثر شي تحبه ببيتي هالخيوط دايم تتهاوش وَ تلعب معاهم : )

هنا تتدلع علي عشان أصورها ..

بعد مارجعنا من البيطري من التعب نامت بشوزي ، يازينها :")

هنا وَ هي واقفه ماتخليني اصورها!! شوفو قد ايش هي نقطه ؟؟

اشتريتها من كاتري لاكي

http://www.flickr.com/photos/cat4sell/

كلمتني امس وحده جميله بخصوص الناس الي تتاجر بالحيوانات ..

أنا مابي أمدح أحد أو أدعمه الا لما أحس انو يستاهل ،

انا شفت مواقع كثيره وَ ناس يبيعون قطط وَ محلات كثيره

وأقولها من دون مجامله لاكي كاتري من الناس البروفشينال الي حسيت يبيعون القطط بس بحب

ع طول من دون ماطلب منها اي شي لما حستني جاده بموضوع جوسي

كتبت لي كيف اهتم فيها وايش اعطيها وشنو الي امنعه عنها

حسيت باهتمامها ، وهي عندها قطط كثيره تربيهم وَ حتى تابعتها شفتها تساعد الناس كيف يهتمون بقططهم

ولها مواضيع بمنتدى نادي الحيوانات ، يعني ارتحت بتعاملي معها

حتى بعد ماستلمت جوسي ، كنت أسالها وأزعجها بكثر أسألتي وهي ترد بكل احترام 

يعني لو أحد غيرها بس يبي يتاجر ماتوقع بيتعامل كذا ..

أنا ضد الناس الي تشتري من محلات ، بس جد في ناس ماتدري وين تروح !

وَ سمعت عن التبني بس بالاساس انا ماكنت ابي قطوه او اي شي

كنت اشوف بالنت وَ صدفه طاحت عيني ع جوسي وَ حبيتها وطلبتها بيوم صار كل هذا

يمكن أكثر وَ أسرع قرار سويته ، لما شفتها ماحاولت ادور غيرها قلت ابي هذي وَ بس !

وقضيه التبني بطله وَ أتمنى من الناس الي تبي تشتري قطط تفكر بالتبني 

ومثل ماذكر رسولنا الكريم : "في كل كبد رطبه صدقه"

بغض النظر انو حيوان اليف!

ترا بتحبك صدقني ! وَ تكون خير صديق وَ ماتوقع في أنظف من القطط انو نربيها بالبيت

بس تاخذ تطعيماتها وَ تهتمون بنظافتها ونظافه مكانها مستحيل تجيب جراثيم أو أمراض

وَ هديه حلوه لأطفالكم تعلمهم المسؤوليه وَ بتكون أحلى صديق لهم : )

الي مفكر يجيب قطوه يقدر يتبناها ، شوفو الفيديو :

http://www.youtube.com/watch?v=vJMZagRtvQQ

الي يبي معلومات أكثر يقدر يتواصل من : نوره ناصر من مجموعه -ارحمني-

تدلكم ع أماكن للتبني ، الي يبي ايميل نوره يكلمني وَ بعطيكم إن شاء الله : )

نرجع لموضوع جوسي ، 

هذا فيديو لها هي وَ خواتها يلعبون :

www.youtube.com/watch?v=RuorjXBZ0ik&feature=youtu.be

*في ميوزك بليز قصرو ع الصوت*

لو إني الي دافعه كان ماطلبت فيها اي مبلغ مجرد بيت يحتويها وناس تحبها

بس للاسف مو انا الي دافعه -ــــــــ-

المهم ، ببيعها بالف و٢٠٠

مع اغراضها بالف و٥٠٠ وَ كلفتني أكثر من كذا بس مو مهم 

اغراضها : قفص للتنقل \ ليتر بوكس = الحمام ، الرمل ، الدراي فود ، صحون الأكل ، العابها ، تعليقتها ، وسناكس 

*السعر قابل للتفواض لو حسيت الشخص جدي بالموضوع*

بليز بليز بليز ، الي جاد بس يكلمني وَ أبي أسلمها بنفسي للبنت الي بتاخذ جوسي

لأن بتأكد إنو بتهتم فيها وَ ترعها وَ تحبها : (

الي مهتم بالموضوع يكلمني ع الايميل او التويتر

gorgeousta@gmail.com

twitter: @igorgeousta

يارب بحصل لها بيت بأسرع وقت لان كل يوم اتعلق فيها أكثر ..

قورجس xx