الثلاثاء، أبريل 05، 2016

روتيني الصباحي ، كيف آبدأ يوم منجز؟ ♥




السلام عليكم وَ رحمه الله وَ بركاته 
كثير تمر علينا ايام خمول أو كسل أو مزاج سيئ ، في هذي وحده من الطرق الي أتبعها
حتى اتنشط وماأخلي الكسل يستحوذ على يومي وأفتح نفسي لإنجاز المهمات

الحمدلله بعد سنين من المعاناه لتعديل النوم قدرت أضبط نومي واستمتع بالصباح لأن مهما كان
أفضل وقت للإنجاز الصبح وتحسين يومك كل بركه :)

أول خطوه: إصحي بدري
أول شي أسويه بس أصحى بدري أشرب كاس مويه ♥ مو طبيعي كيف يعطيك نشاط خاصه لو معاه قطع ليمون أو نعناع
لاتستهينون بقدره الماي وخاصه على الريق وينظف الجسم ويخليك مستعده للخطوه الي بعدها!


ثاني خطوه : فطور صحي
للي يتابعوني سناب يعرفون اهميه الفطور بالنسبه لي  ، مستحيل أبدأ يومي بدون وجبه فطور ،  كل ماكان الفطور صحي وبعيد عن الدهون يكون أفضل وأخف ويعطيك طاقه بدون خمول ، حاولو تبتعدون عن الأكل الثقيل الصباح واكتفو بشي خفيف ولكن وجبه متكامله بنفس الوقت


ثالث خطوه : شور سريع

الشور يصحصح الناس بس أنا يخليني انام اكثر ههههه ، عشان كذا الشور عندي مايتعدا ال١٠ دقايق
عشان كذا اخترت منتجات بسيطه بس نتايجها كويسه جدا ، فأبدأ بغسول الوجه الكريمي من فرانك بودي 
رابطه من موقعهم (هنا)
صارلي فتره استخدمه ومرتاحه عليه وان شاء الله بس اخلص منه اعطيكم الريفيو كامل
هو غسول كريمي واهم مكوناته القهوه الي تساعد على تدفق الدم بالبشره ، ريحته حلوه بسبب مكوناته مثل جذور المارشميلو الي ينبت في الوطن العربي ، الغسول ممتاز للبشرات الحساسه عشان كذا مرتاحه عليه وايضا يساعد على شفاء حب الشباب بشكل اسرع وتهدئه حروق البشره

ثاني شي فيه الفحم المعروف انه مضاد للاكسده ويرطب البشره الجافه ، استخدمه بحركه دائريه على البشره لمده دقيقه تقريبا


ثاني خطوه بالشور البطل هذا الي صاير من مفضلاتي! سكرب البشره الكريمي من فرانك بودي بعد (رابطه هنا)
هو غير عن باقي المقشرات الي جربتها لان حبيباته ناعمه على البشره ومايخدشها

من استخدامي البسيط له يعطي ليونه للبشره والقهوه عنصر اساسي فيه مثل باقي منتجات فرانك الي لها نفس مستوى الph للبشره عشان كذا مايجففها مثل باقي المنتجات وايضا الطين من مكوناته الي معروف عنه يطرد السموم من البشره ويهدئها والطين فيه ماده السيليكا الي تزيل الجلد الميت

طريقه استخدامه سهله بعد الغسول احطه على بشرتي وافركها بشكل بسيط لمده دقيقه واخليه لمده ٣ دقايق بدون غسل 



بالوقت هذا سكرب الجسم بالنعناع اللذيذ (هنا الرابط)
اقدر اقول انه بطل البوست ليش؟ لان النعناع ريحته بس تعطيك انتعاش ونشااااط
وحده من متابعاتي نصحتني استخدمه الصباح وفعلا ماقدر استخدمه الا بالوقت هذا :)
من مكوناته :
القهوه - النعناع - زيت الزيتون - الصبار

يساعد على تنظيف الاوساخ والقشور عشان كذا ينصحون فيه للناس الرياضيه بعد و يهدئ العضلا والتعب وعلامات الاكزيما والصدفيه  ♥



يحتوي بعد على زيت الزيتون الي غني بالمعادن والفيتامينات ويساعد على تطريه الجلد 


الي شفته بعد استخدام السكرب ، هو نعومه الجلد والنشاط ويعطي توريد خفيف للبشره ، للان ماقدر احكم عليه تمام الا بعد ماخلصه بس حابته جدا ، ريحته يمكن ماتعجب الكل بس عجبتني ، الجفاف ببعض المناطق الي ببشرتي شبه اختفى ترطيبه مو كبير فماحتاج احط شورجل بعده مثل ماكنت اسوي بسكرب جوز الهند لان بشرتي دهنيه ، الي بشرته جافه يحتاج ترطيب بعد الشور اكثر 


طريقه الاستخدام سهله جدا ومثل باقي المنتجات:
تاخذين كميه مثل الي بالصوره وتطبطبين بشكل خفيف على البشره عشان مايطيح المنتج بالشور وتستفيدين منه
بعدها ابدي استخدمي يدك بدون الحاجه لليفه او شي ثاني ، بحركات دائريه من تحت لفوق وركزي على المناطق الي تحسين فيها مشاكل لاتتحمسين بالتفريك عشان ماتجرحين جلدك ، اتركيه دقايق على البشره لحد ماينشف وبالوقت هذا اغسل بشرتي وافرش اسناني ♥

وبكذا خلصنا الشور ب١٠ دقايق بس او ممكن اقل ، بعدها تقدرين ترطبين بشرتك وتتجهزين لباقي يومك لو عندك دوام او مشوار مهم ، بس بما ان شغلي كله بالبيت انتقل للخطوه الثانيه :)


رابع شي : اشربي مشروبك المفضل
مثل مادلعنا بشرتنا وخليناها تصحصح الحين وقت نصحصح المخ ، اشربي مشروبك المفضل مهما كان عن نفسي القهوه مايروقني غيرها ويسوي مساج للمخ!
اجلسي بمكان تهويته ممتازه وفيه اضاءه وابتعدو عن الظلام بيجيب لكم النوم غصب عنكم


اخر خطوه : خططي!

اكثر شي يخليني انجز التخطيط واتوقع شبعتو من الجمله هذي من كثر ماكررها ، بدون تخطيط يومكم بيروح على الفاضي
اغلب المعلومات تركز اذا حطيتيها بورقه قدامك يخليك تترتبين وتعرفين اولوياتك بدون لخبطه او تحصلين نفسك يومك انتهى وانتي للحين بمهمه وحده ، التخطيط اقدر الخصه بخطوات بسيطه ، اكتبي مهام اليوم بورقه وابدي باهم شي ثم الاهم ثم الاقل اهميه لان اذا خلص يومك بدون ماتنجزين الاقل اهميه ماراح تزعلين مثل مايخلص يومك وانتي مانجزتي الاهم :)

الاهم من هذا كله ، ابدي يومك بحب وايجابيه خلي نفسيتك متقبله لكل شي ، مرات مايكون يومك مثل ماتبين بس حطي ببالك بكره بيكون افضل ويكفيك شرف المحاوله ، خلي يومك ممتع ومنجز والاهم عيشيه بحُب

ملاحظات:
منتجات فرانك بودي المذكوره كلها تحصلونها بموقعهم هنا :
اسعارهم ارخص من التاجرات ع فكره
ويوصلون دايركت للدول العربيه بس عن نفسي جربت اشحن لبريدي الامريكي ، الطلب سهل بس تحتاجين فيزا وعنوان ، وكثير مواضيع شرحت طرق الطلب مع التعود بتدمنون الاون لاين شوبينق :)

اذا حبيتم معلومات اكثر عن السكرب كتبت عنه بوست قديم هنا:

اتمنى يكون هالتدوينه افادتكم واشوفكم بتدوينات افضل باذن الله :)

هناك 32 تعليقًا :

  1. ماشاء الله حسيت بانتعاااااش بهالبوست..
    الله يعطيك العافيه والله تحمسين الواحد يغير من روتين حياته اللي كله سهر ونوم واكل.. دعواتك ياشيوم ان ربي يحقق شي ابغاه وعليه راح تتغير اموور كثيييره وهو اني ننقل لشقه جديده ������

    ردحذف
  2. مثل روتيني الصباحي بيوم الأوف الجامعي وايام الاجازات :)
    اصحى انفض الفراش وارتب السرير واعطره
    افتح الشبابيك تتهوى الغرفه وتتشمس
    اجهز اغراض الشاور واخذ شاور سريع وبعده كريم ترطيب و سبري جسم + مسك
    اجهز لي فطور سريع بكل حُب .
    اتابع برنامج صباحي لمده ساعه مع الفطور : صباح العربيه ولو صحيت متاخر صباح الخير ياعرب :)
    اكتب لستة مهام اليوم الأهم فالأهم وابدأ في انجازها .

    By : A s m a A

    ردحذف
  3. I love your optimistic in life��

    ردحذف
  4. كمية روح بهذا البوست ما شاء الله ، بالفعل كل الأشياء اللي ذكرتيها ممتازه و أصلا أحس بالنشاط من قرأت البوست ، يعطيك العافيه شيوم و نهارك سعيد

    ردحذف
  5. البوست جميييل كعادته 💞
    انا احاول اضبط روتيني الصباحي بس مشكلتي وقت النوم المتاخر كثييير تغير في مودي بالصبح اتروش الصبح اخاف انام 😶 روتينك جمييل انشالله بحاول اقتبس منه
    ويسعدلي صباحك دائما وابدااا 💐

    ردحذف
  6. يعطيكِ العافية شيومة القلب 💜💜✨

    ردحذف
  7. والله محتاجين مثل هالبوست دائمآ ، يعطيك العافيه شيوم ، دايمآ تمدينا ب الانجاز 💜💜💜.

    ردحذف
  8. الللاااي .. حبييت الروتين الصباحي 😍.. فعلاً الواحد يتنشط ويكمل كلللل المهام اللي حاطها لنفسه .. روتيني تقريباً مشابه باستثناء الشور لانه يرخي جسمي 😁.. أحب الايام اللي التزم وأصحى فيها قبل بنتي أحس ان في وقت استرخي واعيش لحظات خاصة مع نفسي 👸🏻☕️🍃.. // حصلت الهام وتحفيز من البوست 🌟لوڤ يوو💛💗💙

    ردحذف
  9. الموضوع يفتح النفس😻 يعطيج العافية🌼💛💛💛

    ردحذف
  10. ماشالله حبيت روتينك الصباحي بسيط وهادي ورايق ، طبعا هذا ماينفع للانسانه الموظفه الا في وقت العطل 💜 يعطيك العافيه شيوم كالعاده مُتألقه

    ردحذف
  11. أشتقت لك ولبوستاتك القورجسيه مثلك ،❤️❤️.
    أقراء البوست وفيني كميه نعس وخمول ����،حبيت روتينيك ، يفتح النفس وينشط ، واهم شي الواحد يكون ماخذ كفايته من النوم ، انا كنت ملتزمة بوقت نومي والحين خربته وصار يوم اغلبه نوم وبالتالي يقل الانجاز عندي فهذي نقطة مهمة ، ولما ذكرتي الأضاءه جا ببالي اني عايشه في النهار ع ضوء الشمس ،فقررت اني اشغل الأضاءه حتى بالنهار كان يخف الخمل الي جايني هالفتره ❤️❤️❤️.
    وبس الله يعطيك العافيه شيماء

    ردحذف
  12. ممرا اعجبني روتينك لانو من جد مرا اعاني من الكسل ، واحياناً نفسي اقوم انجز في يومي بس اكسل كثير 😂💔 وتتراكم المسوؤليات وانضغط

    ردحذف
  13. على اني موظفة الا اني اصحى بدري عشان اسوي روتين يصحصحني ولا اروح فيني خمول أو ما روقت
    وأهم شي عندي شاور سريع فطور وشاهي وميك اب

    ردحذف
  14. ماجربت ادخل الشور بروتيني .. والاضاءة لها فعلا دور واحرص اني اول مااصحى افتح شبابيك غرفتي لومافيه غبار طبعا احس بانتعااش وروقاان ..يعطيك العافيه

    ردحذف
  15. الله الله 😍 حبيت مثل روتيني مع اختلاف بسيط انا اصحئ اتروش اتمرن وبعذها افطر واخلص كل شغل البيت وبعدها راحة لنفسي واسوي الاشياء الا احبها 💗💗💗

    ردحذف
  16. ماشاءالله عليك قاعده اذاكر كيمياء و جاني خمول منه بس قريت البوست حسيت بكمية طاقة وانتعاش الله يسعدك ويوفقك ...... يعطيك العافيه 💙💙

    ردحذف
  17. حبيت البوست بس توقعت اقرا شي ثاني من اسم العنوان . احس اختيارك لاسم التدوينة غير مناسب صراحه الموضوع كلو عن مقشرات فرانك .. عارفه ما حتعرضي كلامي بس قلت ما ح تقريه فالانستقرام يمكن .. ودي واحترامي لك

    ردحذف
  18. روتين حلو احب لما اصحى بدري احس اليوم طويل واخلص شغلي بسرعه .. روتيني اصحى ع طول اخذ لي كوب او كوبين مويه واسوي لي ذاك الفطور احب ابدع في وجبة الفطور وهي بالنسبه لي اهم وجبه حتى لو صحيت الظهر وقت الغداء افطر بعدين اسوي الغداء والشور بدخله بروتيني اجرب مع انه يجيني نوم ��

    ردحذف
  19. البوست فيه كميه نشاط وهدوء في نفس الوقت يعطيكي العافيه شيوم وشكرا على مشاركتك لنا روتينك الصباحي

    ردحذف
  20. كمية انتعاش بالتدوينة، فعلًا الفطوووور أهم شيء تبدين فيه يومك، وهو يحدد لك مزاجك باقي اليوم، غير كذا مهم تكونين ماخذه كفايتك قبلها من النوم. جمييلة تدويناتك وتعطي إلهام للواحد إنه ينجز.

    ردحذف
  21. حبيت روتينك 😍❤️ ودي يكون عندي روتين بس مع دوام الجامعه والبيت والشغل 🙃 مااحصل وقت فراغ

    ردحذف
  22. حبيييت روتينك
    أنا أعشق الصباح بس مع الدوام أصحى مستعجلة و اسوي كل شي بسرعه عشان ما أتأخر :(

    ردحذف
  23. ما شاء الله�� حبيييت البوست..الله يعطيك العافية نستفيد من تدويناتك جدا❤❤

    ردحذف
  24. شكرا على الأفكار الجميله ياجميله��

    ردحذف
  25. حسيت ب نشاط 💕💕
    حيل احب جوج ونصايحج 💗
    يعطيج العافيه 🙈💕
    Ndo.

    ردحذف
  26. سعادهَ أنتي 💕☕️

    ردحذف
  27. تدوينة جميلة و ملهمة ما شاء الله ربي يوفقك و ييسر لك امورك

    ردحذف
  28. قلبي شيومه شكراً على كمية الطاقة اللي تعطينا

    ردحذف
  29. ماشاءالله نفس الروتين اللي ببالي ومخططه عليه اذا عطلت بس للان التنفيذ متوقف بسبب اني ما قدرت اعدل نومي ومستمره ع السهر وانام الفجر واصحى الليل كله ومنزعجه مره ع عدم الإنجاز وضياع الوقت :( ياليت تنزلين لنا موضوع كيف قدرتي تعدلين النوم ومشكورة كثير 💕

    ردحذف
  30. أنتِ فعلاً مُلهمه ..
    تمر علي أيام خمول مجرد افتح المدونه احس
    النشاط يتجدد فيني وبنفس الوقت اطبق و أتحمس
    ذكرتي معلومه جديده علي وتهمني :
    السكراب كثير يقولون لازم بعده ترطيب وانا الترطيب
    يطلع حبوب دهنيه فجسمي فتركت السكراب لكن بعد كلامك
    تحمست اني ارجع اسويه من دون ترطيب .. الله يسعدك

    ردحذف
  31. التدوينة جميله
    لكن أنا محطمة لأن حياتي فارغة
    أنا ربة منزل يعني لو باكتب مهام وش بكتب؟
    هو روتين يومي نفسه مايتغير ولا فيه انجازات تذكر إلا إذا الله قدرني وأحسنت بتربية عيالي

    ردحذف
  32. بس وانا اقرا حسيت بالنشاط��������

    ردحذف

التعليقات الجميله ♥♥

Blogging tips