السبت، يناير 05، 2013

فضفضه ٣ : كيف تخلين الناس كلها تحبك بدون ماتصرفين ولا فلس :)

،




السلام عليكم وَ رحمه الله وَ بركاته
كيفكم يَ جميلات ؟
التدوينه هذي من زمان ببالي بس ماعرفت كيف أبدا فيها!


بس قلت بخليها كسوالف عاديه ، هالبوست تغيير وبس تدوينه بشكل عام :)
نغيير شوي من الميك اب وَ الفاشون والأشياء الثانيه
لان بالنسبه لي هذا أهم موضوع بس مع زحمه الحياه أحس نسيناه أو صار شي ثانوي !


أكيد كلنا نحب نطلع بشكل حلو وَ نخلي انطباع جميل للناس undefined
نهتم باللبس والميك اب والبشره ، بس البعض ابدا مافكر بأخلاقه اسلوبه اتيكيته قدام الناس !


بالنسبه لي نقدر نوصل لقلوب الناس بابتسامه من القلب طالعه ،
عادي تبتسمين بوجه الناس مو حرام والله 
بس مو تتمشين بالسوق والاماكن العامه وتبتسمين للرجال وتقولين صدقه ههههههههه


حلو نكون عَ خلق ، حلو نوري الناس انو أمي وَ أبوي ربوني صحundefined !
حلو اذا طلعنا من مكان يقولون الله يذكر فلانه بالخير ، حلو نخلي انطباع حيد عنا


اكيد ارضاء الناس غايه لاتدرك !
بس دايما وَ أبدا خلي انطباع حلو عنك ومايهم ايش يقولون أهم شي انو تكونين راضيه عن نفسك
أستغرب من الناس الي تخلي مزاجها يتحكم فيها 
واذا اجتمعت مع الناس وهي معصبه تنطقر ع الكل وتنشر الطاقه السلبيه
مطنقره خلي طنقورتك لك ههههههههه مو شرط تحضرين !
او حاولي تتناسين ع الاقل قدام الناس لاتنكتين وتستهبلين بس ع الاقل لاتكشرين بوجيه الناس
وخاصه لو ناس ماتمونين عليهم عيب!


ودي أكتب الاشياء الي اشوفها عيب بالعزايم يوووه عندي لسته طوويله ههههههههههههههه
شرايكم أكتب عن الاتيكيت وَ كيف نتعامل مع المواقف "من وجهه نظري طبعا"
هالبوست بخليه بشكل عفوي ، اذا عجبكم الموضوع بكتب بوست كامل ان شاء الله :)undefined


من الاشياء الي تضايقني الناس المشفوحه او الي مو شايفه خير :\
حتى لو انتي ع قد حالك خلي عندك عزه نفس شوي !
انا اذا شفت شي يعجبني عند وحده عادي اسألها بس بأدب
ما آقول وين وين ماخذته بكم سعره وين المكان بلا بلا بلا !


حلو التأدب بالحديث ممكن تقولين جميل ماشاء الله ممكن اعرف من وين ؟
اذا قالت ، قولي عليك بالعافيه \ ملبوس العافيه \ تتهني فيه
اللسان الحلو والابتسامه بتخلي الكل يحبك غصب ههههه


اذا شفتي احد حياته احسن من حياتك او هي الحياه الي تتمنينها
قولي الله يتمم عليها ، الله يرزقها اكثر واكثر ، الله يسعدها ويوفقها ..
محد حياته بيرفكت ولا عايش الحلم الوردي في ناس مقتنعه وراضيه وفي ناس تطور نفسها
لاتفتحين عيونك ع الناس ويبدا شغل الشفاحه فلانه سوت فلانه راحت ياحظهاااا 
ياليتني مكاانهااا ! احس الي يسوي كذا انسان مريض ،
الحسد ترا مرررررض بالقلب وبتتعبين وانتي تقارنين وعيونك ع غيرك
قولي الله يسعدها والله يرزقني undefined


محد جت حياته حلوه بالصدفه ، والبيوت اسرار مانعرف كل شي ..
اشتغلي ع نفسك وطوريها حتى لو بابسط شي
تتبطحين وتحسدين غيرك
ربي ماراح يوفقك : )
تتمنين وتدعين ربك بس مستحيل بيجي الرزق والراحه ع رجولها لازم تشتغلين عليها
والله بيسهلها عليك اذا نيتك صافيه وقلبك نظيف ..


شي ثاني بتكلم عنه الناس الي متخفيه ورا "النيك نيم" بعالم النت
من زماااان وانا ادخل نت واحوس فيه بس سبحان الله كل مره اقابل ناس امرض من الي قبل

مو شرط ناس وجههو لي كلام معينundefined، لا لما اتابع المشاهير والناس المعروفه اشوف المرض 
مو معناته انك متخفيه باسم ومحد بيعرفك خلاص تاخذين راحتك وتسبسبين بالناس

بس تطلعين بقلبك وتخلصين حتى لو محد عرفك ايش رايك بنفسك ؟
خلاص بردتي حرتك ؟ خلاص الدنيا صارت حلوه الحين ؟
خلاص صرتي الواو والكول والي محد بيقفطني هههههههههههههه

اذا الشخص ماسوا شي غلط وماغلط عليك انت بالذات او قل ادبه
فما عندك اي اي اي حق بالتعدي عليه ، لان ممكن مسمى واحد يصف حالتك
"مرض نفسي وَ الغيره"
اذا تعديتي ع شخص بدون حق يعني انتي غيرانه 
انتي تتمنين حياته ، قاهرك ومشغل بالك واول ماتدخلين النت تبحثين عن جديده


والله اتخيل الي يسبون :
اف اف يجنن لبسهاااا 
بعدين تكتب :
ووع وش هالذوق المخيس

،

ياللييييت اساااافر نفسهااااا :( 
بعدين تكتب :
الحمدالله والشكر مو شايفه خير بس تصورين انتي اصلا ماتطلعين من باب بيتك ههههاااي

،

اسلوبها يجنن والنااس تحبها !! ليش محد يحبني !!!
بعدين تكتب :
من زينك ومن زين الي تسوينه ماخذه مقلب بنفسك ههههههههههه

*طبعا هالسيناريو كله من مخي ههههه*



يامااماا ياحبيبتي اذا انتي تكتبين هالكلام وتقولين لا ماغار بس الناس مستفزه !
كل واحد يمثل نفسه وتربيته undefined، وترا جد جد جد حطيها حلقه باذنك
مو كل الناس جايه من نفس المجتمع مو كل الناس نفس التربيه مو كل الناس نفس الاسلوب
الحين اذا دخلتي الجامعه تنصدمين من المجتمع فماابااالك بعالم كااامل
فيه الصاحي والمجنون هههههههه
لاتحكمين ع شخص ماتعرفينه لاتنتقدين بوقاحه
انتي تمثلين نفسك حتى لو كنتي ورا اسم مستعار ، اثبتي لنفسك ان عندك اخلاق ومتربيه حتى لو محد درا عنك

اذا ع كذا خلاص محد بيصوم اذا ماكان احد بيشوفه وكل ماجلس بروحه بياكل
راقبي نفسك ، مو حلو احد يدعي عليك عشان شي تافهه ومايسوا ،،

ارتقو بأنفسكم بيكون المجتمع راقي undefined
ماعجبك شي انتقدي بس بأدب واحترام واذا الشخص الي قدامك محترم بيتقبل كلامك


شي ثاني *ماراح اخلص شكلي ههههه*
الاسلوب ، شرحه يطول بس حلو يكون كلاسي وعندنا اسلوب محبب
اذا بنطلب شي نطلب بأدب ،
لما تجيني اسئله يهمني الاسلوب صح بجاوب ع الكل بس الي تسأل بادب
فرق عن غيرها وبجاوب عليها بذمه وضمير !


مثال :
١. من وووووين ؟
٢. جميل ماشاء الله ممكن اعرف من وين؟


شرايكم مين أسلوبها أجمل ؟ 
ترا عندي عاده احلل الناس من كلامها واسلوبها
صح شي غلط بس هو كل انطباعات اوليه يعني مو بشكل جدي
الاولى اشوفها مشفوحه مو شايفه خير مستعجله وحوسه وبيتها مو مرتب وستايلها قديم
*جد والله اشوف كذا ههههههههههههههههه*
الثانيه اشوفها كيوته انسانه راقيه ورايقه بنفس الوقت اشوفها انو تشرب كوفي وهي تكتب وتتكلم بهدوء
ونعومه وجميله هههههههههههههههه undefined

انتو تحبون الناس تشوفكم كيف !
شي راجعلكم اكيد ..


بوست سوالف اكثر من انو شي مفيد 
بس كنت اوضح الاشيا الي اشوفها وانتقاداتي للناس ..
صح ماأزكي نفسي واني انسانه بيرفكت بس كل شي اكتبه احاول ارضي ضميري اولا
واذا في تقصير مني فانا مجرد بنت تخطي وتصيب وهكذا p:


اتمنى لكم عام جميل ، نطور فيه انفسنا ونصير ناس احلى وَ أرقى undefined
مانخلي الناس تحكم علينا آو تحبطنا ، نفرض تواجدنا وحضورنا وَ نمثل أخلاقنا وَ تربيتنا

لتواصل معي أو استفسارات أو ملاحظات :
| |
الايميل :
gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه
كونو دائما جميلين \ قورجس 

هناك 46 تعليقًا :

  1. تنحححبين والله :(
    الله يسععدك و يوفققك لما يحبه ويرضاه

    ردحذف
    الردود
    1. :"""")♥♥♥♥♥
      شكرا ياقللبي ، أجمعييين ان شاء الله :*

      حذف
  2. حبيت البوست .. اهم شي بالانسان اخلاقه وجماله الداخلي اكثر من الخارجي . يعطيك ااالف عافيه على كل شي وبانتظار جديدك ♥♥♥♥

    ردحذف
    الردود
    1. اكيد هي الاخلاق هي لي تبقى ♥♥♥
      الله يعافيك يارب ()

      حذف
  3. يا حلوك وحكيك
    مره جميل اسلوبك ماشاء الله
    طريقة توصيلك للمعلومة جميل ويشد
    اكيييد نحب نشوف بوست زي كذا

    ردحذف
    الردود
    1. يسعدك ربي ساره ♥♥
      ان شاء الله بكثر مثل هالبوستات هههههه
      تسلمي ()

      حذف
  4. اااااااه انتي انسانه جمييييله وذوق والله ♥♥
    ليه مو كل الناس كذا كلاسي وذوق ومؤدبين ='(
    ليه انا في السعوديه ليييييه =(
    الوحده لما تبتسمي في وجهها كشرت وقالت ايش تبغى هذا o_O
    ياخي شوفي الناس الراقيه اللي برا كيف يتعاملو مع بعض!
    واللي يقهرك زياده انو احنا يقال اننا مسلمين وهذي طبايعنا استغفر الله بس!
    جالسين نسوي باد امبريشن حق العالم اللي برا ='(

    ردحذف
    الردود
    1. ههههههه طيب انا بالسعوديه مايكفي ؟ < كف :$
      ابتسمي ولحد يهمك مو الابتسامه الي تخوف ابتسامه بسييطه :$
      والتغيير خليه يبدا منك وبيوصل لغيرك صدقيني ♥♥

      حذف
  5. اااااااه انتي انسانه جمييييله وذوق والله ♥♥
    ليه مو كل الناس كذا كلاسي وذوق ومؤدبين ='(
    ليه انا في السعوديه ليييييه =(
    الوحده لما تبتسمي في وجهها كشرت وقالت ايش تبغى هذا o_O
    ياخي شوفي الناس الراقيه اللي برا كيف يتعاملو مع بعض!
    واللي يقهرك زياده انو احنا يقال اننا مسلمين وهذي طبايعنا استغفر الله بس!
    جالسين نسوي باد امبريشن حق العالم اللي برا ='(

    ردحذف
  6. ونسيت اقول لك : جدا شكرا ع البوست الجميل هذا ياراقيه =$ ♥

    ردحذف
  7. مرا شكرًا ياعسل ومنجد في ناس لازملهم دورات ادب واتيكيت بس في شي ياريت اتكلمتي عنو وهوا العصبيه انا من دول الناس اعصب بسرعه وانفجر على طول على الي اعرفوو ولا ماعرفو وبعدين اتفشل من نفسي واجلس اقول ليش سويت كدا بس وماباليد حيله

    ردحذف
    الردود
    1. مشكله هذي :(
      وخاصه مو كل الناس راح تعذرك ..
      بحاول اتكلم عن هالشي ان شاء الله ♥♥

      حذف
  8. صح لسااانك :) لاعدمنا الناس الواعيه والمثقفه وكلآم جداا رائع وواقع ملموس فعلا اتمنى الكل يستفيد جزاك ربي الجنه ياجميله 🌹

    ردحذف
    الردود
    1. صح بدنك :$♥
      الله يسعد قلبك حبيبتي :")♥

      حذف
  9. ماشاء الله قمه في الاسلوب والرقي 😍
    بوست ممتع ومن واقع مجتمع الاحترام والابتسامه والاخلاق العاليه
    المفروض شي اساسي بفطره البنت - واهم شي بالنسبه لي تتكلم بصوت هااااااادي 😭 - والله في بنات تجي نعومه ومرتبه وكاشخه تصارخ بكل صوتها وهي تتكلم ولكل مقام مقال
    وفي شي ثاني بعد الجوااااااال طيب ي حلوه طالعه وفي مكان رسمي - مثلاً عزيمه كبيره وحضرتك من دخلتي وانتي ع البي بي ولا الايفون ليه جااااايه طيب اذا شي ضروري ماهي مشكله مادري عن نفسي احسه شي من الاحترام للناس الجالسه اذا كل وحده ع جوالها نجلس بيتنا احسن

    معليش ي قورجس طولت بالحكي أستمري بالبوست وان شاءالله نشوف التغير حولينا

    بالتوفيق ي حلووووه 💋


    ردحذف
    الردود
    1. ااخ الجوال هذا يبيله بوست بوح ههههههههه
      واخذي راحتك ياقلبي ♥♥♥
      تسلميلي والله

      حذف
  10. صباح الخير أختي قورجس
    كلامك نابع من القلب وفضفضتك أكثر من رائعة
    استمري والله يكتب لك التوفيق بكل شيء

    ردحذف
    الردود
    1. امين يانور :")♥♥♥شكرا حبيبتي :*

      حذف
  11. ياحياتي عالفضفضة :)
    يب يب من جد اسلوب  الشخص دلالة على الذوق ۈ التربيہ قبل آن يكون مجرد كلام
    وزي ما يقولوا  ( من كان اسلوبہہ راقيًا ادركت اخلاقہہ قبل آن ٺعرفہ )

    وبالنسبالي ​الاسلوبّ  يُحدد اذا حأكمل حديثي مع الشخص أو أتجنب  مُحادثته..

    والابتسامة صدقة دا ابسط تعبير �� 
    ابتسموا يا ناس ترا الابتسامة نظام اضاءة للوجه لوول ( احسن من make up ) ونظام تبريد للعقل ونظام تدفئة للقلب، سـامح، صافـح، ابتسم تكسب نفسك والآخرين ورضا رب العالمين 

    ودا اول مرور ليا يا جميلة ��

    ردحذف
    الردود
    1. كلامك جميل ياجميله ♥♥♥♥
      وان شاء الله مو اخر مرور صح !
      الله يسعدك يارب

      حذف
  12. اهنيكي على اسلوبك وكل واحد يعكس البيئة الي طالع منها بس الواحد يقول الحمد لله
    اتمنى لكي التوفيق 🌹

    ردحذف
  13. قورجستي الجميله بوستك جميل جدا حبيته جدااااااااااااااا
    والله كل كلمه قلتيها صح
    لكن انا ما احاول اقول كلمه حلوه الا لشخص امون عليه
    لان في ناس بمجرد ما تعطينها ريق حلو تمسح فيك الارض :)
    الابتسامه شي ضروري لكن اذا ماراح اتحمل سلاطه لسان بنت ابتعد عنها واريح راسي خخخخ
    ماحب اغير باسلوب الناس ولا احب احد يغير باسلوبي اذا الشخص ماعجبني اسلوب تعامله معي
    اتركه وما اتعب نفسيتي معه
    اشكرك جدا ع البوست الجميل حبينا اسلوبك مرره

    ردحذف
    الردود
    1. وليه تمسح فيني الاراض عشان كنت لطيفه وخلوقه معها ؟
      بالعكس اذا سوت كذا فهي قليله ادب ومافي شي يزعلك منها بالطقاق يعني :$
      ابتسمي وعاملي الناس باخلاقك ♥♥

      حذف
  14. ما شاء الله عليك ربي يحفظك ويحميك من عيون خلقه !
    والله صادقه مجتمعنا بحاجة لمثل هالبوست !
    حتى ملاحظه البعض تفتح حساب خصوصي عشان تسب فلانه أو فلان !
    صايرين يفرغوا الطاقه السلبيه وضفوطات الحياة بالنت للأسف وهالنوع هم ضعاف ااشخصيه فعلا ،
    والله احمد ربي على هالنعمة يوم اشوف ناس تسب بألفاظ بذيئة وبكل بجاحه وقلة أدب !
    الحمدلله ياربي الذي أحسنت خَلقي و خُلقي ♥
    على فكره جميلة جدا ما شاء الله طاولة الأكل الي نزلتيها بالانستقرام ♥

    ردحذف
    الردود
    1. اي والله الحممممد الله والف حممد ♥♥
      والله يحفظك يابيان ويسعدك يارب ()
      وعيونك الجميله الي تشوف كل شي جمميل :*

      حذف
  15. أكيدّ الاسلوب أهم شيء بالحياة والله ، أحب وأعشق الناسَ المؤدبة الخجولة اللي تحسين كذا ودك تاكلينهم من الأدب والحياء .. ولو جربتي تكلمينهم بتشوفين منهم ألذ أسلوب / عكس المطفوقيّن هم أساس الشفاحة والكلام البذيء : / !!

    مشكوّرة طبعًا .

    ردحذف
    الردود
    1. ههههههههههههههه من جد ولو انو الحياء بدا يختفي بس حلو الاسلوب الجميل ♥♥

      حذف
  16. البوست روعه واسسلوبكك اروع ماششاءالله
    كلامكك بالصمميم جد فيه كثير بمجتمعنا كذا ومهما حاولتي تتجنبيهم ماتقدرين

    ردحذف
  17. ربي يوووفقك حبيبتي مررررره جميل ياليت مثل هذي المواضيع نشوف له بوست ثاني
    ناويه اسدح لك سؤال بالاسك عن اهل الزوج والتعامل معهم خصوصا بسكن فوقهم بس مالقيت الرابط :-(

    ردحذف
    الردود
    1. موجود فوق حبيبتي في الايقونات ♥.♥ !!
      ومن عيوني اسألي الي تبين او من الايميل عادي :*

      حذف
  18. انا ادخل البلوق بسس عشان اشوف فلسفتكك . الميك اب والفاشون اشوفه كثيير ف خخلاص م اهتمم .. بس انتي فلسفتك احب اقراها وسوالفك واشياءك استمتع فيهااا ^^
    دايييم عطينا دروس بالاتيكيت ! :$
    ربي يوفقكك ان شاءالله ♡

    ردحذف
    الردود
    1. وووخ بسس :$
      ادري ياحبي للفلسفه ههههههههه
      شكرا ياجميلتي ♥

      حذف
  19. جزاك الله خير
    صحيح من أهم اساسيات الاناقة الاسلوب الراقي يعطي انطباع حلو ....تسلم يدك على الموضوع الجميل.

    ردحذف
    الردود
    1. الله يسعدك حبيبتي ، واكيد الاسلوب هو الي يجذب ♥♥

      حذف
  20. مآشاءْ الله عليكّ ، تدخلين القلبَ . . حبيتك جداً ، الله يوفقك ويسعدك ’ هذا ابسط شيممكن اقوله لكّ ‹(ˆ̮ˆ)› ♥♥♥♥♥

    ردحذف
    الردود
    1. امييين ♥♥♥
      وحبببتك العافيه ياقلبي مره فرحني كلامك ♥.♥ !

      حذف
  21. ماشاء الله عليك منجد احس اني حبيتك من اسلوبك والله يوفقك يارب

    ردحذف
  22. ي زينك ق١ كثري من هالبوستات

    ردحذف

  23. ووووه فديت الحرمة الي لسانها مثل العسل
    لساني انا يبالي اضبط العسل فية هههههههههههه
    حلوووومة المتميزة ^^

    ردحذف
  24. ي حلو اسلوبك وكلامك قورجس ..انا متابعه جديده لك .. ي روووووعتك بس =) نادر الناس اللي فكرهم رآقي مثلك ..=)

    ردحذف

التعليقات الجميله ♥♥

Blogging tips