الأحد، مارس 08، 2015

تجربتي بالشراء من موقع مونيكا فيندر | تنسيقاتي لاسواره مونيكا Arm Candy ♥


السلام عليكم وَ رحمه الله وَ بركاته، 
اعتذر تأخرت عليكم بسلسله طلباتي من المواقع الالكترونيه وانطباعي عنهم

اول بوست كان عن طلباتي من امازون :

مشترياتي من موقع امازون وانطباعي عنه | Amazon haul



اليوم بتكلم عن طلبيتي من موقع مونيكا فيندر .. اول شي مونيكا فيندر هي صائغه مجوهرات بدآت في سنه ٢٠٠٢ ، بالبدايه كانت تسوي مجموعات حصريه لناس معينه وبس كثر عليها الطلب بدآت سنه ٢٠٠٦ كشركه وفازت سنه ٢٠٠٩ بجائزه (ماركه مجوهرات السنه) ، محلاتها بس بلندن وتبيع اون لاين ، اشتهرت عندنا قبل ٣ سنين تقريبا وخاصه السنه الي فاتت مره انشهرت لدرجه صارو يسون تقليد لمجوهراتها! احس هذا النجاح اذا تقلدت اعرف انك اكتسحت السوق. 

بالبوست ماراح اكتب لكم كيف طلبت لان الموقع جدا سهل بس بوضح لكم كذا نقطه فيها ، اشهر اساور عند مونيكا هي fiji والي انا حابتها اكثر شي ، الباقي مالفت نظري كثير صراحه ، شوفو الموقع وتصفحوا الكولكشنات :



المميز بالموقع خاصيه الحفر على الاسواره او التعليقه خاصه باللغه العربيه! الاساور الي تنحفر عليها ٣ انواع :


هافانا | HAVANA


ايسينيكا | ESENICA


فيجي | FIJI

،


لما تختارون الاسواره الي تبون ، وتبون تحفرون عليها اتبعو الخطوات التاليه :


١. مثلا اخترت الاسواره هذي ، بالمربع الي فوق مكتوب Engrave this item
معناته الحفر على الاسواره


٢. بتطلع الصفحه هذي ، اختارو الحجم الي تبون للخط وبعدين النوع والخط العربي اخر شي


٣. اخترت خط صغير والعربي ، اول بوكس تكتبون فيه الي تبون وعدد الاحرف يقل اذا الخط صغير
اذا جيتو تكتبون اكتبو بالكي بورد الي بالبوكس ، يعني لو كتبتو عادي من كيبوردكم ماراح يطلع فالحل تضغطون على صوره الكي بورد الي بالبوكس الرمادي وتكتبون الي تبون


٤. كتبت الي ابي وطلع على الاسواره الشكل النهائي ، صراحه حبيت الانقلش اكثر من العربي فماغامرت وطلبت.

،


الحين نجي لطلبيتي ، طلبت ٢٨ نوفمبر يعني تقريبا قبل ٤ شهور لان كان عندهم عروض ووقتها البلاك فرايدي الي كل المواقع تسوي عروض قويه ، اذا دخلتو ع الموقع مايبين لكم ان في عرض او خصم بس اذا سجلتو فيه يرسلون لكم ايميل ان في عرض او خصومات ، يسمونه برايفت سيل يعني الخصومات الخاصه.


اول مره اطلب من الموقع وجدا سهل مثل باقي المواقع العالميه ، اخترت الي ابي (هنا) الي هو اسوار الصداقه لون ذهبي والخيط لون النود سعره كان ٥٦٠ ريال تقريبا واخذته ب٢٩٦ ريال صفقه حلوه p:


احلى شي التوصيل كان مجاني ووصلني ب ٤ ايام تقريبا ، انصدمت لان وقتها البلاك فرايدي مثل ماقلت وكثير طلبيات تتأخر وحوسه ، وصلني مرتب بكامل ملحقاته حتى الكيس حاطينه لي لان طالبته تغليف هديه.



هذا الي حفرت عليه ، تنفع هديه للي تحبون وتنفع تحطون عليه كلمات كذكرى او شي يحفزكم لان دايم يكون بيدكم
لبسته فتره طويله ولاتغير لا لون او الخيوط الجوده ممتازه جدا ، هو مطلي ذهب ومواد ثانيه مو ذهب كامل. 


تتوسع وتتصغر من ورا
،



شكلها ع اليد (مو يدي) مقاسها علي شووي كبير لان يدي ضعيفه بس عادي حلو شكلها ، الحين بوريكم كذا تنسيق لها مع الساعات اذا حابين افكار ، يسمونه Arm candy يعني حلوى اليد وكل ماكانت الاساور اكثر كل ماصارت فعليا ارم كاندي 


 اول شي مع ساعه سبورت كبيره طالعه مرتبه 
الساعه ماركه GF ferre



مع اساور ملونه وساعه ذهبي بسيلفر ، ماشيه مع الكل يعني 
الاسواره الورديه من ميو ميو والزرقا كشك من الكويت واول وحده هديه والساعه مايكل كورس


ذهبي في ذهبي
الاساور من زارا والساعه فالنتينو 

،

وهذا هو بوست اليوم اتمنى يكون افادكم وعطاكم فكره اكثر عن الماركه والطلب منها وتكون التنسيقات تكون مفيده
اشوفكم ببوستات ثانيه 




هناك 43 تعليقًا :

  1. روعه التنسيق تسلم يمناك , واول مره ادري عن هالموقع الجميل جاء بوقته لعيد الام ان شاء الله يمديني اطلب ويجي بدري تسليمن قورجس على هالبووست اللطيف .
    واضح ايد العامله ههههههه امزح معاك :P
    مشكوره ويعطيك العافيه .

    ردحذف
    الردود
    1. ياززينك ♥ ان شاء الله يوصل بالوقت ولله يخلي الماما ياررب
      وصح صادقه يد العامله هههههههه ♥♥♥
      ماقصرت معاي الله يعطيها العافيه ♥♥

      حذف
    2. بسالك قلبي ويارب تردين بدري ليش اخذتيه بسعر اقل هل في كود للخصم والله اتمنى اطلب منهم بسعر اقل مثل ماقلتي صفقه حلوه😔

      حذف
  2. أزال المؤلف هذا التعليق.

    ردحذف
  3. جدا حبيت البوست وجاء بوقت الزواجات والهدايا 😍
    بس عندي سؤال كم سعرها حاليا ؟

    ردحذف
    الردود
    1. تنفع هديه من جد ♥♥♥♥
      سعرها فوق ذاكررته تقريبا ٥٠٠ ريال ♥♥

      حذف
  4. حياتي من جد البوست روعه وانا عاجبتني من زمان وكنت انطرج تكتبين عنها

    ردحذف
    الردود
    1. ان شاء الله يكون البوست افادك فاطمه ♥♥♥

      حذف
  5. رائعه حبيت التنسيق الاخير
    ذهبي في ذهبي

    ردحذف
    الردود
    1. اهلا منى ♥♥♥ الله يسعدك ياقلبي مره ♥♥

      حذف
  6. يازينك بس بوست جدا جميل وسمبل كجمال فايندر
    استمرى ياعسل❤️❤️

    ردحذف
    الردود
    1. شكرا ياقلبي ♥♥♥♥♥♥ نورتيني

      حذف
  7. مره جممممميله من زمان حابتها شكلها انيق وناعم

    ساعة فلانتينو 😍😍😍
    يعطيكِ العافيه شيوم

    ردحذف
    الردود
    1. الله يعااافيك ميما ♥♥♥♥♥
      شكرا ع الكومنت ياقلبي ♥

      حذف
  8. ما كنت اعرف ان يصير يكتبون عربي !
    تسلمين عزيزتي على التقرير ^ ^

    ردحذف
    الردود
    1. سعيده اني ضفت معلومه جديده ♥♥♥
      الله يسعدك ♥

      حذف
  9. تسلمي ششيوم موضوع جميل.. و لفتي نظري أكثر لموضوع تنسيق الأساور و الساعات.. لاني كنت اكتفي بشي واحد .. و يا ريت تتكلمي لنا عن هذا الموضوع اكتر ببوستات قادمة إن شاء الله

    ردحذف
    الردود
    1. هلا وغلا ♥♥
      تسلمين ياقلبي .. انا احب الاساور والساعات ههههه
      بس يعتمد ع اللبس طبعا ♥♥
      ان شاءاللهه لوحسيت في شي ممكن اضيفه سويت بوست ♥♥♥

      حذف
  10. يسلموا ياعسل تنسيقاتك رائعة ﻻسوارة 😘

    ردحذف
    الردود
    1. الله يسلمك يارررب ♥ من ذوقك حبيبتي ♥♥

      حذف
  11. تنسيقاتك حلتها وربي ما اجامل بصراحه تنسيقاتك معاها تخلي الواحد يعجب فيها

    ردحذف
    الردود
    1. حبيبتي والله ♥ ♥ ♥ من ذووقك باسمه تسلمين :*

      حذف
  12. ماشاء الله
    مرررة جميلة ومن وقت ماعرفت انك بتطلبينها وانا متحمسة
    والي مخليني اتردد العبارات مرة مختصر وي كثر الاشياء الي احبها
    بس برافو عليك ماشاء الله سعر ولا آحلى تتهنين فيها
    حبيتها حيل وتمنيت فيه للاطفال

    ردحذف
    الردود
    1. حياتي تسلمين ♥ ♥ اذكر يوم سويت زحمه بالسناب ع سالفه العبارات ههههههه
      في نوع ثاني الي اغلبه سواره معدن مو خيط شفت اطفال لابسينه ♥

      حذف
  13. حبيبتي البوست اكثر من رائع انا من فلسطين وانت وجوجو كنتو محط الهام اللي ومن شان هيك صرت بلوقر بتمنى دعمكم

    ردحذف
    الردود
    1. حياتي والله ♥ ♥ اتشرف فيك!!
      ان شاء الله توصلين لكل شي تطمحين له باذن الله الله يسعدك

      حذف
  14. مشاءالله لبس العافية ياقمر <3.
    وتسلم يدك على هالبوست والتنسيقات والأفكار في منتهى الروعة ولو بس تلبسي تيشيرت وجينز مع الارم كاندي تحسي يغير ويعطي شكل ,والبوست جاء بوقتة دام قريب حفلات التخرج وجاية الأعراس والمناسبات يفك أزمة للبعض :).
    موفقة

    ردحذف
    الردود
    1. صح عشان كذا اعشق الارم كاندي يعطي لوك ♥ ♥ ♥ ♥
      شكرا حبيبتي

      حذف
  15. أشكرك..ممكن أفهم نقطة..يعني إذا أنا مسجلة في الموقع حتى لو ما اشتريت من قبل ممكن أستفيد من العروض والخصومات؟

    ردحذف
    الردود
    1. يسس حتى بدون ماتشترين دام انك مسجله يرسلون لك ايميل ♥ ♥ ♥

      حذف
  16. حبييييت ماشاء الله تتهني قورجس من يومك جميله ♥♥

    ردحذف
    الردود
    1. الله يسعدك ♥ ♥ من ذوقك والله

      حذف
  17. ماتصدقين وش قد استمتع وانبسط وانا اقراء كلامك واشوف بوستاتك , يسعدك ربي ماتتصورين وش قد انتي بنيتي بداخلي امال و غيرتي فيني اشياء كثييييييييرة بفترة ماتجاوزت اسبوع بس تخيلي ! الله يديمك لنا اخت واكثثثثر 💜💜💜

    ردحذف
    الردود
    1. :(((♥ ♥ ♥ ♥ ♥
      يالله قد شنو كلامك جممميل ♥ ♥ ♥ ♥ ♥
      الله يديم عليك التغير والرضا عن الذات يارررب دااايمااا وابداا ♥ ♥
      والله يديم محبتكم لي ولكم ♥

      حذف
  18. اول مره اكتب تعليق بمدونتك بس جد جد انتي ملهمه بكل شي تنزليه
    اختيارك لكل شي جميل و ذوق ما شاء الله
    احب طريقة كتابتك لاي شي * سهل و مبسط *
    ششكراً لكل شي تسويه .
    ربي يسعدك و يرزقك بكل شي تتمنيه
    ربي يخلي لك ديم العسل .❤️❤️

    ردحذف
    الردود
    1. حياتي ♥ ♥ مع ان اسمك مو معروف بس بجد كلامك وصل لقلبي ♥ ♥
      شهاده اعتز فيها والله ♥ ♥
      ولك بالمثل واكثررر ياقلبي الله يسعدك

      حذف
  19. كشخة كشخة .. اختيارك عجيب الالوان ذووق .. شكراً عالشرح الوافي

    انتي ايليغنت يكل المقاييس.. أحبك

    ردحذف
  20. أزال المؤلف هذا التعليق.

    ردحذف
  21. شيووم مبدعه دايما يعطيك العافيه 💜
    بس لو سمحتي يوصلون مباشر للسعوديه وشكرا لك

    ردحذف
  22. أزال المؤلف هذا التعليق.

    ردحذف
  23. حبيبي بسئلك عن طريقة الدفع كيف تكون ؟؟ والله يجزاك خيير مقدماً

    ردحذف
  24. السلام عليكم حبيبتي، ماقصرتي على هالشرح الجميل الله يسعدك😍!، لكن عندي سؤال؟ ودي اطلب هدية لوحدة غاليه علي بس مدري هل الالماس الموجود فيه صناعي او ايش؟ الله يرزقك الفردوس الأعلى💚.

    ردحذف
  25. جميييلة ما شاء الله ♥♥♥♥

    ردحذف

التعليقات الجميله ♥♥

Blogging tips