الثلاثاء، مارس 03، 2015

لما يكون العطر تحفه فنيه | جوله عطورات بصحبه بوتيك لودوريه ♡




السلام عليكم وَ رحمه الله وَ بركاته ، ♡ 
اليوم البوست مميز بالنسبه لي ، زمان كتبت عن بوتيك لودوريه (هنا البوست للي ماشافه) يوم كتبته كانت ابد مو دعايه قد ماهو شي فخم وجميل حبيت انقله لمتابعاتي وصديقاتي ، قريب تواصلو معاي بوتيك لودوريه ومن كثر ماكان يعنليهم البوست واثر فيهم اهدوني مجموعه عطور جديده وقالو تكلمي عنها مثثل ماتبين ، حبيت ثقتهم بمنتجهم لان كثير شركات اذا في اي نقد ماينفع تكتبينه ولازم كله مدح بمدح ، بالنسبه لي ثقه الناس اهم من المنتج المقدم ورايي وانطباعي بيكون دايما وابدا صادق.



بوتيك لودوريه ، هو بوتيك للعطورات النيش ، معناته العطورات الي مو تجاريه الي ماتحصلينها بكل مكان ، تحصلينها بأماكن معينه بالعالم وهي موجهه للناس الي تقدر العطر وتعتبره فن ، الي يميز العطورات النيش ان لها روائح مميزه مو متداوله بكل الماركات ، عشان كذا اسعارها تميل للارتفاع ، بالاضافه انها مصنعه بكميات مو كبيره ومستخدم فيها روائح نقيه فنسبه الكحول تكون اقل ، شوفو البوست القديم الي رابطه فوق تكلمت اكثر عنه.

العطورات المقدمه من لودوريه هي ماركه نيكولاي ، وصلني منهم ٨ عطورات تقريبا كل الي عندهم ، ففرصه نتعرف عليهم ،
اول شي الي وصلتني مو عطورات تحفه فنيه صراحه!!





من اكثر الاشياء الي استمتعت بتصويرها وللان ماحس اعطيتها حقها .. شكرا ع ذوقكم بجد ، الورد والفواكهه مستوحاه من العطورات نفسها حتى الستاندات الي عليها العطورات دارسين طبيعي وخشب وفي فلفل طبيعي ! لوحه فنيه اتآمل جمالها ، احترم الناس الي تهتم بالتفاصيل وتمثل نفسها وتبرز روحها وهويتها دايما .. هذا التميز وهذا البراندنق برايي.

منو مثلي تحب القصص والنجاحات وتستلهم منها وتعطيها دفعه للحياه ؟ تصف جنبي لان دار نكولاي مو كذا طلعت فجآه ورها قصه كفاح جميله ..



دار نيكولاي ملك لبتريشيا دي نيكولاي وزوجها جان لويس ، اطلقو مجموعتهم سنه ١٩٨٩ ، مفهومهم البساطه مبني على تاريخ عائلتهم الطووويله وخبرتهم بالعطورات ، متخيلين بتريشيا من عائله قيرلان بالتحديد ٤ اجيال من عائله قيرلان ؟ قيرلان نفسها الي تبع الميك اب والعطورات ، كانت تعشق العطورات وتحبهم بس اهلها منعوها ! قالو ماعندنا بنات يسون عطور ههههه ، جد اتكلم لان انصدمت بس سمعت القصه ، كان الي يصنع العطور بقيرلان بس رجال ممنوعه من النساء ، منع اهلها ماوقفها عن حلمها فدرست الكيمياء ودخلت الجامعه تخصص عطورات فاشتغلت بكذا شركه مرموقه لحد ماقررت تسوي لاين خاص فيها، حاليا تعد من اشهر البيرفيومست وخاصه بفرنسا "صانعه عطور" لها حاليا ٧ بوتيكات ، ٦ منهم بفرنسا وواحد بلندن ، حاليا هي مديره متحف الاوزموتيك اشهر متحف للعطور بالعالم ، وهي مدربه لصانعي العطور ، تخرج تحت يدها كثييييير من صانعي عطور وهي اول امرآه تاخذ جائزه جوقه الشرف عن عطوراتها ، جدا ملهمه قصتها وانتهت نهايه سعيده ماشاء الله ويارب ماتنتهي عطوراتها ههههه.

نشوف مع بعض العطورات :

عنبر عود | Amber OUD




Rose OUD | روز عود



باتشولي | Patchouli




مسك | Musc



Number One | رقم واحد




ساكربلو | Sacrebleu



Vie de chateau | في دي شاتو






نيويورك | New-york








ماراح اتكلم عنهم حتى مايطول الموضوع اكثر ، كل اسبوع تحديدا يوم الاثنين راح اتكلم عن عطر واحد .. بيصير بروفايل الانستقرام ريحته عطور جميله p: حبيت اوضح ان الاذواق تختلف وطبيعي ماراح احب كل العطورات لانها مختلفه ومو شرط يعجبكم الي يعجبني عشان كذا بحاول اشرح بشكل عام اكثر ولما تمرون البوتيك يكون عندكم فكره عنهم وتختارون الي يناسبكم.


بالاخير ، حبيت اشكر بوتيك لودوريه انهم غيرو مفهومي عن العطور بصراحه! من بعد اخر بوست عنهم ماشريت اي عطر تجاري كل الي شريتهم عطورات نيش سواء منهم او من محلات ثانيه ، العطورات التجاريه مو سيئه ابدا ماقصد كذا ، بس صار التمييز صعب في زمن التشابهه ، وصرت اشوف العطر هويتك وتعبير عن انت منو ، بالمختصر صار عندي تقدير للعطور وانها مو شي كمالي مثل قبل .. عطورات النيش تلبسك انت ، مو انت تلبسها تتفاعل معك وتنتج رائحه جميله خاصه فيك انت ، يمكن البعض مايوافقني الرآيي بس ع الاقل ان شاء الله طلعتو من الموضوع بمعلومه .. لاتنسون موعدنا الاثنين الجاي بالانستقرام الخاص igorgeousta 


موقع بوتيك لادوريه بالفيصيليه الهارڤي نيكلز
انستقرامهم @l_odore 

اشوفكم ببوستات ثانيه ..



























هناك 13 تعليقًا :

  1. شيما حبيبتي البوست جدا جميل بس حابة أسألك سؤال لو مافي إحراج كم عمرك لأني أحسك إنسانة واعية ولها تجارب كثيرة في الحياة وسامحيني إذا سؤالي ضايقك

    ردحذف
  2. اسلوبك راقي وممييز ..
    وكالعاده بووست رائع ..

    ردحذف
    الردود
    1. الله يسعدك .. نورتيني ♡

      حذف
  3. انتظر بوستاتك بفارغ الصبر أحبك من كل قلبي , صحيح عيني ما شافتك بس روحي لامست روحك الحلوة كل التوفيق لك حبيبتي

    ردحذف
    الردود
    1. يازين كلامك ♡ الله يسعدك مثل ماسعدتيني واكثر :*

      حذف
  4. حبيت البوست واستناكي كل اثنين ان شاء الله امم شيوم ممكن تكتبيلنا لستة عن المحلات اللي تعدفيها و تبيع عطور النيش سواء في الرياض او اي مدينة ثانية

    ردحذف
  5. حبيت البراند من وصفك .. بس وين الرفيو عن العطور ?

    ردحذف
  6. والله مافي اجمل منك ومن سنابك وانستا تبعك ومدونتك ياااختي انتي كتله من الجمال وربي الله يخليك يارب وتسلمين على افادتك لنا

    ردحذف
  7. حمستيني لها العطور من قصة صاحبة البراند.

    ردحذف
  8. تحمست اجرب العطورات خصوصا بعد اخر بوست في الانستا .. وصف النوتات والريحة 😍😍😍😍😍😍

    ردحذف
  9. الصراحة أفضل بلووقر وأحب عفويتك وكل شي حلو منج
    اتابعج فسناب وانستا والمدونة والى الامام دوما ^^
    ريم من الامارات 😍✌️
    بس سؤال أخير ها العطر فوين اقدر احصله عجبني لمن شفت تدوينتج عنه^^

    ردحذف

التعليقات الجميله ♥♥

Blogging tips