مفضلاتي لشهر ديسمبر | december favorites

،

السلام عليكم وَ رحمه الله وَ بركاته 

كنت بكتب وحشتووني بس اكتشتفت انو كل بوست لازم اكتب هالكلمه

واكتشفت انو ماستحي ع وجهي وكل مره اقول ماراح اطول بالبوست الجاي واطول

بس حلو عشان كل بوست ياخذ حقه *تسليكه*

بس تجي حالات الركود لازم لازم ، وَ أحس التدوين شي يبله مزاج

بنوتات كثاار يطلبون مني مواضيع بس لما أجي أكتب أحس مالي مود

واذا مالي مود ماراح يطلع البوست حلو هههههههه

مره اموره -مدونه اميره- قالت انو التدوين مو شي ملزومين فيه

يعني المواضيع الي نكتبها يكون شي خاطرنا نكتبه 

اذا بنلبي طلبات كل بنت ونكتب لست ونمشي عليها بالترتيب

التدوين بيفقد متعته ونحسه شي واجب بدال لايكون متعه !

*ترا ماقالت كذا بالضبط بس نفس الفكره ههههه*

المهم ، خلصت سنه وَ دخلت سنه ويارب تكون جميله مثل السنه الي فاتت

حبيت أتكلم عن مفضلاتي للشهر الي فات ، وَ تقريبا هي نفسها من شهرين !

مافي شي جديد :$ بس ان شاء الله تستفيدون منها ()

آول شي نبدا بالميك اب 

The Balm

طحت بغرام هالماركه من زمان وَ بس اشتريتها حبيتها اكثر وَ أكثر 

اخذت كذا شي بس اجرب بس شكلي بروح اخذ كل شي منهم هههههه

مابي اشرح كل شي بخليهم ببوست بروح لان في أشياء غيرهم :$

آكثر شيين استخدمتهم بأخر شهرين ، البرونزر وَ بلشر هوت ماما

سواتش للبلشر :

كثار قارنو بينه وبين اورقازم من نارس ..

حبيته لونه جميل فيه شيمر خفيف ويعطي قلو -توهج- حلو ومناسب مع كثير لوكات وخاصه الشتا 

سواتش للبروزنر :

البروزنر مره جمميل وَ لونه مناسب لكثير اندرتونز

هنا حاطه كثير بيدها عشان يبان ولا هو بالاساس مره خفيف ، احبه واستخدمه للكونتور او كبروزر

الي فوق ايلاينر ذا بالم ، انا قبل استخدم الجل ايلاينر بس لما تعودت يدي ع الرسم

صرت استخدم الايلاينر السائل ، ماجربت كثييير

بس هذا برجع اشتريه دايما !

اول شي سائل بس مايسيح وسواده فااحم وفرشاته ضعيفه جدا جدا فالرسم حلو فيها

مابي اشرح كثير لأن بخلي لهم تدوينه خاصه ان شاء الله :$

ماتحصولنها بالسعوديه لازم تطلبونها من النت *

البودره من ماك اكثر شي استخدمته ماحطيت ميك اب ولااامره بدونها هههه

تغطيه بيرفكت ومايغبر ولا يقطع وناعم ع البشره ، احبه 

كونسيلر قارنييه ، طحت عليه بالغلط ولو اني اكره منتجات قارنييه اغلب تجاربي فاشله معه هههه

بس هذا درجته ميديم ، مررره حلو بما انو هالاتي خفت بشكل كبير

يغطيها بشكل طبيعي ، مو مرره بيرفكت !

بس اقدر اقول تغطيه ٨٠٪ فحلو للطلعات الخفيفه : )

ولازم معه بودره احسه مره سائل عشان يثبت ..

الروج شريته من العيد ووقعت بغرامو ، ماحب الاحمر كثير بس هذا ناسبني مره درجته جمميله وَ مجموعه كيت

من ريميل كلها تجنن !

سواتش له من النت *مالقيت غيرها*

رقمه ١١ ، انصحكم تجربون ارواج كيت عندي كذا لون وبكمل الباقي :$

يبي لي اسوي بوست مخصصوص !

بالصوره الي فوق حاطه مناكير ايسسي بس مدري وين راحت صورهم :\

المهم ، هذا اكثر لونين استخدمتهم للشتا !

هم ميني نيل بوليش اخذتهم بمجموعه الخريف بس احس مناسبه للشتا : )

اول لون اسمه stylenomics

لونه زيتي غامق مره * حاطته الحين p:*

اللون الثاني اسمه Skirting the issue 

لون احمر غامق يحلي كل يد ومناسب اغلب اللوكات مره طايحه بغرامو لوول

في غيرهم لونين بس ماستخدمتهم مره مره

بكتب تدوينه خاصه لو حابين :$ ؟

ماخذتها من فتره  فمادري لو موجوده للحين ! من صيدليه وايتس

ان شاء الله تحصلونها ()

الفرش الي اكثر شي كرفتهم هالشهر !

اول فرشاه من ماك رقم ٢١٧ للدمج احبهاااا مدري شلون كنت احط ميك اب قبل :#

تدمج الشدو بشكل نظيف وناعم !

الي بالنص فرشاه الحواجب الي غثيتكم فيها ههههههه

بس ماعرف ارسم حواجبي من دونها ! من ميك اب فور ايفر تجي مع التاتو بس استخدمها مع كل شي!

جربتها مع بودره \ جل \ تاتو وتضبط معي بكل مره : )

اخر فرشاه هي اجدد فرشاه اخذتها من سيفورا هي للمينرال باودر بس استخدمها للفاونديشن

ع مدح الجميله وفاء ، جربتها كذا مره وتخلي الفاونديشن جممميل ومدموج بشكل رائع !

خلصنا من الميك اب *اخيرا* :$ نجي لأكثر شي لبسته هالشهر :

اول شي اساور \ ربطات شعر من جوسي كوتور هم مجموعتين بس احبهم مع بعض

اخذتهم من الصيف بس كرفتهم هالشهر احس الوانها مشت مع اغلب اللبس : )

اسعارها مو غاليه تقريبا ١٢٠ او اكثر بشوي لل٣ حبات ..

تنفع اساور وتنفع ربطات شعر ..

اكثر ساعه انكرفت لووول .. من الدهام ماذكر السعر اببدا !

لان قديمه بس هالشهر حبيتها كثير وخاصه انو طايحه بالارم كاندي

فاحس حلوه مع اغلب الاساور ..

الاساوره السيلفر السبايكي مره كارفتها هههههه

ودايم البسها مع اساوره الذهبيه *هديه من امور حبيبتي :$*

مين قال ماتدخل الذهبي والسيلفر ! بالعكس مرره حلو ويكسر اللون وَ يعطي لوك حلو

اهم شي الستايل يكون ماشي مع بعض : )

نجي للكريمات والعنايه ..

من اليمين تونر كلينك ينضف من قلببب احطه بقطنه بعد ماغسل بالغسول

احس يطلع بلاوي :\ حتى لو تحسين وجهك نظيف !

ماستخدمه كثيير لانه ينشف بس اكثر شي بعد الميك لان يشيل الباقي ..

الشاور جل من باث اند بودي وركس تكلمت عنه قبل وانا عاشقته عشق ماستخدم غيره هالايام !

اسمه sea island cotton مره ريحه انتعاش ونظافه ونقطه من يرغي مره : )

الي تحت انتي باكتيريال -معقم- من باث اند بودي وركس ماطلعع من البيت بدون معقمات : |

ريحته سينمون :$

كريم العيون من بوبي براون احبه مرره مرره ومن زماان عندي واستخدمه ولا خلص ربعه :|

احس خفف هالاتي حيل ، بس يبيلي استمر عليها صح عشان اشوف نتيجه اجمل ان شاء الله

اخر شي مناديل معقمه من كيرفري ، افضل حل اذا مسافره \ او بدوره مياه عامه

ماستغني عنها بما اني موسوسه لما اطلع واضطر استخدم الحمام وانتو بكرامه

هذي تنظف وريحتها حلوه بدون ماتضر او تنشف .. 

تحصلونها باي سوبر ماركت :*

أخر شي اكثر عطر استخدمته للشهر هذا

كوتور من جوسي كوتور تكلمت عنه بتدوينه عطوراتي ، فخم وشتوي احس : )

ومسك عبدالصمد الي احس بيخلص :"""( لازم اروح اجيب منه !

وبس ! هذي مفضلاتي لشهر ديسمبر

حاولت اقلص العدد وبالاخير رسيت ع الاشيا هذي ..

يارب تكونون استفدتو منها ، 

الي ماذكرت سعره ماعرف لاني افشل شي بحفظ الاسعار فاعذروني :$

لتواصل معي أو استفسارات أو ملاحظات :

| |

الايميل :

gorgeousta@gmail.com

وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه

اتمنى لكم سنه جميله مليئه بالانجازات يارب ..

كونو دائما جميلين \ قورجس