مشترياتي من دبي وكم شي هنا وهناك ♥♥

السلام عليكم وَ رحمه الله وَ بركاته  ♥♥

ادري هالبوست من زمان المفترض ينزل بس انشغلنا بالاعياد والالتزامات وغيره فاعتبروني تو راجعه من دبي p:

بستعرض معاكم مشتريات دبي وكم حته من هنا وهناك ، يمكن البعض مايشوف هالبوست مفيد فمو لازم يكمل عشان مايضيع وقته ، بس عن نفسي اكثر البوستات الي احبها عن المشتريات والمفضلات ، استمتع فيها ♥♥♥♥..

سألت صديقاتي بالسناب شات انو كثير اسعار مو ذاكرتها عادي اسوي البوست فقالو -اي اقصدكم p: - عادي♥♥ ، فبحاول احط اسعار تقريبيه للي اذكره ..

قبل ماسافر دبي اخذت هالسكارف من سي اتش "فجأه صارت اغلب مشترياتي منه بس لازم اوقف خلاص :| "

بحدود ال٥٠٠ ريال من بوتيكهم بالفيصليه .. فكرته تلفينه حول يده الشنطه مثل هالصوره 

يعطي لوك مره انيق!! ♥♥♥♥

من دبي

الفاشون ♥♥

شوز منولو بلانك سعره ٣٧٥٠ "ماغشيت من بوست اميره ابد :| " صراحه انا مو مره مع الشوزات والهدف كان اشتريلي شنطه لان اعششق الشنط والي يضحك شنطي قلييله ههههههه لان مو اي شيييي يدخل مزاجي صعب جدا جدا ، وجلست طول اليوم افرفر من بوتيك لبوتيك ولاحصلت الي تصيح وتقول تعالي اخذينيي "هو بس انا الي احس كذا اذا شفت شي يعجبني ههههه ؟"ففكرت اشوف الشوزات لحد مايصنعون شنطه احلامي :|

جدا جدددا جممميله ع اللبس!! الي يضحك بالموضوع مقاسي ٣٧ وكل ماجابو وحده اقيسها اقولهم جيبو اصغر والي بعدها وجيبو اصغر انصدمت ان مقاسي عندهم وصل لل٣٥ ونص!! مع ان ماشوف رجلي صغيره ابد .. بس كانت ضيقه شوي ومستحيل تتوسع مع اللبس لانها مو جلد .. من جد انقهرت لما عجبني شي اخيرا ماضبط علي :\ المهم لقو الحل اخذت ٣٦ وحطو بادز او لبادات مادري شنو اسمها من داخل وصارت تمام الحمدالله ، فنصيحه الي بيطلب من النت لايخاطر :(

،

صاير عندي هوس اكسسوارات "خاصه بعد ماحذفت كثير من اكسسوارتي بهدف اقلل من الحوسه وجبت غيرهم! اضحك ع نفسي :| "

ماخذتهم من فتره مو من دبي بس لان بنوته طلبتني تشوف شنو اشتريت منهم قبل فهذي الصور اهداء لها 

- ياليت اتذكر اسمك :( -

سواره وخاتم من مجموعه الكلاسيك 

اسواره ال في ، جدددا انيقه باللبس ♥♥♥♥

خواتم ال في ، اثنين مع بعض يجون وحبيت دمج الذهبي والسيلفر مع بعض

-جوني هديه فماعرف الاسعار-

حزام ال في ، احس هالقطعه ضروريه تكون عند كل بنت -ماقصد الماركه-

الحزام الي يجي عن الوسط جددا رائع ويفك ازمات ويضيف اناقه للبس وخاصه لو لابسه شي وسيع

يعطي شكل حلو ، جربت كثيير ماركات بس الوحيد الي مرتب ع الجسم ومايطلع زايد من الحزام لبرا

- ان شاء الله فهمتو قصدي حسيت الجميله غبيه :| -

سعره الف و٩٠٠ وفي لون ثاني جمممميل معدني بس حسيت هذا يلبق مع كثير لبس

.

الميك اب

لكل شخص قلت له ماعاد بشتري ميك اب ابد ، اقوله : انا نصابه وشكرا :(

الحلو بدبي الي يبعيون اصلا مدربين ويعتبرون ميك اب ارتيستس فنصيحه لو حصلك الفرصه خليهم يساعدونك

انا متعتي لما اروح ويمكيجوني p: ويساعدوني اختار منتجات جديده ..

اخذت من ماك \ بلومنيق ديلز

فاونديشن ماك ستديو فلويد ، بدرجه nw25 بالعاده اخذ nc بس حبيت هذا كتغيير ويبان طبيعي علي

كونسيلر سيلكت موستركوفير ، كنت ابي سيلكت كوفر اب بس غلطت ! هذا خفيف ومرطب اكثر ويمشي الحال

الروج الجممميل اسمه كريفنق شريت واحد قبل ومن ثاني استخدام ضاع :"""(

سواتش من النت

- بالطبيعه اغمق شوي-

بودره مينرلايز سكين فينيش اسمها give me sun

جممميله للكونتور مره حبيتها

البنت مستخدمتها هنا

واخر شي كحل سيفورا السائل الي اعشقه

اخذت من انقلوت ارواج مطفيه

اليمين 412 \ اليسار 410 مرره جميلين وماحصلت سواتش واضح لهم !

بلشر من مارك جيكوب ، لما استخدمته بالمحل كان رووعه بس مادري ليه مو نفس الشي بالبيت اختلف معاي!

مر عليكم نفس الموقف؟؟؟

سواتش من النت

ماعندي هاللون واحس جمميل مع لوك معين ، بحاول اجرب فرشاه بلشر ثانيه لازم يضبط  p:

الاسعار ماذكرهم ابدا :(

الكريمات وتوابعها ♥♥

اكثر شي زعلني انو كرابتري اند ايفلن سكروه خلااااص عندنا :((

كريماته وخاصه اليد جمممميله واسعاره حلوه نفس لوكستيان بس مادري ليه مالقى اقبال!!!

المهم اخذت هالمجموعه كان عليها عرض سعرها بحدود ال٧٠ ريال ،

اطفش بسرعه من لوشن الجسم والشور جل المعطر فاحب اخذ صغار عشان اخلصهم ومعاهم كريم يد

بوكسها جمميل ينفع هديه

حسافه سكرو :(((( ع كلام الموظفه بيصير فرع دبي هو الوحيد بالخليج!

لوشن جسم من كلارينس ، جمميل وترطيبه حلو واهم شي فيه زبده الشيا

بحدود ال١٥٠ تقريبا

ماسك الشعر من فايتو ، احب هالماركه حييل ، ترطيبه حييل عميق ماجربته الا مره ماقدر احكم عليه

بحدود ال١٠٠ ريال

شامبو فايتو للقشره ، احلى شي عندهم انواع شامبو للقشره بتكلم عنهم ببوست بروح ان شاء الله

هذا سعره اذا مو غلطانه ب٧٠ ريال

     

سكرب للجسم او بولشينق ماركه شفاء وهي ماركه امارتيه لدكتوره اماراتيه

السكرب حاصل ع جوائز كثيره مثل ماقريت عنه ، حسيت كميته قليله مقارنه بسعره! 

الي كان بحدود ٢٠٠ ريال استخدمته مره وحده وشوفو كم بقى فيه! بس نعطيه فرصه!  

متفرقات

اكواب من رويال البرت - احس صار من المستلزمات عند كل عائله سعوديه p: -

الواحد ب١٥٠ درهم ، تحصلونهم ببلومينق ديلز ♥♥

اختتم مشتريات اليوم ب نوته من الكويت انتو اخترتوها لي سعرها ٨ دنانير بحدود ال١٠٠ ريال

وبكذا خلصت موضوع اليوم! شنو اكثر شي عجبكم؟ ♥♥♥♥

اشوفكم ببوستات جديده ان شاء الله

♥♥