الجمعة، مايو 08، 2015

اصنعي بنفسك كفر جوال الهامي بطريقه سهله | DIY: inspiration iPhone case


السلام عليكم ورحمه الله وَ بركاته 
رجعت لكم ببوست لطيف وبسيط ، سويت هالكفر لجوالي قبل كم يوم
وبما اني اغرمت فيه لان بصعوبه احصل لي كفر حلو لجوالي ايفون ٦ بلس
قلت لازم اشاركم الطريقه مع انها بسيطه جدددا ، وحطيت لكم ٤ تصاميم الهاميه من صنعي باخر البوست 


،

اول شي نحتاج :


١. مسطره
٢. كفر شفاف (اخذت الكفر من جرير)
٣. طابعه مع ورق طابعه اكيد
٤. مشرط او تقدرين تكتفين بالمسطره للقص
٥. برنامج تصميم (استخدمت الفوتوشوب)

الطريقه :


ناخذ العرض للكفر باستخدام وحده الانش (طلعلي ٣ انش بس يختلف الرقم ع حسب نوع الجوال)


ناخذ الطول بعد باستخدام الانش (طلعلي ٦ انش .. عادي تزيدون شوووي بالطول والعرض لان راح ينطوي من داخل)


 نسوي صفحه جديده بالفوتوشوب ندخل اول شي العرض بعدين الطول عشان يعطينا شكل مستطيل ونغير وحده القياس للانش


نحط التصميم الي نبيه ، انا دمجت صورتين مع بعض وكبرت الحجم 
لما جيت ببحث كتبت بمحرك البحث
watercolour Chanel
وعشان الاقتباس
hand written quote 

،

ترجمه الاقتباس : ضع اذنك بالاسفل بجانب روحك واستمع بقوه! 


نطبع التصميم ونقص الاطراف وندخله بالكفر وماننسى نشيل الورقه عن الكام ..


في اسهل او اجمل ؟؟؟؟
تنفع هالطريقه اذا عندك صحبات تحطين اساميهم او تهدين لهم كفرات ومايكلف شي 
وكل ماطفشتي اطبعي شي جديد وغيري الكفر وانتي بالبيت p:
الكفر لو كان شفاف بيطلع اجمل بس الجود من الموجود 

،

هذي تصاميم سويتهم على نفس المقاس وممكن تغيرون المقاس ع حسب نوع جهازكم
ملاحظه : ماسمح ابدا ابدا المتاجره بالتصاميم لانها مو ملك لي بالاساس فمايجوز!



الترجمه : ان تكون حقيقي لنفسك هو ان تكون شجاع!

الترجمه : القهوه دائما تجعل كل شي افضل.

الترجمه خذ وقت لتفعل ماتجعل روحك سعيده .. 



وهذا التصميم الي استخدمته

،

ان شاء الله يعجبكم البوست البسيط واذا طبعتو لجوالكم شي 
يسعدني تشاركوني بالانستقرام @igorgeousta

تكشخون الجوال بالعافيه :)
اشوفكم ببوستات اجمل!






هناك 26 تعليقًا :

  1. شكراً فكره جميله 😍❤️❤️❤️❤️

    ردحذف
  2. مساء الخير جميل انتي مبدعه دائما تلهميني ربي يوفقك والى الامام

    ردحذف
  3. تسلم يدك يا مبدعة ♥♥

    ردحذف
  4. ابدعتي شيووم😉💚👍 بجرب اسوي لي واحد😍

    ردحذف
  5. الهامك جميييل وممتع
    يسعدك ربي

    ردحذف
  6. مرره حبيت الفكرة 😍💜 شكرا شيوم 💐💜

    ردحذف
  7. فكرة جدا جميله بس خليني القى كفر لجوالي اول '(

    ردحذف
  8. جميل البوست وفكره بسيطه وسهله وغير مكلفه 💜

    ردحذف
  9. حببت مرررره ان شاء الله اجرب

    ردحذف
  10. مبدعة 💜 .. والحلو ان نفس جوالي بطبعهم كلهم 😍 .. استمري حبيبتي واحنا متابعينج عالسناب .. احب ايجابيتج وافكارج .. ماشاءالله عليج مثال للتميز .. الله يوفقج ويحقق أمانيج 👏💜

    ردحذف
  11. فكرة بسيطة بس مبدعة 😍😍
    كل الحب ❤

    ردحذف
  12. شككراً قورجس الفكرة جداً جميلة راح أطبقها ❤❤

    ردحذف
  13. جميلله جداً الفكره , والله ابد ابد ماجا في بالي :I الله يسعدك ..

    ردحذف
  14. انتي غير شكل مبدعة 💎💕

    ردحذف
  15. حبيت ياخي درزن قبل من بيتنا لبيتك

    ردحذف
  16. مرا حبيت 👌🏻🌸

    ردحذف
  17. الفكرة جد مره جمييييييله الله يوفقك ويسعدك قد ماتسعدينا

    ردحذف
  18. جميلة ولاتكلف روعه تسلمين

    ردحذف
  19. انا اعشق اعمال الـ DIY و احب اسوي شي بنفسي افرح فيه اكثر من ما اشتري بس كنت مستصعبة فكرة مقاس الكفر و كم مرا احاول وتجي اصغر او اكبر ويخرب التصميم بس الحين عرفت كيف 😍 شكراً قورجس 💜💜💜

    ردحذف
  20. كتييير كيووت راح اسوي واحد لاني بعاني نفس المشكلة

    ردحذف
  21. حبيت الفكرة وإن شاء الله انفذها

    ردحذف
  22. احبك قورجس شكررا على كل معلومه

    ردحذف
  23. ما شاء الله عليكِ مببببدعة ♥♥

    ردحذف
  24. تسلم يدج بس شنو اسم برنامج التصميم حقج؟

    ردحذف

التعليقات الجميله ♥♥

Blogging tips