تنسيقي انا وديم ابيض x ابيض | Like a mother Like a daughter ♥

السلام عليكم وَ رحمه الله وَ بركاته ♥♥

،

من الصور الي كانت تتبادر بذهني وانا صغيرونه ، اني اطقم مع بنتي والبسها مثل العروسه الصغيرونه

مادري وين الشي الممتع الي نشوفه لما نشوف ماما وبنتها لابسين طقم وننهار عليهم هههههه

بس لما ربي رزقني بديم ماطقمت معاها ولا مره اللهم برمضان واحد ، مادري وين راحت مخططاتي واحلامي

لكن بالمقابل ممكن نلبس انا وياها اشياء متشابهه او ثيم الوان متشابه ، مثل مره لبست انا وياها قميص جينز مع بنطلون لونه اورنج كان كيوت الشكل ومو طقم بنفس الوقت ومره لبست تنوره وبلوزه دانتيل ولبستها فستان دانتيل مشابهه كان حيل حلو♥♥ ، انا احب كذا بالنسبه لي اجمل من الاستنساخ ♥♥

المهم بوست اليوم عن لبسي انا وديم بيوم من الايام ، الستايل مختلفين عن بعض لكن الالوان متشابهه والشوزات بعد :)

نبدأ بلبسي ، انا من محبين الابيض ويجذبني كثيييييييررررر ، دايم اقول ماعندي ستايل معين باللبس عادي البس اي ستايل اهم شي مايكون الوان وطبعات كثيره ماتحمل الزحمه

لبسي عباره عن فيست او جاكيت طويل ابيض تحته تيشيرت قطن مع جينز فاتح ، لبس بسيط ويناسب الكثير ، والفيست للحين اشوفه دارج ومن الموضات الي حبيتها كثييييرررر ، ابيض مع ابيض ماشين كثير مع بعض اذا القصه كانت مناسبتك ♥

التي شيرت من قريب ، عذرا مو مكوي عدل تو انتبه بالصور :|

الجينز سكيني ضيق بس الحلو فيه ديزاينه من تحت مشرشر مع لون ابيض حبيته ع اللبس ولو اني تمنيت انه اقصر شوي

لان انا مو طويله ومافي مجال اقصره للاسف

الشوز هو نجم اللبس اقدر اقول ♥♥♥، اللون الاحمر اعطى شوي حياه للالوان والرمادي الفاتح ماشي مع تناسق الالوان وجدا مريح ع فكره اخذته من الكويت مادري لو هنا موجود ♥

الشوكر او المزنط نسميه هههه ، يالله ذكرني بايااااام ، مع اني ابدا ماشتري الي دارج كثير بس مادري ليه جذبني

حبيته ذكرني بطفولتي :)

وباقي الاكسسوارات كلها سيلفر حبيته مع اللبس اكثر من الذهبي

الساعه والاسوراه نفس الشي سيلفر ،، مادري ليش صايره مغرمه باللون هذا ♥♥♥ ..

بالنسبه للميك اب رموش طبعا وروج بني بما اني لابسه شوكر قلت نرجع للتسعينات مع الروج

مره حلو من كولور بوب بس عيبه يختفي من النص بعد فتره من الاكل والشرب بس اقدر اقول ثباته حلو

اخذته من متجر امور الحب glamour_di_shop

لونه بني وفي تون بنفسجي ♥ 

،

تفاصيل اللبس:

الفيست من زارا

التي شيرت من موسكينو

البنطلون ستراديفورس

الشوز فيفان ويستوود - ميليسا

الشوكر من ستراديفورس

النيكلس والاسواره من تيفاني

الساعه مارك جيكوب

لبس ديومتي عباره عن فستان ابيض كيووت باللبس لانها بنيتها صغيره فاللبس هذا معطيها حجم

الاكتاف مبينه لو سمحتو ههههههه ، جدها لما شافها قال عدلو لبس بنتكم ملبسينها غلط يايدينها طالعه ههههه! ♥♥

الشوز النقطه! شفته صدفه بمحل شوزات رياضيه بالرياض قاليري مايحضرني اسمه للاسف بس بجانب ماماز اند باباز

وحصلت نفس لون شوزي بالضبط بس للاسف كان مافي مقاسات

والطوق كحلي بأبيض كان عندها توربان بس ضيعته الجميله!

صرت استخسر اشتري اكسسوار غالي لان مستحيل نطلع ونرجع البيت واغراضها كامله :(

،

تفاصيل اللبس:

الشوز ماركه mel اتوقع ميليسا للاطفال

الطوق من جاكايدي

الفستان من تاجره بالكويت هديه من امي الله يخليها لنا♥♥

شرايكم بالتطقيم للام وبنتها او الاطفال بشكل عام ؟؟ ، انا احبها واحس كيوت بس ماحب يكون بشكل مستمر

البعض يقول اريح نفسي من التفكير ، احس بالطريقه هذي تقللين من شخصيه الطفل ومايكون له استقلاليه

خاصه لو توآم!

وبس هذي تدوينه اليوم خفيفه وتغيير احب تكون مدونتي متنوعه وتستمتعون فيها مثل ماستمتع وانا اسولف لكم 

اشوفكم بتدوينه ثانيه ان شاء الله ♥♥