السبت، أكتوبر 06، 2012

تعرفو عَ كولكشن عطوراتي الجميله ، ممكن تصيرون أصحاب ♥_♥ My perfumes collection ~


 -



مسساكم \ صباحكم عطور فواحه وَ جميله مثلي :$
مثلي مثل أي بنوته أحب العطوور وَ أحب الريحه الجميله ! شي طبيعي :)
بس ماكنت مهووسه بالشي هذا عاادي يعني أجلس سنه ع عطرين أو ثلاث ومش أنا الي أشتريهم بعد ههههه !
إما تكون هدايا من البابا أو أسرق من مامي :$ أو عمي حبيبي دااااااااااايم يجيب لي عطور أحبب ذوقه كثثير فيها ..
ماأذكر والله شريت عطر ! الا لما دخلت الجامعه ممكن :/ ؟ بس بعد الزواج كل شي تغير أكييد :)
وبدال لا أهتم بتعطيري الشخصي صرت أهتم ببيت كامل ههههههههه ، جيرانا الله يهديهم من دوله عربيه شقيقه :)
وإذا طبخو ماشاء الله يمتلي البييييييت ريحه طبببخ وَ ريحه طبخهم فيها سر عجججيب !! ريحه قويه قووويه
ومو زززينه أبد الله يديم النعمه ! و دايماااا يطبخون !! والله كل ماأحد زارني يقول في ريحه شينه بالممر ههههههههه
فأنا أوسوس وبس مشغله الشموع والفواحات ويالله تغطي :/ ؟؟؟ بس ماأحب دااايمما البيت فيه ريحه عطر ! 
أحس الواحد لازم يتنفس هوا طبيعي شوي ولو إنو بالرياض ماعندنا الا الغبار هههههههههه ! بالله انتو نفسي يوميا تمسحون الطاولات ؟؟
أحسني المخلوقه الوحيده الي بس تمسح وكل ماكلمني أحد أقول جالسه أمسح هههههههه وصاحبتي تتريق علي تقول لو انك عايشه بقصر :)) كلها غرفتين ومطبخ :)) *أشوف فيك يوم إن شاءالله

إيوا نرجع لمحور حديثنا :$~
"عطر المرأه يخبرك بأشياء أكثر مما يخبرك خط يدها" *كريستيان ديور 
أحس العطر يدل عَ شخصيه معينه ، وكل عطر يمثل شخص .. أنبسسط أنبسسسط لا أحد شم عطر وَ قال ايي هذي قورجيس :$ !
عندي الروائح مرتبطه بأشخاص ، مناسبات ، ذكريات .. رشه عطر تاخذك لمكان بعيييد ! صح إنو ماأقدس العطور وَ مش مرتبطه فيها بشكل كبير
بس بعض العطور تجبرك على عشقها وَ بسسس، لما أسلم عَ شخص وَ ريحته جميله بس مو قويه أنسجم معه ، أصلا أول شي أفكر فيه لما أسلم ع شخص أشمه ههههههههههههههههههههههه جد جد لما أسلم عَ شخص وَ أشم ريحه جميله ، حتى لو ريحه نظافه أنسجم معه حتى لو مو كشخه وَ لا جميل كشكل خارجي ، أحس أول شي يجذبني العطر وَ النظافه ، في وحده أحبهااا مرررررررررررره مرره ، بس عندها عطر شين شين ، لما أزورها أشم ريحه العطر ولما تزورني أشمه فيهاا ، أحاول قد ماأقدر أتغاضى عنه بس ماقدر :"( وَ أذكر في وحده شفتها مره وحده وَ عطتني عباتها أعلقها شميت ريحه شينه للعطر نفسه وَ أحس خلاص ماإرتحت لها ! مدري وش هالسر الي فيني ههههههههه بس عندي العطر يعبر عن الشخصيه ..
وَ الي تتعطر فوق ريحه "عرق" ترا شي مو زيييين أبببد والله والله :""( إرحمووونا خليكم بريحتكم الاوليه أحسن ! لأن الروائح تختلط وَ تصدر رائحه نفاثه مزززعجه مززززعجه ..
صح قبل ماكنت أهتم بالعطور وَ عادي أتعطر وَ تنتج روائح شينه ! بس توقعت إنو أسرع وَ أريح ، كنت صغيره ومحد نبهني وَ بس كبرت
صرت ألاحظ ، وَ صرت أعرف الشخص النظيف من الشخص الي نص نص ، في نااس حرام حررام عسسل بس ماتهتم بالنظافه ! عيب بعزيمه أشم ريحه مو زينه ! الناس بتأخذ انطباع سيئ ، ودي أنصح بس أستحي يأخذون الموضوع بشكل شخصي :"( بس مره أهديت لوحده طقم لوشن وَ عطور من فيكتوريا سيكرت وكأن الأمور بدت تضبط لووووول ..

قبل لانبدا بس معلومه صغننه :
Eau de Parfum  بيرفيوم يعني عطر مركز ، ريحته أقوا وَ ثباته أعلى 
Eau de Toilette  تواليت ، التركيز أقل وَ يكون أفضل لو حابين للصباح بالنسبه لي :)

حفظ العطور : أفضل طريقه حتى تحافظين عليها لفتره أطول إنو تخلينها بعلبتها لأنها مصممه بشكل مخصص للحفاظ عَ العطر ، 
اذا كان للاستخدام اليومي لا عادي بس أفضل شي بعيد عن الحراره + الشمس :)

ذوقي بالعطور : مدري ماأقدر أعبر بشكل معين بس في أشياء مشتركه بالعطور الي بتكلم عنها :)
ما أميل للفواكه وَ العطور الناعمه بزياااده :$ أكره الريحه الي أساسها الفواكه القويه مثل الماانجااا ولا البرتقااال ..
ممكن أستخدمها للبيت بس بشكل شخصي لأ !

نشوف كولكشني المتواضع ؟ هذا الي أستخدمه حاليا :)



أول واحد تكلمت عنه قبل جوسي كوتور - كوتور ، من محتوياته العنبر - المندرين - زهره البرتقال - خوخ - فانيليا وَ خشب الصندل
عطورات جوسي بالغالب أعشششقهااا ، هذا كان له ميداليه كشخه بس مدري وين راحت هههههههههه ! العطر فخم ينفع لعزيمه أو مناسبه كثيير أنسأل عنه :)



ايلي صعب للمصمم العالمي ايلي صعب <- يعني جايبه شي جديد هههههههه ، أحب هالعطر ومعي من زماااااان وَ له ذكريات حلوه 
محتوياته : زهره البرتقال - الياسمين - الباتشولي - خشب الأرز ، كثاار ممكن مايحبون العطر بس أنا جدا يعجبني :$
وَ عطوه فرصه لما يبرد وَ إحكمو ، شوفوني مخلصته p; 



عطر زواجي ههههههه ،  * الغطا منعوج فغضو النظر * كنت أبي ريحه مميزه غير عن المعتاد مثل كوكو شانيل وَ طقته ! وأبي ريحه لسهره جد وَ ثااابته ، فنصحني الي يبيع أشوف هذا
وَ عجبني أنا وَ ماماا كثيييييييير ، يكفي إنو مميز وَ محد قد شافه :$ 
من محتوياته : العنبر - القرفه - الياسمين - الزنبق - الباتشولي - الأخشاب - البخور وَ الكراميل ، 
مدري وين تحصلونه هنا بالسعوديه لأن ماأذكر شفت هالماركه ! لأن اخذته من برا ، هل يستحق الشراء ؟ ريحته قويه جدا ماأتوقع بتعجب الكل بس غريب غريب وَ كثييير حبوه وَ ثابت بشكل عجيب ، لدرجه بخيت منه بغرفه الضيوف عند قرايبي وَ بعد إسبوعين قالت لي تدرين تو أدخل الغرفه وَ ريحه عطرك موجوده ههههههه !!
سعره فوق ال700 اذا مو غلطانه ، شكله فخم *تخيلوه بدون إنعواج :$* ينفع كهديه :)
أحب أستخدمه بالزواجات بس ، بما إنو قوي :)



عطر هوت كوتور من جيفينشي ، هذا العطر مو ستايلي أببد بس أخذته كتغيير وكان عليه عرض بعد ههههههههههه بس مايمنع إنو ريحته جميله وَ غريبه !
غريبه لأنو تحسين حاره مثل اسمه ههههههه وتواليت يعني خفيف يصلح للصباح بس مش الصباح الساعه 7 مثلا ! لا كذا ع الظهريه < تبيكم تحطون عطر لكل وقت ههههههههه ، المهم من مكوناته : توت - فرواله - توابل - روز - مسك - عنبر وَ مسك أبيض ،
العطر من العطورات الي ماإستخدمتها للأن ، فما أقدر أعطي رايي بصراحه ، بس جربوه ممكن يعجبكم :$



عطر بيلي دي أوبيوم من إيف سانت لورانت ، هالعطر نصحتني فيه وحده مدمنه عطور ، جميل بس ماحسيته ذوقي ، حاولت أحبه بس ماقدرت :$ 
بس مافي مانع أخليه للمناسبات ، مخليته بعلبته لحد مايجي يوم أتفاهم معه ، من مكوناته : خوخ - فلفل أبيض - ياسمين - بخور - خشب الصندل
العطر يعتبر مشهور ، عطوه فرصه ممكن يعجبكم وَ يارب يعجبني :$ 



عطر 212 في اي بي من كارولينا هيريرا ، هالعطر غني عن التعريف ! أذكر رحت المحل 3 مرات لأن كل مره يقول بيجي مع طقمه الكامل وأنا أتصبر 
بس للأسف كل ماأروح خالص خالص ، هذا عطري اليومي هو مع ايلي صعب أكثر شيين أستخدمهم وَ كوتور لليل، شوفوه متخدش ورايح فيها دايم مرمي بالشنطه ههههههههه ، كل شي جمميل فيه بس مشكلته شوي ثقيل :/ يقولون من أنجح عطورات كارولينا هيرارا ، أفضل من ليدي ميلون حتى !
مكوناته : فواكه - قاردينيا - مسك - فانيلا ، أحبه وَ بس :$



هذا العطر من بينفيت ، اسمه طويل سيي اند بي سيين ساشا ! جميل جميل ، كنت أنا وماما نتمشا بسيفورا وَ قالت الي تبيع إنو هذا ليمتيد إديشن ومدري ايش أنا جذبني الشكل أول شي صارت عيوني قلوووب ، عاد لما شمته ماما عجبهااا ، وقالت باخذه وأنا أناظر فيها وأسبل بعيوني فأخذت لي واحد *تذكرت حلا الترك لما سبلت بعيونها باربز قوت تالنت وَ نجحت* أسوء تسبيله بالتاريخ ، التسبيله الي جابت لنا الزباله وإنتو بكرامه :| ! أعع أكره أهلهاا مخلينها الكرت المؤدي للنعيم وَ ووجع ، قتلو برأتها وَ طفولتها ، حرام تجنن البنوته بس أهلها خربو حياتها .. ايوا وين كنا ؟ شدخل العطر بحلا الترك مدري ههههههههههههه

المهم ، العطر هذا بيكون عطري اليومي بس يخلص 212 في اي بي ، وَ على وشك يخلص :$ عَ فكره اذا خلص عطر مستحيل أرجع أخذه أحس الخيارات كثيره قدامي وَ التجديد مطلوب حتى لو عششقت العطر ، من مكوناته : زهره البرتقال وَ المشمش - الياسمين - العنبر وَ المسك السائل والفانيلا
طبعا المكونات أجيبهم من موقع الشركه نفسها وأترجمها وَ يطلع لي كلام غير مفهوم يعني أغلب المكونات الي ذكرتها هي الي أعرفها ولا في مكونات ثانيه مدري وش تبي ، العطر صباحي هاادي وَ رايق ، وَ كافي إنو كيووت .. وَ أذكر موو غالي اقل من 200 ريال < اكبر نسايه أنا :((




مجموعه نوير تييز من فيكتوريا سيكرت ، هذي المجموعه عششق عشششق .. أحلى شي جربته من فيكتوريا سيكرت 
ماتنفع للصباح مرره قويه بس جميله وَ ثابته لحد ماا .. معاها شور جل + لوشن + عطر + سامبل للشنطه .. أصلا يكفي أرزه ع التسريحه وأسرح فيه 
ههههههههههههههههههههه من مكوناته : الماندرين - الكمثرى - التفاح الأحمر - ياسمين وقاردينيا - مسك وفانيلا ولوز ومسك وعنبر وَ خشب الصندل
مدري كيف أوصفه ! بس ينفع للمتزوجات ، ريحته قوويه بس تسحر الصراحه ، ماينفع للصباح مثل ماقلت ..



هذا العطر أو العود *ترا ماأفهم بالاشياء الشرقيه ، عطورات فرنسيه وَ يخب علي* مخصص للعبايات ، ماما جايبته لي هديه الله يخليها لي() وَ ماخذته من تاجره ، ما أدري وين ينباع صراحه حاولت أدور إسم ماركه ماحصلت !! ريحتته تجنن تجنن ، أبخه للعبايات ( للمناسبات أكيد) يثبت بشكل كبير ،
وَ خاصه لو تبخرت قبلها يطلع ولا أجممل ، فيه قطع بخور تطفو داخل أحسه يونيك ههههههههههههه ، وشو كمان !
حلو قبل لاتروحون لمناسبه تبخرون العبايه وتعطورنها بعود وتخلونها شووي وثم تلبسونها .. الريحه ثابته وَ جميله
وَ يكفي لا أححد أخذ عبايتك يعلقها يشم ريحه حلوه ! بليز لاتهملون النقطه هذي :$



أخر عطرين بتكلم عنهم ماخذتهم هديه عشان كذا مافتحتهم ! 
العطر الاول ع اليمين من جورجيو أرماني أكوا دي جويا "ايسانزا" عطر مركز ، يقول إنو أجدد شي نزل ، بس مش مهم .. ريحته مرره مرره مررررره فخمه !
ينفع لهديه وَ بقوه وً الي ما تعجبه ماعنده سالفه الصراحه :$ سعره 600 اذا موغلطانه
لما بحثت عن مكوناته مافهمت شي فروحو شموه أفضل ههههههههههههههه ، بس ريحته حامضه :)

العطر الثاني كلوي ، هذا العطر من سمعت عنه زماااااان وباااالي معه الا اشتريه ، وكل مره يصير شي ماأخذه ! لدرجه وصيت باباتي لما سافر يجيبه لي ،
كلمني ويب كام وشفته وقال هذا الي تبينه قلت ايييييي وماجابه هههههههههههههه مدري وش الي يحول مابيني وبينه !
قلت شكلي مالي نصيب ، فأخذته هديه .. العطر هذا الكللل يحبه وَ مشهور مره .. فإن شاء الله بيعجبها ()
نصيحه اذا بتهدون أحد عطر لاتهدون على ذوقكم إهدو شي الناس مننهبله عليه يعني الاراء متجمعه جوله عشان ماتتوهقون ههههههههه
من مكوناته : روز - خشب الارز - العسل - العنبر ، ريحته هاديه وَ رايقه وإنثويه
سعره حول ال400 اظن ! لأن طلعت من سيفورا بالف و50 تقريبا 

وَ بهيك أكون خلصت من مجموعتي الحاليه بالعطور الي ماأتوقع تتجدد إلا لما أخلص كل الي عندي :$
الأذواق تختلف أكيييد فالي حاب يجرب شي يرش ع ورقه بالمحل يروح ياخذ فره وَ بعدين يقرر !
مستحيل تعرف ريحه العطر الا اذا برد وَ ركز .. وَ نصيحه ثانيه لاتشمون عطور كثييييييره لأن بتدوخون ولا راح تعرفون تختارون !
لاتعتمدون على أحد بشراء العطر الخاص ، العطر يعبر عنك لاتستهين بالشي هذا !
في عطورات للصباح وعطورات لليل مانبي ازعاج لحواسنا لو سمحتو :$
النظافه الشخصيه أهم من العطر نفسه ! 

وَ طريقتي بالتعطير بسيطه .. أخذ شور أحط كريم وياليت يكون نفس العطر ولو مافي عادي أي كريم مرطب بس بدون ريحه وَ بعدين تعطرو لضمان الثبات لاغير ، بالنسبه للبخور أنا فاشله بالاشياء الشرقيه هذي فمعتمده ع ماما تشتري لي البخور .. ما أتبخر الا بالمناسبات *ماما غمضي عيونك هههههههههههههه
أمي الله يحفظها تععشق العطور وَ البخور ودايما تتبخر بس ماطلعت نفسها للأسف :$ بس البخور يثبت العطر بعد وَ يحليه وَ خاصه لو كان خشب ومو مسقى *يعني مش منقع بعطر من قبل يكون خشب بيور* وأجمل شي تبخرين الشعر وهو مرطب حتى تمسك الريحه !
وإيش كمااان ! يارب مانسيت شي وَ لا أهملت أي نقطه :$
وهذي مو كل عطوراتي بس صورت الي قدرت عليه ()
تكلمت كثيييير أدري بس أحس من زمان ماتعبت عَ موضوع ! فيارب يعجبكم ذوقي وإختياراتي :)
وترا التصوير جميل وماعلي من بعض الناس *فيس ماد لسانه*
لو في أي أخطاء إملائيه مشو لأن دايخه وماأشوف الدرب ..
وترا القيف أواي قررريب مره :$ خليكم مستعدين *الي يبي يفهم سالفه القيف اواي يطل ع الانستقرام حقي
وكالعاده


أي إقتراحات أو طلبات Cup

عَ التويتر:

أو الأسك:

كونو جميلين دائما  / قورجيس ××
أحبكم 

هناك 32 تعليقًا :

  1. يعطيك العافيه ‏​ٲٍنٍـٍّМ̳Ế̳ـٍْٱٍ مدمنة عطور وبخور لدرجة ماتتصوريها بُــًْــٍِّ>:/ــِّـْـَِسٌٍ مشكلتي للان مالقيت العطر اللي ابيه واحس انو اذا استخدمته انسحر معاه >>> يمديكم ع التعبير

    ردحذف
    الردود
    1. شوفي الي تكلمت عنهم يمكن شي يسحرك منهم :$
      ويعافيك يارب ♥

      حذف
  2. الوحيد اللي جربته من عطورك 212 ريحته مرررة حلوة
    يعطيكي العافية على مجهودك

    ردحذف
  3. ياسلااام عالروايح الجميلة ،، أنا الريحة الحلوة تريحني نفسياً..
    وذوقي يختلف عن ذوقك بالعطور بس جربت بعض عطورك وحبيتها ..

    ثانكس قورجيستا أحبك :*

    ردحذف
    الردود
    1. ياهلا بفوفيتا الجمميله ♥♥
      حبتك العافيه والله ، وانا احبك في الله بعد :$♥♥
      منورتني ياجميل ♥♥

      حذف
  4. مشكوره والله يعطيك العافية

    ردحذف
  5. مرررة جميلة :* يعطيك العافية

    ردحذف
  6. نفس ذوووقي سبحان الله لذلك بشتري مجموعه فكتوريا سكرت متاكده انها بتعجبني

    ردحذف
    الردود
    1. حللو ♥♥ عطيني خبر لو عجبتك :)♥

      حذف
  7. ماشاء الله جميله كلها
    حابة انوه ان عطر كلوي الذهبي من سيفورا شريته من فترة سعره 400 / 50 مل بس ريحته تججججججن وكل من شمه عجبه .

    ردحذف
    الردود
    1. تقريبا نفس السعر الي اخذته ♥
      ويب رووعه ريحته بس مدري ليه مالي حظ معه :|
      تتهني ♥♥

      حذف
  8. اولا يعطيك العافية احب مدونتك كثير في طريقة طرحك واسلوبك العفوي الرايق
    دمك عسل وتدخلين القلب بسرعة والله مو مجاملة
    ثانيا انا مثلك كل يوم امسح طاولات واحس الغبار يرتفع فوق ينتظرني اخلص عشان يرجع
    هذي معاناتي اليومية وانتي جيتي على الجرح:-(
    وبالنسبة للعطور احس ريحتها الحلوة وصلتني ماشاء الله كلها فخمة واكيد تستاهل
    اذا بأشتري عطر اكيد راح ارجع لمدونتك واختار منها

    موفقة ياقمر

    ردحذف
    الردود
    1. يازيينك :$
      احرجيتيني والله ماقدر ع الكلام الحلو هههههههه ♥♥♥
      اع لاتذكريني :( ودي احذف المكتبه حقتي بسبه الغبار يتعبني بالتنظيف -____-
      وان شاء الله تشوفينهم ع الطبيعه ويعجبونك بعد ♥♥
      تسلمين ياعسسل نورتيني ()

      حذف
  9. اولا يعطيك العافية احب مدونتك كثير في طريقة طرحك واسلوبك العفوي الرايق
    دمك عسل وتدخلين القلب بسرعة والله مو مجاملة
    ثانيا انا مثلك كل يوم امسح طاولات واحس الغبار يرتفع فوق ينتظرني اخلص عشان يرجع
    هذي معاناتي اليومية وانتي جيتي على الجرح
    وبالنسبة للعطور احس ريحتها الحلوة وصلتني ماشاء الله كلها فخمة واكيد تستاهل
    اذا بأشتري عطر اكيد راح ارجع لمدونتك واختار منها

    موفقة ياقمر

    ردحذف
  10. ماشاء الله لاقوة الا بالله الله يحفظتس وانا اختتس ..
    الصراححه احسك ذوق بججد في اختيار العطور + قلب

    الحمدلله مو بس انا اللي افكر لما اسسلم على احد اول شيء يجذبني ريحه الشخص ههههه لها دور كبير في الانسجام على بالي اني مريضة ودايم اخاصم نفسسي اقول مايصير اللي اسويه مو كل الناسس زيي ، والحمدلله فيه احد زيي ههههه ..
    وكمان اتفقنا على انو بيلي من سان لوران ريحته مو حلوه هههههه مو راضيه تدخل صماصيم قلبي الصغير ..

    جربت من عطورك هوت وكلوي ..
    الباقي دايم اشمها واقول راح اشتري لما اخلص اللي عندي ان شاء الله ههههههه

    مو راضيه تخلص << والله من الدرازن اللي عندج :p


    بس الوحيد اللي ماشميته جوسي كوتور - كوتور شكلي بروح اشقر عليه واشوف اذا ريحته مناسبتني او لا ..


    معليش طولت عليك ،بس الصدز تحمسست حبيت البوتس وحبيت تفاعلك معي وعدم التجاهل ، وانا وعدتك ارد بالمدونة وهذاني اوفي بوعدي يعطيك العافيه ياجميلة ..

    ربي يسسسعدك ويخليك ..

    HanoonaH

    ردحذف
    الردود
    1. ياززينك ياهنو ♥♥
      لا ياقلبي بسم الله عليك ههههههههههههه
      شي طبيعي ترا :$ وبعض الناس الله يهديهم مايهتمون بالنظافه الشخصيه :((((
      وانا برجع اتفاهم مع بيلي ماعلي دافعه فيه فلوس ماراح ارميه ههههههههههههههههه
      وان شاء الله يعجبك جوسي ♥♥♥♥ ومتأكده بيعجبك :))
      وبالعكس انبسسطت بردك ♥♥
      وتسلمين ياقلبي وانا ماحب اطنش احد !
      كيف لو اخذت من وقته ورد على مدونتي او تويتري ؟!
      مو ذوق ابد ابد ،
      اسعدتيني مدام هنو :$
      مره شكرا ♥♥

      حذف

  11. ياجمالك ياشيخه رائحة الجمال والفخامه تشعشع بالمدونه ♥__♥

    مجموعه نوير تييز ناوية عليها ان شاء الله يكفي شكلها يفتح النفس وناوية على عطر زواجك من الوصف شكله حاقه ماحصلتش ماشاء الله


    وعطر بيفنت الييييم ادمان اساسامنتجات بيفنت لاتقاوم ♥
    وعطر بيلي دي أوبيوم ♥♥ اعشقه وودي ارجع له :( بس احب اجدد في العطور انصحك بعطر مانسيرا قولد بالعود شي فخخخم للمناسبات وكذا مافيش ابطل منه وكمان عطر ريبرتوكفالي الجديد يجنن ♥ انا والعطور صرنااصحااااب كنت زيك مااهتم لهاعطر او عطرين تكفيني مع العود وفجأه ادمان عنيييييييف حالتي مستعصية يالله امسك نفسي لااشتري خخخخخخخ احاول الحين اخلص اللي عندي لاني حاطه لي قائمه عطور جديدة ان شاء الله ♥_♥ تهاني ..

    ردحذف
  12. يمييييي يجننو
    تييز جايبته جايبته سحررني صراحه شميته عجبني
    يسلموو عهالطررح..

    ردحذف
  13. يمييييي يجننو
    تييز جايبته جايبته سحررني صراحه شميته عجبني
    يسلموو عهالطررح..

    ردحذف
  14. يعطيك العافيه استمتعت وانا اقرا موضوعك انا يا ستي مشكلتي لما اجي اشتري عطور ما اعرف ايش الي يعجبني ولما اجي اشم ريحه العطر بالمحل احسها تتغيره لما اشمها بالبيت اغلب ااحيان اذا ميت على وحده عطر وعجبني ريحته عليها اشتريه بس ودي يكون عندي هويه بالعطور عرفتي هههههه يعني اعرف وش ابي فياليت لو في موضوع يشرح هالشغله ساره

    ردحذف
    الردود
    1. ماقدر اشرح كيف يكون عندك هويه صعب هالشي لازم انتي تكتشفينه ♥
      بس انتي اصلا تميلين لاي نوع من العطور ؟ شوفي العطور الي تحبينها وششوفي مكوناتها
      بكذا بتعرفين ميولك ، وعادي لو عجبك عطر تسألين عنه بالعكس كلنا كذا ♥
      وحياك الله :*

      حذف
  15. أشكرك قورجس أستفدت منك كثير مو بس من هالموضوع
    أسلوبك متواضع ومفهوم ماشاء الله
    الله يحفظك ويسعدك ويحفظ لك أمك اللي ربت وجابت
    إنسانه عسل تفيد وتوضح للبناات ..
    جزاكِ الله خير
    وأنا أقرأ جاآء ع بالي سؤال عن هالماركات
    سيكتوريا سيكرت
    وشانيل وجيفنشي وغيرها هل فيه مواقع مضمونه وتعرفيها
    توصل من هالماركات ؟
    وياليت تفيديني بمواقع مضمونه للتسوق للملابس بلايز وتنانير وشنط
    أقدر أطلب منهم ويوصلوا لي ..؟!

    طولت عليكِ 
    آسفه بس متحمسه كثير معاكِ
    شكراً لك 

    ردحذف
    الردود
    1. يااه ♥♥ كلامك اسعدني كثثيير حبيبتي الله يجزاك الجنه يارب ()
      بالنسبه لي اضمن موقع هو البراند نفسه ونورستورم واسوس ♥

      http://shop.nordstrom.com/

      بس ماجربتهم بنفسي الصراحه :( اذا بطلب اطلب من الموقع بنفسه
      وفي البعض يمدح امازون بعد ♥♥
      اخذي راحتك حبيبتي والله يسعدك يارب ♥♥

      حذف
  16. شكراً قورجس ع الإفاده وردك الطيب اللي يدل ع طيب أصلك 
    الله يحفظك .. 3>

    ردحذف
    الردود
    1. حبيبتي انتي الذوق ، الله يسعدك :*

      حذف
  17. السلام عليكِ قورجس
    إن شاء الله تكوني بخير ..
    ضايعه وماني عارفه مين حيرد عليا , حبيت أسألك عن عطور سوق كوم هل مقلده أو أصليه إذا تعرفي عنها
    وكمان عندهم عطر اسكادا سبيشالي إثنين كلهم 75 مل وأودي بارافان
    لكن واحد بـ 220
    http://saudi.souq.com/sa-ar/%D8%A7%D...%84-4498784/i/
    والثاني بـ255
    http://saudi.souq.com/sa-ar/%D8%A7%D...fum-4664754/i/
    ماني عارفه إيش الفرق !! أتمنى تفيديني قورجس وأشكرك كثير الله يسعدك

    ردحذف
  18. السلام عليكم قورجس الجميلة ♥♥
    حبيت احكيكي عن حاجة عن عطور بينفت ما ادري اذا عندك خبر عنها او لا
    بس قلت لازم اقولك ما ادري ليه
    اليوم رحت ادور لها في مول انا في جدة ودورتها في فيسزز ولا لقيت واشتريت بدالو عطروفلست
    ومررا مررا نسيت سيفورا ، ومريت من كم محل واشوف سيفورا شفت ال BareMinerals
    وتسير عيوني قلوب كدا ♥·♥ واسحب ماما اقولها شوفي في السعودية :d وهيا تطالع مستغربة
    قالت تبي تشوفيها وجيت ادخل افتكرت انو حريم اللي يبيعوا وقلت حتطنشني ومدري كيف قررت ادخل ولا اكلم وحده منهم اتعقدت من الكلام الناس
    شافتني البياعة وجات عندي في الاخير قلت اشوف كلامها و شرحت لي المجموعةب 300 وحاجة ولو تشتري كل شي لحالو حوالي 1000 وبعدها سألت عن ساشا جربتو وبعدها
    سألتني سؤال استغربتو
    (ايش شخصيتك!!) استغربت قالت لي هادية رومانسيه قلت هادية قالت انا اطلع لك العطر حسب الشخصية حقتك
    وطلعت لي وفعلا عجبني وقالت عن العلبة تجي على اشكال
    بيوت بريطانية حسب شخصيتك يجي لون البيت وشالت لي العطر من العلبة وورتني العلبه من جوا وبس

    ادري قلت لك قصةحياتي وكدا بس مررا كنت متحمسة اقولك تعرفي ماتعرفي لازم اقول لك
    ومرررا شكرا و يسعدك ربي على كلي شي تعمليه وتدونية ♥♥

    rawan *.^

    ردحذف
  19. عطر 212 يجننن ريحتو مميزه ومو نفاثه تنفع لكل وقت
    حبيتو مره ومخططه اشتريه لأختي هديه وممكن اسحب عليها واخدو ليا لانو دخل قلبي 😁💕 ..
    قورجس جربي عطر ck one shock وًقوليلي رايك يمكن نصير صحيات في العطور ☺☺

    ردحذف

التعليقات الجميله ♥♥

Blogging tips