August favorites ♥ أشياء أدمنتها بهالشهر ~

-



السسلام عليكم وَ رحمه الله وَ بركاته 
أول فيفورت وَ متحمسسسه له حتى التصوير سريع سريع!
أول شي ترا مو كل شهر ممكن أسويه لأن ماعرف اذا كل شهر بغير إستخدامي للأشياء !
أنا مودي مدري كيف ممكن أعلق َ شي لمده سنه عادي ترا :$~
هذي نظره شامله لخرابيطي :$

أول شي حبيت أبدا بمجموعه الشور الي هلكتها هـَ الشهر وَ شوفو كم باقي فيه وَ أحس كرهته وَ أنا للحين ماخلصت منه شي ههههههههه 

from the left
مجموعه ps: I LOVE YOU يحلفون ماأخذته عشان الإسم 
من فتح باث أند بودي وركس وأنا ناسيه كل المحلات الثانيه ! متنووع بشششكل وَ أسعاره مقبوله "أوقات التنزيلات"
أحب أدخله أحس كل مره لازم أطيح بشي جديييد ! المجموعه هذي عَ حسب موقعهم :
" مجموعه عصريه بعطر جذاب برائحه العنبر ممزوج ببعض العطور الإخرى" بالنسبه لي أحب الريحه القويه شوي بس رايقه !
يعني أموت ع جوسي كتور (كل عطوراته) أحب ريحه الباتشولي + العنبر + الفانيليا بشكل خفيف + الماندرين
 بشكل عام أقدر أقول الرائحه الحمضيه.
ماأحب ريحه الفواكه مثل المانجا وَ الجوافه وَ غيرها : ( ماحب دهن العود الا كم نوع معين تقريبا هذا الي أقدر أقوله :$
طيب المجموعه هذي ريحتها ثابته وَ جميله تنفع للصباح جججدا ، يعني الي يبيها للمدرسه بتطلع شي .. أحسها ريحه إنتعاش وَ روقان ، بعد الشور وَ الجسم مرطب شوي تحطين اللوشن وترشين الجسم قبل لايمتص اللوشن وَ تلبسين وتحطين عطرك بشكل خفيف وَ تمتعي بأجمل رائحه منعشه!
المجموعه هذي من زمان عندي وَ من الغباء حاطتها بالحر فبديت أحس الريحه تغيرت شوي : ( لاتسوون نفسي وَ حطوها بمكان معتدل البروده أو اسنخدموها عَ طول.

الي بعدو شامبو فيشي للتحكم بالدهون ، أنا شعري دهني عادي اجلس يومين ويقطر دهن كأن لي سنه ماغسلته!
يكرهني بنفسي : ( فأخذت هالشامبو يقلل من الدهون ، مابي أقيمه عشان ماأظلمه لان بس هالشهر إستخدمته بس أتوقع يستحق الشراء وَ لو نجح معي وَ حسيت بفرق بخبركم : )
سعره : حول ال70 ريال <- بحاول أحط أسعار يارب ماتكون غلط وَ أتفشل ههههههههههههههه أخذته من صيدليه الحبيب وَ ممكن تحصلونه بصيدليه وايتس.

اللي لونهم أخضر هذي مجموعه مكديميا أويل من نزيه ، الي بالصوره الكونديشنر والليف إن أويل باقي ماسك "مخلص" شامبو "نسيت أصوره" وَ الليف إن كريم "مضيعته" <- شرايكم فيني هههههههههههههه ، هالمجموعه ممكن أموت لو ماشريتها <- بسم الله علي :$
سمعت عنها كثثثثير ، قبل كنت أعالج شعري بسبا وَ كان شعري كثييف وَ صحي وَ مايتساقط، بس السبا سكر وأنا ضعت : ( *حسبي الله وَ نعم الوكيل :""") " فرجعلي التساقط وَ هالفتره كثثثثثير ،
فأخذت المجموعه هذي هي ترا مجموعه صغنونه للسفر ، قلت أجرب لو تستاهل أخذت الباقي ، شعري ماقدر أقول تعبان ولا متقصف بس تساقط:"") مافادتني هالمجموعه لأن هدفها التغذيه + تطريه الشعر ، بس مابي أظلمه فببالي أروح أسوي فحص لأن أحس السبب عضوي !
بس هالمجموعه تستحق الشراء وَ بعنف ، صارلي شهرين أستخدمها وللحين باقي فيها مع انو حجمها نقطه! 
الشامبو مايرغي لأنو مافيه سولفات وَ هذا الشي صحي للشعر ! كثره الرغوه يعني كثره الكيماويات بالمنتج !
فبالبدايه بتحسون ماينظف الشعر بس أهم شي خلوه يوصل لكل أجزاء الراس وخاصه من فوق ، وَ حطو الشامبو بيدكم وَ حطو فوقه شوي مويه وحركوه لحد ماتحسون امتزج حتى تزيد الكميه ووزعوه ومسجو بأطراف الاصابع بس انتبهو للأظافر لاتخدش الفروه.

برجع أشتريه ؟ أكييد بس مو كل المجموعه ()
السعر + المكان: 120 ريال من نزيه بمجمع الحياه مول قدام الدانوب بالضبط <- اذا غلط قولولي عشان أدل ترا أنسى كثير لووول
- لو حابين معلومات أكثر عن المجموعه عطوني خبر حتى أسويها ببوست بروح -

خلصنا من الشور وَ مستلزماته الحين بحط لكم شوووي من عنايتي لأن أستخدم مليون منتج -_____-
نقطه حابه أوضحها :
لما أحد يقول : أبي أفضل منتج للجسم أو العنايه أو كريم " أنا هنا أسوي ستوب ، أحس هالشي حسااااس جدا ، كثيير بنات مشو عَ نصايح غيرهم وتكون النتيجه بالاغلب (ضياع فلوس أو ضرر للبشره) ماأحب أتكلم عنها كثير بس ممكن كحل وسط أحط عنايتي وممكن تستفيديون وتاخذون الي (((يناااسبكم))) وعلى فكره بشرتي مو بيرفكت بس أحاول قد ماأقدر أعتمد عَ نفسي بكل شي وَ أتعب عليها وَ النتيجه جالسه تبين ع البطيييييئ بس أهم شي فيه نتيجه ولا ؟

from the left ، رول فيشي -ديودرينت أو مزيل عرق ، مدري من وجهه نظري مافي شي يوقف العرق بشكل سحري! ولا ويين العرق يروح ؟ يرجع داخل جسمنا ؟ ممكن يخفف أو يحسن ريحه العرق وَ أكيد لو انتي بالشمس لفتره وتفرين من مكان لمكان وشايله أغراض وأنواع الاحتكاك راح تعرقين لا محال حتى لو استخدمتي أفضل وَ أغلى نوع ، ، بس مو معناته مَ تحطين ديودرينت! لا هذا أهم شي لازم تستخدمينه يومييااا ، بس نوع جيد وَ طبي ، أحب تبع فيشي لأنه بدون روائح فعال جدا يساعد عَ تقليل العرق وَ يحسن من ريحته ، أحس بفرق معه ومن دونه ! فلازم أستخدمه يوميا.

السعر + المكان : أقل من 60 ريال ، بصيدليه الحبيب + بوتس + وايتس

الي جمبه غسولي المفضل من كلينك "المجموعه المختلطه المايله للدهنيه" أحس بشرتي تحسنت من عقب المجموعه ، مرتاحه معاها مرررره ، تنظف صح بدون ماتجفف البشره ، المجموعه :غسول + تونر + كريم

أكثر شي أستخدمه الغسول بما انو اليشره دهنيه مختلطه ، هل برجع أخذه؟ ممكن لو ماحصلت بديل أحسن ! هو مافيه شي . جميل وَ لطيف عَ البشره بس يمكن أحصل أحسن واذا مافيه رجعت له : )

الشعر + المكان : 370 تقريبا من ليلى قاليري

الي فوق هذا كريم للرجل من نيتروجينا ، أحب هالكريم شريت كريمات كثيره وغاليه بس هذا غطى عليهم ! يزيل التشققات وَ ينعم الرجل بيومين!! بس أهم شي استخدميه مرتين باليوم + البسي شراب ، أحس رجلي ناشفه من دونه .. أنا ماحب الفازلين وماحسه يناسبني جججدا لززج والامتصاص بطيئ ، هذا لا بسرعه البشره تمتصه وَ ريحته لطيفه وَ فعااال ، عيبه الوحيد حجمه الصغير ومو دايما أحصله : (

السعر + المكان = اقل من 30 ريال وأخذته من بندا سوبر ماركت

الي منسدح تححت هذا أجمممل شي () صديقي العزيز وترا العلبه فاضيه ومافتحت الجديده تو :$

هذا مزيل مكياج من سيفورا ، ترا بديت أحب سيفورا وَ خاصه منتجاتهم ، جودتها ممتااااااازه وَ أسعارها تعتبر ببلاش بالنسبه للجوده ! أنا طبعي كسول :/ ماحب أروح أخذ قطن واحط المزيل عليه ويلا مسحي وممكن يروح وممكن لأ :/ هذا بادز أي قطنه مسطحه دائريه مبلوله تاخذينها حبه حبه وَ الحبه الوحده كفيله بتمسيح كللل المكياج : )

وماأقصد المكياج الطبقات ههههههههههههههه بس المكياج العادي الي بالمناسبات ، أحسه خفيف عَ البشره ولا ضرهاا أبد وريحته زينه ، شبيه لفكره مناديل جونسون بس الاخ جونسون عللللى طووول ينششششف عقدني : ) هذا لاااااا بس سكرو العلبه صح وماينشف ، علبته عمليه وَ صغيره وً فيه 30 حبه ، برجع أشتريه دااايمممما ، وَ أكيد ماننسى نغسل فيسنا بالغسول بعد مانمسحه.

السعر + المكان : نسيت:$ بس أقل من 50 ممكن :$ من سيفورا الحياه مول.

أخر شي عطري الجممميل الي مدمنته منذ القدموالي الكل يسألني عنو :$ "إيلي صعب لابيرفيوم" أحبه وَ أعشقه وَ كل شي ، وَ بيخلص :""""( ريحته ياتشولي على عود على ياسمين الريحه الي أحبها ()

السعر ماذكر بس يمكن فوق 500 اذا موب غلطانه ، والمكان برا السعوديه بس ممكن تحصلونه بفيسس أو دبنهامز.

الحين نروح للميك أب :$ !! مافي تغيرات كثيره عن الي حطسته قبل

من اليمين : كونسيلر وباودر بوبي براون ، تكلمت عنهم قبل ()

بلشر إتش أند إم – سويت روز ، لونه عَ روز جميلمَ حصلت سواتش "( أحب لونه وَ إستهلكته كثير ، فيه شيمر خفيف واللون واضح مره : )

السعر : أقل من 30 من محلات إتش أند إم.

باليت نيكد غني عن التعريف ، طالبته من النت موقعهم الأصلي أرخص بكثير ، لحد يسألني شلون يطلب لأن والله ماعرف , أوصي ناس يطلبون لي ()

شدو الحواجب من بودي شوب ماأستغني عنها.

الماسكرا – فولس أيلاشز من ميبيلين مدري هذي العلبه المدري كم بعد العشرين الي استخدمتها هههههههههه

بس تطلع لك رموش ، تكتل اذا ماعرفتي توزعينها صح ، عيبها الوحيد لما أمسحها ترفع ضغطي.

السعر تحت ال50 ريال من سنتر بوينت.

and thats it , i hope you like it & get something new :D

أي إقتراحات أو طلبات 

عَ التويتر

https://twitter.com/Gorgeous_blog

أو الأسك

http://www.formspring.me/GorgeoustaBlog

أرحب بأسألتكم وَ إستفساراتكم ،  ان شاء الله كل شهر أسوي مثل هالبوست وَ أنوع بالأشياء الي بعرضها لأن في أشياء ماعطيتها حقها الصراحه ،

كونو جميلين دائما  / قورجيس ××