فضفضه 2 : تغار مني وَ تقلدني بجنون ؟!

-




 بوست ثاني عَ الطاير لأن مالي وجه ومسختها أحس :$♥
فكرت يكون في سلسه مواضيع اسمها فضفضه ، اما تكون مني شخصيا أو منكم إنتو يَ جميلاتي ()
 في بنوته كتبت لي بالفورم عن مشكلتها وَ تبي رايي ♥
 تكلمت عن مشكله الغيره ، وَ التقليد الأعمى بكللل شي ♥♥


اول شي حبيبتي ، اذا أحد قلدك فهذا دليل إنو عاجب الناس !
ولا في أحد بيقلد شي مو حلو ؟؟ يقولون من قلدني فلقد أكدني ولا يقلد الا الناجح <- تذكرت حليمه وع :"(
يعني خليك واثقه من نفسك أولا ! ومن إختياراتك ، ودامك انتي الي سويتي الشي اول والناس شافته عندك اول فهي تابعه لك ..
واقصد انو تقلد شي شافوه الناس متأكدين إنو أنتي الاولى والي سويتيه أول ، 
بصراحه صح مووو حلو التقليد :( وأنا أعاااني من هالشي ججدا ! بس لما فكرت فيها قلت ماتوقع تقليد !
قبل قبل لما كنت اخذ من زارا ومانجو زمااان كنت احس نفسي مميزه لأن مو الكل يعرف هالماركات ..
والله يخلي النت الحين كل شي يطلعه من تحت الارض ومافي شي مخبا ههههههههه
فالناس صايره اذواقها متشابهه وَ السوق صاير واحد !

حتى لو بتاخذين غااااااااالي ومتكلفه فيه بتحصلين نفس الموديلات بأرخص المحلات وتحصلين أحد يشتريه <<- ماصارت معي ابببد :((
فلاتحطين ببالك اببببد ! مهما قلدك أحد بيكون بعيون الناس مقلد وانتي الأصل ! اجل ديور التقليد نفس الأصليه أكيييد لأ !!
وستايلك وشكلك هو الي يحلي اللبس ، القطع مهما كانت في أشخاص تطلع جميله عليهم وفي ناس يقبحونها زياده ..

لما تاخذين شي من السوق نسقي له ستايل معين ومميز ، ممكن تقلد الشكل بس الستايل ماينسخ !
الستايل أحس هويه وَ شخصيه محد يقدر يقلدها لأن شخصيتك الي تطغاا ، الحين الموضه الكل يلبسهاا
بس تحسين ع كل بنت غير عن الثانيه ! لان الستايل غير وَ الشاطره الي تخلي الستايل يعبر عن شخصيتها :)
اضيفي روحك لكل شي تلبسينه وبتكونين مميزه ♥

طيب ماأخذتي الموضوع من منظور إنها ممكن تكون عادتك قدوه لها ؟
ممكن انتي تعجبينها فمخليتك كقدوه بس ماتبي تعترف بالشي هذا حتى ماتشوفين نفسك عليها ..
كلميهاا ، مثلا شفتي بلوزه عليهاا نفس حقتك بالضبط قولي نفس حقتي ماشاء الله شكلك تحبين ذوقي <- نغزه مع ضحكه :$
بس مو بشكل جدي حتى ماتكرهك ! يمكن انتي ماتحبينها عشان كذا شايفه كل شي منها مو حلو ؟
اذا حسيتي انها جد جد تكرهك ، ابتعدي عنهااا .. بس بالاول خلي مشاعرك بعيييد عن الموضوع وحكمي عقلك عشان ماتظلمينها !!

واذا حسيتي لااا البنت تكرهك من جد ، ببساطه ابعدي عنها وحاولي ماتحتكين فيهااا ، اسوء شي الغيره ممكن تعمي الشخص ويضرك !
وبالأخير خليك واثقه من نفسك وانبسسطي انو في احد يقلدك ! لان بالاول والأخير انتي الي بديتي بالشي هذا :)

وأفضل شي حتى تتعاملين مع الناس الغيوره "النجااااااااااح" الي يغار منك مايبيك تنجحين ابببد !
انتي اخترتي تخصص عن قناعه وهي لا ولا تحبه ! انتي انجحي فيه ونافسيها فيه واثبتي نفسك ، خليك أحسن منها بكللل شي ..
الناس الغيوره افضل حل تجاهلهم ولاتتصادمين معهم ، لان بجد هذا افضل حل وعن تجررررربه :)
لاتتكلمين عن نفسك عندهم ! لاتدخلينهم بحياتك او تفاصيلها ! ابعدي عنهم لان تفكيرهم مثل السم يتمنون لك الفششل
بس خلي انجازاتك ونجاحك يتكلم عنك ، ومثل ماقلت لاتظلمينهااا يمكن انتي شايفه الموضوع من منظور ثاااني :"( !؟
وَ بالأخير لاتخلين هالسالفه توسوس فيك ، انسي وكملي حياتك :)


ان شاء الله أكون أفدتك ويااارب تقرين هالكلام :( واعذرييينييي ع التأخير حبيبتي♥♥♥♥
والي حاب أتكلم عن مشكله ، صح اني مو حلاله مشاكل بس ممكن الفضفضه تفيد بشي :)
تقدرون ترسلون ع الايميل 

Gorgeousta@gmail.com
او عَ الاسك
http://www.formspring.me/GorgeoustaBlog

أحبكم ()