الأربعاء، ديسمبر 19، 2012

تحدي قورجس : ٣٠ يوم من الجمال | Gorgeous 30 day challenge

،



السلام عليكم وَ رحمه الله وَ بركاته undefined
يسعدلي صباحكم \ مساكم ، مروقه اليوم أنا وان شاء الله تكونون مثلي :$
الي متابعني بالانستقرام بيعرف اني بديت امس مشروع قورجس ٣٠ يوم من الجمال undefined

ايش تحدي قورجس ٣٠ يوم من الجمال ؟
هذا التحدي من زماان ببالي وابي اسويه بس كل مره اقول بكره بكره !
أنا أحب الاهتمام والي يشوف غرفتي ملياانه كريمات وخرابيط ومستحيل امر صيدليه
او سوبر ماركت بدون ماقشقش ، بس صارلي فتره اهملت حالي وبشرتي من النوع العبيط :\

عبيط وجاحد بعد هههههههه اهتم فيها طول السنه ولما اتكيسل عنها اسبوعين يروح تعبي كله
بس ماقدر الومها الي يتعود ع شي مثل الزهره لما تتعود ع المويه وتقطعينها اكيد بتبذل !
* قورجس وتفلسفت *

المهم ، قررت أسوي هالنظام لمده شهر أتحدى فيه نفسي : )
النظام بيكون كالتالي :
* اهتمام ببشره ابتداء بالوجه لاخر اصبع بالرجل ههههههه
( مرتين الى ٣ مرات باليوم )

* رياضه لمده نصف ساعه


استقريت ع فيديو لجيليان ،
تمارينها متنوعه ونص ساعه تعتبر كافيه اذا سويتي هالتمارين يوميا !
الي حاب يبدا فيها :
الفيديو عباره عن ٨٥ دقيقه تقريبا ..
بس ترا مدموج بفيدو واحد ولاهو بالاساس عباره عن ٣ مراحل ..
المرحله الاولى لمده ١٠ ايام
المرحله الثانيه لمده ١٠ ايام
المرحله الثالثه لمده ١٠ ايام

يعني بشهر تكونين مخلصه التمارين ، في مقاطع مجزأه لكل مرحله
دوروها بالويتوب بس انا حبيت الفيديو هذا كامل ..
امس بديت بأول مرحله تعبت تعب احس بيغمى علي ههههههههههه
بس هذي جزاه الي ماتمرن بحياته p: 
انا وزني ماعمره تعدا ال٥٧ فبحياتي ماحتجت لريجيم او تمارين !
ولا فكرت فيها ،، من الكسل ممكن !
بس من بعد الزواج زاد وزني وخاصه انو حركتي قليله
بما اني بشقه صغيره فاكيد حركتي اقل مو نفس بيت اهلي 
الي احوس فيه يوميا بثلاث ادوار :\
وكنت بالجامعه وهناك كنت اصعد وانزل الدرج كثير ومحاضاراتي بعيده فاي كنت اتحرك !
بس وصلت مرحله قلت ستوب لازم ارجع قورجس القبل :\ !!
اذا عطيت نفسي مجال يمكن اصير بمرحله لا تراجع منها !
وخاصه انو لو انزل بس ٢ كيلو بكون بالمستوا الطبيعي ، وانا مابي طبيعي ابي ارجع ٥٧
كوزن مبدئي ، حطيت هدف اخسر ٥ كيلو الشهر هذا !
هدف طبيعي ومابي اتحلم كثير ، ٥ كيلو بتفرق فيني كثير
نصيحه اذا حطيتو هدف خلييكم واقعيين ، لان لو ماوصلتو له بتتحطمون كثير : )
واذا نزلت اكثر بالعكس زياده الخير خيرين :$
بس أنا ماعرف قابليه جسمي لخساره الوزن ! فقلت كشي مبدئي ٥ كيلو حلوين ..

* الي حابه تسوي التمارين وماعندها اوزان مثل الفيديو تجيب علبتين مويه ٦٠٠ مم وتكون معباه مويه اكيد ..

* النظام الغذائي الي حابه امشي عليه ،
هالشي صارلي فتره امشي عليه فماحس انو صعب ، احاول قد قد ماقدر يكون اكلي اغلبه سلطه وفواكه
ابتعد عن الدهون ، ماحرم نفسي من شي بس بكميه مناسبه ..
احاول اقيس السعرات الحراريه دايما بس ماحس اني بروفشنال كثير
بس حاطه لنفسي هدف انو مازيد عن ١٢٠٠ سعره حراريه باليوم
ومادري كيف تعرفون السعرات الحراريه انا سألت دكتوره تغذيه ..
واحاول ماكل فاست فود اكثر شي يدمر الجسم : (

الببسي صارلي ١٩ يوم قاطعته استبدله بالمويه
غشيت وشربت ٣ مرات سفن اب بس يأنبني ضميري وماأكمل اشرب شوي تذويقه بس ههههههههه

الاشيا الثانيه الي بسويها :

حاطه جدول لي ومعلقته ع البورد قدامي : )
عباره عن ٤ جداول :
١. جدول للاشيا الي لازم لازم يوميا اسويها وكاتبتها بالتفاااصيل
٢. جدول للاشيا الي اسويها بالاسبوع مثال :
( السبت تقشير البشره بمقشر لوكستيان بما انو يستخدم مره وحده بالاسبوع ،
الأحد ماسك جاهز -عندي كذا نوع فبختار كل اسبوع واحد- ، الاثنين : بودي كير ومونيكير وهكذا .. )
٣. جدول اكتب فيه كم كوب مويه شربت اليوم (توقعته سهل بس طلع اصعب شي ههههههه امس شربت ٤ اكواب والمفروض ٨ او ٢ ليتر بس بعوضها اليوم :(undefined )
٤. الجدول الاساسي كل يوم بخلصه بكتب DONE وان اشاء الله مايخلص الشهر الا وانا مشطبه ع كل الايام :$


هذا جدولي الي كثار سألوني عنه ،
التفاصيل المفصله ماقدر اقول عنها بالضبط غير انو يبيلها شرررح مفصصل
وعادي لعيونكم اقدر اسويه بس اغلب الاشيا الي ضفتها جديده علي : (
فما اقدر اشرحها واقول اي بتنفعكم ! لاني اخترتها ع حسب احتياجي انا وبشرتي انا : (
عشان كذا بس اخلص من عيووني بكتب لكم كل كل كل شي سويته ولو نفعني او لا
لان وقتها اقدر احكم صح ، مابي اهايط واقول هذا لازم تسوونه ..
ابي اتكلم من واقع تجربتي ، وان شاء الله بينفعني :*

والي حابه تسوي لها جدول خاص تمشي عليه بس تبي تشجيع
عيووني لها بس تقولي عن بروفايلاها بالانستقرام واذا حسيت انها جديه بالموضوع
بشيك عليها يوميا واشجعها ومع بعض بنوصل لهدفنا ان شاء الله : )undefined

نجي لأخر شي بالموضوع ، طيب اذا خلصت الشهر ايش بستفيد ؟
اولا بحس بشرتي رجعت لطبيعتها وصارت اجمل
ثانيا جسمي بيرجع مثل قبل ان شاء الله واللبس بيكون علي أحلى أكيد p:
ثالثا بحس بالرضا عن ذاتي واكون اتبعت نظام حياه صحي وَ مناسب
ومابيكون لشهر بس ! لا بخليه طول العمر اذا ربي احيانا ..
اعترف انو كنت مهمله من ناحيه الرياضه واقول جسمي حلو ماحتاج !
بس غلط غلط غلط مو دايما جسمك بيكون حلو ! حتى لو كنتي ضعيفه
بس انو الجسم بيكون مشدود ماتوقع !
عشان كذا لازم ندخل الرياضه بحياتنا لو نص ساعه باليوم ..

لما حسبت الروتين الكااامل كم ياخذ باليوم بتنصدمون
بس ٣ ساعات باليوم !!
يعني باقي ٢١ ساعه شيلو منها ٨ ساعات نوم -هو المعدل الطبيعي للنوم-
باقي ١٣ ساعه فراغ !
والي يداوم قولو ٨ ساعات تقريبا يعني باقي ٤ ساعات وزعوها ع هواياتكم والاشيا الي تحبون تسوونها ..

بس ترتيب وقت وبنحصل ع حياه مرتبه منظمه واهم اهم شي حياه منتجه
بتستفيدون من يومكم بدال لايروح ع النوم والكسل والتسدح *مثلي سابقا*

وأخر هديه بكافئ نفسي فيها :


يس شوز كريستيان لوبتان كلاسيك بلاتفورم !
تقريبا هذا الستايل الي ابيه عاد مدري لو بغيير رايي بس اروح المحل هههههههه
بس اتوقع هذا اكبر دافع لي بما انو من الويش لست ههههههههه


فالله يسهلها ان شاء الله undefined
شكرا لتحملكم سوالفي الكثيره ههههههههه
وحابه اهدي الموضوع لوفاء الجميله undefined هي الي شجعتني بالبدايه وفهمتني ايش لازم اسوي
مره شكرا وفاء ، احبك :$ وقلت لك بيجي اليوم الي ببدا فيه ولو انو متأخر شوي ههههههه

الي يبي يتابعني ع الانستقرام @gorgeous30d
وَ أحبكم :$ undefined

هناك 40 تعليقًا :

  1. احب المواضيع الي كذا !
    good luck with your challenge <3
    برضو رجعت للرياضه بنادي لكن هدفي العكس هههه و هو زيادة الوزن ( تقريبا 10 كيلو ) هدفي اوصل ال 55 ( ان شاءالله)

    ردحذف
    الردود
    1. ثانكيو داني ♥♥
      عاد احس الضعف حلو ، وزنك ٤٥ جميل مره !!
      انا قالولي وزنك المثالي ٤٧ قلت يصير خير هههههههههه
      احب الكيرفي بودي ماحب الضعف المبالغ فيه ♥
      Good luck to you too beautiful & keep us updated =D

      حذف
  2. بالتووفيق قورجس حمستيني اسوي جدول حسب احتياجاتي ...
    احبك وكوني جميله ههه

    ردحذف
    الردود
    1. تسلمي ياقلبي انتي ♥♥
      يلا حماس سوي جدول وقوليلي عشان اشعك ♥.♥
      نسيت اكتبها اخر شي : كونو جميلين \ قورجس

      هههههههههههه الله يسعدك♥

      حذف
  3. حلوهـ مسابقتكك
    اذ عندك شي يزيد الوزن انا اول وحده بشاركك
    هههههههههههههههـ
    يعطيك العافيه ي عسسسسل


    بيتو

    ردحذف
    الردود
    1. في اكلات تزيد الوزن ، حتى في رياضه لبناء العضلات
      لا تخافين ماراح تكونين رجال هههههههه بس يزيد وزن العضل عندك فيزيد وزنك ♥
      تسلمي ياقلبي ()

      حذف
  4. السلام عليكم ورحمه الله وبركاته

    يعطيك العافيه اختي توي بادية اتوجه للانوثه وانتبه لنفسي تعرفين اول مشغوله بالجامعه وكذا الحين بديت رجيم النقاط لي عشرة ايام المويه عانيت منها مرة حدي ثلاث الى اربع اكواب بحاول ازيد قدر الامكان الرياضه احاول امشي 30 دقيقه مع بعض الرياضات جليان جربته قبل سنه حلوو وناويه ارجع لها هالاسبوع ابي ترشحين لي الله يعافيك تقشير بشرتي حساسه جافه تقريبا ونبي روتينك اليومي من تصحين من النوم الى ترجعين تنامين وش كريماتك وكذا وطريقتك بالبودي كير والمنيكير ؟؟ كثرت اسئله السموحه والله يجزاك خير ويسعدك ويخلي لك احبابك

    aro0oa

    ردحذف
    الردود
    1. حلو الله يوفقك وتوصلين لهدفك ان شاء الله ♥♥♥
      بشرتي عكس بشرتك بالضبط : (
      فماقدر انصحك بمجموعات معينه !
      بس عندك بيوتي دي روزس هي الي اعرفها وبشرتها جافه تقدرين تسألينها حتى تنصحك باشيا مجربتها ان شاء الله ثقه ♥
      روتيني اليومي بالضبط الضبط قلت اذا نفع بتكلم عنه ، ماقدر اتكلم عن اشيا تو جربتها حتى تكون تجربته صادقه وصحيحه فاعذريني ياقلبي :(♥
      الله يسعدك ♥♥

      حذف
  5. مراحب جميلتي جورجس
    باقي على زواجي شهر ونص تقريبا
    بشرتي قبل اسبوع من اجمل ما يكون و متعوده عليها كذا.. فجأه انقلبت عناااد فيني عشان قرب الزواج :(
    المهم قررت اسوي تنظيف داخلي.. اللي هو اول خطوه من نظام الديتوكس (اعتقد اسمه كذا ) واهتم بالرياضه وشرب المويه.. الله يعييين.. دعواتك: (
    Fatima_alshahrani

    ردحذف
    الردود
    1. اهلا ياقلبي سوري ع التإخير ♥♥
      ترا النفسيه تلعب دور انا قبل زواجي بكم يوم قلبت بشرتي ١٨٠ درجه وجلست اصيح ههههه
      عادي لاتشيلين هم وخليك ع الاشيا الطبيعيه والله يوفقك ♥

      حذف
  6. حلو الله يقويك أنا معاك في الانستقرام اعطتيني كذا فكره بأجهز جدول أفضل من أني أخطط في راسي وذكرتيني بالمكافأه بكافأ بشي محتاجته وناويه أشتريه بس أحلى لو صار مكافأه
    يلا بأتابعك وأكون معاك

    ردحذف
  7. Go Gorgeous go Gorgeous :D

    الله تحممممست كل يوم بقعد اسألك ايش عملتي ! وانا كمان بركز على شرب المويه ان شاء الله ♥♥

    ردحذف
    الردود
    1. اهللااا اروى الجمميله ♥♥♥ شكرا حبيبتي :$$$$$

      حذف
  8. كلام سليم لازم نرجع نهتم بعمرنا ومانكسل بعد الزواج الله يعين واتشجع واترك الكسل وابدى رياضه ورجيم واهتمام ببشرتي
    الله يوفقك وتوصلي للي تبغيه
    سؤال شاطح شوي بس عجبني الشوز وبعرف سعره لو ممكن تقوليلي

    ردحذف
    الردود
    1. شكرا ياقلبي والله يوفقك وشدي حيلك : )
      الشوز هذا ماعرف بالضبط كم بس ممكن الفين ريال او اكثر شوي ♥

      حذف
  9. لازم ندخل الرياضه بحياتنا لو نص ساعه باليوم

    *تصفق لك * اتفق معك انتي حقاً قورجس

    انا امارس الرياضه لكن ماهتم ببشرتي كثير اصلن مدري وش استخدم مع ان بشرتي مختلطه
    انا بحاول اعمل جدول مثلك وخصوصا فيما يتعلق بالاهتمام بالجسم .

    ردحذف
    الردود
    1. هههههههه شكرا شكرا ♥♥
      اكيد احس من دخلت الرياضه انبسط واتحرك كثير وجسمي نشيط وان شاء الله دايما ♥

      حذف
  10. شكراً لك +ننتظر دائماً مواضعيك الجميله

    ردحذف
  11. متابعتك بانستقرام وهنا وكل شي
    ي جمممممالكك ماششاءالله ربي يوفقكك ويسعدكك ويحقق لك
    كل ماتتمنيين يارب
    u r really inspiring & gorgeous
    ♥ ♥ ♥

    ردحذف
    الردود
    1. awww you are so sweet :""")))
      thank you beautiful ! im glad u find me inspiring ;p
      *hug* ♥

      حذف
  12. حلو قو اهد

    ردحذف
  13. حلو مره جدولك بس أنا كنت أبغى أسوي رجيم بس حملت إنشاءالله خير
    المهم كنت أبقى أسئلك صح أنه لما ألتحق بنادي رياضي مده مثلا شهر وبعدين أتركه يسير فيه هون أكثر من أول سمعت بنات يحكو عن تجاربهم فأنا كنت حابه ألتحق بنادي بعد الحمل بس خفت

    ردحذف
    الردود
    1. هون ؟ مافهمت :(
      بس عن نفسي كنت بروح لنادي بعدين قلت بتثاقل الروحه :|
      وخاصه انو لازم التزام وكذا ! مو نفس رياضه البيت اي وقت تقدرين عليها !
      فلوسك الي بتحطينها بالنادي اشتري اله رياضيه لك وللزمن وسوي رياضتك بالبيت افضل ♥
      والله يسهلك ولادتك ان شاءالله :*

      حذف
  14. مرحبا قورحس فعلا الرياضه فرق غيرت حياتي كلها هي صعبه بالبدايه بس مع التعود وتجي حالات اهمال و طفش بس النهايه تخليج تستمرين الجسم الرياضي يفرررق عن النحيف اللحين لي سنتين بالرياضه ممم تركتها شهرين و احس كسلت ونفسج كل ما اكسل ارجع اسوي لي جدول مممم بالنسبه لفيديو الرياضه ما احبها احسها رجال انا اتابع وحده فرنسيه >> ميمو

    ردحذف
    الردود
    1. صح اول يومين اغصب نفسي !
      الحين اتحمس للرياضه هههههههههههه
      انا مفكره اكمل حتى لبعدين ان شاء الله بسويلي جدول مناسب واككمل عليه ♥
      الي احبه بجيليان انو نص ساعه تهلكين بس كل الرياضات تمشين عليها ، متنوعه واحست جابت معي نتيجه الحمدالله ♥♥
      اسعدتيني ياميمو الجميله ♥♥

      حذف
  15. معليش قصدي تز يد دهون أكثر من أول لو تركتيه

    ردحذف
  16. انا احب العب رياضة و جسمى مو تخين بس مو مشدود بس مشكلة انى العب رياضة حاجتين ! .. شعرى بيخرب بس بقول ما عليه بس المشكلة الثانية اللى منعتنى انى نومى خرباااااان .. دايما احاول اظبطه بس برجع انام متأخر و اكون على ذا الحال كتير لحد ما اقدر اظبط نومى ..وخصوصا انى بحب العب لما ما يكون فى احد فى البيت اللى هو وقت الصباح يكون كله فى شغله .. . بس اليوم الحمد لله ظبط نومى وات شاء الله ابدأ بكرة <3 متابعتك بكل مكان :-) اللع يسعدك ويحققلك كل اللى تتمنيه :-)

    ردحذف
    الردود
    1. شلون يخرب شعرك ؟ ارفعيه بوني تيل مايجيه شي ♥
      وعن النوم انا بعد مرره مرتفع ضغطي وغسلت يدي من نفسي ماتوقع بيضبط ههههههه
      الله يوفقك ويحقق لك كل ماتتمنينه ان شاء الله ♥

      حذف
  17. قورجس اكتبي لنا ابديتس عن الدايت تبعك ترا كلنا متحمسين معاك

    ردحذف
    الردود
    1. وقفت هالفتره بسبب التعب ♥ وبرجع بعد بكره باذن الله ونزلت للان ٣ كيلو :)

      حذف

  18. شكرا عالموضوع الجميل يا قورجس .. الله يقويكي تكملي الشهر وتسوي كل اللي تتمني

    موضوعك شجعني احط أهداف لنفسي و اعمل مدونة لتسجيل النتايج :) .. اليوم بدأت وانشاء الله استمر و ما اتكاسل :(

    ردحذف
    الردود
    1. امين وقفت حاليا لان تعبت شوي بس برجع اكمل ان شاء الله ♥
      انبسط اذا الهمت احد :""""")
      الله يوفقك ويارب تحصلين الي تتمنينه ، يلا متباعتك وبسويلك فولو وياارب تحققين هدفك ♥♥

      حذف
    2. أهلين قورجيس كيفك؟ حبيبتي قورجيس ما تحسين 5 كيلو في الشهر كثييره؟؟ ترا بالبدايه بتنقصين كثير وبعدها بيقل نقص وزنك.. أنا أول ما بديت نقصت 5 كيلو في الاسبوع اتوقع أنها سوائل وبعدها وقفت دايت.. بعدين رجعت للدايت وصرت أنزل في الشهر 3 كيلو بعدين صار 2 كيلو بعدين 1 كيلو واللحين صرت كل بعد الدورة الشهريه أنزل كيلو.. لأن الدورة الشهريه تلعب دور كبير بالوزن أنا ما ينزل وزني إلا إذا جتني نزلت كيلو وعلى هالحاله من زمان.. حاليا نزلت 8 كيلو مع 5 كيلو حقت السؤال صاروا 13 كيلو.. وبديت بنظام تمارين في اليوم 25 الى 50 دقيقه كل فيديو يختلف عن الثاني نسيت اسم المدرب والله بس ما تحملت تعبت تعب وكان عندي دراسه واختبارات بانشغلت واكتفيت بالمشي يوميا 3 كيلو .. بالتوفيق حبيت أكتب تجربتي <3

      حذف
    3. حاليا نزلت ثلاث كيلو ♥
      يبيلي اثنين او ٣ زياده :(
      وزني موقف حاليا بس عادي لاني لخبطت ام الدنيا خخخ
      حسيت هدفي معقول بالبدايه بس بديت اتردد الحين !
      ومهما كنت النتيجه يكفي انو انجزت التحدي ♥
      وبالعكس تجربتك حلوه والوزن الي نزلتيه بطلل مره ماشاء الله ♥
      لاتضغطين ع نفسك وبعد الاختبارات بترجعين بشكل اقوا ان شاء الله
      الله يوفقك ياقلبي وشكرا لمشاركتك التجربه ♥

      حذف
  19. أهلا
    مره شكرًا حبيبتي استفدت منك كثير ❤❤ الله يوفقك دنيا وآخره ويجزاك الجنه يارب ❤
    بس حبيت أسالك يعني حتى لو جتك الدوره تكملين رياضة ولا توقفين ؟
    وشكرا مره ثانيه ❤

    ردحذف
  20. مرا روعه وان شاء الله من الاسبوع الجاي حبدأ قاعدة ارتب الاشياء للتحدي وان شاء الله تكون النتيجة حلوة 3> شكرا لك حمستينا

    ردحذف
  21. انا فى اليوم الثانى من التحدى بس المشكله ان عضل جسمى كلوا مشدود مش بعرف اقعد ولا انزل السلم حاسه بألم غير طبيعى رغم انى كنت بلعب رياضه من 6 شهور فى جيم لمده ساعتين كل يوم وماكنتش بتعب كدا ابدا مش عارفه ايه اللى حصلى ؟؟؟ لو انتوا زى طمنونى

    ردحذف
  22. تحدي جميل ♥♥
    بحاول اسويه بس بدل تنقيص الوزن بسوي زيادة وزن XD
    وبما اني أخصائية تغذية علاجية (استحيت وانا اقولها من التخبيص حقتي :D)
    فبحسب لنفسي السعرات وكدا
    والله التعود له دور لو انك دارسة ايش بالغالب اللي تعودتي عليه يطغى على الدراسة
    بس جالسة احاول اغير من روتيني الصحي بما اني أخصائية تغذية المفروض اكون قدوة 3/:
    إذا احتجي اي مساعدة بأي وقت كلميني :P

    ردحذف

التعليقات الجميله ♥♥

Blogging tips