غبقه قورجس وسهره جميله مع صديقاتي | الدعم الشهري للمشاريع المبتدأه ♥

السلام عليكم وَ رحمه الله وَ بركاته ♥♥

قبل فتره فتحت باب الدعم للمشاريع المبتدأه بدون شروط غير ان المشروع يعجبني وان المنتج المرسل يكون شي بسيط ومايأثر على المشروع وميزانيته لان اعرف المشاريع الجديده الوضع عندها يكون حساس واي شي ممكن يأثر عليها

ثاني شي حبيت يكون الدعم غير عن باقي الاكاونتات ، يكون شي ممتع بدال لايكون صوره ومدح وبس ولان الاكاونتات الي اخترتها بالدعم تدور حول الضيافه وغيره فقررت اسوي غبقه واعزم صديقاتي ، فان شاء الله يكون البوست ممتع لكم مثل مانبسطت بالترتيب له :)

اول شي الجلسه كانت مقدمه من @melia_outdoor_party 

اكثر شي جذبني بحسابها جلسات الفطور والمنيو الي ارسلته لي بالايميل جدا منوع ♥♥

ثيم الجلسه ريفي واضافت له طابع رمضاني حتى يناسب الاجواء الرمضانيه

مره حبيت فكره الزرع الي بالنص وينفع اكثر شي للجلسات الخارجيه ، والي حبيته ايضا

انها تضيف لك الي تبين من ورد لبالونات هيليوم وعندك خيار للفطور او العشا ويكون نظام فرنسي شي خفيف

وتقدرين بعد تختارين المشروبات او يكون في شوي وهي توفر لك الشوايات ، مره حبيت التنوع الي عندها

طلبت ل١٢ شخص وكفت مره الجلسه ، الاغراض وصلت لي ببوكسات مرتبه وهي الي ترتبها لك اذا حابه

واحلى شي كتبت لي الاسامي بالاوراق مره حلوه الفكره وانا جلست اوزع البنات ع كيفي ههههههه

وصلت لي مع الجلسه السله البيضا هي اصلا للفطور والمخبوزات بس ينفع تحطين لكل بنت هديه بداخلها او تحطين اسئله والعاب لكل شخص ، بالاضافه لصحن بلاستيك وسراج وسترو للعصير مع كوب عصير ع شكل لمبه ♥♥

شكرا جلسات ميليا كل شي كان بيرفكت من ترتيب الي جددد ابهر الكل الى تعامل وتعاون معاي بشكل حلو

احب الناس الي تحترم زباينها ، شكرا لك جدا وهذا حسابهم بالانستقرام نصيحه اذا تبون شي جديد ومرتب لك ولصديقاتك لاتتعدين ميليا وجلساتها : )

 @melia_outdoor_party

ثاني بنوته الي فعلا ماقصرت معاي وخلصت كل شغلي بيوم واحد بس هي @noosh3838

المناسبه كانت حفله بسيطه لخريجات الثانوي وسبب قبولهم بالجامعه الله يوفقهم يارب :)

فكنت ابي ثيم تخرج بس بطابع رمضاني ، كان تحدي شلون تدمج الاثنين مع بعض ههههه

بس فعلا ماقصرت وكل شوي تشاورني حتى طلعت بشي يعجبني ♥♥♥♥

ثيم الماي ، جابت كل شي مقصص وجاهز وانا لزقته ع طول 

ثيم الحلا

ثيم العصاير ، فكرتها تكون الحلقه دائريه واحطها ع العلبه وبس 

بس انا استعجلت عليها لان ماكان عندي وقت فسوتهم لي بالطريقه هذي

مع انها عجبتني وشكلها حلو بس هي كانت عليها ملاحظه وعجبني هالشي انها ماتبي تطلع شي الا راضيه عنه :)

شكرا هنو على تعاونك السسسررريع معاي ، وكانت تقولي شيوم ابي ملاحظاتك عشان اتطور

وحبيت هالشي فيها ، انصحكم تتعاملون معاها عندها افكار حلوه وشغل مرتب قابل للتطوير :)

حسابها @noosh3838 ♥♥

نجي للتعذيب يممممم !!

حلا ومادراك مالحلا ! للامانه انا عندي مشكله مع تاجرات الانستقرام لي تجارب كثييره معاهم بالطلب وخاصه الحلا

وكلها فاشله ، يا يطلع ابدا مو حلو او يطلع يفشل كشكل مايواجهه او يطلع بس شكل بدون طعم وغير الاسعار الناريه صراحه وانا عادي ادفع بس ابي مقابل ، فقررت اجرب asweet87@ 

وقلت لها ارسلي الي تبين من شغلك ، واختارت لي هالمكس بيري شيز 

الشكل بروحه شي لذذذيذذذذ مع اني مو صحبه مع الحلا بس بدون مبالغه حبييييييته

طبقه البسكوت متماسكه والحلو فيها توزيع البسكوت شي خفيف موطبقه كبيره مع طبقه الكريمه وطبقه مكس بيريز

مو حاليه كثير والتشيز مو دسم وهذا الي حبيته فيه ، ينفع مع العصير اكثر من القهوه وكفت 12 شخص بالراحه ، وطلبت بعد منها نوتيلا شيز كيك ، صورته فوق مع الثيمات شي لذذذيذذذ بدون مبالغه مره حبييته!!

كثار حبو المكس بيريز وكثار حبو النوتيلا شيز يعني ماقدر احدد شنو الالذ عندها عن نفسي حبيتهم وحبيت اسعارهم

وجد بتكون في قائمتي اذا في عزيمه بتفك ازمه من قلب ، شكرا asweet87@ على التعامل الراقي واللذييييذ p:♥♥♥♥

نجي للشي اللذيذ الثاني ، تدرون بديم توحمت على كويكز وحمي دلوعي ههههههههه

واعشق التشيوي كوكيز الي يكون ذايب ماحب الي كانه بسكوت ..

هالكوكيز الخرافه من elegant_cookies@

انتو شوفو التغليف بسس ! حبيييت احب الي يهتمون بالتفاصيل

امي يوم شافت الصور قالت لي روحي دوري الكبابيس هذول ههههههههه

الي وصل لي مكس كوكيز فيه كيندر مثل الصوره :"( وفي كتكات وفي ريسيز وجالاكسي اتوقع !

شوفو كيف من داخل!! لذيذ فعلااااا وبدون مجامله ولا هي من الكويكز الي تغث تاكلين حبه وخلااص ع قلبك

بالعكس وحده ورا الثانيه للاسف هههههههههه

هذي لكم p: 

وانا اصور ماشوف الا يد تتسلل للكام وتخطف كويكز وتاكل وهي مستمتعه ههههه

اي نعم المجرمه ديم :) حتى ديم حبته في احلى من كذا دعايه p: شكرا اليقنت كوكيز elegant_cookies ♥♥

البوست اليوم تعذيبي بامتيااااز هههههه!

نجي لأحلى شي فقره العشا من اطعم بنوته ام حنين :)) @omh.k

هالبنت شكثر ذوووق! لما كلمتني وقالت لي اختاري قلت عطيني صنفين من اختيارك واهم شي ماكلف عليك

وتفاجأت بيوم العزيمه مدخله ٣ سخانات ومقبلات!

جد جد احرجتني بذووووقها الله يسعدها ..

من شفت حسابها وانا على يقين ان شغلها لذيذ ونظيف ويااارب لك الحمد ماخاب توقعي ابد ..♥♥

اول صنف دجاج بالفلفل مع الكريمه <ترا الاسم من تأليفي ههههه .. لذذذيذذذذذذيذذيذذذ بس حسيت الدجاج شووي قاسي ومع هذا اعجب ضيوفي!!

لذعه الفلفل فيه يمي! مو حار حيل بس اللذعه والبهارات مو طاغيه ابد حبيته 

وهذا كور بطاط بالكريمه مع الدجاج ، انا اسويها بالبيت بس هي ماشاء الله ضبطتها بطريقه عجيبه

مررره حبييييييت!!! وابدا الكريمه ماتغث حتى الاجبان الي معاها حلوه!

وهذا الباستا ، تدرون طول ماأنا أكل ابي اعرف المكونات عشان اقلدها ماقدرت ههههههههه

الهلابينو الي معاه عطاه طعممم! هذا اكثر صنف اعجبني اشتهيته الحين :"(

اخر شي مقبلات بارده الي هي دجاج بالصوص مع خس

بصراحه هي اقل شي حبيته ، مو معناته مو لذيذ بس انا ماحب الدجاج البارد ماستطعمه

بس ضيوفي اعجبهممم ، وقلت لام حنين خلاص انتي معتمده عندي بالمناسبات باذن الله من كثر ماحبيت شغلها ونفسيتها

احنا ١٢ شخص او اقدر اقول ١٤ شخص والبوفيه كفى وزاد بعد!

كل شوي ضيوفي يقومون يزيدون من البوفيه هههههههه

بيضت وجهي الله يبيض وجهها ، شكرا ام حنين omh.k@ ♥♥

وبس هذي غبقتي ، والي يبي يعرف معنى الغبقه هو عشا يكون برمضان ويكون تراثي والحاضرين يلبسون شي تراثي :)

انبسطت اكثر شي اني تعرفت ع اشياء جديده بالرياض ، قبل اذا ابي اسوي عزيمه ابتلش بالتحضير

وماحصل الي يعجبني بس بدون مبالغه كل الي تعاملت معهم من حظي انا اولا اني تعرفت عليهم وعلى خلقهم وتعاملهم الطيب وصارو بالنسبه لي مرجع اقدر اعتمد عليه ، لان حريصه ماعرض شي موعاجبني واحط مكاني مكان متابعاتي الي يبون يتعاملون مع شي ثقه بعيد عن الدعايات والمبالغه بالمدح ..

ان شاء الله انا وصديقاتي الي ذكرتهم نكون عند حسن ظنكم دايما ♥♥♥♥

واشكرهم على سعه صدرهم معاي♥♥♥♥

هذي حساباتهم مره ثانيه

جلسات ميليا melia_outdoor_party

ثيمات هنو noosh3838

حلا أ سويت asweet87

اليقنت كويكز elegant_cookies

مطبخ ام حنين omh.k

اشوفكم ببوستات جديده باذن الله ♥♥