الثلاثاء، مارس 19، 2013

* ليش ادون ! -نيولوكي وسواليف وَ تغييرات-

،



السلام عليكم وَ رحمه الله وَ بركاته :$ مبسووطه انو رجعت أدون بلوك جمميل وألوان فرايحيه ماتخليني امل وتعطيني دافع انشب فيكم p; بوست اليوم بيكون تعريفي بس عن اللوك الجديد وَ ايش بيكون فيه للايام الجايه بس عشان تكونون متابعين لي وعارفين عن ايش راح اتكلم :$
من قراراتي الجديده انو التدوين بيكون بشكل شبه يومي -٦ايام بالاسبوع- بتقولون يوه مره كثير! وماراح تصبر قورجس وتزهق وتطنش ! بالعكس اخذته تحدي بيني وبين نفسي ، مو شرط تكون مدونتي بس ريفيو ومنتجات جماليه وَ غيرها ، بالعكس لما فتحت مدونتي اول مره كنت ابيها متنفس لي او يوميات او دايريز اشاركم بافكاري وسوالفي والاشياء الي احبها .. بس الفكره اخذت منحنى ثااااني وصارت عرض تجارب بالاغلب ، اكذب لو اقول خبيره بشره او ميك اب ارتيست او مصممه ازياء او او ، احس كثار فاهمين فكره التدوين غلط ، المدونه هي عرض الافكار وَ التجارب اشياء يمكن تعجبني بس ماتعجب غيري ، ستايل يناسبني او شي احبه بس مو الكل يتقبله ! اعرض تجاربي والاشياء الي نفعت معي ، اي شي اعرضه او يعجبني مو معناته روحي اشتريه ! انا هنا مثل اختك اذا شفتي شي عاجبك عند اختك تسألينها وتعطيك رايها بدون تحيز او تطير المنتج وهو مايسوى شي ، وَ بس ! هنا يجي دورك انتي تشوفين لو ناسبك ولا بيمشي مع بشرتك وغير هذا دوري اراء ثانيه وقارني وأبحثي ، المدونات -كلها- هي مرجع لا اكثر، تبادل خبرات وتجارب لا اكثر ، شفتي منتج عند بنت وكثيير تمدحه لاتروحين وتشترينه ع طوول ، خلي عندك رايي وتفحصي المنتج واقري عنه ، خاصه لما يكون خاص بالبشره ممكن يضرك لان مو كل البشرات تتشابه ، حتى لو نفس نوع البشره مو معناته بيناسبك انتي !


باختصار الي حبيت اوضحه :$ الهدف من التدوين انو نشارك تجاربنا معاكم وانتو لكم حريه الاختيار هو مو فلسفه او فرض رايي او احنا او"انا" الي فاهمه كل شي لان بالاول والاخير الجمال والبشره عالم كبييير محد يقدر يفتي فيه الا اذا دارسه او له تجارب كثيره جدا معاه ، والحمدالله ماحب افتي بشي ماعرفه ، واحاول افيد بالي اقدر عليه وانبسسط انبسسط اذا بنوته جربت شي مدحته وقالت لي عجبها و كثااار بنوتات يبسطوني بكلامهم الجمميل خاصه لما تقولي انتي غيرتي فيني شي احس اني مللكت الدنيااا جد جد ، مافي احلى لما يكون لك تأثير ع الغير بشكل افضضل فمرره شكرا لكل بنوته تسعدني داايمااا بردودها وتعليقاتها الجميله ♥ و حبيت اذكركم انو التدوين مو مختصر ع الجمال ممكن يكون بأي مجال حابينه ، الي حابه تدون بس تقول ماعندي شي اكتب عنه! مستحيل ياقلبي ، كل شخص بالعالم له تجارب او اشياء استفاد منها ، حلو نثري المحتوى العربي بتجاربنا وخبراتنا حتى لو ماجربتي اشياء كثيره تقدرين تكتبين عن اي شي عاجبك ، طموحاتك افكارك تصويرك طبخك رسمك اي اي شي ، عندك هوايه طلعيها للعالم وتحدي نفسك وَ طوريها ..

مثل ماقلت انو الهدف من مدونتي متنفس ومكان افكاري الي ابي اشاركها للناس ، فحبيت مع اللوك هذا ارجع للهدف الرئيسي ، سويت ٦ اقسام يوميا ماعدا الخميس بيكون في تدوينه جديده ، ممكن تكون طوويله وكلام كثير -كعادتي- وممكن تكون مختصره وَ صور ، مو مهم الكميه قد مو مهم الفكره وَ انها توصل الي احبه للناس ،

حابين تعرفون كل تصنيف للمدونه يعني ايش ! يلا شوفو معي *.*

قورجستا :


- هي انا :$ قسم قورجستا بيطل عليكم كل سبت ان شاء الله ، هو السبت يوم غثيث بس معاي بيكون بسيط وسلس وجميل *ثقه ثقه :$* يوم السبت بعرض لكم تجاربي بشكل عام  ، منتجات اعجبتني بالمكياج \ العنايه \ العطورات ، اي شي يهمكم راح اعرضه ان شاء الله ، وبيكون من تصويري الخاص باذن الله ..


الهام :


- الهام هو قسم بيطل عليكم كل احد ، بيكون عباره عن صور او اشياء عجبتني ممكن تستفيدون منها ، ماقدر احدد نوع الصور بس بتكون مختارات من تجميعي الخاص وتعطيكم دافع تبدعون وَ تنجزون وَ أهم شي تعطيكم الهاااام .. اما بتصوير او تصميم او ديكور ، ترا احب اتفرج ع الصور والاقتباسات كثييييير ، احسها شي جميل وتعطيني افكار واسرح فيها وتطلعلي فكره مالها علاقه بالصوره الاساسيه ! بس اقدر اسميها تغذيه بصريه ، اذا شفنا صور كثييره بتتراكم ويتشبع المخ واذا صرنا نبي نفكر بشي تلقائي الصور ممكن تطلع لنا ، مدري لو فهمتوها ؟ :$ بس الي يحب التغذيه البصريه بيفهمني : )

تكنوشيك:


- تكنوشيك ترا مدري شلون طلعت الاسم هههههههههه بس هالقسم الي بيطل كل اثنين بيهم البنوتات الي يحبون التكنولوجيا مثلي ، صح انا مو قييك "الي يعشقون التكنولوجيا والاشياء المعقده" بس احب اشوف احدث الاشياء مثل برامج الايفون الجديده ، حتى لو مقطع باليوتيوب عجبني له علاقه بالجمال ممكن احطه هنا :$ ، الاشياء الجديده الي تهم البنات من مقاطع واخبار وصور بحطها هنا.

ميني منيكان :


- قسم الفاشووون ، ميني منيكان ! هالقسم بيطل عليكم كل ثلاثاء وبيكون له علاقه باي شي متعلق بالفاشون واللبس والكشخه ، ممكن احط تنسيقات اعجبتني من تصويري او من النت ، اتكلم عن موضه معينه ، انسق لكم قطع جديده باكثر من لوك ، اي شي له علاقه بالفاشون بيكون هنا.

غيمه ٩ :


- بتقولون ايش يعني غيمه ٩ ؟ احب هالمصطلح كثييير كثييير ، cloud 9 بالانقلش معناه اعلى درجات السعاده والطمأنينه كأنك بغيمه بروحك ، شي يدل ع السعاده ، فحبيت اسمي هالقسم غيمه ٩ وبيطل عليكم كل اربعاء عشان يكون اربيعاكم جميل اكثر p; هالقسم بتكلم عن الاشياء الايجابيه وكيف نكون ناس سعيدين ونشوف الجانب الحلو بالحياه دااائما وابدااا ، الي يعرفني انا انسانه سعيده ، مو لان حياتي سعيده وكل شي ع مزاجي ، لا لان اخترت اكون سعيده واخترت اشوف كل شي حلو بالحياه والي مايعجبني احاول اغيره واطمح اطور نفسي ، ماعندنا الا عمر واحد ليش مانحب نفسنا ونعيش! صح الحياه مو دايما حلوه بس اذا اخترنا نكون سعداء بنكون ، نقدر نلقى السعاده باصغرررر الامور ، عشان كذا بالقسم هذا بتكلم عن كل شي ممكن يخليك سعيده ، احب تكون مدونتي مفيده وممتعه ، احب تعبر عني فهذا القسم احس بيكون اقرب قسم لي : )

استكنان :


- استكنان من الاشياء الي ابي اسويها من زمان من زماان من زماااااان ، هالقسم بيكون كل جمعه ان شاء الله "ماتشوفون المبخره ههههههههههههه" لو اقولكم طموحي بتضحكون علي :$ لما كنت صغيره طموحي اخلي اوبرا "المذيعه المشهوره" تسلم ، احبها واحب اتابع برامجها ودايما اقول لو اسلمت بتخلي الناس كلها تسلم -هذا الكلام وانا بالمتوسط *-* - المهم ، ليش التغيير مايكون بخطوات بسيطه ، كثااار منا وانا منهم مقصرين بالجانب الديني من حياتنا ، فحبيت هالقسم مانتكلم عن الدين بشكل كبيير ومتعمق لا بتكلم عن اشياء بالدين ونربطها بحياتنا العمليه ونقدر نستفيد منها لان اولا واخيرا ماحب ادخل بشبهات واكيد واكييد ماحب افتي او احلل او احرم لان ابدا ماني بوضع يسمح لي بالطبع ، فحلو كل جمعه نتذكر سيره النبي صلى الله عليه وَ سلم ونتذكر قصص الانبياء الي متأكده كثاااار منا مايعرفونها ، بتكلم عن الدين "اليسر" وحلو نبسط دينا لان دينا دين حيااااااه ، كثارر من الناس يكرهونك بالدين باسلوبهم ، ان شاء الله اقدر اغير الشي هذا لان الدين ترغيب وليس ترهيب ، وبتكون من اقسامكم المفضله صدقوووني !!



وبس هذي قورجس ناشبه لكم كل يوم هههههههه ، حسيتها مسؤوليه بس يارب اكون قدها : ) ذكرت بالبايو بالتويتر والانستقرام ، افكاري بالتويتر ، صور من حياتي بالانستقرام وَ مدونتي هي انا ! بعيدا عن التصنع والمبالغه بكون هنا على طبيعتي ، يارب تستمتعون معاي ، كل الشكر الي شجعوني احس كل يوم انا ومدونتي نكبر ونتغيير للافضل ، انتو السبب والله ! بعد ربي أكيد ، من دون دعمكم ماتوقع بوصل للمكان هذا ، مرره اشكركم من كل قلبي.
" ان أصبت فمن الله وأن أخطأت فمن نفسي والشيطآن "


ايش اكثر قسم حبيتوووه ♥ ؟؟

للتواصل معي ع التويتر والاسك-غيرت اللنك- والانستقرام




كونو دائما جميلين  ..
xo Gorgeous

هناك 35 تعليقًا :

  1. آنشبي يّ شيخآ خددي رآحتك وع الآخر ..
    عآرفة آحسكك آكثر وحدآ تسحب ع المدونة لآنو تنزلي موآضيع ورآ بعض وآحيآن من الحمآس تنزلي بوستين بيوم وبعدهآ تغيبي * حيآة الفهد تتزحلق ع الجدآر *
    يآي آنهآ السعآدة قورجيس بتكون كل آيآمم هنآ ..
    شي حلو وآفكآر حلوة عجبتني فكرة التصوير والملآبس والديكور وبالتوفيق يّ ربي ..

    ردحذف
  2. يسلام مره متحمسه على أفكارك الجاي
    الله يوفقك نحنا معاك راح ندعمك إنت شي جميل

    ردحذف
  3. ي الله كلآمك يجيب الراحه , انتي من البلوقرز اللي أحبهم على طبيعتك وأسلوبك وكلامك حلو , الله يسعدك~

    ردحذف
  4. ياااااااجمال قورجستا الفرايحية...
    ممممممره انبسطت بالتغير الجديد مممره حلو
    كلهاا حلوات مااقدر اختار قسم واحد ♥♥♥♥♥

    ممموفقه للافضل واحنا معك

    ردحذف
  5. مبدعه كعادتك واﻻقسام كلها جميلة موفقه قورجستا

    ردحذف
  6. مبدعه كعادتك واﻻقسام كلها جميلة موفقه قورجستا

    ردحذف
  7. جميله ياقورجس قلوب تملي مدونتك كلها هههه

    اكثر شئ عجبني غيمه 9 حبيته

    كل شئ حلو

    go ahead Gorgeous

    kiss 4 U

    ردحذف
  8. جميله ياقورجس قلوب تملي مدونتك كلها

    اكثر شئ حبيته غيمه 9 حلوووووو

    GO AHEAD Gorgeous
    KISS 4 U

    ردحذف
  9. وااااو يازينگ ماشاءالله تبارگ الله الله يسعدگ ويحفظگ ياااارب…
    ايش عجبنا ؟! كل شيء عجبني كل الايام كل الاقسام عن جد جممممميل الله يقويگ ويعينگ وبالعكس انا افرح بالمدونات مابنمل ااااببببد…

    ردحذف

  10. ياااسسسلام كل يوم شي جمميل
    وانتي قدها ان شاء الله

    ردحذف
  11. السلام عليكم ورحمة الله وبركاته ..
    جذبتني كلماتك في الإنستقرام وشجعتني أدخل على مدونتك ..
    بالتوفيق لك يالغلا وأنا معاك قلباً وقالباً ..

    ردحذف
  12. انتي جميييله ♥ حبيت اللوك الجديد ،، حبيت الغيمه 9 و ميني مانيكان .. وأكثر ششي قورجستا ♥♥ الله يسعدك ويوفقك =)

    ردحذف
  13. جمييله جمييله ، الله يوفقك ويعينك ع بثارتنا :)

    ردحذف
  14. ماشاءالله عليك .. يعجبني الحماس و الشغل الرايق..

    عقبالي ان شاءالله اتحمسو ارجع لمدونتي هههههه

    ربي يوفقك حبوبة متابعة لك =)

    ردحذف
  15. انتي كلّك الهام قورجس ، جد احسوكميه تفائل داخلي لما اقرا كلامك احس كل شي حلو والدنيا سعيده متابعتك من زمان من الاقلاع
    واحبك واحب كلامك المريح جدا ،استفدت منك كثير حتى اسولف لزوجي عنك وقلتله عن التحدي حق30 يوم ومتحمسه اجربَه
    قود جوب يابطله الالوان سعيده والاقسام تفتح النفس ، متحمسه لقوريجستا وكلاود 9 , ومتابعتك دايما (اسماء)

    ردحذف
  16. ءءءءءءءءءءءءءءءء قووووووووووووورررررررررررررجسسسسسسسسسسسسسسسسسسسسسسسسسسس
    انتي شي هايل الاستايل يفتح النفسسسس ربيعي حده كنت جاهزه اسوي استايل ربيعي وشكلي بهون :"(
    جميله الاقسام احترت وش اختار لكن احس كلهم لهم قيمه وجانب مهم بحياتي وبحياة اي فتاة
    شكرا قورجيستي :*
    ننتظرك يا جميلتي بفارغ الصبر

    ردحذف
  17. قورجس يا قورجس وش هالجمال يختي :( ♡ ؟
    الله يسهل عليك وتكونين قدها ان شاء الله ولا تضغطين على نفسك عشاننا اهم شيء راحتك ♡
    وكل شيء منك بيعجبنا اكيد :*

    الله معاك ♡♡

    ردحذف
  18. كلامك خلاني اتحمس معاك متى بتنزلين هاذي الاشياء كل يوم حماس "استمري يا قورجستنا

    ردحذف
  19. قسم الهام
    Waiting for your amazing stuff 😍

    ردحذف
  20. جمالك يختي محد نفسك :(♥♥
    تعطينا كثير من وقتك مره حبيت الفكره لاني بصراحه انبسط لما اشوف شي جديد لك بس حتتعبي كثير معنا بهالطريقه مع انها ممتعه جدًا
    الله يعطيك العافيه ويسعدك ♥_♥

    ردحذف
  21. انتي شخص جداً رائع وقاعده اشوف مدونتك كل ماتكبر تصير اجمل ويصير لها - هدف - فعلا واضح .. حبيبتي واصلي واحنا مستمتعين جدا مع شخص مثلك ياجميله ❤

    ردحذف
  22. Hi I really like techinochic :)

    ردحذف
  23. الله حماسسسس يختي كلكك جمال ♥♥
    اللوك الجديد يهوس وكل الاقسام جممميله
    اكثر حاجه حبيتها الفاشن والغيمه♥♥
    الله يسسعدك ويحقق احلامك ي قورجسيتا

    ردحذف
  24. التصنيف الجديد مرة حلو ويرتب افكارك
    متحمسين له..
    ويعطيك العافية

    ردحذف
  25. جدا لوك جمـيل ..
    ويفتح النفس
    وآصلي يآذوق ..

    ردحذف
  26. شوفي انا مو من متابعين blogsابدا ابدا ولاتذكر اني قريت لاحد...
    كل شخص منا عارف وش الا شيا اللي يحبها ويبيها..
    فكرة ال blog كمبدأ حلو والاحلى تلقين ردود واراء تخالفك وتؤيدك.. حلو اننا نستفيد من بعض ونتعلم معلومه جديده..كل يوم..
    انا اليوم عرفت قصه النبي ايوب عليه السلام كامله.. واعترف انا مرره ماافهم في قصص الانبيا
    وفعلا مقصره في قراءه الامور الدنيه والتاريخ للاسلامي بشكل عام..
    بنفس الوقت .. انا تركيزي كله حاليا على شي واحد دراستي..
    وتخصصي حاليا فيه عليه كلام كثير so many conflictions and ethical issues.. ولو حبيتي ممكن اننا نناقشه في مره من المرات....

    ردحذف
  27. كل شيء جميل هنا
    دايم أفكر ازبط مدونتي وارتب لها جدول بس ماتضبط معاي
    قريب يارب

    ردحذف
  28. الوحيدة اللي فاهمة معنى التدوين

    مو زي وحده الله يستر عليها 😷

    ردحذف
  29. حبيبتي قورجس أنا مره مره انبسطت وانا اتنقل ف المدونة وبسنتر هنا .. بس من بعد اذنك تسمحي لي استعير مصطلح cloud 9 والايكون تبعك لان بجد انتي بكلماتك شجعتني اني اكون فعلا سعيدة .. بانتظار ردك واذا ماتأذني لي عادي مارح أزعل ..

    ردحذف
  30. فديتك ياحلوك ماشاءالله أحب الناس اللي عايشة حياتها وماتبخل على نفسها مثلك ومثل ماقلتي العمر مرة ولازم نعيشه مثل مانبغى وبما يرضي الله

    الله يعطيك العافية وآستمري

    ردحذف
  31. توني اعرف مدونتك وحبيتها وغيييرتيني وغيرتني حقيقيه مااقولها عشان تنبسطين او عشاني حبيتك حلو الواحد يكون كذا يعني الله يوفقك حبيبتي ويسعدك واذا اعجبكم شي يابنات قولوا مشاء الله واكثر قسم اعجبني الهام

    ردحذف
  32. قورجيس انتِ انسانه ايجابيه جدًا ❤❤❤ و تفتحين نفسي اني اقوم من السرير و اتحرك *من بدت الاجازة و انا على السرير او برا البيت* 😂😂 شكررررااااا لأنك غيرتي فيني كثيييير 💘

    ردحذف
  33. يانااس ياناااس ويني انا من زمان ويني انا من زمااااان ويننننن ؟!!!
    يارب تكونين مستمره واضح ان من ومان هالكلام بس توي اصيدك وبجد احمد الله اني مسكتك هههههه لانك جميله وكلامك اجمل
    ومتحمسه اكثر شيء للكل بصراحه حسيت وانتي تكتبين النبذات كلها حماسيه بروح اطلع عليهم
    مشكوره بجد بجد
    تكفين استمري واروينا بافكارك واشياءك الجميله يا عيوننا
    ويابخت من فاز فيك والله
    ننتظرك امورتنا
    كوني قريبه 💖
    لا تبعدين استودعتتتك الله

    ردحذف
  34. السلام عليكم ..باين من كلامك العفوي والحلو انو روحك حلوة وإن شاء الله تكون هالمدونة حلوة ومفيدة النا نحنا البنات والله يوفقك ويسعدك دنيا وآخرة يا حلوة ..

    ردحذف

التعليقات الجميله ♥♥

Blogging tips