ماركه لوك للمكياج أسعار رخيصه بجودة خرافيه!

السلام عليكم ورحمه الله وبركاته

اهلا بكم ياأصدقاء!

تدوينه اليوم قريبه من قلبي لأنها لشركه ميك اب تعتبر اول ماركه استخدمها بحياااتي!

لما كنت صغيره اعترف اسرق ارواج عمتي الي من هالماركه ههههههه

استخدمتها لفتره طويله من الزمن خاصه المحددات والارواج

ماركه لوك أكيد مرت عليكم من قبل او تقدرون تسألون اهاليكم عنها ..

ماركه عريقه من ٢٥ سنه صناعه ايطاليه والمانيه وتعتبر من اوائل الماركات بالسعوديه  بجوده جدا حلوه واسعارها

يابلاش .. وبيكون في كود خصم خاااص لمتابعيني ان شاء الله

،

لما وصلني البوكس ماتتخيلون حجم سعادتي وانا العب فيه واجرب المنتجات حسيت رجعت طفله صغيره

وخاااصه لما شميت ريحه الارواج والله رجعني ٢٠ سنه ورا .. لما كان عمري ٨ سنوات تحديدا

فتدوينه اليوم غير وبشاركم مفضلاتي الي جربتها من ماركه لوك بكل صدق وأمااانه

،

العطور

الي يعرفني يعرف اني احب العطور النيش ، لكن حبيت انقل تجربتي بعطور الجنيد لان جربتها خلال اسبوع وحكمت على الثبات وان الروائح ماتتغير ، ففرصه للي حاب يقتني عطورات حلوه بأسعار جداا جميله او يهديها ، العطور فاقت توقعاتي صراحه! 

عطر يو دي في فارينو ، هالعطر جدااا كلاسيكي ، من نوتاته البرتقال والخشب والورد والمندرين ، العطر فاكهي اول ماتشمونه احس بيرجعكم لحقبه قديمه ، عشان كذا قلت انه كلاسيكي



اتوقع بيعجب اهاليكم الكبار بالعمر ، خاصه الجدات الي يحبون العطور الصيفيه .. السعر جدا رائع وثباته يدوم ل٥ ساعات وبعدين يبدا يخف للطلب " هنا " لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

العطر هذا احترت فيه ، لأني ماحب العطر الفاكهي لكن حبيته! عطر دايفن اسيمي هو عطر فرنسي مع ان فيه توت ويوسفي  وبرتقال بس اذا برد يبان الباتشولي والمسك عشان كذا حبيته هو الي يبقى اخر شي من روح العطر

اذا تحبون هالخليط من الروائح بيعجبكم العطر وينفع بعد هديه لأخواتكم الصغار اذا يبون شي يومي ثباته ايضا حلو واحكمو عليه لما يبرد ، للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

عطر سافيير هذا اكثر عطر حبيته بين المجموعه ، العطر نسائي لما بحثت عنه قايلين انه سويت بس حسيت لا .. يميل لريحه النظافه اكثر ، العطر فريش لان من مكوناته البلاك بيري والياسمين والروز ونهايته صندل وباتشولي ومسك، العطر ناااعم "بالنسبه لي" ينفع للصباح

ثباته مثل الباقي متوسط بس مناسب لسعره ،  للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

المكياج

البلشر هذا الجمال الجميل جداااا ، لونه وردي فاااتح ، تعرفون لوك الكيوت بس مو الاوفر ؟ احببه كأن خدودك متورده خلقه

هذا البلشر من لوك يعطيك نفس النتيجه ، لونه بالتصوير ابدا مو واضح بس الحلو فيه انه باودري وخفيف فتقدرين تزيدين الطبقات لو تبينه اوضح بس بالنسبه لي جداا ممتاز وناعم ع البشره ودمجه سهل

رقمه ١٤ ، لونه مطفي ، حاولت ابين السواتش بالتصوير بس ع الطبيعه اجمل بكثير ، تحمست اطلب الوان اكثر صراحه!



للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

الحب الجديد! البي بي كريم من لوك ، احلى احلى شي كأنه كريم مرطب وخاصه هالفتره مسويه تقشير فأي شي احطه ع وجهي يبان القشور ، مع هالبي بي كريم ابدا لا .. يوحد لون البشره وفيه تغطيه متوسطه والحلو فيه حمايه من الشمس

ثباته اقدر اقول متوسط لأن طوول الفتره الي اجربه فيه ماحط باودر لان ابي احكم عليه بالضبط فأتوقع لو بباودر بيثبت اكثر .. عيبه الوحيد درجاته ، شوي تحير لأن عندهم ٤ خيارات فقط وكلهم يختلفون عن بعض ..



من اليمين : لو بختار واحد بيكون الي ع اليمين لان اصفر لكن اغمق من بشرتي رقمه ٣ بالموقع وبالنسبه لي اغمق بشرتي افضل من اني افتحها ويقلب ع رمادي ، الي بعده ع مشمشي وبعدين لون محايد والاخير ع بيج ، لو يسون الوان اكثر بيطلع واو
للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

البرايمر من لوك يعطي البشره ملمس مخملي ، جدااا حبيته وخاصه مع التقشير ينعم بشرتي ويسهل توزيع الفاونديشن ، احطه قبل المكياج وخاصه في المناسبات ماحب البرايمر بشكل يومي ، يصغر المسام ويخفف الخطوط ، ويعتبر بديل ارخص لكثيييير من الماركات الغاليه

للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

من اجمل المنتجات الي جربتها من لوك ، قلم حواجب مع كونسيلر ، احلى شي فيه انه عملي ويجي درجتين الي عندي رقمه ٧٢٦ بني بس الاندرتون ع رمادي فيبان طبيعي جداا ع الحاجب ، الكونسيلر كريمي وسهل الدمج ومايل للاصفر اذا بتنظفين تحت الحواجب حيل حلوووو وبعد اذا بنظف اطراف الشدو او الايلانر حييل حبيته بعد

القلم شوي جاف مو كريمي وهذا الشي ممتاز عشان مايسيح ويكون ثابت اكثر



للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

هالشدو الكريمي ماتحمست اجربه ، لأن ماحط شدوات كريميه للامانه لأن ماشوف في فايده اذا بحط شدو كريمي وفوقه باودر بس قلت اعطيه فرصه! انصدمت بثباته ومايحتاج احط فوقه شدو لان يصير مطفي ومقاوم للماي

اللون النحاسي جمميل وخاصه لما تحطونه وتدمجون الاطراف وبس! الازرق اتخيله ايلاينر بالصيف مع ايلاينر اسود "دبل ايلانر" الي يحبون اللوكات الجريئه



تشوفون جمال الالوان ؟ ع الطبيعه حيل حيل احلى ، النحاسي رقمه ٥٢٧ ، الازرق ٥٢٨
للطلب من "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

أول مره اشوف مثل هالمنتج! فكرته غريبه اسفنجه تضغطون بالفرشاه ويطلع لكم المنتج ، يمكن مايناسب المبتدئين بس مع التدريب بيصير جدا سهل ، الفكره شلون تاخذين الكميه المناسبه من المنتج ، الي فوق لونه بني يستخدم للحواجب اول والي تحت اسود ايلانر ، السواد رااائع وثااابت ع اليد ، ماستخدمته ع العين للأمانه ، لكن حطيته ع يدي لفتره طويل وماااتحرك

المنتج بالبدايه تحسين سائل بس بعدين يجف ويصير مطفي ، المنتجين يجون ببوكس واحد ، الفرشاه الي معاهم حلوه! ماتوقعت تطلع حااده وسهله بالرسم حيل حلوه لدرجه صدمتني ههههههه



الصوره صورتها قبل مايجف المنتج فتحسون فيه لمعه بس دققو بالايلنر ، السواد رهيب جدا جدا
للطلب من "هنا" لاتنسون استخدام كود ShaimaLook20 عشان يخصم لكم ٢٠٪ من السعر لما تطلبون اون لاين

الايلانر البطل ، الاسود جدا سهل بالاستخدام وسواده حلو والبني اعجبني اكثر من الاسود ، احب البني للصباح بس الحلو بالمنتج انه مو قوي كلون فينفع للمبتدئات لان ماتخافين يطلع منتج كثير ويحوس الدنيا وياك

صديقاتي بالسناب قالو شيوم استخدمي الايلانر للحواجب وفعلا اعجبني! لكن اذا بتستخدمونه للحواجب لاتضغطون بشكل قوي عشان مايبقع بالحواجب وخاصه لما يجف يصير ثابت وماتقدرون تدمجونه فإنتبهو للنقطه هذي لما تجربونه



تشوفون البني مايل للرمادي؟ عشان كذا حبيته للحواجب
للطلب من اللون الاسود "هنا" اللون البني "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

اكثر منتج معروف في لوك ويعتبر البيست سيلر عندهم ، كثيييير من متابعاتي مدحوه لي ، واكثر شي اعجبني في المنتج انه جاف مو كريمي ، الكريمي دااايم يذوب ويختفي هذا يميل للجفاف بسسس يخط وواضح ع الحاجب ، اذا ضغطتي ع القلم وانتي ترسمين يطلع ثقيل وواضح ينفع لأخر الحاجب والمناطق الخفيفه بالحاجب واذا يدك خفيفه بالرسم بيطلع طبييعييي



شرايكم بالرسم بس هههههه كنت ابي اخلص بسرعه عشان الشمس بتغيب والاضاءه بتختفي ، رسمي بيد خفيفه بس لما تضغطون بيطلع اغمق وبالطبيعه احلى واحلى الي فوق رقمه ٤١١ لونه بني "هنا" الي تحت رمادي رقمه ٤١٠ -المفضل بالنسبه لي- "هنا" لاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين

من مفضلاتي بعد هالمزيلين للمناكير ، جربتها معاكم بالسناب شات وشفتو شلون بسررعه شالو اللون وخاصه الالوان الغامقه ، الي لونه بنفسجي عملي لأنه ضغاط وماجفف اظافري تحصلونه "هنا"، الي ورا ينفع تحطينه بالشنطه لأن يجي بالحبات وخالي من الاسيتون تحصلونه "هنا" وسعرهم ب١٠ ريال بس متخيلين ؟ وفي كود خصم بعد !

خليت احسن شي لأخر شي ، ارواج لوك الجممميله ادماني هالفتره ، الوانها وااضحه وثابته لأنها ضد الماي اكلت وشربت وماإختفت واحلى شي ماتجفف الشفايف ، التنوع بالألوان حلو ، سعرها بعد حيل حلو ٢٢ ريال بس!

الألوان بالموقع مو نفس الواقع و اخترت لكم مفضلاتي من اليمين رقم ١٣٠٢ لونه على بني اكثر
الوسط رقمه ١٣١٢ لونه وردي بس الوردي الحلو مو فاقع
اليسار رقمه ١٣٠٠ لونه مشمشي جداا حلو
انصح بالألوان هذي واذا مجربين درجات غيرهم قولولي تحمست اطلب درجات اكثر
تحصلونها "هنا" ولاتنسون استخدام كود Shaimalook20 عشان يخصم لكم ٢٠٪ من السعر لما تطلبون اون لاين


طريقه الطلب جدا سهله وعندهم الدفع عند الاستلام تابعو حسابهم للمكياج

https://www.instagram.com/look.cosmetics/

حسابهم للعطور
https://www.instagram.com/aljonaidtc/

موقعهم

https://aljonaid.com

اذا عندكم اسئله او اي استفسار ، اذا مجربين شي غير الي ذكرتهم قولولي ، ان شاء الله عجبكم البوست اشوفكم ان شاء الله ببوستات افضل

جوله في محل نظارات المدينه ، خصومات ومسابقه لكم

السلام عليكم ورحمه الله وبركاته

كنت بتغطيه لمحل نظارات المدينه ، صارلهم بالمجال هذا اكثر من ٤٠ سنه خبره ومحلاتهم ممتده لاكثر من ١٠ افرع بالرياض

،

تجربتي بتبيض الأسنان بتقنيه التبيض البارد والقوالب المنزليه ♥

السلام عليكم ورحمه الله وبركاته ♥♥،،

من سنتين وانا مدمنه٣ قهوه بشكل خيالي هالشي يآثر على اسناني وبياضها للاسف!

جربت كذا نوع تبيض واقدر اقول عندي خبره شبه كافيه عنهم ..

لو تذكرون تجربتي مع تقنيه الزوم مع دكتوره جمانه قبل سنتين تقريبا ♥♥ ، تجربتي كانت جدا ناجحه بالتقنيه هذي وحبيته وكررت التجربه بس ملاحظتي كانت ان الاسنان تصير اخشن كملمس وصعب تعتمدين عليه كل مره لان شوي قاسي ع السن ، ممكن الجأ له اذا احتجت نتيجه فوريه ، وملاحظه ثانيه اسناني اطرافها المينا فيها شوي شفاف فلما افتح السن بنسبه كبيره شوي يفرق بالسن لان مايكون لون واحد كامل ، هالشي الاحظه انا بس غيري مايلاحظه الا اذا قرب حيييل مني ، مع العلم ان اسناني معتناه واصلا بيضا وصفه وحده بس مثل ماقلت بسبب القهوه تفقد بريقها.

حبيت اجرب شي جديد فتواصلت مع دكتوره جمانه "انتقلت لعياده جديده بذكرها اخر البوست"   نصحتني اجرب التبيض بالضوء البارد ، اول مره اسمع فيها للامانه ومافي احد متكلم عنها كثير ، لكن دكتورتي  بلغتني انها جدا قريبه من الزوم لكن الزوم لانه اقوى كبياض فالناس تتوجه له مع العلم ان الضوء البارد أأمن وارخص كسعر ♥♥

توكلت على الله وسويته ، بالبدايه سوت لي الدكتوره تنظيف خفيف للاسنان الحمدلله ماكان عندي جير ، بعدها حطت مثل القالب الي يوسع الفم ، شعور اخخخ يمكن اكثر شي عورني لان فمي صغير ههههه ، بعدها حطت لي مثل الجل حول الاسنان وظيفته يحافظ ع اللثه ماتتصبغ ، حسيت الخطوات نسسخه من تبيض الزوم! بعدها حطت لي الضوء البارد وكثييير يشبه الزوم كشكل تمنيت اني صورته لكم

قالت لي يكفيك دوره وحده ، سويتها لمده ربع او ثلث ساعه ، مافي اي الم او عدم ارتياح بالعكس ، اكثر شي كنت شايله همه ان اسناني تتفتح ويصير فرق بينها وبين اطرافها ، بس لما شفت النتيجه حييييل حبيتها بياض طبيعي جداا ، الاسنان فيها لمعه ونظافه!

مافرقت اطراف المينا عن السن الاساسي ، وهذا اكثر شي ريحني ، صار تصبغ ع اطراف اللثه بس اقل من ساعه وراح ، في اسناني السفليه واحد منهم مثل النقطه البيضا وحتى مع التبيض واضحه بشكل خفيف قالت لي الدكتوره من اخر جلسه وهي مضايقتك “حافظتني ههههه” قالت بشيلها لك ، وفعلا شالتها لي بالليزر وبدون تخدير او الم وحطت حشوه وبسرعه خلصنا ولا فرقت عن السن ابداا ، بالبدايه لما المسها بلساني احس فيها وتضايق بس كلها كم يوم وتعودت ولا كانها موجوده والاحلى ابدااا مو مبينه ماتوقعت هالامر بالسهوله هذي ♥♥

الفرق بين التبيض بالضوء وبين الزوم ، ان التبيض بالضوء مايآلم ومادري لو كملت دورات اكثر يمكن يجي الم؟؟ الله اعلم بس حبيت النتيجه من اول دوره ، الزوم البياض فيه اوضح ويكون ساطع وممكن يكون شوي fake اكثر من التبيض البارد ، اسناني بالزوم اخشن من العادي وهالشي لاحظته اكثر لما سويت تبيض مره ثانيه بالزوم ، بالضوء البارد ابداا ماحسسني لا السن ولا اللثه بعكس الزوم .. كلهم اللون الساطع يخف بعد كم يوم لان اشرب قهوه لو قللتي من الملونات البياض بيستمر معاك اكثر بكثييير بس ابي احد يمسكني من هالادمان هههههه!!

لكن لو برجع ابيض اسناني بعتمد على القوالب للامانه ، كثره التبيض بالليزر وغيره يحسس الاسنان وخاصه لو بفترات متقاربه اقل من ٦ شهور ، عشان تستخدمين القوالب لازم تقطعين الملونات كم يوم عشان كذا ماسويتها الا مره لان ابي اوحد لون السن واحافظ على نتيجه البياض

انا اشوف القوالب نتيجتهم ع صديقاتي ومره مره جميله كأنهم مسوين فينير من البياض ماشاء الله ، الحلو بالقوالب انها تذوب الملونات وتجي ع مقاس اسنانك وتعتبر من التبيض الامن الي مايحسس لا اللثه ولا السن عيبه ان ياخذ وقت اسبوع او اكثر وتوقفينها لحد ماتوصلين للنتيجه الي تبينها والقوالب تبقى معك بس تشترين الابر او الجل ، الابره الوحده تكفيك ثلاث جلسات تقريبا او حسب حجم السن وتجلس ٦ شهور بالثلاجه او حسب تاريخ صلاحيه الجل ، اول مره جربتهم حسيت بشد خفيف ع الاسنان ، لان الي عندي قوتها ٢٠٪ (طبعا في نسب ثانيه تتراوح بين ال١٠٪ وال٣٠٪ ع حسب  بنيه السن وحساسيته الدكتور يصرفه لك) استخدمها من ساعتين ل٤ ساعات مع ان دكتورتي قالت نص ساعه لساعه تكفيك لان اسنانك الريدي بيضاء لكن ابن ادم طماع للاسف ههههه

ليش الجل له نسب مختلفه وشلون نعرف الانسب لنا؟
اول شي مثل ماقلت تبيض القوالب تذيب الملونات والترسبات الي على السن فماراح تأثر على الاعصاب او السن نفسه ، فاذا انتي عندك حشوات ماراح تغير لونها فقط يشيل الترسبات ، النسب بالجل كلها تعطيك نفس النتيجه لكن كل ماقلت النسبه يزيد الوقت الي تستخدمينه ، اذا اسنانك حساسه اخذي نسبه اقل وهكذا.

شلون احصل على القوالب؟
القوالب من العيادات فقط لان ياخذونها على مقاس سنك بالضبط بحيث الجل مايطلع للثه اذا استخدمتيه.

شلون استخدم القوالب؟
- فرشي اسنانك بمعجون عادي ونشفيها
- حطي نقطه داخل تجويف القالب
- حطيها ع حسب الوقت الي قالت لك دكتورتك ، البعض يستخدمها وقت النوم مادري احس ممكن تتحرك او تطيح!
- غسلي اسنانك واستخدمي معجون اسنان حساسه او معجون تبيض دكتورتي نصحتني بكلوز اب الي بالصوره
- لاتنسين تجففين القوالب زييين عشان ماتتجرثم
- التفريش دايما يكون مثل التمشيط من فوق لتحت بدون قوه ابداا
- ماتستخدمين ملونات ابدا وقت التبيض مثل القهوه والعصاير

بس اوقف القهوه برجع اكمل جلساتي ان شاء الله! تجربتي بالضوء البارد جدا ناجحه انصح فيها لو تبين لمعه وبياض طبيعي بسعر حلو ، اذا عندك مزاج ووقت انصحك بالقوالب لانها بتظل وياك طول العمر لانها تتسوى بالعياده ع قياس اسنانك وتثبت لك تبييض الجهاز ايا كان نوعه وتجدده ، قوالبي سويتها عند دكتوره جمانه الله يعطيها العافيه ، حاليا هي بعياده المشفى الطبي بمخرج ١٢ على الدائري ، الدكتوره مو اول مره اتعامل معاها واكيد مارجعت لها الا لأني ارتاح وياها ولتعاملها جدا لطيفه ونصوحه ، حتى كنت بسوي قشره لاسناني “اللومينير” وهاوشتني تقولي اسناني ابدااا ماتحتاج بس لان شافتني مصره قالت لي عن جهاز تستخدمه يصمم لك الابتسامه ترسلين لها صورتك وتسويلك الابتسامه الي تناسب وجهك بحيث تعرفين شكلك بعد الفينير او اللومينر او الي يسمونها ابتسامه هولويد ، ان شاء الله اذا جربتها بقولكم عنها :)) وبعد تسوي توريد اللثه عن طريق الليزر شفت كم حاله عندها وحبيت النتيجه .. حساب دكتورتي بالانستقرام @dr_jumana_dentist دايم تحط عروض بحسابها ومعلومات لطيفه 

ان شاء الله يكون البوست لطيف ومفيد واذا عندكم تجربه عن اي شي ذكرته لاتبخلون بتعليقكم

اشوفكم قريب!

كيف اغير حياتي ! #غيمه٩ ♥♥

اهلا وسهلا بصديقاتي! ♥♥

اولا اعذروني علي الصور مالها علاقه بالموضوع بس صورت الي قدامي لان حسيت فجأه ابي ادون حتى لو مو كل شي بيرفكت ..

"شلون اغير حياتي؟"

كثير يطرح هالسؤال بس مو عارف وين يبدأ ، ممكن هالتدوينه ماتساعدك بس راح تلهمك ان تبدأ!

ريفيو عن شنطتي من برادا | اخذيها او خليها ♥

السلام عليكم وَ رحمه الله وبركاته ♥♥

متابعاتي القديمات اتوقع يذكرون سلسله "اخذيها او خليها" وهي عباره عن بوستات اتكلم عن ماركات متنوعه وقطع منها وهل تستحق الشراء او لا ، الهدف من السلسه هذي ذكر تجربتي مع استخدامي لاحد القطع وسلبياتها وايجابياتها وهل تستحق المبلغ المدفوع؟

هذي البوستات القديمه "هنا" و "هنا"
وهالتدوينه اهداء لاحد متابعاتي تمنيت اكون حافظه اسمها! كانت تنتظر تجربتي مع شنطه برادا فان شاء الله يفيدك البوست :)♥♥♥♥

استقبال اميرتي توق وتفاصيل التجهيزات وغيرها كثييير ♥♥

السلام عليكم وَ رحمه الله وَ بركاته ♥♥

،

اشتقت لكم واشتقت لمدونتي!! بس أكيد عارفين الي ماخذني منكم كائن لطيف انضم لعائلتي اسمها "توق"

الحمدلله رزقني بأخت لديم ♥♥ ، مادري من وين ابدا .. طبعا سالفه الولاده وغيره بتكون ببوست منفصل اوعدكم

عشان مايكون البوست هذا طويل وممل ومنها تتشوقون تدخلون مدونتي اكثر :p

مشترياتي من فكتوريا سيكرت ونصائح عن الملابس الداخليه وكيف تختارين مايناسبك ♥

السلام عليكم ورحمه الله وَ بركاته ♥♥

قبل كم يوم كنت في زياره لفرع فكتوريا سيكرت الجديد بالحياه مول بالرياض ، وجدا انبسطت بالتفاعل الي كان وياي بالسناب شات فقلت اوريكم شنو اخذت منهم ونتكلم عن الملابس الداخليه بما ان الحديث عنها شبه نادر وانا اشوفه شي مهم جداااا لان اللبس مهما كان جميل والبرا = الستاينه ماكانت مناسبه ممكن يبشع شكلك ويعطيك مظهر غلط ، ع العموم بوريكم شنو اخذت اول وبعدين نكمل ..