الأربعاء، مارس 20، 2013

♡ How To Be Happy - كوني واثقه من نفسك كوني سعيده ♡



السعاده ♡ كلمه كثير ناس يبونها عنوان حياتهم ، هي كلمه بس هل هي شعور ؟ ايش يجلب السعاده للناس ؟
كثار يتخيلون السعاده بفلوس او ممتلكات ، كثاار يقولون سعادتي اكون بصحه وعافيه ، كثار يقولون سعادتي بان ربي يحفظ لي احبابي ، بالنسبه لي السعاده اذا ارتبطت بشي تفقد قيمتها ، اذا ربطت سعادتك بشي مادي بس تحصلين عليه تبين شي ثاني وثاني وثاني انتي تملين كوب مكسور فقط ، صح سعادتنا بصحتنا وباحبابنا حولنا ، بس هل يعني انو كل شخص مريض غير سعيد ؟ هل كل شخص فقد شخص غالي عليه غير سعيد ؟ السعاده هي انتي ، هي الرضا عن الذات ، تنبع منك كشخص ، اذا فهمنا انو سعادتنا شعور خاص فينا مرتبط فينا مو مرتبط بشي مادي او شخص ثاني ، مستحيل ننكسر!



السعاده مثل ماقلت رضا عن الذات ، اذا حبيتي نفسك ، قدرتيها ، وثقتي فيها ، تؤمنين انها تستحق الافضل ، تعرفين انها تستحق الافضل ، تطورين منها للافضل .. بتكونين سعيده ، اذا قلنا سعادتنا بفلوس او بشتري شنطه عشان اكون سعيده بشتري مكياج عشان اكون سعيده ، احنا بس جالسين نعوض نقص فينا ، السعاده مو بشي مادي ابد ، ممكن اكافئ نفسي بشي احبه ، ممكن اعطي نفسي هديه ، صح بكون سعيده اذا شريت شي جديد ، بس الي يتعود يربط نفسه باشياء ماديه وانها سر سعادته ، بس يحصل ع الشي بسسرعه بيدور ع شي ثاني يحلم انها بتكون سر سعادته !

بكذا جالسين نضر نفسنا ، ليش مانؤمن انو السعاده هي رضا الذات وَ التوافق مع نفسك ، وكل شي بالحياه هو بس وسيله وغايتنا الكبرى انو نحب نفسنا ، من اهم مقومات انو نحب نفسنا نكون واثقين منها!

الثقه !! كثار يقولون انا واثق من نفسي ، بس اذا جلس مع نفسه بيجلس يفكر ايش فلان قال عني ؟ صدق فلان مرتاح لي ؟ صدق شكلي ذاك اليوم كان زين ؟ شكل فلان يسلك لي ! اكرره شكلي اتمنى اكون احلى ، وغيرررررره من الرسائل السلبيه الي نغذي نفسنا فيها ، وندخل بدوامه انعداام الثقه ، صح دائما نبي نترك انطباع جيد للناس انو احنا جميلين او مقبولين للغير ، بس ليش نبي نرضي الناس ؟ مين هم عشان نرضيهم :\ ؟ اصلا مستحيل ترضين الكل فخلاص ريحي نفسك!! طيب في بنوتات بيقولون انا اصلا ماعندي ثقه !
في مثل يقول Fake it till you make it مثلي هالشي لحد ماتتقنينه ، اذا اي شخص حس انو عندك لو اهتزاز بسيط بثقتك بنفسك خلاص بيحكم عليك بانعدام الثقه ، في ناس عاديه بس الثقه تحليهم اكيد مو الثقه الي توصلك للغرور هذا شي غير مرغوب فيه ابدا ، الثقه الي تفرضين وجودك اذا دخلتي مكان الناس يحسون فيك وانو حولك طاقه هاائله ، سبحان الله في ناس حتى من مشيتها تحسها واثقه ، بس قبل لانمثل الثقه في كم خطوه احس ضروري نبدا فيها عشان نبني ع اساس متين.

١) لاتقارنين نفسك باحد ثاني.
المقارنه دماار ، ومن اخطاء الاهل لما يقولون لاطفالهم شووف فلان احسن منك ، فلان اشطر منك ، فلان مايزعج اهله مثلك ، هذي كلها تدمييييير للشخصيه وَ تعدم الثقه كلها ، اذا اهلك قالو هالكلام قبل اكيد اثر عليك ، ونحط ببالنا انو اهلنا اكيد مايقصدون هم بس كانو يبون يشوفنا دائما الافضل ، اهلك غلطو بس انتي لاتستمرين بنفس الغلط ، اذا شفتي بنت جميله بتقولين يووه احلى مني ، بنت جسمها حلو ، بتقارنين بينك وبينها ، بنت مقتدره وتشتري بتحسين نفسك فقيره عندها وتكرهين نفسك وتقولين ليش انا مو مثلها ، مو كل شخص عنده شي افضل منك صار افضل منك يعني ، يمكن انتي عندك ميزه مو عنده ، يمكن حياتك او شخصيتك افضل يمكن عندك هوايه وهي عقلها فارغ مافيه شي ، يمكن انتي شاطره وبكره بتصيرين شي مهم وهي ببيت اهلها ، يمكن ويمكن ويمكن ..  غير انو المقارنه تدمر الشخصيه تزرع الحقد والغيره بنفس كل بنت ، والحقد والغيره مميييته للقلب ، بتتعبك وماراح تخليك تنجحين بحياتك انتي تشوفين ايش الناس تملك بس مافكرتي شلون ملكو هالشي ، يمكن حظ عندهم ويمكن تعبو ع نفسهم انتي ماتعرفين كل تفاصيل حياه الناس ، وقفي تشوفين ايش عند فلانه ومو عندك ، ابدي دوري ايش عندك انتي اصلا !

٢) اعرفي من تكونين.
بتقولون شتبي قورجس هههههههه ، سؤال تافهه بس قليل الي يعرف نفسه ترا ، احنا ننتظر نخلي الناس يعرفون عنا وعن شخصيتنا ، ليش نخليهم يكتشفون ليش مانعرف ونخليهم يشوفون بنفسهم ، امسكي ورقه وقلم اكتبي اشياء تحبينها ، اشياء تكرهينها اشياء ودك تغييرين منها ، اشياء ودك تسوينها ، بشخصيتك او تصرفاتك .. ترا اغلب الناس ماتقدر تكتب اكثر من ٣ نقاط ، لاتألفين ههههههههههه اعرفي جد جد انتي مين ! اغلب البنات بيقولون انا طيبه ولا ام دميعه ورقيقه ههههههههه ، وحنا الي دايما مظلومين مدري منو الي يظلم الناس الي دايما نسمع عنه p:
اكتبي جمل وعبري عبررري ، اعرفي نقاط ضعفك وقوتك ، لاتستعجلين مو بجلسه وحده بتكتبين كل شي ، بس اذا عرفتي انتي مين هذي اول نقاط التغيير.

٣) كوني انتي،
هذي النقطه جوجو تكلمت عنها بالفيديو الجميل حقها ، ليش ننتظر نكون عند حسن ظن الجميع وَ توقعاتهم ، ننجح بحياتنا عشان نرضي احد ، نغير من طبع فينا عشان نرضي شخص ، مادري بس عن نفسي اي اي شي لو بغيره بغيره عشان مو عاجبني لنفسي انا مو عشان احد طلب مني ، دام احنا مانسوي شي غلط ليش مانكون احنا!
انا مبسوطه انو شعرري ويفي واحبه بس كم شخص ينتقده ، مو معناته اروح اسويه ستريت عشان ارضيه وارضي ذوقه -اقوله كمثال يعني- طيب انا عاجبني شكلي كذا ليش اغيره ؟ انتي لبسك جريئ كألوان او تحبين المكياج وعائلتك واهلك مايحبونه ودايما مخلينك المهرج الي يضحكون عليه ، ليش ماعاد تحطين مكياج او تلبسين لبس هادي ؟ عشان ترضينهم ! طيب هذي شخصيتك وهذي انتي وهذا الشي الي تحبينه ، خليك مثل مانتي ماعليك من احد ، اذا احد ضحك عليك لسببين :
- غيران (ترا احس كل شي بالحياه نربطه بالغيره صايرين! بس اذا انتي واثقه من نفسك وجاك شخص مثلا مايعرف باللبس ودائما يسألك عن اخر الموضه وبيوم ضحك ع لبسك او شكلك اعرفي انه يغار لان مستحيل احد يسوي كذا الا اذا بقلبه شي ، او يمكن ذوقك خايس هههههههه امزح :( مادري شلون اوضح الفكره اكثر بس يارب وصلت :$ )
- انتي تبالغين ( حلو نكون على طبيعتنا بس مانبالغ او نوصل لمرحله الجنون لكل مقام مقال ، حلو نعرف نحط ميك اب بس نعرف متى ووين ونحطه ، حلو نكشخ بس نعرف المناسبه الصح ، كوني انتي بس كوني واقعيه )

٤) لاتدع الماضي يعيقك.
يمكن كنا بيوم من الايام باعلى درجات الثقه وفجأه تحطمت ثقتنا بسبب موقف او بسبب مشكله معينه ، طيب هذا كان امس احنا اليوم ولبكره بنعيش ، الي صار صار وخلاص نكمل حياتنا ونكون واثقين اكثر انو ربي كريم وَ احنا نستاهل نعيش افضل وافضل ، خلاص تعاملي مع الموقف وانسيه وكملي حياتك لاتخلين شي يوقف بطريقك ! انتي اقوووووى.

٥) مو كل شي تفكرين فيه هو حقيقه.
ايش المشاعر اصلا ! المشاعر هي افكار او اشياء ببالك دائما ، اذا انتي تحسين انك مو حلوه ترا مو معناته انتي مو حلوه هذا احسااس ومو شرط يكون واقع ! مافي بنت مو حلوه مافي بنت مو جميله كل بنت جميله بس الجمال هذا اظهريه ابحثي عن اجمل شي فيك وخليه يبان للناس ، الجمال ممكن يكون درجات انا عارفه هالشي بس ابدا مافي بنت قبيحه ، اذا شلتي هالفكره من راسك ، بحثتي عن جمالك وبينتيه وبعدين أمنتي انك جميله بتكونين جميله ، ترا الثقه هي تلاعب بالعقل الباطن ، الرسائل الايجابيه مثل ( انا جميله \ انا واثقه \ انا ذكيه \ انا رائعه ) اذا ارسلتي لنفسك هالرسائل وامنتي فيها جدا جدا وصرتي تقولين لنفسك اناااا جميله بتتغير الافكار الي براسك وتزيد ثقتك بنفسك ، ترا شي بسيط اخذي اوراق ووزعيها ع الاماكن الي تجلسين فيها دائما واكتبي عبارات او اشياء او قيم بتعززينها بنفسك وَ بتصدقين هالشي وَ بيكون صفه فيك ، اول ماتصحين الصباح قولي صباح الخير ياجميله ، حبي نفسك واسعديها بتكونين اسعد بنت بالدنياا !

نقطه مهمه بالرسائل الايجابيه ( لاتكتبين : انا احس اني جميله ، اظن اني اقدر اسوي كذا ، بحاول اكون رشيقه ) غلط غلط خليك واثقه واكتبي النقطه بكل وضووح وقوه عشان توصل لعقلك الباطن ، ترا هالنقطه جربتها وفادتني لاتستهنين بقدرتك ع تغيير العقل الباطن : )

٦) ابعدي عن السلبيه والناس السلبيه.
اااخ اكرره الناس السلبيه و الي دايما تتحلطم وحياتي وحياتي وحياتي ، ولو ولو ولو ، ودي اخنقهم :@
انتي عندك يد وعندك عين وتمشين وتاكلين وتشربين وحولك اهلك ، عندك اشياء ممكن تعتبرينها تافهه او من المسلمات وتعودتي عليها بس تخيلي فقدتي عين بعيد الشر او خسرتي شي ! ليش ننتظر انو يضيع الشي منا عشان نحس بقيمته ، دام انتي واهلك بخير ابتعدي عن السلبيه ، الروتين وَ الحياه فيها ضغوطات صح عارفه بس مو معناته نستسلم لها ، احنا نبي ننسدح ونتحلطم ونقول الحياه والله يلعنها -استغفر الله- طيب حاولتي تغيرين شي ؟ غيرتي ومافاد ؟
 تخيلي عندك طاوله امتلت غبار كل ماتمرين عليها الصباح يوووه غبار اووف ايش هذا ماحب انظف يع وبعدين يعني ، طيب بدال الحلطمه مسحيها مره وبس بترتاحين ، بكره بيرجع الغبار ارجعي مسحي ، الغبار هو الروتين او الضغوطات بس مانتسلم لها ، ندور حل اما جذري مثلا نسكر اماكن دخول الغبار وهذا مرتبط بانو نبعد عن الناس السلبيه ، او نمسح كل يوم ونصر ع موقفنا.
- ترا مدري شلون طرا علي الغبار هههههههه افكر بتنظيف البيت : ( -
السلبيه تقتل الشخص وَ تعكر مزاجه ماراح تخليه سعيد ابد ولا واثق من نفسه ، ماعمري شفت انسان واثق حزين ومعبس ههههههه.

تقريبا هذا كل شي لليوم في نقاط ثانيه بس بخليها لبوست ثاني ، السعاده تنبع من نفسك ، السعاده رضا الذات ورضا الذات يجي من الثقه بالنفس هي كلها دائره مرتبط ببعض -بالنسبه لي يمكن غيري يشوفها بمنظور ثاني- حتى اكون سعيده هو شعور صح بس شعور اقدر اصنعه ، اتبعي الخطوات السابقه ولما اقول اتبعي لاتجلسين وتقرينها وتقولين طيب لا اتبعي امسكي ورقه وقلم اجلسي مع نفسك فكري فكري فكري وحاسبي نفسك ، ابدي بالتغيير ، مافي شي يجي بالساهل ، بس ابدا مافي شي صعب ، السعاده مو حلم السعاده واقع ونقدر نعيشه ، انا سعيده لان اخترت اكون سعيده

قورجس 


هناك 39 تعليقًا :

  1. جمييييييلة..الهمتيني كثييييير

    ردحذف
  2. كتبت لك كلااااام كثير ورجعت مسحته (فضفضه بس لما خلصت كتابه قلت لا ليش تكتبينها بعلن فمسحتها )
    عجبني موضوعك

    ردحذف

  3. حبببيت البوست ياجميله
    زي دايم وان شاء الله ابدا انتي مصدر ملهم ليا في حياتي
    يارب لايحرمنا
    احبك :)

    ردحذف
  4. قورجس ياقورجس ♥
    انا لبسي مو جريئ عادي بس اهلي "اللي هم اعمامي" يحبون يستهبلون علي! اذكر مره لبست صندل فيه افيونكة كبيره وشكله كيوت وتطنزوا:(( مو مريحيني
    الزبدة: دايم يجيني احساس اني مو حلوه وان هذي احلى مني بس لما قريت كلامك حسيت براحة وانتي لازم اغير هالشي فيني.
    فالنهاية شكراً لك ♥

    ردحذف
  5. ما شاء الله
    كلامك بسيط وسهل يدخل القلب بسرعة ❤
    كثيرين يربطون سعادتهم بأشخاص لا رضو عليهم الدنيا مو ساعيتهم ولا زعلوا كنه الموت!
    الا برضا الوالدين السعادة تجي للشخص من غير مايطلبه..

    ملهمة كعادتك ما شاء الله .. من جد مو تعبية سطور ..

    ربي يحفظك ❤

    ردحذف
  6. كلامك يوصل للقلب بسرعه .. شرحك وعفويتك تنحب تنحب :( ♡♡♡
    صدق تعطين دافع وحوافز لكل بنت تفقد الثقة بنفسها بشكل ماتتصورينه وبصورة سريعة !

    قورججس انتي جميييله :$ ♡

    ردحذف
  7. كلام جممميل من انسانه اجمممل♥')
    طيب يختي انا فيني عاده الي اكيد هذي تقصدني ، وش تقصد يوم قالت كذا اكيد عشان سويت كذا وكذا
    حتى احيان تكون ماتقصد شي بس سوء الظن يدمر الشخصيه :'(
    اذا ودك بالبوست الجاي تتكلمين عن كيفيه التغلب ع هذي العاده !
    وشكراً قورجس الجميلة ♡♡♡

    ردحذف
  8. والله حمستيني من جد تتعب المقارنه كثير, والافكار السلبيه , وكلامك جميل وخلاني ابتسم

    ردحذف
  9. كلامك مريح جدا ونصايح من ذهب

    بالنسبة لي أقول أن أنتي بروحك تككوني سعيدة

    اسعدي نفسك تسعدي من حولك أما أفكر أرضي من حولي علا حسابي بتعب نفسي كثير
    تحبني تقبلني كما أنا

    وشكرا يا جميلة

    ردحذف
  10. كلامك جممميل ججممميل مماششاء الله :"""( 💜💜

    شكراً شكراً كثييير يا جممميله :"""❤❤

    استفدنا منك كثييير ككثييير 💜💜

    ربي لايحررمنا منك ولا من مواضيعك اللي تفتح النفس :( 😻


    الله يوفقك ويسعدك ياررب 💜💜

    جد جد غيرتي فينا كثييير ☕❤


    لاتحرمينا من المواضيع اللي مثل كذا 😻

    دمتي بخير وصحة وسعادة ان شاء الله ❤❤

    ردحذف
  11. كلام جميل .. من شخص جميل
    بوست مريح .. خصوصا انو أنا امر في فترة صعبة ومتقلبه
    بس حسيت براحه لمن قريت كلامك ..
    وفعلا اهم شئ انو رضى الناس غاية لا تدرك ..فا ليش نتعب انفسنا !!!

    ردحذف
  12. مَآ عندي لآ رأي ولآ سؤآل =)
    بَس ثقَتي زيرو , ودآيم آشوف إني نَكرةة
    حَتى بعآلم آلنت !
    دآيم آحس آني مآرآح آفيد , ورآح آثَقل عَلى آلوآحد
    ويآسلآم جييت على مَوضوعك اللي فَتحلي نَفسي
    وقَررت آنقلب ميتين وطَعش دَرجةة
    وآصير آنآ آلوآثقةة آللي مآخاذةة مقَلب -> لآ تَكفين مو كذا =\
    يسعدك رَبي قورجستآ ❤ ويَعطيك على قد نيتك
    متآبعتك بتويتر + انستغرام , بس آول مرةة آجي هنآ ❤❤

    ردحذف
  13. انتي شي جميلللللل * فجاة انربط لساني*

    ردحذف
  14. اههه ي قورجيس ، مدري وش اقول ومدري وش اخلي :$
    انتي انسسسانةة تجيبين السعادة ، ~
    والله احببك ♡~
    كثري من هالبوستات ، يسعدكك ربي )'"":

    ردحذف
  15. بالله اتكلمي عن التركيز : )

    ردحذف
  16. كلا رائع جعله الله في موازين حسناتك :)

    ردحذف
  17. الله يسعدك دنيا و آخره

    ردحذف
  18. كلااااام رائع يعطيك الف عافيه يا حبيبتي قورجس االله يوفقك والى الامام يا روحي

    ردحذف
  19. ي حبيلك ، كﻻمك جميل زيك -؛ ممكن حسابك بتوبتر ؟

    ردحذف
  20. جمييييييييل كلامك اثر فيني كثير الله يسعدك ي رب

    ردحذف
  21. قورجس انتي وحده من الملهمين في حياتي ❤
    منجد أحب تدويناتك
    ربي يسعدك شي كنت استناه من زمان
    دايم ماعندي ثقه و اقارن كثير
    و شايلةة هن الجامعة السنه الجاية
    بسوي كل اللي قلتيه ❤❤

    ردحذف
  22. جد جد يا قوووورجس. انتي شي جميل بالحيااااه شكراااا
    مرااااا شكرا ويااارب ما يحرمنا منك ياااا دووووبه
    احبك

    ردحذف
  23. ي فديتككگ كلامكك حلووو وبسيط ويشرح الخاطر ' الله يسعدكك يارب $'

    ردحذف
  24. ي فديتككگ كلامك حلو وبسيط ويشرح الخاطر ' الله يسعدككگ يارب $'

    ع فككرة انا تو صرت اعرف مدونتك من كم يوم وكل مواضيعكك تجنن وقاعده اقرأ فيهم ومستمتعه حيل $'

    موووفقة ♡♡

    ردحذف
  25. قورجس يا قورجس :( ~ جبتيها عالجرح عاد انا دايم اقارن نفسي واخجل من نفسي بس الحين مررره الله يوفقك

    ردحذف
  26. شكرًا قورجس

    ردحذف
  27. عجبتني التدوينة 👍
    الله يسعدك ويوفقك انظم لمتابعاتك ❤

    ممكن لو تتكتبي اسم الكتاب الي ف صورة شكلو جميل

    ردحذف
  28. راااائعة انتي يا قورجس .. كنت محتاجة جدا مثل هذه الكلمات .. حسيتها تخاطبني شخصيا .. ربنا يعطيك ماتتمني ..

    ردحذف
  29. قورجس وربي نفسي كلامك يوصل لأكبر عدد ممكن
    يضايقك لو نسخت كلامك وارسلته برودكاست وكتبت اسمك تحته وعنوان مدونتك ؟؟

    اذا سمحتي لي بسوي هالشي لأني اشوف كثير ناس حولي متشائمة وفاقدة ثقتها بنفسها وحزينة على أشياء تافهة ويمكن كلامك هذا يلمس قلوبهم ويغيروا حياتهم بإذن الله

    آستمري♥

    ردحذف
  30. كلاممك مره يأثر وحححلو
    و أبي اشياء لك اكثر

    ردحذف
  31. يَ جمممممآلك وجمال هالموضوع جميل ماتتدرين شقد آسعدني
    وآن شاء الله ببدأ اغير من نفسي وشخصيتي للأحسن
    علشان نفسي انا مو لَ احد ثآني ...
    يسعدك ربي ع هالكلام اللي مثل العسل
    آحببك واحب كلامك اللي ينقط عسل وسعادة بجد
    يخلي الشخص يغير من نفسة غصب من كلامك
    ربي يوفقك ويسعدك يَ جميلة =)

    ردحذف
  32. ماشاء الله عليك كلام طالع من القلب ووصل لقلبي
    ربي يسعدك ياشيخة منجد بوست رائع ومفيد جدا
    لي يومين يمكن من عرفت مدونتك وحبيتها وحبيت شخصيتك
    فجاة وانا اقرا الكلام عيوني دمعت ماادري ليش هههههههههههه
    بس يمكن من انه كلامك جدا مؤثر
    ان شاء الله راح ابدا اغير في نفسي كثييير
    شكرا لك يا منبع السعادة

    ردحذف
  33. ياناس على كلامك
    فعلا دخل قلوبنا
    واتحدى احد يقراه ومايطخل قلبه ؟؟؟؟ لانه من الاساس انتي قايلته من صميم قلبك والاحلى بكلامك المعسول
    ربي لا يحرمنا منك
    استمري واحنا معك خطوه ب خطوه
    جزاك ربي الجنان
    دعواتك لنا نكون مثلكك ياقلبووووشه

    بنحبك ؛$
    استودعتك الله يالغاااليه

    ردحذف
  34. كلامك مره يشجع ، كنت أعتقد أن أنا ما عندي ثقه أو زي ما قلتي انه من موقف أختفت بس بعد كلامك أقتنعت أنو الثقه شي مكتسب مب موجود حقيقه ، يسعدك ربي يا حلوه =)

    ردحذف
  35. كلامك مره يشجع ، كنت أعتقد أن أنا ما عندي ثقه أو زي ما قلتي انه من موقف أختفت بس بعد كلامك أقتنعت أنو الثقه شي مكتسب مب موجود حقيقه ، يسعدك ربي يا حلوه =)

    ردحذف
  36. جمممميل اعطيتيني دافع الله يخليكي ياجميلة

    ردحذف
  37. ياشيخة الله يسعدك قريت اشيا كثيرة في مدونتك الجميلة ولامستني .. ويني عنك من زمان

    ردحذف

التعليقات الجميله ♥♥

Blogging tips