السبت، يوليو 11، 2015

تنسيق للعيد يجمع بين موضتين وَ ريفيو لشنطتي ديوريسيمو ♥

السلام عليكم وَ رحمه الله وَ بركاته
رجعت لكم ببوست جديد من الاشياء الي احبها بس ماحب اصورها هههههه لان فعلا كل قطعه ع اللبس ومع الميك اب والشعر تعطي لوك غييير ، بس لأجل عين تكرم مدينه لأن كثار طلبوني اصور بوستات للبسي وذوقي ..



تنسيقي اليوم يجمع بين موضتين الأبيض وتنسيق اللبس بنفس الخامه او الطباعه وغيره ، أكثر ماركه مشهوره بالتطقيم بالنقشات هي دولتشي أند قابانا لو تلاحظون أغلب نفسهم لنفس الطباعه اما بنطلون وبلوزه او تنوره وبلوزه


البلوزه مخرمه وشفافه لازم تحتها توب والحلو فيها ان الكم يصير ثلاث ارباع ووسيعه والبلوزه ضيقه شوي
مثل مو موضح بالصوره قصتها ع الجسم جدا حلوه ، نسقت معاها عقد كرستال شبه شفاف وماحبيت اكسر اللون الابيض بلون شاذ عشان يكون ثيم الابيض موجود بدون تشتيت 


التنوره مثل الشي مخرمه وقصتها A بس مو وسيعه مره وهذا الي محببني فيها لان تناسب جسمي
الي ع شكل ساعه رمليه وطولها نص الساق وهذا من احلى الاشياء الي فيها لان نادر احصل تنوره 
تكون محتشمه وحلوه بنفس الوقت مع ان بطانتها قصيره بس ماتبان الرجل حيل 


البلوزه تعتبر كروب توب لان طولها لفوق الخصر ، بس البس تحتها توب ابيض وادخله بالتنوره وابدا مايبان شي
لان اصلا التنوره مرتفعه


لبست معاه هالشوز يجمع بين الابيض والاسود وبرينت البايثون فمعطيه شكل حلو
لان اصلا مو بوت قصته تكون تحت عظمه الرجل فيصلح للصيف


هالشوز جدا مريح ماتوقعت بتعجبني هالماركه ، وقصه البوز تعطي ايحاء بالطول لان التنوره والبلوزه شوي مو مطلعه جسمي وبسبب طول التنوره معطيني شكل قصير ، الاشياء هذي جدا تفرق ترا فالشوز معطيني طول اما بالكعب او البوز نفسه


بالنسبه للاكسسوار ماحبيت اكثر فحطيت اسواره ديور مع خاتمها ولونهم مو ذهبي مثل الصوره مايل للفضي اكثر


لبست هالساعه الي دايم دااايم تفك ازمه وتمشي مع كل شي ، لازم يكون عندكم شي يشبه لها "تراي كولور" سيلفر وروز قولد وذهبي"


ولبست مع الساعه اسواره بولقاري ونفس الشي فيه رمادي وذهبي والحلق نفس نظام ديور
يكون اللولو ورا والكرستال البنفسجي قدام


اخر شي نسقت معاها شنطه ديوريسيمو لون اسود ، ولان كثير سألتوني عنها بسوي تقرير بسيط عنها 



الشنطه من ديور اسمها ديوريسيمو ، حجمها ميني اصغر حجم ، اخترتها لسبب ابيها لسهره وابيها كاجوال
وتمشي بكل الحالتين اذا سهره او عزيمه عشا اشيل الكروس وامسكها بالهاندلز واذا ابيها لطلعه اضيف لها اكسسوار او سكارف وتطلع انيق بشكل الكروس


من داخل لونها فوشي وهذا الي محببني فيها زياااده ، خامتها خشنه وهي اكثر شي اشتريها لان مايبان فيها التخديش
ماقول كرف كرررف ، اكيد لازم تنتبهين لها بس حساسيتها اقل من الجلد الناعم ، خامتها

الهاردوير يعني الحديده الي فيها ذهبي مايل للسيلفر مادري شفيه تصويري اليوم قالب كل شي ذهبي
فيها جيوب من داخل وتشيل مو على شكلها ابدااا ، كنت محتاره بينها وبين الليدي ديور

بس فضلت هذي عليها لان الليدي ديور مو عمليه من داخل ولاتشيل اشياء كثيره وغير هذا شكلها جدا انتشر
واحس هيبتها خفت ، ع العموم انا الشنطه اذا حسيت تخدمني وتناسب ذوقي اخذها لو منتشره او لا

بس قلبي مال لها اكثر ويمكن اخذ الليدي ديور بعدين مايندرا p:
بالنسبه للسعر انصحكم أكثر تاخذونها من اوروبا وخاصه المانيا او توصون عليها احد لان صديقتي شرتها من هناك وانا من بوتيك المملكه ، بسعر اقل بكثيييييير بكثيييير مني وعادي اصلا مازعلت هههههه

تفاصيل اللبس :
التنوره والبلوزه والعقد : زارا "ماخذته من زمان بس حصلت شي يشبه له عندهم"
الشوز " شارلز اند كيث"
الاكسسوار " ديور وبولقاري والحلق من توب شوب"
الساعه "مايكل كورس"
الشنطه " ديور"

ان شاء الله يكون البوست فادكم شوي ، مو شرط تاخذون للمناسبات شي فخم مره اخذو شي بسيط وبتنسيقكم يطلع انيق
والشعر والميك اب يلعب دور كبييير لاتهملونه 

اشوفكم ببوستات جديده ان شاء الله 

















هناك 25 تعليقًا :

  1. ماشاءالله حبيت اللوك 😻، تنسيق جداً أنيق وبسيط ف نفس الوقت يعطيك العافيية شيماء 💜.

    ردحذف
  2. ماشاءالله حبيتّ اللوك 😻، تنسيق جداً أنيق و بسيط ف نفس الوقت يعطيك العافية شيماء 💕.

    ردحذف
  3. ماشاء الله اناقه .. والابيض احبه جدااا ❤️❤️❤️❤️
    ولبس العافيه شيوم

    ردحذف
  4. حبيت الكروب توب والتنوره هاذي النقشات اعشقها وبالذات عالابيض احسه نااااعمه جداا
    والتنسيق بطططططل بالذات الشوز والشنطه مشالله احب ذوقك دايم راقي وتبهريني بتنسيقك كثري من هالبوستات 😍😍 يعطيك الف عافيه

    ردحذف
  5. من يوم ما طلع الأبيض × الأبيض تريند وأنا مرررة نففسي ألبسه
    بس ما أدري ليه الين الحين مالبست 💔
    حبببيت التنسيق أنيق ومرتتب ♡

    ردحذف
  6. حبييييييييت اللوك ايايغنت ايليغنت من جد .. سوبر واااو / التوب مع التنورة شي صراحة .. التنسيق ككل عجبني وحبيته .. الشوز ولا مرة جربت اقيس هالديزاين 😁.. الاكسسوريز ناااار 😍والشنطة جمااال عليها ماشاء الله تتهني فيها .. حبيت موضوع انك تستخدميها لطلعات ولسهرات وكيف التغيير بسيط ..
    تلبسينهم بالهنا حبيبتي 😘💕

    ردحذف
  7. جميل وذوق ماشاء الله والأجمل أنه محتشم وساتر

    ردحذف
  8. مدري ليه احبك و كل كل شي تسوينه و تكتبينه مررررا يعجبني و يشدني من جد شخصه ذوق مهما تسوي اكثر شي يبسطني ع كثر ما كلمتك بالسناب الا اشوفك راده مرا يعجبني هالشي فيك ب عكس ناس مرا كثير مستحيل يردو خليك كدا و استمري ب روحك الحلوه 💞🎀

    ردحذف
  9. ماحبيت اللبس
    الا عشقته .. فخم فخخخخخخم
    عليك بالعافيه

    ردحذف
  10. وقعت في غرام الشنطه ماشاءالله ججميييييله ❤️❤️❤️

    ردحذف
  11. حبيت كل اللوك مع الاكسسوايز وكل شيء بس فضلت لو كان الشوز مو كذا فضلت لو يكون احمر او عودي ونفس البوز من قدام ويكون هيلز ❤️شكرا

    ردحذف
  12. لاااا مستحيييييل وش هالتوارد يا شيّوم ..
    الشوز عجبني في شارلز ، واذكر وقفت قدامه وقلت هذا مرررة انيق .. شكلي برجع له !!
    الابيض عشششق ، تنسيقك حلو ماشاءالله .. كالعادة 💓

    ردحذف
  13. شيوم انتي ذوووووق من جد تدخلي القلب
    وتنسيقاتك جميلة زيك ❤

    ردحذف
  14. حبيته مررره اللون الأبيض يعطي نعومه و اناقة في نفس الوقت
    أهنيك على اختيارك للشنطة حب من أول نظرة كنت مخطط عليها
    الشي اللي ماحبيته العقد احسه ما أضاف للوك

    ردحذف
  15. جميل وياليتك ذكرتي الاسعار 💕💕💕 تتهني يااارب

    ردحذف
  16. ماشاءالله مره شيك 💞💞💞💞❤️❤️❤️❤️❤️
    احس المانيكان ظالمة البلوزة شفتها في اللبس مررا احلى

    ردحذف
  17. جميل كجمال روحك... كل م كان طلتك بسيطةكل ما برز جمالك اكثر...

    لك خالص الحب..

    ردحذف
  18. جميل وانيق 💗🙊مرة احب ذوقك خصيصاً بالاكسسوارات 👍👌 لبس العافية و يعطيك العافية

    ردحذف
  19. اهلًا شيووم،،،،مشاء الله التنسييق يجنن😍،،والشنطه صرااحه ذوووووق عشقته من اول نظره تتهني فيها ،،، والله يعافيك ابي استفسر عن سعر الشنطه بكم ؟؟وشكراً

    ردحذف
  20. انيقه ماشالله 💕💕💕 حبيت الشوز حيل ذرب .

    ردحذف
  21. تنسيقك جميل جدآ .. دائمآ البدلة الي من نفس الخامة تعطي قصر
    بس شوية ذكاء تتداركين هالمشكلة ومثل ماقلتي بشوزك و تصميمة تداركتيهآ ^^
    وحبيت البدلة مرآ والشنطة مرآ انيقة تتهني ياجميلة :)

    ردحذف
  22. جميل التنسيق والتصوير واضح انه ظالمه
    تتهنين فيه
    حب

    ردحذف
  23. جميييل ما شاء الله ♥♥

    ردحذف
  24. ما شاء الله حبييت اللبس والشوز وكل حاجه..تنسيقك جدا روعه ما شاء الله😍❤

    ردحذف

التعليقات الجميله ♥♥

Blogging tips