موضه مناكير الخريف\الشتاء ، اختايارتي المناكيريه ♥ My nailspolosh haul

،


السلام عليكم وَ رحمه الله وَ بركاته ♥، وبدا يبرد الجو وبدت الملابس الشتويه تطلع وَ يتغير الميك اب ومن الاشياء الي تتغير المناكير بعد ، الالوان الساطعه والنيون والفاتحه جدا بدت تختفي ، وبدت الالوان تغمق ، اغلب الالوان تكون مستوحاه من الطبيعه ، بالخريف تبدا الوان الاشجار تغمق وتتحول للاصفر الغامق والبني وغيرها *طبعا هذا بالاغلب برا مو عندنا بس ماعليه خلونا نتخيل p:*

كثار تكلمو عن موضه الخريف والشتا بالنسبه للبس وغيره انا بتكلم عن المناكير بشكل خاص ، ماقدر اقول حطو هاللون بالذات واخذو نفس الي شريته بس هي مجرد اقتراحات ، دام ابتعدتو عن الفوشيات والاحمر الفاتح والاصفر والاخضر الزاهيين والنيون وبدلتوها لالوان ابرد واغمق تكونون اخترتو الوان شتويه.

بالعاده لو بعرف شنو الدارج من الوان اشوف الشركات الرائده او المهتمه ايش نزلت جديد ، ايسسي من الشركات المهمه ومتخصصه بالمناكير بس ♥♥ فاهتم اتابعهم لان كل سيزون ينزلون له كولكشن خاص ، شوفو كولكشنهم للصيف :

وشوفو الفرق بينه وبين كولكشن الخريف :

لون for the twill of it وقعتتتت بغرااامممه ♥♥♥ وهنا كولكشن الشتا :

الوان تجنن :"( والوان الشتا احس مستوحاه من الكريسمس لانه موسم الاعياد عند الاجانب والاغلب متقارب واحنا الشتا والخريف ع بعضه يادوب ٣ شهور فما احس يفرق لو اخترنا كولكشن الخريف او الشتا ، هذي الالوان الدارجه ولاحظت باغلب الماركات منزلين اللون الشيمري الي فيها لمعه او يسمونه الميتاليك ! مجموعات ايسسي مانزلت عندنا ع حسب اخر مره شيكت ،

وهذا كولكشن opi وهي ماركه متخصصه بالمناكير بعد ، هذا كولكشن الخريف مجموعه سان فرانيسيكو :

حسيت في الوان متقاربه مع ايسسي وخاصه الميتاليك الي بلون البنفسج :""( وحبيت لون البمبكن او القرع احس مميز وجريئ :$ وهالكولكشن يتميز بالالوان القليتر والشايني الي فيها لمعه يعني الالوان المطفيه تقريبا مو متواجده هالموسم ، وهذي تشكليتهم لموسم الاعياد عندهم والكولكشن نزل باسم المغنيه ماريا كيري :

هالكولكشن مستوحى من ماريا كيري الي احس تحب اللمعه والقليتر والشكشكه ههههه ، اغلب الالوان فيها قليتر وشاياني وقويه بس مازالت غامقه ، ماحبيت هالكولكشن صراحه حسيت الي قبله ارتب بكثير ..

نشوف شنو شريت :

school hard rock من Essie

سواتش :

هاللون طلع من كلوكشن الشتا سنه ٢٠١١ شكرا لانكم تجيبون بقايا السوق ههههه :( بس مايمنع انه لون جميل وشتوي♥♥.

Over the top من Essie

سواتش :

هاللون من كولكشن ٢٠٠٧! بس لازال متواجد بموقعهم ع حسب مابحثت ، حسيت اللون الاسود المثالي اذا مو حابه لون غامق مره هذا جميل مع ذرات لميعه ومايل للرمادي ، ينفع مع كثير ستايلات وحتى جميل ع الاظافر القصيره مثل ماتشوفون♥♥.

Angel Nails من Maxfactor

سواتش :

مادري شفيني علقت ع الالوان الشيميري ههههه ، بس هاللون جدددا عجبني وهذي اول مره اجرب ماكس فاكتور لان اكرهها كره رهيب هههه بس حبيت انوع بتجاربي عشان ماتسرع بالحكم ، هاللون الجميل ذهبي بملعه قليتر مايل للبنفسجي ، مو خريفي مره بس ينفع وبيمشي مع الوان كثيره وخاصه الالوان الكريميه والبيج ♥♥

Rouge Obscur من Bourjois 

سواتش :

هاللون الخريفي الجميل من برجوا! برجوا طحت فيهم فتره الوانهم قويه وواضحه وفرشاتهم سهله ، وهاللون اتوقع بدمنه كثير ، حبيته ع يدي جدا!

Shimmery Blue من essence 

سواتش :

واضح اني علقت ع الشيميري هههههههه ، لون ازرق جمميل فيه لمعه كنت باخذ واححد نسخه طبق الاصل من ايسسي بس اخذت هذا بالصدفه ووفرت فلوسي :$ ايسسينس الي حبيته فيهم الوانهم جميله ويجيبون الدارج بالغالب واحلى شي اسعارهم ، بس اخاف من الرخيص صراحه احس فيه شي غلط ههههه ، فاخذ منهم بالغالب الوان تعجبني بس عارفه ماراح احطها كثير عشان لو تخرب بعد فتره ماتحسف عليها p:

Rouge Noir من Channel

سواتش :

اول مناكير لي من هاي اند براند ، كانت عندي قناعه انو المناكير مو مهم اي ماركه اهم شي لونها وتكون واضحه وللان هالقناعه موجوده صراحه :$ بس لما جربت مناكير شانيل شفت فرق انو يبان بسرعه ينشف بسرعه واهم شي مايضر الاظفر ، بس في مشكله انو اللون يتوزع اثقل ع الاطراف من نص الفرشاه!! مادري من المناكير نفسه لان الي اسمعه من شانيل انو من افضل المناكيرات :| بس مع هذا حابه اللون كثيييير واحبه ع يدي واستخدمته كثيير لان يمشي مع اغلب اللبس.

هذي اختياراتي للخريف\الشتا وللان ماحس اخذت كل شي ابيه لان مشكلتنا مايجيبون الدارج بسرعه :( والكولكشنز بالعاده محدوده ، وعلى طاري اللون الميتاليك شفت عند ريفلون لون جمميل ضروري ارجع اخذه اذا حصلته ، وهذي بعض الاقتراحات للالوان :

الاورنج الي يسمونه لون القرع جممميل لو حصلتوه اخذوه مرره دارج ، وحتى الرمادي مره جمميل ، وبس هذا بوست اليوم ان شاء الله يكون فادكم بشي واخذتو فكره عن الالوان ♥♥♥ وعطوني اقتراحاتكم وايش اشتريتو يمكن اقلدكم :$ وايش اكثر لون عجبكم ؟

الاسعار وأماكن الشراء:
ايسسي : ٤٠ ريال من صيدليه وايتس "شوفو اقرب فرع لكم من خلال موقعهم الالكتروني"
ايسسنس : ٩ ريال من صيدليه وايتس "شوفو اقرب فرع لكم من خلال موقعهم الالكتروني"

ماكس فاكتور : ٣٠ ريال من صيدليه وايتس + سنتر بوينت
برجوا : ٣٨ ريال من صيدليه وايتس + سنتر بوينت

للتواصل معي ع التويتر والانستقرام 
الايكونز ع يمين الشاشه

|

لاتنسين الاشتراك بالمدونه ليصلك كل جديد ..
كونو دائما جميلين ♥ ..

xo Gorgeous