السبت، سبتمبر 01، 2012

هديتي للجامعيات الجميلات | درس ميك اب بالصور مع كم ريفيو عَ الطاير ♥

-


مرحبا يَ جميلاتي  
أعتذر عن التأخير مو بيدي والله ()
تو إشتريت ماك بوك لان لابي القديم خلاص بيودع !
ومبتلشه فيه للحين مافهمته ولا فهمني هههههه بس حبيت أقول
يَ شينك يَ مايكروسوفت : ) < ناكره العشره لوول !
اذا شفتو كلجات مشو مشو الحروف مقلوبه بكي بورد هنا وعيوني إنحولت 
درسنا اليوم بيكون مخصوص لبنات الجامعه الجميلات ()
درس ميك أب مخلوط بريفيو أكييد ! ماآحب آغفل عن ولا شي ،إن شاء الله أوصل المعلومه كامله ، < ساعه تدور مكان الفاصله

الميك اب الي بشرحه لكم ، مرره بسيط وَ ينفع للصباح لأنو ناعم وَ حتى المبتدأه ممكن تسويه   اهم اهم شي خليك واثقه من نفسك ومرني يدك قققد ماتقدري.

دورت لكم أقرب صوره للوك اليوم بشبه هذا مع زياده شوووي بني ع الاطراف :




هذي الادوات الي راح نستخدمها :




تذكرون لما قلت لكم كان عندي فاونديشن مدري ليه حاذفته ! غباء لووول




هذا حبيبي ، فاونديشن بوبي براون الجمميل < اعشق هالماركه 
ليش حاذفته ببساطه كنت ماخذه لون افتح من لوني لسبب واحد كنت مستعجله وماروقت اختار درجتي مضبوط : ) وبعدها شريت فاونديشن ثاني وسحبت ع هذا ..
بس لقيت الحل ! خلطته كذا مره مع فاونديشن اغمق وكذا مره حطيت باودر برونز وكذا مره حطيت باودر اغمق وكلهم ضبطوو () بس مدري ليه احس اني اضحك ع نفسي لووول صح النتيجه جميله بس لازم اشتري لوني مضبوط مضبوط ..
الفاونديشن هذا بس تحطينه تحسين هذي بشرتك ! ماكآن شي فوقها نااعم ججدا وطلته مخمليه ، تحسين البشره تتشربه بس بنفس الوقت تغطيته بيرفكت (ممكن يغطي اثار الحبوب السطحيه + يوحد لون البشره بشكل جميل) بس بالنسبه لي احسن شي نعالج بشرتنا مو ندور مكياج يغطي ! مو دايما راح نحط ميك اب ! الاولى نعالج البشره حتي ماتتعبين معها ومع تغطيتها ودايما طلتنا بيرفكت. 
كيف نوزعه ؟ بالنسبه لي بالفرشه حتي أضمن تغطيه متساويه وممكن بالاصابع بس نوزع بشكل متساوي ، نصيحه اذا بتحطون فاونديشن اجلسو بمكان اضائته واضحه (ضوء الشمس + اضاءه بيضا) افضل شي وَ الزقو بالمنظره لوسمحتو :$ حتى ماتغفلون عن ولانقطه :$

ثاني خطوه نحط الكونسيلر ، سبق وَ تكلمت عنو أيضا من بوبي براون *عششق* 




الكونسيلر الي عَ اليسار ، تغطيه خفيييف وَ بيرفكت ينور المكاان ومايتكتل ولايسيح ولايخطط ، برجع اشتريه مره وَ مرتين وَ ثلاث () بس أهم شي اخذو لونكم صح ! يعني اخذي فاونديشن واخذي الكونسيلر افتح بدرجه لاتاخذين اغمق لحد يدقق بالحواف تو استوعب مانظفتهم :$ !
الي جمبه الباودر حقته مجرد للتثبيت ، انا احطه بالفلافي برش "الي لها كشه" صورتها بس ماطلعت واضحه بجيبلكم من النت :$


تشبه هذي ، خلصنا من الكونسيلر ! للي هالاته واضحه يحط كوركتر .. انا عندي هالات وزاادت هاليومين ، فالكونسيلر مايغطي مضبوط فناويه اعالجها وممكن اشتري كوركتر بشكل مؤقت ! بس ماجربته صراحه وماآحب أتكلم بشي موعارفته فالي يبي معلومات أكثر عن الكوركتر يبحث بالنت ()

اهم اهم شي الشدو برايمر ! بما إنو مكياجنا صباحي ومانبي الخطوط الي تطلع بطيه العين ومانبي اللون يبهت ، اليوم رحت لعزيمه سريعه ماحطيت البرايمر وانا قبل ماستغني عنو اببد بس قلت كلها ساعتين مايفرق ! ورجعت ولا الشدو طاير ههههه ومتجمع بالخط : ( تخيلو عاد الصباح وَ الحر ! ونسيت أذكر شغله لما توزعون الفاونديشن ، لاتحطون عَ العين يمكن البعض يستصعبها خاصه للي متعود بس نصيحه لاتحطون لانو الكريم سائل ومع الحر ممكن يسيح بما انو العين جلدها يميل للدهني شووي وحتى تحت العين لاااتحطون ! اذا في كونسيلر لاتحطون ، الكريم سائل والكونسيلر ممكن يكون كريمي او سائل مايصلحون فوق بعض وَ راح يتكتلون !! انا بس اخلص مد الفاونديشن البااقي بالفرشاه احط خفييف تحت العين وَ فوقا مجرد لمسااات بس بشكل مباشر لا ، الي يتكتل الكونسيلر تجرب هالطريقه وَ تقولي نفعتها ()

أسسنا البشره وَ العيون الحلوه ()
نبدا بالشدو ، حطيت لكم طريقه أحبها وَ سهله وَ تعطي جماال للعين ..
راح نستخدم شدوات ماك ، مو شرط تتقيدون باللون إخذو الفكره وَ بس : )



الي عَ اليمين ماك all that glitter 
سواتش :











الي عَ اليسار ماك نايلون المشهور -اضاءه-
الي تحت ماك brown down
سواتش :


ترا اخف من كذا :\

اول شي حطينا البرايمر وبعدين ال ذات قليتر على العين كامله بس مانحاول نحط طبقات لان فيه لمعه كل مازدنا الطبقه وضح اللون ، نحط بالاصبع او بالفرشاه السطحه < افضل

ناخذ اللون البني نحطه بكسره العين بالضبط ! انا أفضل نحطها بالبرش الي تشبه القلم "اسمها بنسل برش" ونجيب الفلافي برش -نفس الي فوق بس مخصصينها للدمج- وندمجها خفيف حتى مايروح اللون ، الافضل نحط طبقات خفيف ونزيد وَ نزيد حتى يطلع اللون المضبوط.

خلصنا نحط تحت الحاجب اضاءه مانكثر لأنو قويه شوي ، او نستبدلها باضاءه أخف بس بليز مو أبيض ولا اوف وايت ، نبي شي ماشي مع درجات الاصفر ممكن صدفي بيطلع حلو !

الحين نبدا بالايلاينر الي الكل يكرهه بس مايحلي العين الا هو  لازم نتقبل الامر الواقع لوووول ، تصير معاكم لما تخبصون وَ تلعبون يطلع ميك اب روعه بس لما تصير مناسبه تحسينه خرابيط ؟ ههههههههههه



سمعتو عنه لين طفشتو أدري () بس للمبتدئات أحسن وَ أرخص شي !
الفرشاه الي معاه جميله بس امسكوها صح ! خلوها افقيه يعني مسطحه حتى يكون الخط ضعيف وكل مابغيتو زيدو فيه ، رسم الكات ايز مو صعب ومو سهل يبيله ممارسه وتضبط وخليكم دقيقين.

نصائح عامه:
١- حطي منظره تحت بمستوى ذقنك وَ طالعي تحت وانتي ترسمين الخط بيكون اسهل !
٢- ارسمي خطوط صغغغيره متصله مو خط واحد طويل اسهل للمبتدئين ()
٣- عادي تغلطين "انا والي متعوده أغلط!" مو عيب لاتيأسين وحاولي.
٤- إعرفي شكل عينك وَ الرسمه المناسبه لها.

الفيديو الي ساعدني كثيييييير حتى أضبط الكات ايز أعتبره أفضل فيديو وَ سهل:
http://www.youtube.com/watch?v=_oI0Bwai83k

ترا قرقتها واجد ماراح تبدا الي بالدقيقه الثانيه تحملوها شوي هههههههه

لاتحطون ايلاينر تحت بس من فوق ، حلو هاللوك الصباح مانبي نكثره !

نبدا رسم الحواجب ، تبون لوك طبيعي وَ ناعم ارسمو بشدو "ذاتس ات"
قبل ماأستغنى عن القلم بس كانت حواجبي تخووف < تو تستوعب لوووول
صح ماأثقلها بس أحددها تحديد وخاصه من قدام لانو حواجبي خفييييفه مع انو ماشقرها ولا شي !
الحين ماستغني عن هالشي الجميل ، حافرته حفر ههههههه



بودره الحواجب من بودي شوب () رقمها ٣ أحس مناسبه لنا إحنا كعرب الا اذا شقرا :\؟
ارسمها بفرشاه ميك اب فورايفر ، هالفرشاه جت مع تاتو ميك اب فور ايفر الجممميل  
أحبه مع انو قبل اكرهه بس ماكنت أعرفه له وَ تصير حواجبي بشعه معاه !
يبيلها يد خفيفه وَ يضبذ زي الحلاوه .. خلونا ببودي شوب دخلت مليون شي بشي ههههه

البودره كيف نرسم فيها ؟ نبي فرشاه مشطوفه نفس الي بالصوره -عَ فكره أدور فرشاه ثانيه للحواجب لان هذي هريتها الي عنده خبر يقولي :$  - نبدا رسم الحواجب من النص ومن تحت بخطوط صغيره لاتحطون خط واحد ، حطو خط جمب خط جمب خط ؟ في معلوم بابا ههههههههه "بالبارت هذا جاني النوم ،بديت أحشش مشو :("  نبدا من تحت مو من البدايه لسبب واحد نبي الحواجب تبين ناتشورال والباقي نحط من فوق بشكل خفيف وَ آخر شي نمشط الحواجب وَ بس ، الي يحب التحديد مثلي "قبل لوول" ماراح يتعود عَ شكله هيك ! بس جد جد جربو تحسون وجهكم ناااااعم وَ شبابي ، الي تحدد حواجبها وتكون غااامقه يزيد لعمرها سنييين وَ سنيين ، ليش دايما نصف الاجنبيات بالنعومه ؟ لان أنعم شي حواجبهم وهي فريم الوجه -انتبهو لها وَ جربوا كذا طريقه لحد ماتحصلون الي يناسبكم- الحين نحط الماسكرا مثل ماذكرت بالبوست الي قبل مع اللاش كيرلير 



يفرق يفرق بالحواجب ، جربو مَ راح تندمون ! حطو طبقه وافغصو الحواجب وَ حطو طبقه ثانيه :$ - ماسكرتي هيلينا روبنشتاين جمميله بس هل برجع اشتريها ؟
ماتوقع لان في مليوون ماسكرا والخيارات كثيره صح حلوه هذي وخفيفه ولاتكتل بس ودي أجرب غيرها وتكون ارخص طبعا :$

الحين نروح للبلشر ، 

انا تجاربي للبلشر مو كثيره وَ اخذت من ماك ممكن مرتين بس :/ ! وماعجبوني اببببد صح ثابتين والوانهم حلوه بالعلبه بس لما احطها مافي شي مااحس تضيف لوجهي شي ، انا ماحب لوك المهرج بس ممكن ماوفقت باختيار الالوان ، بس الي يقهرني بماك ككل مالهم يتمادون بالاسعار ! وهي ماركه متوسطه تعتبر ! شكلي بحول عَ أنجلوت بس لحد يهب فيه لو سمحتو عشان مايغلى :$  

هاللون من ماك موو واضح مره بس لونه حلو كانها لون خدودك بس أحلى وعلى برونز يعتبر خفيف عَ البشره وَ يتوزع صح بس شكلي ماتوفقت بالدرجه ! عشان كذا احطه للصباح طبيييعيي مرررره
اسمه لحظه بجيبه <- تكتب بذمه وَ ضمير ههههه 
sunbasque mac blush
سواتش:

شفته عَ الاجنبيات وَ أنا آدور سوااتش ، يجنن غش غش :""") يمكن ماعرفت له مدري بس ترا ينفع للوك وَ الصباح وَ آبي أحلله فمشوها :$

بعد هيك ممكن نسوي كونتور < أعترف للان ماعرفت أكنتر فيسي :") بس في تحسن وَ تستمر المحاولات

وَ أخر شي الروج ، ممكن نحط محدد نيود حتى يثبت الروج ، قبل كل شي أحب أحط هالشي النقطه !

الي عَ اليسار ! أحلي مرطب استخدمته ! انا شفايفي ناااشفه وهالشي من وَ آنا نقطه طبيعي فيني فأعرف ماله علاج "ممكن بالمستقبل قولو أمين ههههه" وَ أتعذب من الأرواج دايم تتشقق ويفشل شكلها ، بس بعد هالشي نوووب .. أستمتع وَ أنا أحط روج ()
من باث اند بودي وركس مجموعه بلو ترو سبا الجمميله  .. ريحته عَ برتقال كذا ترطيب جمميل بس مو تريتمنت ، ممكن يستمر الترطيب لساعات أو يوم مو أكثر بس قبل اي مناسبه أحطه واذا طولت برا اعيد عليه وَ على الروج ، بشتريه كثثثثثير حبيته وَ حتى لو مافادني بعدين يكفي ريحته () سعره مو غالي ! اقل من ٣٠ ريال وَ يظل معك لفتره طوووويله.
بعدها المححد النيود من ريمل < محدداتهم تزنن ، وَ أخر شي الروج من ماك هاللون عششق أحبه !!
سواتش:



ناتشورال وجميل ، وفي واحد ثاني اسمه كوزمو يشبه له مررررره وجمميل بعد.
وَ أكيد ممكن تستخدمون اي لون حابينه بس مو أحممر أو فووشي أو أورنج ! لون هادي ينفع للصبااح : )
وَ بس نخلص رشتين فكس+ لو حابين وَ بكذا خلصنا ^ــ^

يارب أكون ضفت شي لمعلوماتكم () 

تعبت عَ الشرح :\ صعب تشرح كتابه :\ مدري وصلت المعلومه ؟ ولا أبطل سالفه الدروس الكتابيه هههههه حاولت أزيد ريفيوهات وَ كتبت عن كل شي ماعدا الآسعار لأني أفشل شي في حفظ الارقام :$
اي اي شي عجبكم بليز جربوه أول وَ دورو عنه أكثر ، مو كل شي ينفعلي ينفعلكم !
شوفو الدرس الي قبل لمعلومات أكثر ممكن غفلت عنها ..
مثل ماقلت هالدرس ينفع للصباح وَ لو نبيه لليل بشكل بسيط نزيد كحل من تحت وَ نحط لون قوي كروج وَ بسسس ، ربي يوفقكم يَ الجامعيات شدو حيلكم ()


أي إقتراحات أو طلبات Cup
عَ التويتر

أو الأسك

أرحب بأسألتكم وَ إستفساراتكم ، لو حبيتو هالدرس إن شاء الله أكمل مع دروس أجمل وماأستغني عن دعمكم أكيييد ()
كونو جميلين دائما  / قورجيس ××



هناك 9 تعليقات :

  1. مرا حبيت البوست يابطله !
    شرحك حللوو وسهل وحلو انك تحطي سواتش للاغراض
    بالنسبه للفرشه المشطوفه انا جربت كتيررر ماك ومكياجي وسيجما
    اكتر وحدا حبيتها اللي من اتش اند ام وب 26 ريال
    جربيها مو خسرانه شي وقوليلي رايك

    ردحذف
  2. اهللن حبيبتي ، انتي اميره الي بالاقلاع ترا احبك مرره ههههههه
    وحتى لو مو انتي للحين احبك :$
    ممم صحيح جربت كذا شي من اتش اند ام وعجبوني :/!!
    شكلي باخذه وبجرب اذا اوك بكتب عنه ، مررره شكرا ياجميله
    الله يعطيك الصحه والعافيه يارب ()

    ردحذف
    الردود
    1. انا princess amira في اقلاع
      ماادري عاد هي اللي تحبيها ولا هههههه

      حذف
    2. يسسسس دايما ادخل اسكك وادور سوالفك ههههههههههه
      يااازيمكزيختي ، تدخلي القلب بسسسرعه ()

      حذف
  3. تسلم يدك ,
    بالنسبة لمرطب الشفايف
    جربي تبع لوكستيان
    هذا , http://s.v22v.net/asdE
    بيفيدك ان شاءالله سعره حدود 50 اعتقد

    ردحذف
    الردود
    1. ياهلا حبيبتي ، تصدقين ماعمري اخذت شي من لوكستيان ولحد يسألني ليش ههههههههه بس شكله يحمممس! ان شاء الله بقرا عنو كثير اذا حسيت ناسيني اخذه ، ربي يعطيك العافيه ياقلبي () ماقصرتي :*

      حذف
  4. يعطيك العافيه حبيبتي
    ممكن رابط فيديوا مكياج البنوته ياعسل

    ردحذف
  5. ما عليك أمر شنو أسم الروج اللي تعشقينه من مااك ؟؟ هعع

    ردحذف

التعليقات الجميله ♥♥

Blogging tips