الأحد، مايو 03، 2015

هل هالزيت ممكن يكون الزيت المعجزه ؟ Extraordinary Facial Oil review



السلام عليكم وَ رحمه الله وَ بركاته ..
كثير توصلني استفسارات عن كريمات او تقنيه تعطي نظاره للبشره ، ماجربت شي ابهرني لحد مارسلت لي شركه لوريال هالزيت!

الزيت هذا اقدر اسميه الزيت المعجزه ، يمكن البعض يدري اني جربت منتج زمان وجاب لي رده فعل سيئه وطلع لي حبوب
الحمدالله عالجت بشرتي بس صايره بعض المناطق جافه بمثل الخد و الانف صاير جاف مع اني اهتم بالترطيب بس ماكنت اشوف شي فعال مره ..




 استخدمت هالزيت اسبوعين متواصلين عشان اكون فكره عنه ، خفت بالبدايه انه يطلع لي حبوب وانا ماصدقت افتك منها! بس توكلت ع الله بعد ماقريت عنه كثير ريفيوز ايجابيه ، للامانه جربت منتجات كثيره قبل هالزيت وجربت زيوت طبيعيه وكذا شي بس ماكنت اشوف الا نتيجه لحظيه وتنتهي.


اول شي الزيت اسمه Extraordinary Facial Oil ماركه لوريال باريس ، يحتوي على ٨ زيوت طبيعيه :

زيت لافندر وزيت الافندن

يعمل على تحفيز خلايا الكولاجين بالبشره

زيت الورد


مقاومه الشيخوخه وتوحيد لون البشره

زيت الروزماري وزيت المرقدوش
مقاومه البكتيريا

زيت قشر البرتقال
يحافظ على الكولاجين بالبشره


زيت الجيرانيوم

زيت ملطف للبشره ومناسب للبشره الدهنيه

زيت البابونج الروماني
زيت ملطف للبشره


الزيت يوعدك بتغذيه فوريه للبشره ونظاره ونعومه ، الي لاحظته بالزيت ان البشره تمتصه بسرعه ومايدبق على البشره وخفيف جدا!

طريقه الاستعمال :
له عده طرق للاستعمال اما :
- صباحا بعد الغسول تحطين ٣ نقط بس وتطبطبينه على بشرتك 
- مساءا تحطينه يابروحه او تحطينه وبعد كريم المساء.
- تحطينه ع المناطق الجافه بس ببشرتك 

عن نفسي كنت اخذ ٣ نقط واحطها بعد الغسول مباشره ، ولان بالغالب ماطلع الصباح ماتعرض للشمس والمساء احط ٥ نقط قبل مانام ..


الزيت فعلا خفيف وتمتصه البشره تماما بس لاتكثرون منه كميه بسيطه جدا كافيه ، ويحته جدا حلوه مو مزعجه بس ممكن البعض يتحسس من الروائح ، ريحته عشبيه وخاصه ماي الورد والروزماري ..


شكل العلبه الخارجيه مرتب واحلى شي الاداه الي تستخدم تطلعلك كميه كافيه ، مع اني استخدمته كثير بس الكميه للان كبيره

تجربتي :
للامانه بشرتي صارت مترطبه ونااااعممه! الي يستخدم كريمات تقشير بيعرف معاناتي مع الجفاف ، الميك اب صار اجمل وبشرتي فيها لمعه صحيه مو دهنيه لا ابدا! استخدمه قبل الميك اب مرات ويطلع الفاونديشن ديوي فيه لمعه ويندمج بشكل احلى ، سعره حلو تقريبا ٩٠ ريال لكميه بتبقى معك مطولا.

ملاحظاتي :
بما انه زيت ممكن مايناسب البشره الدهنيه مع اني ماعانيت من اي مشكله بس الافضل تستشيرون دكتور خاصه لو بشرتك معرضه للحبوب لان الي يناسبني ممكن مايناسب غيري ، الزيت انصح فيه للي يبون نعومه للبشره ونظاره وخاصه البشرات الجافه ، العلبه مو مكتوب عليها معلومات عن المنتج وانا من النوع الي احب اقرا المعلومات والمكونات ، حتى بموقهم مو مكتوب ..

اماكن التوفر :
صيدليه بوتس ، بعض السوبرماركت الكبيره مثل كارفور ، اغلب الاماكن الي توفر منتجات لوريال ان شاء الله تحصلونها عندهم.

هناك 21 تعليقًا :

  1. شكلي بنطّ اشتريه ، مدري فجأة بشرتي قلبت صارت جافة بالذات فوق الشفّة ولا شي يفيد غير الفازلين ..
    مرررة جايني اكتئاب بسبب هالشي 😭😭
    شكرًا قورجس ماننحرمش منك يختي ❤❤❤

    ردحذف
  2. قورجس انا علقت لك بالانستغرام لكن حبيت اعلق هنا علشان الناس يحذروا..
    هذا الزيت يحتوي على زيوت عطرية زي الروز ماري و غيرها تضر بالبشرة نعم انها طبيعية لكنها ضارة و ممكن تسبب لك شيخوخة مبكرة للبشرة خاصة اذل كان الاستعمال يومي..
    الريفيو من موقع باولاز جويس الصيدلانية المشهورة في الغرب اكتبو في قوقى paulas choice و اقروا عنها و هي لأنها صيدلانية الريفيو بتاعها بيكون على اساس المكونات و ليس التجرربة..
    انا مثلك كنت طايرة من الفرحة بهالزيت و لكني الان قررت اتركه..

    ردحذف
    الردود
    1. العلبه مو مكتوب عليها معلومات عن المنتج وانا من النوع الي احب اقرا المعلومات والمكونات ، حتى بموقهم مو مكتوب ..


      وشلون حذرت من مكوناته وهو مو مكتوب الا الاساسيات ويمكن مستخلص ، نبي توضيح مو مجرد تحذير ولو يكون اكثر من مصدر افضل

      حذف
    2. http://www.paulaschoice.com/beautypedia-skin-care-reviews/by-brand/loreal-paris/_/Age-Perfect-Hydra-Nutrition-Glow-Renewal-Facial-Oil

      هذا المصدر اقرأي هنا بتلقي كل مكونات المنتج و في ال review overview بتلاقي تقييمها كصيدلانية كبيرة عن المنتج.. و بعدين هي اعتراضها على الزيوت الطبيعية العطرية اللي ذكرت لوريال في دعاية المنتج انه بتكون منها... و تقييمها للمنتج كان نجمتين من اصل اربعة

      و اقرأي عن باولا عشان تتأكدي من مصداقيتها ترى هي مو بلوقر هي متخصصة في البشرة و عندها كتب و أبخاث كثيرة و معروفة في امريكا في هذا المجال..

      http://en.m.wikipedia.org/wiki/Paula_Begoun

      حذف
    3. طبعا miss lady هي انا بس عشان عندي اكتر من حساب في فوقل ما انتبهت اني رديت عليك بمعرف مختلف

      حذف
  3. يجنن مره هذا الزيت ، انا بشرتي دهنية وكنت خايفة منو بس ابدا مادهن وجهي بزيادة مثل ماهو خفيف على البشرة وتمتصو بسهوله ، كان عندي جفاف شديد باطراف فمي من تحت الشفة وكنت خايفة يصير اسمرار بالمنطقة من الجفاف لدرجة مقدر اتكلم كثير واضحك من الجفاف لكن من 3 استعمال راح الجفاف بنسبه 60% من جد يستحق كل ريال 👍💫💜

    ردحذف
  4. هلا حبيبتي احنا عندنا مشكلة الجو الحار وعندكم بالرياض يكون حار (جاف), وفوق هذا مانشرب ماي "المشكلة الأزلية لأهل الخليج"

    ردحذف
  5. الله يعطيك العافيه على التقرير🌹
    بصراحه انا اخاف من الشي اللي يمدحونه كل البلوقرز لانه مرات يجيهم هديه من الشركه ولازم يمدحونه 🙈

    ردحذف
    الردود
    1. بالعكس انا اتحمس اذا كثير مدحوه ، ومو بالضرورة يمدحونه غصب عنهم ، بالعكس انا اشوف عندهم جدية بالموضوع
      خصوصا البلوقرز العرب مع احترامي للباقي ♡

      حذف
  6. حلو كذا الموضوع صار تجربه وأختصاص هذي فايدة التعليقات
    ربي يسعدك ويسعد الصبايا
    بالنسبه لي كمم شهر موقفه كل شي كل شي بامر دكتوري لان أعالج بشرتي من الاحمرار
    وتشكرات على الجهد المبذول يستحق الثناء بصدق
    دعواتكم ربي يحقق لي اللي أتمناه لي وللجميع يارب *_^

    ردحذف
  7. الاخت lady. marwena3 :
    جاني فضول وبحثت في موقع paulas choice
    http://www.paulaschoice.com/beautypedia
    وفي خانة الريفيوز بحثت عن L'Oreal Paris بما انه الزيت منهم ، وعن Facial oil ومالقيت عنه اي ريفيو :)

    ردحذف
    الردود
    1. انسخي هذا اللينك و اختاري review overview بتطلع لك الريفيو عنه ^_*


      http://www.paulaschoice.com/beautypedia-skin-care-reviews/by-brand/loreal-paris/_/Age-Perfect-Hydra-Nutrition-Glow-Renewal-Facial-Oil

      حذف
  8. الله😢 تحمست أشتريه مع انو بشرتي مختلطه💛💛بس نجرب ونشوف ، شككككرراااا قورجس من كل قلبي ع كل شي تسوينه.

    ردحذف
  9. صراحه احتاج شي زي كدا مررره شكرا راح اشتريه واجربه واعطيك النتايج ^_^

    ردحذف
  10. يعطيك العافيه عالبوست الجميييل ❤️

    ردحذف
  11. اهلين قورجس 😍
    لفتني بالبوست انك كتبتي انه تخلصتي من حب الشباب وهيك
    ف ياليت لو تنزلي بوست بأقرب وقت عن كيفيه او روتين ازالة حب الشباب
    ^ واضح اني تأزمت من جبهتي ؟ 🌞
    ويعطيك العافية ع كل البوستز اللي تنقط جمال زيك 💕💕💕

    ردحذف
  12. رائع... عندي أزمة في ترطيب وجهي
    جزاك الله خيرا

    ردحذف
  13. شكرآ قورجس الرائعة.. قبل فترة استخدمت هالزيت قبل انام بعد ماانظف بشرتي وكمان الصباح قبل الميكب الحقيقة جميل لكن بعد فترة حسيت بشرتي جفت بشكل مو طبيعي انا بشرتي مختلطة قبل الحين صارت جافة جدآ وهالشي ازعجني... ممكن الزيت ماناسبني 😭

    ردحذف
  14. بعض البلوقرات يتحلون بالمصداقيه ..وبعضهم كل يوم تقول على منتج للغرض المادي فقط..
    تحمست ل دا الاويل وبجربه الظاهر

    ردحذف

التعليقات الجميله ♥♥

Blogging tips