جرعه الهام لنجاحات متتاليه ، ابحثي عن الهامك هنا | #غيمه_تسعه

السلام عليكم وَ رحمه الله وَ بركاته ♥

البوست اهداء لصديقات السناب شات الي بين لي حبكم وَ شغفكم بمدونتي ، اعتز بحبكم واشكركم على دعمكم المتواصل ولايهونون باقي البنات اكييد بس هناك صرنا صديقات مو بيدي يعني ههههههه.

بالبدايه عندي طبع موحلو ماخلص اي كتاب اشتريه واخزنه عندي ، حاولت احب القراءه بس يصيبني الملل بس هالسنه قررت اغصب نفسي لو ع كتب بسيطه ، القراءه توسع المدارك وتزيد الثقافه وتريح المخ والعيون من اشعه الاجهزه الي محاطين فيها واخذت كل وقتنا للاسف ، كتاب ميشيل فان من الكتب الي شفتها بفيرجن ميقا ستور وهالبنت لها معزه خاصه بقلبي ، غير عن كل اليوتيبورز لانها ببساطه اول يوتيوبر تابعتها بحياتي! 

♥ رحله غريبه مع حكايات عطريه في بوتيك لودوريه المميز ♥

السلام عليكم ورحمه الله وبركاته ♥♥ ، مثل ماوعدتكم ببوست عن محلي المفضل الجديد لودوريه ، بالبدايه بوضح هالبوست ابدا مو دعايه بس جوله بمحل عجبني كفكره غريبه وعطورات وحابه اشاركم فيها ، انا اشوف انها غريبه لان متعودين دايما اذا بنشتري عطر ناخذه ع السمعه او اخر شي نزل بالسوق بس مع تجربتي هذي تختار العطر وتعرف تاريخه وحكايه تصنيعه واصحابه حتى ! يعني تجربه متكامله ..

الهمي نفسك بمق من صنعك ♥ | inspire yourself by diy mug inserts

السلام عليكم وَ رحمه الله وَ بركاته  ♥♥♥ ،  بوست صغير حبيت اكتبه كتنويع وبسبب بنوته طلبته مني وماحبيت اردها ، بوست سهل وهو كيف تسوين مق او كوب يحفظ الحراره وبالنسبه لي اهم نقطه كيف تخلين هالكوب يعبر عنك ويلهمك انت كشخص .

جوله مع ابداع سعودي ♥ تي شيرت ارت بوتيك ~

السلام عليكم ورحمه الله وبركاته ♥♥♥، تشرفت بدعوتي لزياره محل تي شيرت ارت بوتيك ببنوراما مول الرياض ، بالبدايه انبسسسط بإبداعات سعوديه وعربيه بمعايير عالميه الصراحه ، زرت المحل من قبل بس ابدا ماتعمقت فيه ولا بالقطع ولا بتفاصيلها ! باخذكم برحله جميله للتعرف على هالمحل المميز وان شاء الله تنبسطون بالتقرير مثل مانبسطت بالكتابه عنه ..

اسس تي شيرت ارت بوتيك المصمم عبدالله العبيد و كانت مؤسسة صغيرة لكنها تألقت لمدة أربع سنوات في هذا المجال حتى أصبحت شركة لها اسم مميز، فكره البوتيك تصميم تي شيرتات بطابع عربي وخليجي تحديدا يحمل هويتنا وترجمه لأفكارنا وإخراجها بصوره جمميله تنافس الماركات المشهوره!

صور من عالمي الصغير ، تسريحتي ومكتبي وَ شويه أفكار ♥ My vanity & Disk

،

السلام عليكم وَ رحمه الله وَ بركاته ♥♥♥، هالبوست انطلب مني كثييير ، وَ كل مره بنزله بس أكمل باقي التسريحه ومشت الايام ولاغيرت شي ولازدت شي ، فقلت بشيل التسريحه عن بكره ابيها بس بنزل موضوع تذكاري قبل هههههه :(

لوحه انقاذ الحياه ، لحياه مرتبه ♥♥ #الهام

السلام عليكم وَ رحمه الله وَ بركاته ♥، مساء الانجاز والحياه المرتبه البعيده عن الحوسه p: نزلت قبل فتره صوره بانستقرامي عن لوحتي الجميله ، جميله قلبا وليس قالبا p: وكثار طلبو يشوفون تفاصيلها ، وانا ماقدر اقول لأ لمتابعاتي الجميلات :$♥ بس أول شي حابه أوضح انو اللوحه فكره من تأليفي ممكن تطبقون مثلها بس بإسلوبكم الخاص ، انا أحاول قد ماقدر أرتب المهام الي علي سواء كانت للبلوق او شغلي او لحياتي عموما ، وهالطريقه حلوه وبتكون أحلى لو خليتوها أكشخ من لوحتي طبعا هههههه ، ان شاء الله بس اجيب مكتبي الجديد بعيد صياغه اللوحه بشكل أجمل وَ أرتب.

سلسه العوده للمدارس Part 2 سر التفوق هنا ♥

السلام عليكم وَ رحمه الله وَ بركاته ♥ انبسطت جدا برده فعلكم بالبوست الي فات .. اكيد الاغلب بدا دراسته وَ الاسبوع هذا ترتيب الجداول او الكلاسات وَ حوسته وتو للان مابدأنا بالجد ، هالبوست بيكون خفيف وعباره عن نصائح مكمله للي فات ، أكيد كل بنوته تطمح انها تأخذ امتياز ، يعني تخيلي كل يوم تصحين وَ تروحين المدرسه او الجامعه ع الفاضي او تغيير جو ؟ لازم يكون لك هدف !

Saudi Creatives ♥ ابداعات سعوديه ~ #الهام

السلام عليكم وَ رحمه الله وَ بركاته ♥، الاسبوع الي فات جتني دعوه لمعرض Saudi Creative ، كان مقام بقاعه سيدانه بالمملكه المعرض خلص للاسف تمنيت انزل التغطيه قبل لايخلص عشان الي يعجبها شي تروح تاخذه بس ماشاء الله الاسبوع الي فات كان اسبوع الايفنتات ههههههه ، رحت متأخر كعادتي وَ ماشاء الله في اوج الزحمه ههههه ، اول شي قابلت العبيطه اميره وهي الي اخذتني فرفرت فيني بالمعرض ههههه ، قابلت منظمه المعرض العسسل ساره وَ بعدين هتاف صاحبه محل يونيك قيفتس♥، اثنينتهم عسل عسل وَ انبسطت بشوفه بنات طموحات مثلهم ، اول كورنر صورته والي بالنسبه لي اجمل كورنر بدون مجامله ! its sooooo meeee :( ♥♥♥♥ كورنر يونيك قيفتس :

DIY Lip scrub & Lush review مقشر بينكي وَ سويها بنفسك ! #الهام

السلام عليكم وَ رحمه الله وَ بركاته ♥  مين مايشتكي من روج مخطط ومو ثابت او شفايف متشققه بشع شكل الروج عليها او شفايف بدون روج بس جدا باهته وَ متشققه وَ ناشفه .. انا من النوع الي شفايفي تعاني كثييير من الجفاف ومن وانا صغيره اعاني من المشكله هذي ومدمنه عَ تقطيع الشفايف باسناني ههههههههه ، بس العاده خفت تدريجي بس للان مستمره فيها وخاصه اذا صرت فاضيه امارسها :$♥ عشان كذا احرص دايما تكون شفايفي خاليه من التشقق عشان ماتعبث فيها ، احط مرطبات كثير كثير بس ماينفع ترطيب ع شفايف ناشفه او طبقه جلد ميت .. نفس حاله ترطيب البشره وسطحها جلد ميت ، كانك يابو زيد ماغزيت ! عشان كذا صرت اقشرها من وقت للثاني ، انا طبعي كسول احب الشي الجاهز قدامي ماحب اجلس اسوي خلطات واحوس ، عشان كذا اعتمدت مقشر لوش ♥♥ .. جربته وَ صار من منتجاتي المفضله الي اعشقها وَ اعشق ريحتها ! ريحه علك وَ طعم يمي *يس ينفع تلحسونه p:* مقشر لوش له نكهات ثانيه بس انا حبيت هذا ولونه بينك فخلاص ادماان ♥ .. مايسوي المعجزات طبعا بس يشيل الجلد الميت ، ماراح يفوتك شي لو ماشريتيه بس حلو كشي جاهز وَ شكله كيوت ..

نظارتك بالورد #الهام ♥

السلام عليكم وَ رحمه الله وَ بركاته ♥، تريند الزهور وَ الورود منتشره مره هالسيزون وَ تحت السبوت لايت!! كثيير براندز نزلت كولكشنز مستوحاه من الورود .. حتى الستريت ستايل وَ المحلات العاديه منزله هالكولكشنز مثل اتش اند ام وَ غيرها .. من الاشياء الي لفتتني هي النظارات المورده من دولتشي اند قابانا وَ الي بعد نزولها ماركه ميركوري المعروفه بالستايلات المجنونه! وَ بعد ماركه A Morir نزلو اشياء قريبه منها .. نشوف الصور ؟

* ليش ادون ! -نيولوكي وسواليف وَ تغييرات-

،



السلام عليكم وَ رحمه الله وَ بركاته :$ مبسووطه انو رجعت أدون بلوك جمميل وألوان فرايحيه ماتخليني امل وتعطيني دافع انشب فيكم ♥p; بوست اليوم بيكون تعريفي بس عن اللوك الجديد وَ ايش بيكون فيه للايام الجايه بس عشان تكونون متابعين لي وعارفين عن ايش راح اتكلم :$
من قراراتي الجديده انو التدوين بيكون بشكل شبه يومي -٦ايام بالاسبوع- بتقولون يوه مره كثير! وماراح تصبر قورجس وتزهق وتطنش ! بالعكس اخذته تحدي بيني وبين نفسي ، مو شرط تكون مدونتي بس ريفيو ومنتجات جماليه وَ غيرها ، بالعكس لما فتحت مدونتي اول مره كنت ابيها متنفس لي او يوميات او دايريز اشاركم بافكاري وسوالفي والاشياء الي احبها ♥.. بس الفكره اخذت منحنى ثااااني وصارت عرض تجارب بالاغلب ، اكذب لو اقول خبيره بشره او ميك اب ارتيست او مصممه ازياء او او ، احس كثار فاهمين فكره التدوين غلط ، المدونه هي عرض الافكار وَ التجارب اشياء يمكن تعجبني بس ماتعجب غيري ، ستايل يناسبني او شي احبه بس مو الكل يتقبله ! اعرض تجاربي والاشياء الي نفعت معي ، اي شي اعرضه او يعجبني مو معناته روحي اشتريه ! انا هنا مثل اختك اذا شفتي شي عاجبك عند اختك تسألينها وتعطيك رايها بدون تحيز او تطير المنتج وهو مايسوى شي ، وَ بس ♥! هنا يجي دورك انتي تشوفين لو ناسبك ولا بيمشي مع بشرتك وغير هذا دوري اراء ثانيه وقارني وأبحثي ، المدونات -كلها- هي مرجع لا اكثر، تبادل خبرات وتجارب لا اكثر ، شفتي منتج عند بنت وكثيير تمدحه لاتروحين وتشترينه ع طوول ، خلي عندك رايي وتفحصي المنتج واقري عنه ، خاصه لما يكون خاص بالبشره ممكن يضرك لان مو كل البشرات تتشابه ، حتى لو نفس نوع البشره مو معناته بيناسبك انتي !