الثلاثاء، أغسطس 16، 2016

استقبال اميرتي توق وتفاصيل التجهيزات وغيرها كثييير ♥♥



السلام عليكم وَ رحمه الله وَ بركاته 
،
اشتقت لكم واشتقت لمدونتي!! بس أكيد عارفين الي ماخذني منكم كائن لطيف انضم لعائلتي اسمها "توق"
الحمدلله رزقني بأخت لديم  ، مادري من وين ابدا .. طبعا سالفه الولاده وغيره بتكون ببوست منفصل اوعدكم
عشان مايكون البوست هذا طويل وممل ومنها تتشوقون تدخلون مدونتي اكثر :p


بالبدايه بقولكم سالفه الاستقبال ..
بولادتي بديم استقبلت بالمستشفى وسويت اشياء بسيطه وكلها شغل يدي والنتيجه كانت جميله الحمدلله
هذا البوست الي ماشافه 

فحبيت اكرر التجربه واسوي استقبال لتوق بس هالمره بالبيت ، لان ولادتي عمليه واول اسبوع كنت تعبانه 
وبالاساس مالي نفس اسوي شي هههههه ، فسويت استقبال بسيط ببيتي الصغنون ، على فكره ستايلي ماحب الفخامه والكرستالات والاشياء المذهبه ، فالستايل الي اعتمدته ماشي مع صالتي .. 



الشكل من بعيد ، حاولت اخذ صور اجمل بس كنت تعبانه شوي ويادوب لحقت اصور قبل لاستقبل الناس عشان يكون كل شي مكتمل قبل التوزيع ..الفكره كلها معتمده ع البوكسات الموزعه حول الفاير بليس ، ادري بتسألون من وين ..

هو خشب صممنا له شكل ونفذناه بمنجره بس ماحبيت الفينشنق يعني الصبغه تقشرت وماحسيتها نظيفه فبرجع اصبغها من جديد ، بالنسبه للخشبه تحت التلفزيون فصلناها عند منجره ثانيه وصبغناها بالبيت ..

دقيق الملاحظه بيشوف ثيمات رمضان بالفريمات هههههه ، لاتخافون شلتها بعد التصوير ماتذكرت الا بعدين فاعذروني

حبيت اغير عن فكره الطاوله وفوقها الثيم والحمدلله طلعت النتيجه مثل مو ببالي واجمل :)





اول شي كوكيز بإسم توق باشكال متنوعه .. طلبته من Lara_coookies
الاشكال مثل الصور واجمل واسعارها حلوه ، ال٤٠ حبه كلفتني حول ال٢٤٠ بدون التوصيل
بس شوي تتاخر بالرد ووقتي كان ضيق فانصحكم نطلبون منها بدري افضل 



كنت طالبه منها تكتب الاسم بالعربي بس حطته بالانقلش وطلع حلو بكل الحالتين بس اذا بتطلبون نبههوها على هالشي
بشكل عام خدمتها جميله واسعارها حلوه والكويكز فتره صلاحيته طويله وهذا الي حابته 

،

البوكس من فلوريست @florist_sa وطلبت يحطون مثل العشب تحت الكوكيز وطلع جمميل ع الطبيعه


شوكليت لذييييذ طلبته من @45_roses
اول شي زحمتها بالوقت وكنت مستعجله وسوت لي ثيم جميل على حرف ت


الثيمات كانت متنوعه وجميله ، ومتأكده لو كان عندها وقت اطول بتسوي اشياء اجمل من كذا
طعم الشوكلا لذذذيذذذ وتاخذه من محلات معروفه حبيت هذا الشي لان كثير يسون ثيمات اشكال حلوه
وطعم مو ذاك الزود ، قولولها نبي نفس شوكلا شيوم ع ضمانتي


حطيت الشوكلا على كراسي اكريلك طالبتهم من النت ..
وصايرين كانهم بحديقه هههههههه ، عاد انا ماصمغت الشوكلا عليهم ع اساس ابي الناس ياخذونه ويخلون الكرسي
وصار اخذو كل شي ههههه .. عليهم بالعااافيه يارب بس لو مصمغته يكون ارتب 


من قرريب ..


الشي اللطيييف الي اضاف جمال للديكور بشكل عام! 
من @cuteneedle

هو تطريز يدوي بالاسماء الي تحبينها!


ومن لطفها الززايد سوت لديم بعد وحده حطيته بغرفتها بس اخلص من ديكورهم بصورها لكم ان شاءالله :))


وهذي تنفع هديه حييل اذا حابين تهدون لاحد وتحطونها ببوكس من عند فلوريست مثلا p:
وتوق تحييكم من الخلف .. هنا صورتها وعمرها ساعات ماشاءالله :))


هذي موالح اخذتها من محل بالتخصصي جنب لي شاتو 
احنا بالعاده الي يزور يجيب معاه كل كل شي فكل اعتمادي على التوزيعات ماسويت تقديمات
الا لما زاروني صديقاتي بس :) تبون الصدق راحه وخاصه النفاس تبي ترتاح وصعبه كل مايجي احد تطلب
او تسوي شي ولان احنا صار مايرضينا الا الراهي والي يملى العين فمانقدر نحط اي شي 
فشكرا لعائلتي اللطيفه انهم دلعوني ههههه .. قولولي شنو نظامكم بالنفاس من ناحيه الاستقبال ؟


هذا مو حلا ، مع ان شكله ينووووكل ! هذا صابون صناعه يدويه من بنت جمميله @farrha.store

هو صابون عضوي هي تشكله بنفسها وتضيف له معطر ويناسب اي بشره .. انا قلت لها الثيم وهي بدعت لي :))
سوت الصابون على شكل ورده ، كنت بحطه ببوكس وتحته عشب عشان يبان كانه ورد صدق بس حجمه طلع كبير على بوكساتي للاسف ،، 


مره حبيت شغلها يعطيها العافيه وفكره جديده بالتوزيعات وبحسابها اكثر 
كل ماوزع الصابون احط تحذير تراه صاابووون لحد ياكله ههههه
فكره لو بتسوون تاق وتحطونه مع الصابونه يكون اسهل لكم


عندي حب كبير للاشياء اليدويه لانها تميزك وتحسين شي خاص فيك غير منتشر!
هذي الدميه من متجر 2014fatimah@

انصحكم تشوفون صفحتها ابداع تبارك الرحمن ! لوماقالت لي انها صناعه يدويه كان ماصدقت
طلبت منها شي مخصوص لتوق وارسلت لي هالشي الجميل


ولاني احب يكون خاص لي طلبت منها تحط حرف توت وماقصرت ..
وسوت لديم بعد وحده كيوووت بصورها لكم مع تدوينه الغرفه ان شاااءالله 

احس هديه ممتازه للمواليد لان عندي تعلق باول لعبه للبيبي واحسه شي خاص ومميز
وايضا تنفع ديكورات للغرف :))



الخداديه من فلوريست بعد! بس مانسوي طلبات خاصه فقط احرف .. شرايكم لو فتحنا باب طلب الاسماء تتوقعون بيطلع شي مميز ؟


اخر شي بشاركم فيه لبس اميرتي من:
the beaufort bonnet company 
وهو موقع امريكي يسويلك مهاد على شكل فيونكه ، الخامه كاشمير قطن بس نمشت شوي لما غسلتها بالغساله
الافضل تودونها المصبغه!


بديم لبس التقديم كان مهاد بس حبيت اغير مع اختها وابد ابد ماكنت ابي شي ماركه احسه شي مستهلك وغاالي وبالاساس مايجلس ومحد يستفيد منه :\
فطلبت لها هالمهاد مع تطريز بحرفها ..


قهرني الحرف ههههه صغيررر واصلا مو واضح انه T المفترض اختار خط ثاني لان بس تطلبون تضيفون ١٥دولار زياده عشان التطريز
هذا رابط لفه توت 
https://www.thebeaufortbonnetcompany.com/collections/gifts-accessories/products/bow-swaddle-sup-reg-sup-pink-greenbrier-gingham

عندهم اشكال ثانيه لو حابين ، ومادري لو يوصلون دايركت ..
موقعهم للامانه غبي جدا جدا لما طلبت وخلصت مايعطونك تراك نمبر عشان تشوفين وين وصلت الطلبيه
ولايقولون لك متى تخلص ،، الا بعد ماترسلينهم :| المهم شحنته لبريدي الامريكي ومنه شحنته للسعوديه!
لما شفته على الواقع انصدمت شوي حسيته تافهه هههههه بس لما لفيته ع بنتي طلع جمميل
والي ماحسبت حسابه راس توق! ماكنت ادري شنو بحط لها! بس الحمدلله كنت مشتريه ربطات ورديه كيوت وطلع الشكل النهائي جمميل :) فحطو هالتفاصيل ببالكم ..


الاستقبال خليته ويك اند بس وكنت كل اسبوع اعبي ورد جديد والحمدلله ماشلت هم احد يجي فجأه ويكون الورد ذابل او ماترتب مع ان مثل ماتشوفون بالصور شووي ذابل الورد من موجه الحر المكيفات ماصارت تلحققققق !


وبس هذا كان كل شي عن استقبالي لبنوتي ان شاء الله اكون جاوبت على كل استفسارتكم ،، وبالنهايه اذا اعجبكم شي اذكرو الله :)) وبالنسبه للبوكسات لو نوفرها في فلوريست او لا؟ تواصلو مع الانستقرام ويردون عليكم ان شاء الله ..

اشوفكم ببوستات اجمل 


هناك 76 تعليقًا :

  1. أخييييييييرا ؛ اقراها ولي عودة 😍😍💜💜💜💜

    ردحذف
  2. جججممممميله الله يحفظهم لك ويجعلهم من الصالحات ومن حفظة كتابه مرره ذوووق

    ردحذف
  3. ما شاء الله شغل ذرب ومميز الله يحميهم ويرزقج برهم 💕

    ردحذف
  4. ماشاءالله كل شي جميل و مرتب ، الحمدلله على سلامتك و سلامة الحلوة 💗

    ردحذف
  5. ماشاء الله كل شي جميييييل يعطيك العافية والله يخليهم لك وتشوفينهم عرايس ياارب��❤️❤️❤️

    ردحذف
  6. ماشاء الله جدا جميل الله يحفظها لك ويقر عينك بها حبيت البساطة وعيني ارتاحت وانا اناظر الصور ❤️❤️❤️

    ردحذف
  7. ما عمري علقت لك هنا ��
    بس تستاهل هالتوتة اللذيذة هي و استقبالها الجميل ما شاء الله ��❤
    الله يجعلها قرة عين لكم هي و ديم ��

    حبببيت كللللل شي ما شاء الله راايق و جميل و غير معتاد
    و كالعادة تفكيرك نفس تفكيري و التفاصيل اللي أحبها تحبينها و تهمك نفسي ������
    ...

    و أنتظر المزيد من العالم التوتي اللذيذ ����

    Danyah yellow ��✌��

    ردحذف
  8. انييييييقه ي شيوم كعادتك " شغلك يفتح النفس ما شاء الله ولمساتك كلها تجنن .. الله يحفظلك ديوم وتوق ويخليهم لك 💕

    ردحذف
  9. بسم الله ماشاء الله ..كل شيء جميل ومتميزه دائماً ..ربي يحفظ عائلتك من كل مكروه ..💞مون

    ردحذف
  10. ياعمري كل شيء مرتب وجميل وانيق مثلك
    الله يخليها لك ويجعلها من مواليد السعادة ويرزقك برها ❤️❤️

    ردحذف
  11. ماشاءالله تبارك الله, الله يباركلك فيها وديم ويجعلهم قُرة عين لكِ ولبابتهم❤️

    ردحذف
  12. جميييلما ما شاء الله عليك .. احب تفاصيلك وبساطتك .. الله يخليهم لك يارب والحمد لله على سلامتك ♥♥

    ردحذف
  13. ماشاء الله ، ذوق ومرتب كالعاده
    الله يحفظهم و يبلغك فيهم 💜💜💜💜
    عني حبيت الأواني تبع الشاي والقهوه ماشاء الله و كنت انتظر تتكلمين عنهم 😅
    فضلاً من فين 💜🍃

    ردحذف
  14. جمممممممممممممميل جداً الله يحفظهن لك ي رب💕

    ردحذف
  15. بإستقبالك بديم اخذت افكار منك وسويتها لبنتي ��❤️رغم بنتي اصغر من ديم تو كملت سنه
    وان شاءالله بمولودي الثاني اذا ربي كتب ما راح استغني عن التدرينه هذي لي رجعه لها لانك شي مبددددع اي شي تسويه يلهمني يعجبني شي راقي مميز وغير مستهلك
    ربي يحفظلك توق وديومه وتشوفيهم عرايس اللهي

    ردحذف
  16. اول شي مبروك حبيبتي ، ربي يخليلك عائلتك الجميله ، ماشاءالله ذوق ذوق في كل شي دايما متميزه 😩🔥💕

    ردحذف
  17. اجمل انعم من كذا .. مافي 😍
    ماشاءالله ؛ الله يفرحك فيهم ؛ ويرزقك برّهم ..
    حبيت كل نتفة بالبوست ؛ ولا انا مااحب المذهب والملمع 😂🌚
    احس برجع اقرأ البوست مرة ثانية 💕
    متحمسه لبوست غرفة ديمي .. احب ذوقك بالدسكور جدًا يشبهني

    ردحذف
  18. بإستقبالك بديم اللهمتيني و اخذت افكار منك لاستقبال بنتي و بنتي اللحين عمرها سنه ، وبمولودي الثاني اذا ربي كتب لي رجع لمدونتك ههههه حقيقي مبدعه متميزه في كل شي لك لمسه خاصه فيك ، ربي يحفظلك توق وديومة وتشوفيهم عرايس يارب ❤️❤️

    ردحذف
  19. حبيت 😴ماشاءالله الله يحفظها هي واختها يارب💋يعطيك العافيه والاستقبال حلو وغير تقليدي ومستهلك 👌🏻

    ردحذف
  20. ما شاء الله تبارك الله ، كل شيء مميز ببساطته
    الله يبارك لك في بناتك ويصلحهم ويسعدهم يارب

    ردحذف
  21. ماشاءالله تبارك الله كل شي جميل وزي العسل💕الله يباركلك فيها ويخليلك هيا يارب وينبتها نباتاً حسناً..🌹💕

    ردحذف
  22. ما شاء الله تبارك الرحمن ،، ألف من ذكر الله <3

    الله يباركلك كالعادة زوق وبساطة وأناقة ما شاء الله <3

    كل شيء جميل ومرتب زي دايماً تبارك الرحمن ،،

    الله يباركلك في ديم وتوق ويعينك على تربيتهم ، ويجعلهم قرة عين لك ولأبوهم ياحي ياقيوم ،،

    لاتغيبي عن المدونة ، بتوحشينا وبنفقد مواضيعك الجميلة ،،

    نحبك <3

    * الله يديم عليكي نعمو وفضلو ويحفظكم وأسرتك الحبيبة * <3

    ردحذف
  23. ماشاء الله تبارك الله
    ربي يبارك فيهم و يخليهم لج ، الاستقبال على بساطته رائع ^ ^

    ردحذف
  24. ماشاء الله تبارك الله وجمال الصغنونين 💜
    كل شي جميل ومرتب
    حبيت المهاد مره شكله طلع حلو
    الله يخليهم لك يارب ويخليك لهم

    ردحذف
  25. جميل جدًا ماشاء الله
    الله يبارك لك و يرزقك صلاح بناتك ��
    كنت انتظر التفاصيل و سعيدة جدًا لأَنِّي لحقت عليهم قبل أولد �� شكرًا على المعلومات الجميلة ��

    ردحذف
  26. ياربيه على البساطه الانيقه والذووق
    الله يجعلها من الصالحين السعداء

    ردحذف
  27. Elegant..دايماً مميزة اعجبتني فكرةتقديم المهاد حبيتها تفتح النفس ..الله يخليها لك هي وديم ويقر عيونكم بصلاحهم💓💓

    ردحذف
  28. ما شاء الله شيوم يعجبني شغلج وافكارج💕
    كل شي مرتب ومنظم وانيق ما شاء الله❤

    الله يحفظ البنوتات ويجعلهن من الذرية الصالحه ان شاء الله🌷 ، الله يحفظكم ويسعدكم يا رب💜💜

    ردحذف
  29. رااااقيه راااقيه بكل شي ب كلامك ب اختياراتك و بتفاصيلك 💗💗💗💗💗💗 تبارك الله و يارب يخليلك جميلاتك 👭

    ردحذف
  30. جميييل الله يحفظها لك

    ردحذف
  31. ماشاء الله شغل مرتب ومميز
    الله يحفظ لك التوت واختها وتشوفينهم عرايس ي رب 😍❤️

    ردحذف
  32. ماشاء الله شغل جميل ومميز
    الله يحفظ لك التوت واختها وتشوفينهم عرايس ي رب 💕

    ردحذف
  33. ماشاءالله تبارك الله كمية بساطه وذوق .
    الله يحميهم ويحفظلك ديم وتوق وتفرحي فيهم يارب ♥♥

    ردحذف
  34. اول شي الف مبروووك ماجاك والله يصلحها لك
    ويخليها لك خي وديوم❤️
    ماشاء الله شغلك يجنن وكيوووت😍
    تصدقين اكثر شي شلت همه يوم تهكر حسابك كيف بشوف الاستقبال وهالجمال😂😂😂
    مبدعه وملهمه ماشاء الله موفقه يارب

    ردحذف
  35. ماشاء الله كل شئ مرتب يجنن والحمدلله ع سلامتك ومبرووك البنوته

    ردحذف
  36. شيووووم اول شيء حمدلله على سلامتك يارب و مبروك البنوته الجديدة
    ماشاء الله تبارك الله تجنن و اللي صدق مميز الفيونكة حبيتها من اول ما شفتها بالسناب اعجبتني مره ماشاء الله
    الاستقبال يجنن ومرتب مره على انو بسيط بس متعوب عليه بالتنسيق وباين الذوق فيه

    روعه التدوينة ولا تحريمنا من جديدك

    ردحذف
  37. شيوم الله يخليهم لك ويرزقك برهم وتشوفين فيهم اللي تتمنيه يارب ويجعلك اسعد امراه يارب
    انا من متابعينك من زمان واحبك كثير والله يحبك وملائكته يارب تستاهلين كل خير يختي 💕💕💕💕💕💕💕💕Mashael.💌

    ردحذف
  38. ابداااااع ماشاءالله شيوووم ربي يحفظهم لك يارب ويخليهم لكي حبيت انك ابتكرتي اشياء مو تقليديه وابدعتي 💕💕

    ردحذف
  39. الله على الجمال والبساطة ...صراحة عجبني كل شي لأنه يوافق نظريتي انه راحة الأم والبيبي أهم شي ...وما شاء الله كل شي طلع مرتب ولطيف وغير مكلف ومرهق ....

    ردحذف
  40. نسسسيت شي 😳💗💖 ، خدادية توق و فكرة فتح الطلبات الخاصه ، مؤيده و بقوه 😴💗💗💗

    ردحذف
  41. الحمدلله ع سلامتك حبيبة قلبي وسلامة البنوته الكتكوته ����استقبالك جدا مميز بالنسبه لي لاني اعشق البساطه ومتأكده انو بالواقع اجمل وااجمل ��فكرة البوكسات بدال الطاوله عبقريه وخارجه عن المألوف والشكل ككل حبيت حبيت ����������شكرا على هذي التدوينه لاني طلبتها منك بسناب ����������

    ردحذف
  42. دايم اقول انك انسانه انيقه جدا حتى فالتفاصيل الصغيره.. حبيت انك خرجتي عن المآلوف بشي حلووو ومو تقليدي ،،كيااااااااته من الاخر .. الله يحفظ لك اميراتك ي رب ويحفظك لهم💕🌸

    ردحذف
  43. ماشاءالله تبارك الرحمن
    ربي يحفظكم من كل مكروه يارب
    احب شغل الوحده بنفسها واحسن من انو تتعامل مع منسقه
    لانه بتحبينه اكثر واحنا كمان بنحبه
    جد جد ابدعتي بسم الله عليك
    دمتي بخير وجميله
    نحبك حيل شيوم ❤️

    ردحذف
  44. ماشاء الله تبارك الله حبيت كل شي ..طريقتكم بالاستقبال ان كل وحدة تجيب معاها شي ممتازة لان جد مثل ماذكرتي النفاس ماتلحق ..وبالنسبة لمهاد توق في وحدة تسوي نفس الفكرة بالاستقرام @lamoooriy

    والله يحفظلك ديوم وتوق ويرزقك برهم��

    ردحذف
  45. م شاء الله 💖, موغريبه عليك هاللطافه والاناقه 💖.
    دايم اذا قريت تدويناتك احسها كنز لازم احتفظ فيه حتى وان م كان مفيد لي حاليا مثل هالتدوينه , لسى مو متزوجه اصلا وحأحتفظ فيها 💖.
    الله يخليلك ديوم وتوت 💖.

    ردحذف
  46. حمد لله على سلامتك والف مبروك البنوتة ربي يحفظهم لك يارب ماشاء الله ترتيب وذوق وابداع اللهم بارك يارب .

    ردحذف
  47. أحب إهتمامش بالتفاصيل و أحب ستايلش البسيط.. أنيقة شمياء
    الله يحفظ البنات و يحرسهم من العين

    ردحذف
  48. الجمال بالبساطه 💛💛💛

    ردحذف
  49. مبدعة شيوم دائمـاً وأبداً .. كان ودي نفاسي يكون بعدك :/ يلا نستفيد منك بالنفاسات الجايه ان شاء الله ههه .. كل شيء ينطق جمال الله يحفظ لك عائلتك الصغيـرة ❤️❤️❤️❤️

    ردحذف
  50. فنانه ماشاء الله

    ردحذف
  51. ليت الناس كلها مثلك باستقبالك الجميل اللطيف ما شاء الله
    حاجات بسيطة بس جميلة جداً جداً
    يسلم لنا هالذوق يارب ، أنيقة وربي ~
    ربي يخلي لك توت وديم و يرزقك برهم يارب

    ردحذف
  52. ماشاءالله كل شيء جميل و مرتب 💖💖 و الله يحفظهم لج يارب و يفرج فيهم

    ردحذف
  53. ماشاءالله تبارك الرحمن كل شي جميل وانيق ومرتب اهنيك على ذوقك الجميل والله يرزقكم بر بنياتك يارب

    ردحذف
  54. عجبنننني ماشاءالله فعلا استقبال بيبي مو زي اللي منتشر كنه استقبال عروس ��
    يخليهم لك ❤️����

    ردحذف
  55. تفاصيلك الأنيقة تُشبه جمالكِ ياصديقتي
    دمتِ بسعادة
    ودامت رعايةُ الله تحفظك وأميراتكِ
    ورزقك برّهن وصلاحهن

    ردحذف
  56. يخلي لك اميراتك ويبارك لك فيهم ويحفظهم ي رب ، حبيت استقبالك وترتيبك عفويه ع اشياء بسيطه وطالعه فخمه 😴💜

    ردحذف
  57. ماشاء الله تبارك الله ،،
    كل شي بسيط وجميل وهذا الي احبه فيك تركزي ع الشي البسيط وتخلقين منه روح فخمة

    الله يبارك لك بذريتك وحفظهم لك ويرزقكم السعادة

    ردحذف
  58. كل شي جميل ومميز يعطيك العافيه ويخليلك بناتك ي رب 💜💜

    ردحذف
  59. ماشاء الله تبارك الله
    استقبال ينقط ذوق و اناقة وترتيب ��������

    ردحذف
  60. ماشاء الله كل شي جميل ومرتب ✨�� الحمد لله على سلامتك و سلامة الحلوة ��

    ردحذف
  61. ماشاءالله تبارك الله ❤️❤️ من أول عجبني قبل لا تقولين التفاصيل.. بس الصناديق ماتضيق عليك بعدين؟ طبعي ما احب أشتري شي ماله محل عندي او يمكن ما احتاجة بعدين😂
    وبالنسبة لطريقة نفسنا مابعد جربنا 😂 حاطة قوانين وانظمه براسي بس احمل ان شاءالله اعلقها لامي

    ردحذف
  62. رائع ماشاء الله

    ردحذف
  63. حمدلله على سلامتك وألف مبرووك البنوته عندي سوأل الموقع كم أخذ على ماوصلولك المهاد كم يوم وهل التطريز يكتبون اسم عربي كامل وعلى كم اخذتيه سعره مشكوره مقدماً

    ردحذف
  64. الحمدلله على سلامتك وألف مبرووك البنوته بسالك الموقع كم أخذ يوم علشان يأصلك المهاد وهل يطرزون اسم عربي كامل وكم سعره

    ردحذف
  65. الف مبروك البنوته بكم اخذتيه وكم يوم التوصيل

    ردحذف
  66. ما شاء الله تبارك الرحمن شي متعوب عليه و ربي ييخليهن لك يا مبدعه

    ردحذف
  67. ما شاء الله تبارك الرحمن شي متعوب عليه و ربي ييخليهن لك يا مبدعه

    ردحذف
  68. ماشاء الله شغل متعوب عليه يعطيك العافيه و يخليهن لك

    ردحذف
  69. الحمدلله على سلامتك ،،
    وتتربى في عز اهلها يارب ^^

    ردحذف
  70. ما شاء الله تبارك الرحمن شغل نظيف ومرتب الله يحفظلك بناتك ويخليك لهم .

    ردحذف
  71. ماشاء الله كل شي جميل ومرتب وذوق مثلك شيوم
    الاشياء والتقديمات كيوت 😍
    مره حمستيني اسوي مثلها لما يصير عندي بنوته ان شاء الله 😁 (اتزوج اول😂)
    لمساتك في الاستقبال جميله وتفتح النفس مبدعه مشاء الله عليك ولايقه مع ديكور بيتك اللطيف 💕
    ربي يحفظلك الاميرات الصغيرات ديوم وتوق ويسعدك ربي ويوفقك وان شاء الله تفرحين فيهم ❤️💕 احب يومياتك بسناب كلها ايجابية ولما تصوري ديوم الحلوه تزنن 😍

    ردحذف
  72. ما شاء الله تبارك الله , ذوقك يعجبني"مميز" والاستقبال جمييل وبنفس الوقت بسيط ومو كل شيء حايس ببعض .

    الله يخلي لك بناتك ويفرحك فيهم :)

    ردحذف
  73. ماشاء الله تبارك الله .. فن وذوق

    ردحذف
  74. ماشاء الله تبارك الله استقبالك حلو ان شاء الله اسود توزيعات بسيطة مثلك

    ردحذف

التعليقات الجميله ♥♥

Blogging tips