my 5 minutes makeup routine مكياجي اليومي السريع جدن جدن بالصور ♥

-


مرررحبا بأحلى متابعين ()
صح إنو مووو مره كثييير ! بس فخووره جدا فيكم ، وَ أحسكم عائلتي الصغيره ()
بس أول شي حابه أقول كلمه لبنات البلوق وَ اليوتيوب أو المدونات بشكل عاام ،
كنت أستغرب لما كل وحده ترد ع الثانبه وتشجعها وتسوي لها ريتويت داايمااا وهي بمجال فيه المنافسه المفروض تكون شرسه حى كل وحده تثبت وجودها ! بس بالعكس حسيت الكل يدعم الثاني ، ويشجعه وَ خاصه أول ماشتركت <- ترااها قبل كم يوم :/ حسيت نفسي من دهر هههههههههههههه
المهم ، دعموني بريتويت ورحبو فيني   ربي يسعدهم وَ يوفقهم ، حببوني بالشغله هذي أكثر وَ حسيتهم مثل الخوات :")
إن شاء الله تكون القلوب متصافيه داايما كذا وَ من نجاح للأكبر إن شاء الله  


بتدوينتي هذي حبيت أتكلم عن الميك أب بما إنو إنطلب مني من كم بنوته جميله :$
أول شي حابه أنوه إني مو خبيره تجميل ! ولا فنااااااااانه بالميك أب بس أعتبرها هوايه وَ بما إني أقدر أضبط نفسي بأي مناسبه وَ أطلع بشكل مناسب بدون مساعده أحد أعتبره إنجاز ، وَ هذا المطلوب من كل بنت ! 
مو شرط تكونين فناانه بالميك أب ، مجرد تتعلمين الأساسيات الي تساعدك بفهم ملامحك وَ تبرزين جمالك يكفي ()
وَ ترا الميك أب مو كيميا ولا فيزيا ! هي مجرد ثقافه وَ إسلوب : )

<- لازم تتفلسف ولا ماترتاح ، 
ندخل بالمهم !
أول شي التصوير سريع سريع إعذروني () بسوي درس مصغر أو ريفيو عن كم منتج ، 
أهم نقطه لي ولازم تركزون فيها يابنات : مو أي شي أستخدمه مناسب لي يناسبكم ! يعني مو تروحين المحل وتاخذين منه بدون ماتشوفيينه ! أنا أستغرب من كم بنت تمدح الشي وَ تخليه المفتاح السحري لكل المشاكل بدون ماتذكر نوع بشرتها أو لون بشرتها أو ستايلها حتى ، كل هذا يفرق ترا : ( !

بشرتي : مختلطه لدهنيه <- أسميها البشره العله :"")
لون بشرتي : حنطاوي الأندر تون أصفر 
ستايلي : أحب الناعم وَ الراقي ، مرات أشطح وَ أكثر ميك أب وَ مرات أحط نقطه يعتمد عَ مزاجي ! أكره التلطيخ أو الي تاخذ كريم أساس أبيييض وَ تكون شهبااا :") أكره الحواجب الشيطانيه والي لونها أسسسسود ، أكره سالفه التطقيم ولون الروج نفس الشدو.

الي عاجبها الي فوق مَ أتوقع بيعجبها الميك اب الي راح أعرضه :$
المكياج هذا معتمدتها صارلي فتره ، متى أحطه ؟ عاده بالصباح ! لو زياره خفيفه ، لو أحد زارني وَ أمون عليه ومالي خلق أكشخ هذا أسرع حل ومناسبني :$!
وَ حسيت ينفع لبنات الجامعه لو مستعجله وَ حابه شي سريع بس يعطيك طله فريش : )

5 minutes  makeup look

أول شي أغسل فيسي بغسولي الجميل + أحط مرطب ولو مروقه حطيت تونر واذا مروقه أكثر سويت تقشير لشفايفي الي داايماا وأبدا ناشفه !
لما أحط مرطب أنتظر البشره تتشربه ، وَ أحط مرطب شفايف بعدها : )
والحين ندخل بالشي الجميل ()

أول  شي أحط كونسيلر بما إنو عندي هالات مدري متى أروق وَ اعالجهم :/
كونسيلري المفضل حاليا بوبي براون الي أحبه فيه إنو جدااا ناعم وَ لايخطط ولا يتكتل !
تغطيته أعتبرها متوسطه ! ومو ثقيل أبدا يعتبر طبيعي ججججدا ، الي عندها هالات خفيفه الى متوسطه أنصحها فيه وَ بقوه 

هل برجع أشتريه ؟ ممم يعتمد ! أنا تجاربي مع الكونسيلرز مو كثيره بما إنو مشكله جديده علي ، بس من خلال المدح الي صاير بكل مكاااااااان أتوقع إنها التوب ! فممكن أرجع أخذه : )
ينور المنطقه الي تحت العين بشكل جميل غير مبالغ فيه *أحبه*
الهالات القويه ايش حلها ؟ أفضل شي تحطي تحتها كوركتور (الكوركتور بعد من بوبي براون ولونه عَ أرونج وفي من ماركات ثانيه بس ماعندي خلفيه عنهم ولا جربت فما راح أفتي)
مع الكونسيلر بودره مضغوطه مثبته للكونسيلر - اذا مستعجله مَ أحطها :/
أوزع الكونسيلر بإصبعي عن طريق الطبطبه مووو المسح إنتبهو حتى لايخطط ، اذا مروقه اوزعه بفرشه خاصه.


الخطوه الثانيه أبدا أوزع الباودر ، أيضا من بوبي براون *أول تجربه لي معهم وَ عششقت هالمارركه*

أوزع من خلال الطبطبه <- شوفوني أكلت الباودر هههههههههه ، دااااااااايما أستخدمه ، تغطيه الباودر هذي متوسطه يعني مو فل كووفر ممكن يوحد لون البشره بس مايخفي العيوب ()
هل برجع أشتربه؟ إحتمال كبير نعم : ) مشكلتي أخذت درجه أفتح بشووي ، صح مافرق مرره بس حلو لو يكون نفس درجتي بالضضبط ، ملمسه عَ البشره نااااعم ويعطي طله مخمليه بشكل طبيعي غير مبالغ فيه ، يعني يصلح للنهار وَ بنات الجامعه وبقووووه ()

^ أحس ماعطيتهم حقهم بالشرح ، بس نصيحه الأشيا الأساسيه مثل الكونسيلر والفاونديشن وَ الباودر جربيهم قبل لا تاخذينهم في غرف للتجريب والي يبيعون صارو حريم يعني بتاخذين راحتك ، وقد ماااتقدري إخذي نفس لونك أو أفتح أو أغمق بدرجه وووبس !

* ملاحظه : ممكن البعض ينسى ، بس لما تحطين باودر أو فاونديشن لاتنسين الرقبه :$ حتى مايكون في تباين !

ثاني حاجه أحط شادو ، أكثر لون إستهلكته all that glitter من ماك ، لونه بينك عَ لحمي وفيه لمعه جممميله
سواتش من النت :

أقدر أقول هذا لون بيسك ! حلو يكون بمجموعتك ، بس هل بيصير شي لو ماأخذتيه ؟ لااا لأن من بعد أوربن ديكاي طلقت كل الشدوهات هههههههه ، أدري طفشتو من كثر ماتسمعون عنه ! بس جد جد يستحق المدح وصارلي 4 شهور من جددت كل كل مكياجي ماأستخدم غيره أو أل ذات قليتر : ) <- أكثر من كذا مدح p:!

سواتش من النت:

أحب لون سايدكار (رابع واحد من اليسار) أحطه ع الجفن كامل وَ أحط فيرجن (اول واحد من اليسار) تحت عظمه الحاجب وعند مدمع العين ، أحطهم بأصابيعي :$ لأن الألوان خفيفه وماتحتاج دمج : )

من بعد كذا أرسم كحل من فوق بخط خفييييف بس فوق الرموش ، أستخدم لوريال هذا الي لونه أسود بالصوره هههههههههههههههههه

صوره أوضح له من النت :

انا ماحب السائل كثير ، بس صراحه طفشني الجل أيلاينر فأبي شي سريع ، فأخذت هذا ! 
ماودي أشرح كثير بس نخليه بموضوع منفصل عن الكحل بشكل عام شرايكم ؟
من بعد ماأكحل عيوني من فوق لازم لازم أمد شوي لبرا تعطي وسع لعيوني ، وهذا شي مهم تعرفين عينك ايش تحتاج وشلون تجملينها ، البعض الكحل من داخل"مثلي" موحلو عليها والبعض لااا يجملها ! فلازم تعرفين لعيونك صح <- ينفع لدرس قادم ؟

من بعدها بالكحل أحط ع عيوني من داخل من فوق هههههههههه أقصد منابت الرموش ! حتى تبين الرموش كثيفه () وماأنسى طرف العين من تحت ..

من بعد كذا أمسكر عيوني p: ! طريقتي أحط طبقه وبعدين بعاقصه الرموش مدري ايش اسمها لووووووول اعكفها لفوق وبعدين أحط طبقه ثانيه : ) الماسكرا الي أستخدمها كارولينا روبنشتاين بسوي لها ريفيو إن شاء الله ()

من بعد كذا أرسم حواجبي ، أنا بالنسبه لي إخذو كل شي مني بس لاتاخذون قلم الحواجب حقي : )
ما أعرف أطلع لأحد بدون حواجب ! حتى مره غسلت فيسي بنام ولا تقولي بنت خالي ، شفيك مريضه ؟ : ))
الي يعرف لحواجبه يحمد ربي وَ يشكره () هي إيطار الوجه لو ضبطتيه يضبط كل شي ثاني :$ <- بالنسبه لي أكيد !

أستخدم لها بودره بودي شوب ، الي بالزاويه بالصوره فوق هذي قصتها قصه يبيلها موضوع بروح <- ماصار كل شي بموضوع : /
لا عشان ما أطول عليكم :$ !
وكذا خلصنا العيون الجميله ()

الحين أحط بلاشر وَ الخيارات مفتوووحه لكم : ) بس عن نفسي للأيام العاديه أستخدم إتش أند إم
إي محل الملابس مَ غيره هههههههههه ، ترا والله لايطيح من عينكم ، الله يحط سره بأضعف خلقه ، ألونها جمميله وَ واضحه !
وفيها شيمر بسيييط ، أخذت كم حبه بس كذا عبط ، وطلعت من جد شي :/ حتى استغنيت عن بلشرات ماك هههههههههههه بس أستخدمه للطلات الخفيفه ! يعجبني : ) *بالصوره الي منسدح تحت* 

وَ أخر شي الروج ، احب لابيلو الأحمر ! ترا مو مرطب بس تقدرون تقولون ملمع شفايف لونها طبيعي جدا جدا !
أو أستخدم هالروجين الجميلين من ريفلون ()




ريفلون - blush الي عَ اليسار ، وهذا سواتش من النت :

بس أبدا أبدا مو نفس اللون علي هههههههه حقدت عليهم :( البنت بيضا وَ شفايفها ورديه عشان كذا بان اللون ، بالنسبه لي يعطي طبيعي كأنها لون شفايفي بس أحسن ! أحب هاللون ()

اللون الثاني بعد من ريفلون الي ع اليمين ،   قريب من هاللون ، بس الثاني أوضح بكثير ! يارب إني نسيت إسمه :/ وَ متعيجزه أقوم ! "الي يتابعني ع التويتر يعرف شلون وصلت للاب توب بصعوبه : )" <- شطحات أول الصباح للمواصلين :"")

عَ العموم بسوي موضوع خاص للأرواج بما إني مدمنه لها ()
<- ياكثر ماتوعدين : ")

وترارارارا خلصنا الميك أب ! ترا يسسسيط ماياخذ 5 دقايق بس تعرفون أحب أشرح وَ أتفلسف : (
ممكن كتش أخير أحط فكس+ من ماك يعطي انتعاش ولوك ندي : ")

يلا نلخص كلامنا !
1- نحضر البشره وَ نحط مرطب وَ لو بنطلع نحط واقي من الشمس.
2- كونسيلر بوبي براون من خلال الطبطبه.
3- نوزع الباودر بعد من بوبي براون من خلال الطبطبه بعد!
4- نحط شدو من أوربن ديكاي أو أل ذات قليتر من ماك ع الجفن المتحرك ، وإضاءه تحت الحاجب ومدمع العيون.
5- نرسسم بالكحل خط ضعيييف فوق الرموش ولو نقدر نمده لبرا شوي ونحط عَ أطراف العين شوي كحل.
6- نضبط حواجبنا الجميله ببودره بودي شوب الرااائعه.
7- نحط بلاشر الي نحب ! أستخدم بلاشرات أتش أند إم P;
8- نحط روجنا المفضل وَ الأحسن يكون لونه نيود أو مقارب لشفايفنا.
9- نرش شوي فكس+ لو حابين

وهيك نكون خلصنا ميك اب ال5 دقايق وَ مستعدين نروح للجامعه وَ شكلنا منتعششش وَ فريش وَ أهم شي طبيعي.
مثل ماقلت هذا مكياج ناااعم ومن غير فلسفه ، أحبه ومعتمدته هالفتره كثييير وخاصه للطلعات السريعه ، متخيلتها للصباح لبنات الجامعه ينفع وَ بقووه لأن صباح وناس مالها خلق وكذا : /

إن شاء الله إستفدتو من قرقتي () لأي أسئله أو إستفسار أو كومنت لاتخلون شي بخاطركم زين كان او شين p:

عَ التويتر

https://twitter.com/Gorgeous_blog

أو الأسك

http://www.formspring.me/GorgeoustaBlog

كونو جميلين دائما  / قورجيس ××