مراجعه شدو باليت بالم جوفي من ذا بالم ♥ the balm jovi palette review

,

السلام عليكم وَ رحمه الله وً بركاته ♥ نزلت قبل فتره مجموعه اشياء وقلت لكم اختارو شي اسويله ريفيو والاغلب اجمع على باليت ذا بالم ، فلكم ماتريدون متابعاتي العزيزات p: ، باليت ذا بالم اسمه بالم جوفي روكستار باليت ، من شكله مستوحى من نجم الروك بون جوفي! فألوانه ابدا مو الالوان الطبيعيه والناتشورال الي متعودين عليها ، الي يحب اللوكات القويه والجريئه هالباليت موجه له.

شكل العلبه شي جديد مثل منتجات ذا بالم الي متعودين عليها تهتم بالشكل والرسومات والالوان ، مصنوعه من كرتون مقوى وفيه مغناطيس ، الكواليتي له جدا حلو ، واهم شي خفيف نوعا ما وعملي انك تاخذينه بس الي ماحبيت فيه انو ممكن يتوسخ ، الباليت سارقته من امي عشان اجربه واعطيكم رايي فيه ههههههه ، فجلست انظفه ساعه فالي تفكر تاخذ الباليت تهتم بنظافته بعد كل استعمال.

ايش في داخله ؟
- في ١٢ شدو + هايلايتر واحد + بلشر واحد + روجين كريميين وممكن يصيرون بلشرات كريميه.
- حاطين لكم ٤ اقتراحات للوكات متنوعه ، فكره حلوه اذا استخدمتوه لاول مره وبعد ماتتعرفون ع الباليت تبدون تستخدمون خيالكم p;
- كميه البرودكتس تعتبر قليله لو قارنها بشدوهات نيكد بس لو فكرنا فيها الالوان قويه مو لاستخدام يومي فالباليت راح يجلس فتره طويله.
- فيها مرايه ع شكل قلب كيوت احب اهتمامهم بالتفاصيل.



نشوف الالوان ، وسوري حاولت انظفه وهذا الي قدرت عليه :|
مثل ماقلت فيه ١٢ لون ومقمسينه على ٣ اجزاء ، اول جزء هايفي ميتل الوانه فيها لمعه وذرات قليتر بس مو ثقيله ، ثاني جزء الكلاسيك الوانه كلها مات او مطفيه ، اخر جزء التراناتيف اقدر اقول الوان مخمليه اكثر ؟ وفيها لمعه خفيفه ♥



سواتش للالوان من مدونه ثانيه :

الالوان تعتبر قويه وتبان من اول سواتش ، دمجها سهل اذا استخدمتي الفرشاه الصح ، الي حبيته بالباليت هذا درجات الالوان الي مو عندي في الباليتات الثانيه ، فاحس اضافه جميله للكولكشن الي عندي ، في بعض الالوان ماتبان ع طول مثل third eye blinded بس لو رجعتي زدتي عليها يقوى اللون ، للامانه ماجربتهم من دون برايمر! فمادري عن ثباتهم بالضبط ، الباليت تو جبته من فتره قريبه مالعبت فيه كثير بس امي لما تستخدمه ماتحط برامير وتقول يتجمع بخط العين ، فحسيت البرايمر ضروري يثبه ويزيد قوه اللون.

الحلو بالباليت بعد انو معاه هايلايتر ، اسمه ديسكو ههههههه يعني ماينفع للصباح لمعه شوي تعتبر قويه ولونها ع ذهبي ومعاه بلشر اسمه dont you want me لونه وردي كورال ، جربته مره ماقدر احكم مضبوط بس لونه ناعم وهاادي ينفع للصباح وينفع مع الوان الباليت لان اغلبها قويه مثل ماقلت فلازم بلشر ناعم ، لما جلست ابحث عنه كثار قالو انو اعجبهم وثباته قوي وبلشرات ذا بالم معروفه بالشي هذا ، سواتش لهم :

أخر شي معاهم روجين نسيت اصورهم! ببعض الباليتات لما يحطون لك كذا شي مع بعض بالعاده الكواليتي حقتها سيئه صراحه ، فكان تركيزي ع الشدوهات وانسى انو في روج او بلشر ماركز عليهم ، بس اليوم جربته عشان اتكلم عنه وخاصه اللون الاحمر ، الباليت صارله تقريبا سنه وشي فتوقعت انو الارواج دامها كريميه فنشفت خلاص بس انصدمت انو لازالت كريميه وناعمه! سواتش لهم :

جربت الاحمر ومره عججبني ماتوقعت كذا ، لما حطيته حسيت  صار مطفي بس لازال فيه لمعه قلوسي مثل الصوره ، تغطيته عاليه ولانشف شفايفي وانا اصلا مارطبتهم قبل ، اول شي احساس منعنع ههههههه وهذا الشي جربته بروج من ذا بالم من قبل اول ماتحطينه تحسين بلذعه كانه نعناع بس جمميل حبيته ، ماقدر اتكلم عن الثبات بس للان بيرفكت ، ينفع لبلشر كريمي بعد وتوزيعه سهل تقريبا.

بشكل عام:
الشدوهات جميله متنوعه بين اللامع والمات والقليتر الخفيف ، ممكن تستخدمينها كشدو عادي او تضيفين عليها نقطه ماي ويصير ايلاينر ومتحمسه اجرب هالشي قريب! بعض الشدوهات تحسين بيجمنتد اكثر من الباقي بس بشكل عام ممتازه ، البلشر والهايلاتر جميليين صح في بدائل افضل بس انو جاي كل شي بباليت واحد وكلهم جودتهم ممتازه هذي نقطه تنحسب لهم ، اخر شي الارواج ماتوقعتها بتكون جميله حتى بعد سنه من فتح العلبه لان بالعاده الكواليتي بالباليتات تكون نص نص ، حبيت الباليت جدااا واضافه رائعه لمجموعتي :) انصح فيه للي ماعندهم تنوع بالالوان والي اكتفو من الالوان الناعمه ويبون يغامرون ، بشكل عام حبيته!

اماكن الشراء:
موقعهم thebalm.com بس الي بالكويت يقدرون يحصلونه عند محلات بيوتي بوكس ، مو موجود بالسعوديه الا عند التاجرات.

السعر:
سعره بالموقع : 150 ريال تقريبا

للتواصل معي ع التويتر والانستقرام 
الايكونز ع يمين الشاشه

|

لاتنسين الاشتراك بالمدونه ليصلك كل جديد ..
كونو دائما جميلين ♥ ..

xo Gorgeous