بلوفر واحد بثلاث تنسيقات شتويه | ♥ sweater weather

السلام عليكم وَ رحمه الله وَ بركاته ♥♥

بوست اليوم مختلف عن كل مره ، تنسيقات من دولابي

السبب اني مانزل هالنوع من البوستات هو التصوير والتصوير والتصوووير

احس ماعطي القطع حقها ، بس لو عجبكم البوست ممكن اجيب منيكان بإذن الله بس حمسوني p:

مشترياتي من دبي وكم شي هنا وهناك ♥♥

السلام عليكم وَ رحمه الله وَ بركاته  ♥♥

ادري هالبوست من زمان المفترض ينزل بس انشغلنا بالاعياد والالتزامات وغيره فاعتبروني تو راجعه من دبي p:

بستعرض معاكم مشتريات دبي وكم حته من هنا وهناك ، يمكن البعض مايشوف هالبوست مفيد فمو لازم يكمل عشان مايضيع وقته ، بس عن نفسي اكثر البوستات الي احبها عن المشتريات والمفضلات ، استمتع فيها ♥♥♥♥..

سألت صديقاتي بالسناب شات انو كثير اسعار مو ذاكرتها عادي اسوي البوست فقالو -اي اقصدكم p: - عادي♥♥ ، فبحاول احط اسعار تقريبيه للي اذكره ..

اساور جوسي كوتور ، اثنين في واحد | اخذيها او خليها ♥

السلام عليكم ورحمه الله وبركاته ♥♥

عوده من جديد مع سلسله اخذيها او خليها ، استعرض معاكم بعض القطع الماركه وانطباعي عنها.

بحاول انوع من الغالي والرخيص ومو معناته اذا ماركه لازم غالي ، نقدر ناخذ اي شي دام عاجبنا اكييد ♥♥

ريفيو وتقييم اكسسوارات ماركه كارولينا هيريرا | اخذيها او خليها ♥

،

السلام عليكم ورحمه الله وبركاته ♥♥، رجعت لكم ببوست كثييير حبوه وطلبوني اسويه بعد استفتاء سريع بالانستقرام ..

بالبدايه ترددت بالبوست لان البعض يشوفه مايفيد ، بس الهدف الاساسي للبوست انو دايما اشوف ريفيو عن كريمات ومكياج وغيره بس ماعمري شفت ريفيو لماركه ممكن يفيدني بالرغم المبلغ الي بدفعه بالاشياء هذي اغلى بكثيير من كريمات او مكياج ..

اختياراتي للعيد لأميراتنا الصغيرات من موقع شيلدرن صالون ♥

السلام عليكم وَ رحمه الله وَ بركاته ♥♥ ، تو أحس بمعاناه الامهات وخاصه مع البنوتات ههههه! قبل اذا رحت السوق اشوف ملابس البيبيز وانبهر فيها وابي اشتريها كلها ، الحين اذا بشتري لديم اتعب عليها اكثر من اتعب ع نفسي :(

من زمان اسمع بموقع شيلدرن صالون وكنت بجهز منه بحملي لديم بس ماحصلت فرصه ، فانبسطت انهم دعوني استكشف هالعالم ومنها اشوف تنسيقات لديم واشاركم بالاشياء الي عجبتني بالموقع.

Voga Closet | لما التسوق يصير أسهل ~

،


السلام عليكم وَ رحمه الله وَ بركاته ♥، كثيير ناس توجهو للتسوق اون لاين وصار بديل لهم لعده اسباب اهمها البضايع صار وجودها نادر! وسهوله بالتسوق واريح يعني وانتي بسريرك تختارين الي حابته ويجي لحد بيتك بدون تعب!

بس في ناس تستصعب تطلب بنفسها وكثييير تجيني اسأله قورجس شلون اطلب ؟ قورجس شلون ادفع ؟ شلون افتح حساب؟ وغيرها ، عشان كذا اليوم بتكلم عن موقع جمميل من بضائع وتنوع وخدمه ، موقع فوقا كلوسيت هو موقع بريطاني فيه اكثر من ٤٠٠ ماركه اوربيه متنوعه للرجال والنساء والاطفال!

صور حفله إستقبال بنوتي "ديم" وَ تجهيزاتي بالتفاصيل ♥♥ ..

،



السلام عليكم وَ رحمه الله وَ بركاته ♥♥♥، رجعت لكم ببوست جديد مثل ماوعدتكم عن صور إستقبال ديوم .. الاستقبال كنت ناويه اسويه ببيت أهلي وهو ركن مرتب وثيم متكامل عن ديم مع التوزيعات وركن العصير وَ غيره وبأخر لحظه قررت أسويه بعد بالمستشفى الي بولد فيه "مستشفى سليمان الحبيب التخصصي" كتبت تجربتي عنه بالبوست الي قبل هذا ، بالنسبه للترتيبات ماكان ببالي ثيم معين بالبدايه صراحه وَ كنت أجمع أفكار من هنا وَ مرحله البحث كانت أصعب مرحله! اما التنفيذ ماأخذ اسبوع تقريبا وكان كل شي جاهز.

صور من عالمي الصغير ، تسريحتي ومكتبي وَ شويه أفكار ♥ My vanity & Disk

،

السلام عليكم وَ رحمه الله وَ بركاته ♥♥♥، هالبوست انطلب مني كثييير ، وَ كل مره بنزله بس أكمل باقي التسريحه ومشت الايام ولاغيرت شي ولازدت شي ، فقلت بشيل التسريحه عن بكره ابيها بس بنزل موضوع تذكاري قبل هههههه :(

تغطيتي لايفنت لوكس للجمال بدبي وَ أول فيديو ع اليوتيوب ♥♥♥!

السلام عليكم وَ رحمه الله وَ بركاته ♥ دعتني شركه يونفيلر لحضور معرض لوكس للجمال ، كان ب١٦ سبتمبر ٢٠١٣ بدبي في فندق "اتلانتس ذا بالم" المعرض هذا تمت اقامته للمره الثالثه ع التوالي ! استمتعت جدا بالحضور ، كان هناك الكثير من الفقرات المشوقه ابتداء بالضيافه الجميله لنصائح من خبيرات الشعر والمكياج والبشره! وأخيرا حضرنا المسابقه الي اقامتها لوكس وتوجو فيها مصممتين وَ قدمو لهم جائزه بقيمه ١٠٠ الف درهم اماراتي.

شنطتي النقطه ♥ My mini bag

السلام عليكم وَ رحمه الله وَ بركاته ♥ أسرع بوست صورته وَ سويته :$ في بنات بالانستقرام عرفو شنو اشتريت فشطورات والبوست اهداء لهم p: من فتره طويله ماخذت شنطه لان ماحصل الي يعجبني ويناسب ميزانيتي ، بس قبل فتره شفت فيديو لبنوته كويتيه احبها وتكلمت عن شنطتها وقد شنو تحبها ، وقعت بغرامهاا جدا وقلت لازم اخذها ، وفجأه كل الانستقرام واللوك بوك لابسينها ، فحسيت اشاره قومي اخذيها < عذر p:♥

♥ اكسسوارات راقيه بلمسات عربيه ♥

 السلام عليكم وَ رحمه الله وَ بركاته ♥ أنبسط إذا في مواهب عربيه وَ خليجيه خصوصا وَ أحب أدعمها وَ خاصه اذا كانت عَ مستوى راقي تنافس الاكسسوارات وَ المجوهرات العالميه! حلو يكون لك بزنس خاص يدعم موهبتك بيكون فيه شغف وَ تطلع للأفضل دائما! 

ورده وَ مق وَ لوحه ♥ شكرا !

السلام عليكم وَ رحمه الله وَ بركاته ♥، وصلت لي هديه جميله من بنوته أجمل ، كثيير يهمني الشخص الي يهدي الهديه واذا هي نابعه من حب وتقدير او لا ، لامست هالشي من فاتن ♥♥ ! فكانت فرحتي بالهديه أكبر وَ أكبر ، كان مع الهديه بوكيه ورد جمممميل بس للاسف ماصورته صور حلوه :( بس في صوره عفويه للبوكيه بالانستقرام ، نشوف الهديه مع بعض ؟

وَ كشخت أيبادي ♥ @HandyBoutique

السلام عليكم وَ رحمه الله وَ بركاته ♥ الأجهزه الالكترونيه كثرت وَ بالنسبه لي تكشيخها لا يقل اهميه عن تكشيخي لنفسي ، لا امزح هههههههههههه .. بس حلو نوفر الحمايه لاجهزتنا صح انها تطورت وَ صارت كثيره بس بنفس الوقت زادت حساسيه الاجهزه وصارت معرضه للكسر بأسهل طيحه!

سلسله "صيري ستايلش" ايش البس وايش يناسب جسمي ! المثلث المقلوب + تنسيقات وَ نصائح ♥♥

السلام عليكم وَ رحمه الله وَ بركاته ♥♥، هذا ثاني جزء من السلسله الي حبيت اتكلم عنها كيف نكون ستايلش بخطوات سهله ، الجزء الاول الي حاب يطل عليه هنا

اول خطواتك لتصيري ستايلش ! اساسيات + معلومات + نصائح #ميني_منيكان

بالبدايه لازم تحطون شي ببالكم ، مو كل شي تريند او دارج بالسوق يناسب لكم ، مو عشان تصيرين ستايلش لازم تلبسين مثل المشاهير وَ غيرهم ، عشان تصيرين ستايلش تلبسين شي يناسبك انتي وَ تطلعين احلى مافي جسمك وَ تخفين عيوبك ، كثير نشوف شي ع المنيكان واو وَ بس نلبسه ابشع شي بالحياه هههههههه ، اذا عندك جسم بيرفكت ماراح تتعبين باللبس بس خلونا نتكلم بصراحه مو الكل عنده جسم بيرفكت ، صح المفروض نبدأ نهتم بجسمنا اول قبل لبسنا لان الجسم الحلو لو تلبسين شي ناعم جدا بيطلع انيق وَ جميل ♥♥، بس هذا مو معناته اذا عندك عيوب بجسمك ماتلبسين ولاتكشخين اببببد ، الهدف من الموضوع مو انو اعلمك شنو تلبسين وَ تكونين ع الموضه ، الهدف انو تعرفين ايش يناسب جسمك بالضببط وَ تلبسين اشياء تحليك ، مثل ماذكرت بالبوست الي فات انو عندنا ٤ انواع من الجسم وَ البعض يكون مكس بين نوعين تقريبا ، لازم بالمرحله هذي تكونين عارفه انسب نوع لك او اقرب نوع لك ، انا استعنت بالموقع هذا عشان انقل لكم المعلومات الصحيحه بالضبط ، لان بالاول والاخير انا مو دارسه هالشي بس عندي معلومات عامه عنه ، بالموقع ذكر ٦ انواع للجسم وَ حسيت انو اكثر واقعيه من ال٤ انواع الاساسيه الي ذكرتها قبل ، فحبيت اتكلم عن كل نوع بروحه لان ابي اوصل المعلومات كامله وتكون بشكل اوضح اول نوع بتكلم عنه ماذكرته بالبوست الي فات وهو :

الجسم المثلث المقلوب :

تقرير عن محلات الكوهجي للمجوهرات ، المحل الفتنه ♥.♥

السلام عليكم وَ رحمه الله وَ بركاته ♥♥، الي متابعني بالانستقرام عرف انو كنت مدعوه الاسبوع الي فات لبوث محل الكوهجي للمجوهرات في قاعه الامير سلطان بالفيصليه ، بالصراحه اول مره اعرف عن هالمحل وَ تمنيت عرفت عنه من زمان ، من أجمل محلات المجوهرات الي دخلتها من دون مبالغه وَ ذوقي مره ، محلات الكوهجي بحرينيه \ سعوديه ، صارلهم اكثر من ٥٠ سنه بالمجال هذا ، تصاميمهم مخصصه للزبائن الي يبحثون عن التميز وَ مجوهرات تعكس شخصيه كل زبونه ! هالشي لمسته لما شفت مجوهراتهم في الراقي وَ الناعم ، في الاطقم الي تميل للثقيل نوعا بس جدا مميزه وَ ايضا في قطع نعومه تنفع كاجوال ، الي يعرف الالماس مو دايما يحصل قطع تنفع للبس اليومي ، بس الكوهجي موفر كل الستايلات وَ ترضي كل الاذواق!

اول خطواتك لتصيري ستايلش ! اساسيات + معلومات + نصائح #ميني_منيكان

السلام عليكم وَ رحمه الله وَ بركاته ♥، كيفكم مع الدراسه وَ الاجواء الهاديه احس من قبل العطله للحين والناس بحاله خموول p: يارب بوستاتي تصحصحكم وَ تكونون مستمتعين فيها ، قبل فتره حضرت ورك شوب للجميله استاذه نجوى الدردير , الورك شوب كان عباره عن اساسيات وَ مبادئ الطله المناسبه لكل شخص ، كيف نعرف شكل جسمنا وَ الملابس المناسبه لها ، كيف نعرف لون بشراتنا وَ الالوان الي تخلي بشرتنا تشع وَ تكون اكثر ملائمه لنا ، استفدت من الورشه كانت عندي معلومات سابقه وَ الورشه عززتها وَ زادتني معرفه ، فحبيت انقل لكم بعض الاشياء الي تعلمتها من الورشه وَ بتكون اول خطواتنا انو نبدا نعرف نلبس الي يناسب اجسامنا وَ بشراتنا ، نبدأ بالاساسيات وَ بالبوستات الجايه بنتكلم عن الستايلات والتريندات يعني لازم نوضح بعض النقاط وَ هي قواعد اساسيه لازم كل شخص يعرفها.

New In : Ted Baker wallet #ميني #منيكان

السلام عليكم وَ رحمه الله وَ بركاته ♥ ، ياكثري اليوم هههههه بس احاول اكون قد وعدي وَ أنزل كل شي حتى لو  كان متأخر :$ اليوم يوم الميني منيكان وَ اي شي يخص الفاشون وَ غيره بيكون هنا .. حبيت أبدا بالقسم هذا مع My new Love ماشريته قريب مره بس قاعدتي اذا مالبست او استخدمت الشي فهو جديد p: انا عندي الشنط بشكل خاص صعب صعبب اقتنع باي شي وَ من ضمن الشنط البوك او المحفظه ، ماحب الشي الكلاسيك وَ لا الي له تقليد كثير ، دورت كثير عن بوك يناسبني وَ يناسب شخصيتي ، وَ حصلته أخيررررا بتيد بيكر ، حبيت شكله وَ لونه وَ سعره يعني كان الواليت البيرفكت لي!

* ليش ادون ! -نيولوكي وسواليف وَ تغييرات-

،



السلام عليكم وَ رحمه الله وَ بركاته :$ مبسووطه انو رجعت أدون بلوك جمميل وألوان فرايحيه ماتخليني امل وتعطيني دافع انشب فيكم ♥p; بوست اليوم بيكون تعريفي بس عن اللوك الجديد وَ ايش بيكون فيه للايام الجايه بس عشان تكونون متابعين لي وعارفين عن ايش راح اتكلم :$
من قراراتي الجديده انو التدوين بيكون بشكل شبه يومي -٦ايام بالاسبوع- بتقولون يوه مره كثير! وماراح تصبر قورجس وتزهق وتطنش ! بالعكس اخذته تحدي بيني وبين نفسي ، مو شرط تكون مدونتي بس ريفيو ومنتجات جماليه وَ غيرها ، بالعكس لما فتحت مدونتي اول مره كنت ابيها متنفس لي او يوميات او دايريز اشاركم بافكاري وسوالفي والاشياء الي احبها ♥.. بس الفكره اخذت منحنى ثااااني وصارت عرض تجارب بالاغلب ، اكذب لو اقول خبيره بشره او ميك اب ارتيست او مصممه ازياء او او ، احس كثار فاهمين فكره التدوين غلط ، المدونه هي عرض الافكار وَ التجارب اشياء يمكن تعجبني بس ماتعجب غيري ، ستايل يناسبني او شي احبه بس مو الكل يتقبله ! اعرض تجاربي والاشياء الي نفعت معي ، اي شي اعرضه او يعجبني مو معناته روحي اشتريه ! انا هنا مثل اختك اذا شفتي شي عاجبك عند اختك تسألينها وتعطيك رايها بدون تحيز او تطير المنتج وهو مايسوى شي ، وَ بس ♥! هنا يجي دورك انتي تشوفين لو ناسبك ولا بيمشي مع بشرتك وغير هذا دوري اراء ثانيه وقارني وأبحثي ، المدونات -كلها- هي مرجع لا اكثر، تبادل خبرات وتجارب لا اكثر ، شفتي منتج عند بنت وكثيير تمدحه لاتروحين وتشترينه ع طوول ، خلي عندك رايي وتفحصي المنتج واقري عنه ، خاصه لما يكون خاص بالبشره ممكن يضرك لان مو كل البشرات تتشابه ، حتى لو نفس نوع البشره مو معناته بيناسبك انتي !