السبت، فبراير 28، 2015

كل شي تبين تعرفينه عن ماكينه القهوه من نسبريسو | لما يكون في كوفي شوب ببيتك





السلام عليكم وَ رحمه الله وَ بركاته ،
تدوينتي اليوم عن مكينه قهوه خلتني استغنى عن المقاهي وستاربكس ودكتور كيف وربعهم كلهم!
التدوينه بتكون طويله وبشكل مفصل عن المكينه بشكل عام + انواعها + الكوفي بار + مكينتي بشكل خاص + وشلون تسوون بيرفكت كوب من القهوه + ناخذ نسبيريسو او دولسي قوستو ، متحمسين ؟ يلا نبدا!



شنو يعني مكينه نسبيريسو ؟
مكينه نسبيريسو ببساطه مكينه قهوه تصنع القهوه من كبسولات الاسبريسو الي هو عباره عن قهوه مطحونه بضغط معين ، القهوه تكون محفوظه بكبسولات مثل ماقلت بشكل معين ان لما تستخدمينها تكون كانها مطحونه فريش تشمين ريحه القهوه كآنك بجد بمقهى ، المكينه تسوي كل انواع القهوه وانتي الي تتحكمين فيها ، القهوه ياتكون قويه مع ماي بس او تخففينها بحليب وتقدرين تسوين انواع كثيييره مالها حصر ، في موقهم قسم خاص للطرق والوصفات :

الي حلو فيه تختارين مزاجك هل هو صباحي او للمسا او بعد العشا ويعطيك وصفات الي تناسبك

الي عندي من نستله وعندهم نوع ثاني الي هي دولسو قوستو وبتكلم عنهم باخر الموضوع.

انواع مكينه نسبريسو :
بموقعهم ١٠ انواع للمكاين :



الاسامي والاسعار موجوده بالصوره ، على اي اساس تختارين المكينه ؟
هل تحبين القهوه مع الحليب لازم تاخذين مكينه فيها حليب ، اذا تحبين الاسبريسو او الدبل شوت ماتحتاجين الحليب ، الانسبيريسو بشكل عام تنفع للي لهم مزاج بالقهوه ويفهمون فيها ويفرقون بالنكهات لان كل مره تستخدمين طريقه تطلع لك نكهه غير.

نرجع للاجهزه ليش الاسعار تفرق؟ لان السعه حقت الماي او الكبسولات او الحليب تفرق واذا اوتوماتيك او يدويه ، بالاول والاخير شوفي شنو يناسب ذوقك ويناسب ميزانيتك ، على فكره علبه تسخين الحليب تنباع منفصله.

بالنسبه للاسعار ترا غيروها مره يرفعونها ومره ينزلونها :\ لان لما شريت مكينتي قبل ٦ شهور تقريبا كانت الاسعار غير "هذي الصور من موقعهم" وانصحكم تنتظرون العروضات اذكر شهر ١١ او ١٢ ميلادي ونص السنه يسوون.

انصحكم تدخلون موقعم تقرون عن كل مكينه بشكل منفصل
الكوفي بار :

مكينه القهوه مخصصه لها مكان بجلستي اليوميه عشان احسس نفسي اني بمقهى غصب p:


حاطه الاشياء الي استخدمها وابيها تكون قريبه جنب المكينه


تشوكليت باودر عشان النكهه + مق + سكر وملاعق



مكان حفظ الكبسولات ومثل مو واضح ضروري اشتري مؤونه جديده :(



مكينتي للقهوه




اخترت يو ميلك لاني احب الاتيه فراح استخدم سخان الحليب اكيد ، ملحق الماي والحليب عملي اشيله وانظفه ، القاعده الي فيها خزان الحليب والماي تتحرك يمين ويسار فاقدر احطها باي مكان بتناسب ، الحليب عندي يدوي يعني اسخنه واحطه بالكوب عشان كذا سعرها ارخص "ان شاء الله ماصير كسوله وادفع فلوس اكثر يعني p: " غير هذا حجمها حلو وسعرها ناسب ميزانيتي.




قاعده للاكواب ترفعها وتنزل فيها الماي واقدر اشيله لو الكوب حقي كبير


الكبسولات المستخدمه تنزل هنا


وتحته الماي المستخدم وضروري تشيلونه وتنظفونه دايم


اول ماتشترين الجهاز راح يجي معاه تعليمات للاستخدام اول مره ويجي الضمان حقه مهم لاترمونه ، اول مره للاستخدام لازم تنظفونها من داخل ، تاخذون علبه الماي


الي ورا وتغسلونها وتعبونها ماي ولازم ماي صحه نظيف


تضغطون على اي زر من الي هذي الازرار عشان يطلع الماي ، كررو العمليه ٣ مرات عشان تتأكدون من نظافتها ولاتنسون تحطون شي تحت لان كميه الماي الي بتنزل كبيره ، وبس خلاص راح تكونون مستعدين لاحلى قهوه.

شلون اسوي قهوتي ؟
صراحه اول ماشريت المكينه صبت باحبااااط قلت ليش كل الضجه عليها والقهوه الله يديم النعمه :"( بس كل مره اضبطها اكثر وعرفت شنو الي يناسبني ، المكينه اول ماتشترينها يجي معاها كبسولات متنوعه عشان تجربونها بس انا اخذتها من محل "الصندوق الاسود" ماعندهم هذا النظام عطانا علبتين او ٣ ناسيه بس مو انواع متنوعه ، بس لو تاخذونها من المحل نفسه لا بيعطونكم انواع وتجربون الي يناسبكم.


الثلاث ازرار الي فوق معناته كميه القهوه مع الماي الي تطلع ، اكبر دائره معناته القهوه كميتها كبيره وخفيفه ووسط واقل  شي القهوه مركزه وانتو تضيفون الحليب ع حسب المود.


بخزان الحليب في خطين ماكس وخط ثاني اقل منه ، الماكس ماتحطين فوقه شي عشان الحليب مايطلع لبرا ، يجي مع الخزان خافق يتركب وينشال اذا تبون رغوه اكثر ، بس ضيعته هههههه ، على كلام الي باع لي المكينه ، الخافق ماتحطونه اذا حطيتو الحليب لاعلى خط عشان مايطلع لبرا بس الاتيه الي اعرفه لازم في رغوه :\ بس ماجربت صراحه ، بس بكل الحالتين الخزان يسوي رغوه لابأس فيها.

خلاصنا كلام نبدآ بالتطبيق :

سويت فيديو للي يحب يطالع مايقرا p: مدلعتكم اليوم

الخطوات :
اول شي اسويه اسخن الحليب لاعلى خط "الماكس"


استخدم حليب المراعي طازج حتى شوفو جديد ههههه 


زوجي يحب نادك  ، وطويل الاجل بعد لابأس فيه بس عندي الطازج الذ يعني يرجع لذائقتكم


اضغط الزر يسخنه ، تقدرون تضغطونه مرتين ويصير لون الزر ازرق معناته تبريد بس ماحتاج حليب بارد شكرا :\

على مايسخن الحليب اخلي المكينه تنزل ماي بدون كبسوله مرتين عشان الماي يصير حار


احط السكر بالكوب واحب البني والابيض مع بعض احس له لذه ومايكون حالي مره



خلص الحليب نحطه بالكوب ونبقي شووي من الرغوه 


ناخذ الكبسوله الي نبيها ، اخترت لون البنفسجي اربيجو 


 احطها بمكانها 


اول ماتسكرين الغالق على طول بينزل القهوه عشان كذا اختارو الحجم الي تبونه قبل لاتسكرون الغالق


يمي يمي يمي الحين تشمون ريحه القهوه بالبيت كلهاااا احلى لحظه ههههه


احط باقي الرغوه وازينها بالسينمون


بس شوووي من فوق يعطي نكهه لذييذذذه ، وكوفي ميت عندهم نكهات كثيييره تمنيت اصور الي عندي
فيه بالكراميل والتشوكليت والاوريجنال تكون مثل الباودر تحطونها مع القهوه تعطي طعم عجيب ومرات احط تشوكليت باودر
يعني القهوه مزااااج شنو مزاجك اليوم سويه ، 

وبس هذي النتيجه ٬.


،


الكبسولات الي جربتهم كثااار بس هذول بعض الي حبيتهم وحبيت الذهبيه والزيتيه بعد 


هذي صوره تساعدكم شلون تسوون النوع الي تحبونه من القهوه ، انا احب اللاتيه فثلث قهوه وثلث حليب وثلث رغوه وهكذا

الفرق بين دولسي قوستو ونسبريسو؟
نجي لاكثر سؤال انطرح بالتاريخ! شنو اخذ ؟

يرجع لك ولمزاجك ولميزانيتك واحتياجك ، جربت دولسي قوستو عند صديقاتي ولذيذه ماقول لا بس الحلو بمكينتي ان كل مره تجربين طريقه وتتحكمين بالنكهات وقهوه القهوه وكميه الحليب وكل مره تعطيك طعم جديد ، انا احب اجرب واتشوووق اذوق النتيجه وياااماا ويااماا كانت التجارب فاشله وكل مره اتقن القهوه وكل مره افاجئ نفسي بطعم جديد ، نسبيريسو بس قهوه ماتسوي اي شي ثاني والكبسولات عندهم كثيييررررره عكس دولسي قوستو الي تسوي كل شي تقريبا حتى الشاي تسويه ، وبمكينتي الحليب طازج بس القهوه الي بكبسوله عكس دولسي الحليب بكبسولات بعد فاحس النكهه مهما كانت حلوه ماتكون فريش ، ولا طرقهم كلها تتشابه وكلهم نفس الشركه ، دولسي سعرها ٨٠٠ ريال تقريبا ونسبريسو اسعارها مذكوره فوق ، باختصار اذا انتي راعيه كيييف وروقان ومزاج اخذي نسبيريو اذا لا تبين شي تحطين كبسوله وتطلع لك القهوه بدون تحكم اخذي دولسو ، وبس :)

ان شاء الله البوست فاد كل عشاق القهوه واجاب عن تساؤلاتكم :)
اشوفكم ببوستات ثانيه









هناك 61 تعليقًا :

  1. يعطكي العافيييييه 😍

    ردحذف
  2. الله يعطيك العافيه
    شكراً مره

    ردحذف
  3. الله يعطيك العافيه ، شكرا مره 😘😘😘

    ردحذف
  4. الله يعطيك العافيه ،شكرا مرررره 😘

    ردحذف
  5. أزال المؤلف هذا التعليق.

    ردحذف
  6. يعطيك العافيه يا أم ديم شرحك كفى ووفى
    انا عندي inissia وافكر حالياً اشتري تبع الحليب
    بس الجهاز جميل وسعرو فيه ويغنيك عن الكافيهات 💕

    ردحذف
  7. الله يعطيك العافيه ويسعدك

    ردحذف
  8. يعطيك العافيه شيوم 🙈 شهيتينا بالقهوه الله يسامحج😢😢😢
    موضوع جميل وجاوبتني كل شيء ببالي

    ردحذف
  9. الله يعطيك العافيه شيوم حبيت الريفيو ♥️♥️

    ردحذف
  10. 🎵☕️
    يعطيك العافيه شيوم ،، بصراحه شوقتيني عاد انا حقتي دلينقوي <-- اتوقع اسمها كذا :/
    المهم فيها كل شئ وبيرفكت ، تو امس وصلتني كانت بالصيانه وقبل ما تجي فكرت كثير اشتري بديل بس ترددت .. كنت ابغى اجرب قهوه الكبسولات :)
    المهم انا مثلك احب المراعي 🙋 وضروري تقولين المق من وين☺️ واحلى شئ في انه يكون عندك كوفي مشين على قولتك تبطلين قهوه برا 😒 فالبيت الذ بالف درجه❤️😴

    ردحذف
  11. ماتقصرين ام ديوم طول عمرك مدلعتنا امزح امزح طول عمر المدونة

    ردحذف
  12. يعطيج العافيه شيوم وانا جربت دولتسي مش واو والنكهات الحلوه مو متوفره لازم تنطلب اون لاين 🌹

    ردحذف
  13. جزاك الله خير 🌷
    اعجبتني معلومه تنزلين المويه مرتين قبل لاتنزل في الكوب عشان تكون ساخنه
    لان مره كنت ابحث عنها في النت و وحده ذمتها قالت القهوه تنزل بارده

    ردحذف
  14. اية وحدة تسوي كبتشينوا واية الذ نكهه بينهم ؟؟

    ردحذف
    الردود
    1. الكبسولات مش مسؤولة عن كابتشينو ، الكبسولات فيها قهوة صافيه فقط ، وكل كبسولة تختلف عن الثانية بالتحميص او بلد منشأ القهوة !

      حذف
  15. يسعدك ربي ومرة شكرا على هالمعلومة انا اشتريتهم ثنتينهم وجربتهم دولتسي افضل بكثير من نسبريسو من ناحية الراحة والنكهات كل مرة استخدمها تكوون نفس النكهة الي احطها بس نسبريسو كل يوم يطلع لي طعم لان كبسولاتهم كلها قهوة وكل شي يبي له وزن ومستحيل الي تسوينه الحين يضبط معك زيه بعد شوي فدولتسي افضل لان نفس النكهة تبقى ما تتغير على حسب الكبسولة تجيك النكهة وشكرا

    ردحذف
  16. أقدر استخدم الماي بس بدون الحليب ؟؟

    ردحذف
  17. يعطيكي العافية شيوم ❤️❤️

    ردحذف
  18. انا عندي اللي تجي معاها علبة الحليب مركبة يسخن اتوماتيك بس مافهمت عليك اش تقصدي بالزرار اللي يحدد كمية القهوة امكن عندي شي زيو وانا مو عارفه
    انا شاكة بشغله عندي اظن انعا زيك بس ماظنيت اعتقد انا عندي تحديد كمية الرغوة

    ردحذف
    الردود
    1. انت عندك جهاز قابل للبرمجه بمعنى لو ضغطتي على اي زر من الكابتشينو او اسبريسو او اللاتيه او الدابل سبريسو هتبتدي القهوه تنزل لو حابه الكميه دي كل مره اضغطي على الزر وهي بتنزل القهوه و الجهاز هيحفظ المعلومه دي عنده انه كل مره ينزل الكميه دي بس

      حذف
    2. انت عندك جهاز قابل للبرمجه بمعنى لو ضغطتي على اي زر من الكابتشينو او اسبريسو او اللاتيه او الدابل سبريسو هتبتدي القهوه تنزل لو حابه الكميه دي كل مره اضغطي على الزر وهي بتنزل القهوه و الجهاز هيحفظ المعلومه دي عنده انه كل مره ينزل الكميه دي بس

      حذف
  19. شكررررررررا لك جددددددددا ..
    يا الله كنت محتارة ومحتارة بين نسبريسو و دولتشي ..
    وخصوص اني مدمنة قهوة ..
    احس اني قررت الآن !
    شكرًا لك شيّوم ❤

    ردحذف
  20. يعطيكي العافيه شيوم ربي يوفقك
    وصبايا بعدني بلوقر جديده روحو ادعموني
    ان شاء الله ربي يحطها بميزان حسناتكم

    ردحذف
  21. الي يحبون البلاك الكوفي أنصحكم بكبسولة روز أبيا لونه بيبي بنك مررره جميل :)

    ردحذف
  22. من اجمل الالات اللي شفتها عمليه وشكلها نعوم ،،
    نفس الماكينه حقتي ،، بس انا ملحق الحليب منفصل اشتريته من ماركه ثانيه


    يعافيك ربي ي جميله

    ردحذف
  23. يعطيك العافية كنت جد محتارة بين الثنتين و شكلي باخذ زي حقتك ، يسلموا و بوست مره جميل زي صاحبته
    http://iamruaa.blogspot.com/

    ردحذف
  24. يعطيكي العافيه شكراً على كل كلمه تنكتب وتفيدنا انتي بهادا البوست جيتي على الوتر الحساس يا عشقي ليها وابغى اجيب من المكاين دي بس اطالع بشكل واتنح بس من بعد البوست انا فهيمة الفهيمات دحين شكراً مرا كتير

    ردحذف
  25. يسلموو شيومة .. البوست يعبق بريحة القهوة .. فكرة حلوة نسوي كوفي شوب في بيتنا حبيت الفكرة والشرح 😘

    ردحذف
  26. اهلين شيماء كيفك .. انا جربت المكينتين نسبريسو عند اختي زي ماشرحتيها وحليب طازج بس كبسولاتهم احس متقاربه في النكهه.. اما دولتسي تو شاريتها قبل شهرين مميزاتها سعرها جداً جميل وتسوي لك مشروب بارد او حار على طلبك ونكهاتها اكثر بكثير والعلبه يجي فيها كبسولة حليب وكبسولة قهوه بس كبسولة الحليب نكهتها الذ من الطازج بكثير تحسين ريحته اذا انصب ريحة جوز هند يعني مو حليب طازج وخلاص وسعر كبسولاتها ارخص من نسبريسو وموجوده ب السوبرماركات مو محل معين او اون لاين تطلبينها هذي تعتبر ميزه حلوووه بالنسبه لي .. وفي الاخير هذي تجربتي انا من وجهة نظري ويمكن مايعجبك رأيي .. تحياتي ام ديم 💜💗

    ردحذف
  27. شوقتيني اخذهاا واجربهاا بالتوفيق لج

    ردحذف
  28. آلله عجبني ركن القهوة الرايق هذا :) :)

    يسلمووووووووووووووو

    ردحذف
  29. ربي يسعدك شيوم ويوفقك استفدت من هالتقرير حييييل بس حبيت اسالك انا كل مره استخدم الاله ملزومه بالحليب والا على حسب مزاجي اقدر مااستخدمه اكتفي بالقهوه والمويه وشكككراً

    ردحذف
    الردود
    1. الحليب اختياري ، عشان اذا تبين لاتيه وكابوتشينو .. 💓

      حذف
  30. ياجعلك في الجنه على هالتقرير❤️ شيوم الله يسعدك عندي استفسار بسيط 😓 الحين اذا عملت الكوفي يطّلع بارد💔 وسويت نفس طريقتك بالضبط ولسه يطّلع بارد 😭💔💔 مااعرف ايش مشكلته 😥

    ردحذف
  31. يعطيك الف الف عافية كنت محتارة وش اشتري

    ردحذف
  32. نفسي اجرب حقتك،انا اندي دولسي ورهيبه ومافيها عيب بس كبسولات القهوه فيها كافيين كثير اكثر من القهوه احس احسانا كاني اشم ريحة دخان من قد ماهي مليانه كافيين انا جربت لاتيه مكياتو والكابتشينو وللاسف كلاهم فيها كافيين كثير،اتمني تنصحوني بنكهات قهوه مايكون فيها كافيين

    ردحذف
    الردود
    1. عند نسبريسو كبسولات قهوه بدون كافيين
      شيكي على موقعهم

      حذف
  33. ما هي القهوة الموضوعة داخل الكبسولات

    ردحذف
  34. يعطيك العافية يااختي على هالربورتاج الأكثر من روعه لامن معلومات ولا من صور .. ريحة القهوه فاحت من كثر مادخلتينا اجواءك. . تسلمين حبيبتي ومنها للأعلى

    ردحذف
  35. ادري الموضوع قديم ..
    بس الي اسألك ، شيوم نفس القطعه الصغيرة الي تسوي رغوة
    هي عندي ماعندي خفاقه ثانية ..
    كيف ؟؟! انا اشوف بالصورة انها تنفك وعجزت افكها !!
    علميني بليز

    ردحذف
  36. الله يسعدكي يارب .. انا كان اكثر همي الفرق بين نسكافيه دولتشي و نيسبريسو .. بس بما انه اقدر اسوي انواع كثيرة القهوة بالنيسبريسو فشكلي راح اجزم عليها .. مشكورة حبيبتي

    ردحذف
  37. يعطيك العافيه اختي تقرير اكثر من رائع بس حبيت اسالك سخان الحليب يجي مع الجهاز؟

    ردحذف
  38. لو سمحت علبه القهوه تستخدم مره والا اكثر من مره

    ردحذف
    الردود
    1. مرة وحدة بس .. كوب واحد فقط

      حذف
  39. شكرا على الموضوع الرايق

    ردحذف
  40. يسعدك ربي على هالموضوع قبل كم اسبوع امي تحوس في ساكو تبغى آلة قهوة واحتارت
    بقولها عليها ما شاء الله موضوع مفصل وجميل ♥♥

    ردحذف
  41. ابكي ولا ابكي !
    اشتريت من امازون ماركة دولونجي وماقريت اي ريفيو ولا شفت معلوماتها وجاتني خط ١١٠ عندنا خط ٢٢٠ بس "( سعرها ٣٣٣ والشحن الصاعقه كان ٤٠٠ ومحول الكهرب ب ٢٠٠ يعني خساره فضيعه ياربي "( الله يسعدك تدوينتك افادتني كثيييير ♥ ♥ .

    ردحذف
    الردود
    1. بالعكس لا تتندمين .. ديلونغي جدًا جدًا جميلة 💕💕 ويكفي القهوة بتكون على مزاجك وذوقك .. وشركات القهوة لا تُحصى .. يعني مارح تنحصرين بشركة معينة مثل النسبريسو ..
      بس الماكينة موجودة هنا بأغلب الاماكن ، ليه خذتوها اونلاين .. وانتوا عارفين انها ثقيلة اكيد حيجي شحنها ضربة .. !

      حذف
  42. شيوم انا اخذت من نسبريسو اللاتسيميا بس كل مرة تنزل لي الكوفي باردة سوا اسبريسة و الا كابتشينو، ايش الحل؟

    ردحذف
  43. شيوم انا اخذت من نسبريسو اللاتسيميا بس كل مرة تنزل الكوفي باردة سوا اسبريسو و الا كابتشينو، ايش الحل؟

    ردحذف
  44. شيوم انا اخذت من نسبريسو اللاتسيميا بس كل مرة تنزل الكوفي باردة سوا اسبريسو و الا كابتشينو ، ايش الحل ؟

    ردحذف
  45. يعطيكي الف عافية *قلب*
    تجي القهوة حارة ؟ ولا فاترة ؟

    ردحذف
  46. حبيبتي انا عندي لاتما بلس ... تطلع رغوة مالحه و كانها كريمة مو رغوة .. مع ان الحليب نادك

    ردحذف
  47. ميغسي بوكو

    ردحذف
  48. ما شاء الله عليك صراحة الموضوع كان جدا ممتاز مشكورة اختي

    ردحذف
  49. موضوع رائع لو حد بيدور يشتري ماكينات قهوه سبرسو للبيع او كبسولات ممكن يزورنا علي الرابط

    ماكينات قهوه سبرسو للبيع

    ردحذف
  50. شكرا مرررررة على المعلومات ويعطيكي الف عافية
    وانا شفت الة قهوة اسمها كويسبريسو لها عرض خاص تشتري الالة مع 200 كبسولة وحامل الكبسولات وكوب و محلي بنكهة العسل والقرفة ب1088$ يعني تقريبا 4167 ريال مع سعر الشحن وشفته عرض خطييييير واستغليته رغم انه سعر عالي شوي بس قهوتها لذييييذة وطعمه فيستاهل منجد السعر وكمانه اقدر اسوي شاي وهادا مافي مكينة تسوي قهوة وشاي!!
    وبالنسبة للكبسولات اقدر اشترك في نظام الauto ship وكل شهر يجيبولي الكبسولات
    فحبيت افيدكم بمعلوماتي واتمنى ما قصرت في حاجة

    ردحذف
  51. يازيننن الكوفيهات والدلع انا اشتريت الاتي بس تنفعني وقت الصباح بما أنوه دوامي ساع 9ويادوب الحق ع دوامي ارجع وانام حتى ياذن العصر واصحى اصلي وأرجع انام حتى ساع 5ثممممم اصحى ثمممممم القط ��شنطتي وع مقهاي المفضل ستار بكس وأطلب مكياتو كراميل وتشيز لوتس واحيانا اغير وثممممم يجيني السائق وروح احيانا مطاعم ولا بحر ويازين بحر جده وجده كلها واحيانا ع المطاعم واحيانا مولات زب صالون تجميلي وادلع نفسي وكذا ولا ع البيت��بسسس احبب شقتييي ومطبخي وكل شى واسوي احلى عشاء وبعدها يااكمل سهرتي ع فيلم او شغلي وساع 12وانا نايمه واذا ويكند مافيه نوم حتى الفجر وبسسسس حبيت اشكاركم يومياتي وحياتي

    ردحذف
  52. الكبسوله استخدام واحد وتنرمي بعدها ؟

    ردحذف

التعليقات الجميله ♥♥

Blogging tips