الثلاثاء، مارس 03، 2015

سنه من الحب مع ديم ♥ سواليف السنه الي فاتت!



السلام عليكم وَ رحمه الله وَ بركاته 
مرت سنه على وجود حبيبتي وقطعه من قلبي ديم في حياتي ، سبحان الله شلون الايام تمشي بسرعه ، وشلون شي صغيير ولذييذذذ ممكن يغير حياتك ، بالبوست هذا بيكون سواليف عن شنو صار بالسنه وشنو اهم الاشياء الي مرت علي والمواقف الي علمتني ، بحاول طبعا اختصر البوست لان مثل مو شايفين سويت قسم اسمه ديميات وان شاء الله يكون دايما متجدد.



بتاريخ ١٨ فبراير ٢٠١٤ جبت احلى بنوته للدنيا ، سويت لها استقبال وكان كله شغلي ولليوم تجيني استفسارات عنه ، شعور الانجاز شي جممميل 



رابط الموضوع للي ماشافه (هنا)

خلصت الاستقبال والدلع لمده ٤٠ يوم عند اهلي ورجعت لبيتي مع كائن لطيف صياح جدا جدا جدددا ،



 ديم معاها غازات بالبطن وهي صغيره وصياحها مايوقف لا ليل ولانهار ، ماكنت اتضايق من صياحها اتضايق لانها تتآلم ، بالبدايه ماتقدرون تحددون مشاعركم لشخص جديد بحياتكم ، كانو يجوني بنات يقولون قورجس متى نحب اطفالنا ؟ مانحس لهم باي مشاعر ، شي طبيعي انك تكونين بحاله انبهار وتوتر وخوف بالبدايه وخاصه البيبي يقوم يشرب ينام ويبكي ، مشاعري اتجاه ديم خوف عليها قبل اي شي 


اذكر اول مره تطعمت بعمر الشهرين ياصحت صياح مو حب قد مو خوف ترحمينهم اصلا لانهم نقط ههههههه .. ديم اذا بكت او سوت حركه ع طووول ابحث بقوقل ، ادور واسآل ياكثثثررر مارحت الدكتور وياكثر ماحفظني وحفظو بنتي السسترات ، اي شي جديد ماعرف شنو اروح اوديها للدكتور ، طبيعي جدا وحتى الدكتور اذا عرف انها اول بيبي عذرنا ..


الحياه مع بيبي جديد مسؤوليه وتاخذ وقت وجهد ومافي نوم ولا راحه بس اخر اليوم لما تنام وبيتي يكون نظيف وانجزت شغلي ابتسم ابتسامه من كللل قلبي ، احس اني سوبر ومن ههههه! خاصه لو امك مو قريبه منك تفزع لك كل شوي ، مهما كان عندك اهل واصدقاء محد تمونين عليه مثل الام الله يخليهم لنا.

اصعب شي مثل ماقلت الصيااح والبكى بس لما كبرت بعمر ال٤ شهور تقريبا خف كثيييير الحمدالله وبدت بنتي تفهم تضحك تتفاعل معاي وصرت وقتها عندي اضافه بحياتي ومتعه جديده ، اذكر اكثر شي كان يفيدني موقع (بيبي سينتر) اذا اشتركتي فيه وحطيتي عمر البيبي يحسب لك وكل اسبوع يرسل ايميل عن تطورات البيبي وتبدين تلاحظين طفلك وشلون يكبر وتفاعله معك يصير اكبر واحلى ..


بعمر ال٤ شهور خلصنا من صياح البطن وجينا لصياح الخوف ،، يا ان ديم بهذلتني بهذله هههههه ماتحب الناااس ماتحب احد يشيلها وتصيح صياح لحد مايروح صوتها حرفيااا ، اذكر قعدت شهرين محرومه من الجمعات مازور احد لان الاميره ديم ماتحب ،، بس كان عسل على قلبي اهم شي تكون بصحه وكنت عارفه فتره وتعدي وعدت الحمدالله والحين هي اسعد بنوته بالدنيااااا وتحب الناااس وتضحك للكل بدون استثناء واجتماعيه جداا الحمدالله.


اول اكله اكلتها لديمي الجزر المهروس بعمر ٦ شهور ، معاناااه عشان تتقبله بس بديت حبه حبه وللان مرات تعاندني بالاكل بس الحمدالله صارت تتقبل كل شي وتاكله ..

اكثر سؤال مر علي السنه هذي "بنتك صغيره" "ماتوكلينها ماتهتمين فيها" "حرام عليك ليش مهملتها"
الي اعرفه اول شي الناس "اللطيفه" تلاحظه ان بنوتي تحب الضحك وتحب الناس واجتماعيه وصحتها طيبه الحمدالله ، اما الي ينتقدون مقدر اصنفهم لاي شي ، قله ذوق تقولين لام انتي ماتهتمين ببنتك ولاتطالعين فيها احس يطلع من راسي نار وشرار ههههههه !!

اول ماولدتها قالي الدكتور فيها ثقب بالقلب "بسم الله عليها" كنت مو مصدقه ولاحاولت اعطي الموضوع اكبر من حجمه قالي طبيعي مع الاطفال اهم شي تابعي معاها اذا ماسكر بنضطر للعمليه والف حمدالله وشكر سكر من نفسه بعد شهرين اتوقع ، فانا عارفه ان المرض شي صعب ، فكل مره احمد ربي ان بنتي يمكن مو دبدوبه ولها خدود بس بالف صحه وعاااافيييه ، فمدري متى تسكت هالناس والطامه الكبررررى يقولون انتي ماتهتمين فيها ، عايشين معاي ؟ عارفين كم دكتور رحت له ؟ عارفين كم مره غيرت الحليب ؟ عارفين كم وصفه سويت لها ؟ الناس تبي تسولف لاجل تسولف مو اهتمام فيك ولا بنتك ، متأكده بس يطلعون منك نسوك ونسو بنتك ههههه ، الغريب بالامر ان وحده بس تشوفني بنتتتك وبنتتتك وحرام عليك وكليها شربيها خل يصير لها خدود حرااام صغيييره ، وفي مره من المرات تسولف لي تقول واحد من عيالي ضعيييييف كان وماخليت دكتور مارحت له يقول هذا طبيعه جسمه والله كنت اشيل همه وهذا هو الحين كبير مافيه الا العافيه ، يالله يالتناقض .. انتي عشتي نفس تجربتي !!

ماكذب كنت اكره ازور الناس مع ديم عشان ماسمع هالتعليق منهم كل مره .. محد مايبي طفله يكون مرربرب وبصحه وله خدود هذا احلى عمر لهم ، طيب والي بنيتهم كذا خلقه يكرهون عيالهم ؟ عن نفسي كنت البسها كل شي ومبسوطه فيها واعششقها عشق وخاصه لما اشوف المربربين من اطفال عايلتنا نفسيات وديم العصله تحب الضحك والناس والكل يحبها ♥ هههههه الله ياخذ ويعطي p:

فلكل وحده طفلها نقطه وانتي تهتمين فيها بس مايبين وسويتي كل شي ولافاد والدكتور "اهم شي الدكتور" قال وزنهم طبيعييي .. ماعليك من كلام الناس والله يعقدونك ويسببون لك هاجس وانتي تاكلينها وهم عايشين حياتهم ولافكرو فيهم ، قبل اطنش بس الحين ارد واقول عاجبني جسمها وعاجبني انها تحب الناس وانها جممميله بسم الله عليها وبصحه وعافيه الحمدالله،

 ديمي ماتحب الالعاب ، بس تحب احد يلاعبها ، اخذو من وقتكم شوي والعبو مع اطفالكم استمتعوو بالحياه ، كل مره تكبر بسم الله عليها اقول ياليت سويت وياليت حطيت بس الحين لا كل مرحله معاها لها ذكرى وكل مره تتعلم حركه جديده اوثقها وماخلي مجال للندم ابببد.


كل مره تكبر تبدا تميزني وتفهمني وافهمها كل مره تصيح اعرف ليش ، اميز صيحه الجوعانه من صيحه الطفشانه هههههه ، احاول قد ماقدر اعلمها اشياء جديده وافتح عيونها على العد مثلا او وين عينك ووين خشمك ، صح مو دايما تتفاعل معاي بس احس تعليمها برقبتي واحس التربيه صعبه صعبه بس انا قدها ، الاحظ اذا زرت اهلي يخربون كل شي اسويه لها والنظام الي ممشيتها عليه بالدلع هههههه فالبعد عن الاهل مرات له فايده p: ياحلوهم 



ببيتي ديمي لها جدول ماشيه عليه او اقدر اقول روتين ، افقده كثييير اذا سافرت وتحتاس ونومها يحتاس ، الاستقرار اماان وراحه فعلا ، على حبي للتغيير والتجديد بس مع الاطفال الروتين هو الي يخلي حياتك متوازنه وتعرفين متى تاخذين وقت لك انتي بس تنام 


الشور اكثر شي كانت تكرهه والحين تحبه ، لازم يوميا الصباح تاخذ شور عشان تتنشط لليوم وتصحصح وبالبرد فاقده هالنقطه لان صارت كل يومين خوفا من الامراض ، قالولي بتكرهين الشتا بس ماصدقتهم ههههه وللان له معزه بقلبي هالفصل :"(


الالعاب والاجهزه ماحس شريت لها كثير صراحه ، يمكن انا ماشوفه كثير وغيري يشوفه لا مادري! بس اول بيبي ودك تشترين له كل شي وودك تجربين له كل شي! بس في اشياء فادتني واشياء زايده صارت .. يبيلي اكتب لكم بوست عنه.


جدا سعيده بالاضافه الحلوه لحياتي وسعيده اني قدرت اكون قد المسؤوليه رغم تخوفي الكثيير ، طبيعي اول بيبي تخافين من الحياه ، صح حياتي تغيرت والمسؤوليه زادت حتى لو عندي خادمه لازم متابعه وماعتمد عليها بكل شي دايما! بس تصدقون ناسيه حياتي قبل ديم احس اني ام من زمان ههههه ، هل عندكم نفس الشعور ؟

الامومه شي فطري لاتخافون ، الازعاج وقله النوم وقله الطلعات وتقلص الحريه كله يهون اذا شفتوهم يضحكون وبصحه وعافيه .. الله يخليهم لنا ويرزق كل محروم يارب 

ان شاء الله هالبوست بدايه لبوستات مفيده للامهات مستقبلا ، اشوفكم قريب 


هناك 92 تعليقًا :

  1. يا حياتي الله يخليها لج يا رب

    ردحذف
    الردود
    1. ويخليليك غاليك يارب ♥♥♥♥♥

      حذف
  2. ماشاءالله ربي يخليها لك و يحفظها 👶💕
    اعجبتيني كثير ب تقديرك للمسؤلية و خصوصاً لما تشجعين نفسك 👏
    و الناس مايعجبها شي و لازم تنتقد ف الافضل اذن طين و اذن عجين😂

    ردحذف
    الردود
    1. حبيبتي انوار انبسسسط بطلتك دايما ♥♥♥♥
      وصادقه محد يعجبه شي بس اشجع البنات الي كانو متآزمات نفسي يطنشون ♥♥♥

      حذف
  3. الله يحفظها و يخليها لك .. يعطيك العافيه شيوم على كل شيء افدتينا فيه جد جد ششششششكرا و أحبك ♥

    ردحذف
  4. يخلي لك ديمي ،،
    اذكر قبل ولادتي فتحت البوست حق ولادتك واخذت دفعه ايجابيه ولدي حبيبي بيكمل اربع شهور بعد اسبوع

    ردحذف
    الردود
    1. حبيببتي ♥♥ الله يحفظه ويخليه لك ياررب

      حذف
  5. ماشاء الله الله يخليها لكم ويرزقكم برها ويزيدك ايجابية ❤️😍

    ردحذف
    الردود
    1. امين يارب ♥♥ الله يجزاك الف خير ♥♥

      حذف
  6. يا عمري ديم
    انبسطنا واستفدنا بالبوست وبديم الجميله
    الله يحفظها لك ويخليك لها
    وتشوفينها زي ما تتمنين 💕

    ردحذف
    الردود
    1. اميين يارب وكل من تحبين ياقلبي ♥♥ ان شاء الله الجاي احسن

      حذف
  7. الله يحفظها ويخليها لك يارب 😢❤️❤️
    انا بأذن بكون في انتظار طفلتي الاولى بعد ثلاث شهور ومن جد البوست هذا افادني بشكل كبير 😢 اتمنى تكثرين بوستات كذا 😢 وودي لو تتكلمين عن اهم الاشياء اللي لازم اشتريها للطفل يعني بفترة التجهيز هذي 😢 تفيدني كثير 😢❤️❤️
    والله يعطيك العافيه

    ردحذف
    الردود
    1. ياازينك تقومين بالسلامه ياررب ♥♥♥♥ كتبت بوست قبل اضغطي على ديميات ويطلع لك ان شاءالله

      حذف
  8. يا عمري يا ديم
    انبسطنا واستفدنا بالبوست وبديم الحلوة
    الله يحفظها لك ويخليك لها
    وتشوفينها زي ما تتمنين 💕

    ردحذف
    الردود
    1. زينك والله ♥♥♥ الله يسمع منك ياررب

      حذف
  9. ياحياتي يخليها لك يارب ، تذكرت بنتي بينها وبين ديوم اسبوع جبتها في ٢٥ فبراير ، انبسطت كثير بالبوست حسيت نفس تجاربي الله يحفظها ويخليها لك يارب
    مشكوره جداً عالبوست ولاتطولين علينا في ديميات :)

    ردحذف
    الردود
    1. ماشاء الله ♥♥ ياليت ديم ب٢٥ تصير مع احتفالات العيد الوطني ههههه ♥♥♥
      ان شاء الله هالبوست فاتحه خير لاشياء افضل ♥

      حذف
  10. كل كلمه كتبتيها جميله واحسها من القلب للقلب الله يسعدك وترا وربي البنوته لما تكون ماهي دبدوبه احسن يسعدها وربي جميله الله يحميها ويحفظها يارب
    ولا تسمعي كلام الناس ترا وربي جسمها طيب صح ماني اوم ولسه في رعيان شبابي بس صحبتي اتجوزت بدري وابنها كان نحيف بس انولد وتسمع كلام الناس ويحرام ابنها دحين سنه وشويا ومو قادر يوقف من السمنه الله يحمي ويشفي
    لا تسمعي كلام الناس بنتك جميله مشاءالله وطبعيه وتحب الحركه الحمدلله الله يسعدها قد ما تسعدينا ❤❤❤❤❤❤❤❤❤❤❤❤❤❤❤❤❤❤❤❤❤

    ردحذف
    الردود
    1. ابدا مايأثر فيني الحين قبل رده الفعل طبيعي مثلي مثل اي يوم ماتبي اي كلمه ع طفلها هههه بس الحين اذن من طين واذن من عجين هههه ♥♥♥ ياعمري الله يشفيه يارررب كل شي باعتدال حلو اكيد ، نورتيني باسمه ♥♥

      حذف
  11. ياحياتي يخليها لك يارب ، تذكرت بنتي بينها وبين ديوم اسبوع جبتها في ٢٥ فبراير ، انبسطت كثييير بالبوست وحسيت نفس تجاربي ، الله يحفظها ويخليها لك ولاتطولين علينا في ديميات :)

    ردحذف
  12. الله يحفظهآ ويخليهآ لج ياآرب 💕

    ردحذف
  13. الله لايحرمني من هالنقطه الي كبرت الله يحفظها لك ويرزقك برها يارب ويكتب آجرك

    ردحذف
    الردود
    1. عمري غاده ♥♥♥♥ اميين وكل من تحبين ياررب

      حذف
  14. الأطفال حاجه جميلة انا ولدت بعدك بثلاث شهور تقريبا واستفدت من كل حاجه كنتي تكتبيها عن ديم خاصة تطوراتها
    كنت الاحظ بنتي بعدها بفتره تسويها ، مع اني كنت خايفه جدا جدا من انو ما قدر اوفق بين بنتي ودراستي وبيتي بس الحمدلله اتوفقت دراسيا بعد ماولدت وجبت سديم وقدرت لو بشيء بسيط اوفق بينهم ،وكنت اعاني من كلام الناس في اني بنت ٢٠كيف بقدر اربي واهتم بطفلة بس الحمدلله كل ماتكبر كل ما ارتاح اكثر وربنا يحفظهم لنا💜💜

    ردحذف
    الردود
    1. ماشاء الله تبارك الله ♥♥♥♥ الله يوفقك ويخليها لك يارب ، شفتي انتي قدها وقدود والي قبلك ابدا مو احسن منك ♥

      حذف
  15. ما عليش من الناس الا تنتقذ حجمها
    صادني نفس الشيء كنت أدرس لمن جبت ولدي و كان عندي بروجكت و محد يجود ولدي عني و لازم اطلع مع البنات اسوي لبروجكت و رحت معاهم بولدي ،، بنت حرجتني ز قالت لي ولدش صغير حجمه شكلش ما تهتمين فيه بسبب الدراسة ،، انقهرت شكثر قلت لها اوديه لامي لين اروح الكلية فتهتم فيه احسن مني فما اظن من قلة الرعاية جي حجمه

    ردحذف
    الردود
    1. الهدف من طرح هالنقطه ان ابين للبنات ان الناس بتتكلم ماعليك منهم ♥ ماعليك منهم ماحب الي يقول لاي ام مهمله وهم مو عايشين معاها ومايشوفونها الا بالمناسبات :| مالهم حق يحكمون ابببد ..

      حذف
  16. الله يوفقكم وتكونون قد المسؤولية عجبتني كلمة التربية برقبتي وان شاء الله تككون باره فيكم يارب
    مدري ليه احسها بتطلع بلوقر مثل امها ههههههه

    ردحذف
    الردود
    1. ههههههه ♥♥♥ يارب تصير احسن مني بكل شي ♥♥♥♥

      حذف

  17. الله يحفظها ويخليها لك ويسعدها وتشوفينها عروس ي رب ♡♡
    والله يعطيك العاافيه يا زينك ويا زين سواليفك ♡♡
    بالضبط نفس المشاعر والأحاسيس والمسؤولية اللي حسيتها مع بنتي
    كل م تكبر احس بإنجااز وفرح .. ويهون كل التعب .. خصوصا اني كنت ادرس وعمري صغير بس الحممدلله ربي ييسر ويسهل ♡♡
    الله يقدرنا على تربيتهم واسعادهم ي رب ♡

    ردحذف
    الردود
    1. الله يسعدك انتي ع كلامك اللطيف والله ♥♥♥♥♥
      شكرا ياقلبي ويارب يحفظها لك وتشوفينها باحسن المراتب ♥♥♥

      حذف
  18. الله يخليلك عروساتك ويخليلي عروستي بينهم اسبوعين تقريبا .. بنتي لسى ماتحبي ولاسننت ولاشي وكملت سنه :( .. نبي بوسست عن طريقتك بتنمية كثير اشيا بطفلك .. وعن ملابسها وكل شي يفيد المامات

    ردحذف
    الردود
    1. اميين يارب ♥♥ غريبه متأخره بنوتك ، انا ديم سننت متأخر مره وبس اسنانها الي تحت الي طلعت اما الحبي من زمان .. يمكن بنوتك ماتطلعينها للشمس راجعي الدكتور عشان يطمنك ياقلبي ♥♥ ان شاء الله مافيها الا العافيه

      حذف
  19. الله يحفظها ويحميها لك

    ردحذف
  20. الله يخليها لج يارب وبصراحه الامومه ماكنت متخيله صعوبتها وجديتها شي كبير صراحه الله يقوينا على تربيتهم والاهتمام فيهم ❤️

    ردحذف
    الردود
    1. امييين يارب والله مسؤوليه بس احنا قدها ان شاء الله ♥

      حذف
  21. يا حلوك و يا حلو ديوووم ،،انتظر طفلتي بعد ثلاث شهور و من الحين عاشقة اسم ديم و السبب انتي و بنتك الجميلة لله يخليها لك يارب و يقر عينك بها ،، استفدت منك كثير شيوم لله لا يحرمك الأجر ♥♥

    ردحذف
    الردود
    1. ياعمري ♥♥♥♥ الله يقر عينك بشوفتها ويقومك بالسللامه ياررب ♥♥♥♥♥

      حذف
  22. كل وحدة اسمها ديم تطلع طعمة وكيوت 😻😻 بسم الله عليها ربي يحفظها ويسعدها 💜💜،، ياسرع الايام اذكر لما قريت البوست بانستقرامك لما قلتي اخيراً شرفت الاميرة ديم😻😻 استانست مرا لاني اصلاً احب اسم ديم😂💔، مع انو ما كنت متابعتك مرا ولا كنت ادري انك حامل اصلاً🌚بس كنت اقرا البلوق والانسقرام من فترة لفترة ادخل 😂💔الزبدة بربرت كثير وبس يسعدك ويسعد اميرتك ديم😻😻❤️.

    ردحذف
    الردود
    1. اهلاا وسهلاا وجدان ♥♥ اي والله ياحلو الديمات p:
      الله يسعدك ياررب والله يجزا ديومي بخير الي خلتك تتابعيني ههههه ♥♥♥
      حبيبتي تسلمين والله ♥♥

      حذف
  23. الله يخليلك اياها وانا متاكده لما تكبر وتصير توعا على الدنيا اكتر راح تعرف انو عندها ام رائعه وجميله
    الله يحميها ويخليكي الها يا رب
    وانا بحبك كتيير
    وبلشت اكتب بلوق بوست وانت وجوجو كنتو ملهماتي
    والله ادعى لكم بكل صلاة اصليها

    ردحذف
    الردود
    1. عمري والله ♥♥ من نعم التدوين انها تبقى ان شاء الله ♥♥♥♥
      اميين ويخليلك غاليك ♥♥ سعيده ان كنت جزء بافتتاح مدونتك ويارب ويوفقك بكل ماتحبين ♥♥

      حذف
  24. يا جمال كلامك و يا جمالها بنتك ربي يخليها لك يارب <3

    ردحذف
    الردود
    1. يازينك مريم مو اجمل منك والله ♥♥♥♥

      حذف
  25. ما شاء الله .. الله يخليها لك .. ام ملهمه والله❤❤انا حامل الحين بالشهر السادس تقريبا و قالوا الحبيب وانا بالشهر الرابع بنت وانا نفسي ببنت بس كثير قالوا المستشفيات تغلط مو قادره اسوي شي ايش الحل؟ 💔

    ردحذف
    الردود
    1. راجعي كل مره وتأكدي .. نسبه الغلط وارده بس شوفي الاغلب شنو ؟
      اذا متردده مره اخذي الوان محايده ♥ انا كنت الحبيب والحمدالله من بدايه الحمل عارفين بنت
      الله يقومك بالسلامه يارب

      حذف
  26. يازينها ديوم اسم الله عليها كلت قلبي هالبنت

    بوست جدا جميل ومفيد وعفوي طالع من قلب
    ياليت لو تكتبين بوست عن العاب والاجهزه المفيدة الطفل وايش الاشياء اللي فادتك من مواقع وقصص؟

    االله يحفظها ويخليها لك ويرزقك برها ان شاء الله وتشوفيها مثل ماتتمنين يارب

    ردحذف
  27. يارب يحفظها لك .لفتني انك تكلمتي عن الثقب الحين وقبل ابدا ماقلتي عن هالشي .انا حاليا امر بنفس شعورك وقت تعب بنتك لان بنتي تعبانه شوي احساس جدا يخوف يارب تحميها وتحمي كل طفل ومريض .شكرا على المدونه الجميله واستمري انتي طاقه ايجابيه لنا ❤️❤️❤️

    ردحذف
  28. ماشاء الله والله وكبرنا يا ديومه :)
    من زمان انتظر بوست في ديميات ههههه الحق إني متابعة مدونتك عشان اشوف أي شي تكتبيه عن ديم القلب

    ربي يخليها ومنجد كلام الناس لا يودي ولا يجيب، كتير كانو يقولولي نفس الشي عن بنتي وكنت أقولهم أحسن خفيفة تريحني P:

    ردحذف
  29. ياحبببي لك ولبنتك ماشاء الله ❤️❤️ ان شاء الله تشوفينها شي كبير بالمستقبل وترفع روسكم ❤️ وماشاء الله سوبر وومن فعلاً انا ما اتخيل نفسي مع بيبي ومنظمه 😂💔 ان شاء الله بالمستقبل لاجا عندي بيبي ارجع لبوستاتك ❤️❤️

    ردحذف
  30. قلبي الديم يخليها اك حبيت الاسم من بنتك وقررت اسمي بنتي ديم باذن الله انا ام وعندي قبل بنت سارة ربي يحفظها والحين حامل وعمر بنتي ٤ سنوات احس نسيت كل شي عن العناية بالاطفال وتذكرت بعض الاشياءوانا اقرا البوست منها قل النوم والسهر وان وقتي مولي الله يصلحهم ويرزقنا برهم ويخليهم لنا ويخلينا لهم

    ردحذف
  31. يالله يا ام ديم يا قورجس ياجميلة انتي ❤️الله يحميلك ديم ويخليلك هيا.. كانك تحكي عني انا وبنتي😍نفس الشي بنتي كتكوتة وصغنتوته ومو مربربة بس ماشاء اُلُـلُـهُ تضحك وتلعب وتتحرك ومن احسن مايكون ❤️الحمدلله ... مالك ومال تعليقات الغير مادام بنتك بصحة وعافية 💕على فكرة كان نفسي اسمي بنتي ديم بس الابو قال مايركب على اسمي😁😤.. فبنتك بنتي 😍😘

    ردحذف
  32. الله يخليها بك ولا يحرمك منها ويجعلها باره فيك يارب 💕. فعلاً الأطفال مسؤوليه كبيره بس أنتي قدها ماشاء الله 💕

    ردحذف
  33. ما شاءالله تبارك الله ❤
    انا أم و احب الناس الي تخليني احب الامومه و انسى تعبها
    الله يحفظ لك ديم و يحفظ اطفالنا
    ❤❤

    ردحذف
    الردود
    1. حبيلك ساره ♥♥♥ احب الامهات الواعيات والي يهتمون بالثقافه وتربيه الاطفال ♥♥♥

      حذف
  34. الله يخليها لك يارب و يخلي لي ولدي والله انك صادقة انا ما اتخيل كيف كنت عايشة بدونه هوا الحب و النور لحياتي الحمد لله هوا كمان كان تعبان ولفيت الدكاترة وما احد كان عارف له وبفترة متأخرة اكتشفو ايش معاه ومرينا بسنتين علاج وعمليات والحمد لله رب العالمين بدأ يسترد عافيته الله يحفظه ونفس الانتقادات اللي كنتي تلاقيها كنت الاقيها ما احد يحس بالتعب حتى وهما امهات بس يمكن من زود الدلع اللي كنا فيه قبل الزواج ما يتخيلو انه ما شاء الله نقدر نتحمل مسؤوليتهم بس الحمد لله احنا قدها والامومة شي حلو الله لا يحرم احد منها يااارب
    معليش طولت بس اثرتي فيا ذكريات ومشاعر تمنيت اليوم لو يكون عندي مدونة اكتب فيها عن ولدي واطلع له مشاعر الحب اكثر انا الحين بأخر شهر في حملي الثاني ادعولي بالخلقة التامة لطفلي الجديد والصحة والعافية
    وعلى فكرة انا من متابعاتك من فترة سواء عالانستجرام او سناب شات
    الله يعطيك العافية

    ردحذف
  35. الله حلوه التدوينه حسيت بإيجابيه وانا اقرا ، بالنسبه للانتقادات جداآ متازمه منها خصوصا ان بنتي توها شهرين مايمدي حتى تكبر واشغلوني شربيها سوي لها ماترضعينها ؟ الله المستعان ، ربي يخلي الديم لك ويحفظها .

    ردحذف
  36. الله يحفظها ويخليها لك

    ردحذف
  37. ماشاءالله بوست جميل والله يخليلك ديم وتشوفينها دايم باحسن حال ....
    والله يرزقني بالذريه تحمست احمل...

    ردحذف
  38. الله يحميها و يحفظها لكِ يارب
    حبيت البوست مررره يعطيك العافية 💜💜

    ردحذف
  39. يخليها لعينك يارب 💜💜.

    ردحذف
  40. نفس شعوري خاصة من ناحية النقد من الناس ودلع اهلي لبناتي انا عند اهلي اشوي واصيح منهم كله دلع لدرجة العناد بس متحمله الامومه متعببه خاصة اذا عندك بنتين وكل واحده عندها شخصيه واسلوب معين 😥حبيبتي قورجس مشكوره ع النصايح والكلام العسل والله يخلي لك ديوم ويحميها من كل مكروه

    ردحذف
  41. دايم اتابعك في انستقرام و من فتره اضفتك في سناب .. ماشاء الله عليك تلهميني دايم و اروق اذا شفت صورك .. الله يسعدك و يزيدك من فضله <3 <3
    ما اجامل صدق ياحلوك <3

    ردحذف
  42. الله يخليها لك و يصلحها يارب و يبلغك فيها و يرزقك برها
    فعلا التربيه صعبه بس الله يقدرنا انا ام ل٣ بنوتات امورات شيكي على مدونتي بتلقي مواضيع تخص التربيه

    ردحذف
  43. ي قلبي الله يخليها لك وتشوفينها عروس

    ردحذف
  44. الله الله كميه الا كميات من المشاعر اللطيفة من بوست والا تعليقات الله يحفظهم لكم ،، قورجس الجميله مدري آهنيك بروحك وأسلوبك ومسؤليتك تجاه بنتك والا آهني متابعاتك فيك وانا أولهم الله يسلمك ومن زمان كنت بكتب لك وأشكرك ❤️❤️ ونسجل اول تعلييق لي بمدونة الجميله قورجس💜💜

    ردحذف
  45. الله يحفظها ديم تززززنن ناشاءالله
    شيماء ذكرتيني بنفسي لما كان ولدي صغير
    هوا الان سنتين
    لما كان بالشهور كنت ارضعه طبيعي واهله كلهم من جدته لعماته مايرضعون ومايقتنعون فيها ويحسون الطفل ماتجيه اي فايده تخيلي يعني وكلهم امهات اكبر مني بسنيييين
    فكانوا كل ماشافوا ولدي يقولون ياحياتي نتتتفه ياعمري ضعيف
    ووحده منهم بس تنتقد ضعفه وعندها بنت هيكل عظمي ااه بس
    المشكله مو هنا المشكله بسم الله عليه كانت خدوددده وجسمه مربرب وحتى لما اروح كل تطعيمه ونسال عن الوزن خصوصا ابوه من كثر مايسمع تعليقات من اهله
    كان يقول الدكتور وزنه اعلى من المعدل الطبيعي ماشاءالله وفعلا كنا ننصدم يعني كنهم يشوفون شي احنا مانشوفه واتضح انه زي ماقلتي بس كلام وتجريح وفضفضه وبعضهم شافتك ماشاءالله مهتمه وحريصه وحبت تطلع انتقاد تجرحك فيه عشن تريح ضميرها المهمل لعيالها <<<هذا نفر قرقر كثير😂انا مااسكت اذا بديت اتكلم عن هالشي فةوفعلا يطلع نار وشرار😁
    يوزري انستقرام sunrise989😁

    ردحذف
  46. كم انتي عظيمه ربي يخليك ويخلي بنتك الحلوه انتي كميه ايجابيه تجيبين العافيه استمتع في كلامك

    ردحذف
  47. كلامك جميل كنت متخوفه من فكرة الامومه لاني توني متزوجة بس كلامك مريح وقريب للقلب شكرا والله يخليلك ديم ❤️

    ردحذف
  48. ياه شيوم ماتعرفي قد أيش اتمنى اصير أم واكون قد هالمسؤوليه حاسه احساسك وصل لقلبي بشكل ما
    الله يخليلكم هالديمه يارب ويرزقني بنتفه مثلها لما اتزوج 😭💜

    ردحذف
  49. ياحلووووك قورجس 😭💗💗 طول ماانا اقرأ البوست مبتسمه لأن كل كلمه فيه تعبر عني كأم جديده .. كنت متابعه لك من البدايه ووقت ولادتك بديوم انا كنت حامل بالشهر الخامس تحمست كثير لكل شيء تكتبينه عن ديم لأني عارفه اني مقبله على هالمسؤوليه ولأني اثق جددداً جداً برأيك وتجاربك .. وبسم الله على ديوم كبرت ومر هالوقت بسرعه وهالشيء احسه مع بنتي 😃💗 وبالنسبه لكلام الناس بالضضضبط بالضبط هذا اللي يصير معي بنتي زي ديوم بسم الله عليها نفس الحجم 😂 وكل الدكاتره يقولون صحتها حلوه ووزنها طبيعي بس فيه فئه معينه مستلميني كل مايشوفونها يقولون نتفه وماتهتمين فيها وماتعطينها ... الخ الله يسلط عليهم الله يسلط عليهم 😂😂 تعبت من هالموضوع بس بعدين صرت اطنش واعطيهم الاذن الصمخى 😝 الله يخليلك ديم وتشوفينها عروس

    ردحذف
  50. ياحلووووك قورجس 😭💗💗 طول ماانا اقرأ البوست مبتسمه لأن كل كلمه فيه تعبر عني كأم جديده .. كنت متابعه لك من البدايه ووقت ولادتك بديوم انا كنت حامل بالشهر الخامس تحمست كثير لكل شيء تكتبينه عن ديم لأني عارفه اني مقبله على هالمسؤوليه ولأني اثق جددداً جداً برأيك وتجاربك .. وبسم الله على ديوم كبرت ومر هالوقت بسرعه وهالشيء احسه مع بنتي 😃💗 وبالنسبه لكلام الناس بالضضضبط بالضبط هذا اللي يصير معي بنتي زي ديوم بسم الله عليها نفس الحجم 😂 وكل الدكاتره يقولون صحتها حلوه ووزنها طبيعي بس فيه فئه معينه مستلميني كل مايشوفونها يقولون نتفه وماتهتمين فيها وماتعطينها ... الخ الله يسلط عليهم الله يسلط عليهم 😂😂 تعبت من هالموضوع بس بعدين صرت اطنش واعطيهم الاذن الصمخى 😝 الله يخليلك ديم وتشوفينها عروس

    ردحذف
  51. مشاءالله تبارك الرحمن الله يخليها لج وتذوقين برها 😘

    ردحذف
  52. ياحلو البنات اللي كبروا و كملوا سنه 💕
    عسي ربي يبلغك فيها مايسرك
    كنت متابعتك من حملك لاني كنت حامل زيك و ولدت قبلك ب ٨ ايام و الله يسعدك استفدت كثير منك مع اني مو ام جديده 🙈
    و كمان بخصوص الوزن انا بنتي الكبيره كانت نحيفه و مابقي دكتور و فيتامين ماجربته لها اخر حاجه قال الدكتور يابنتي هذي بنيه جسم بنتك ماراح تسمن فااستسلمت و تعايشت و الحمد لله .

    ردحذف
  53. ماشاء الله تبارك الله ♡ الله يحميها ويبارك فيها وينبتها النبات الحسن

    ردحذف
  54. بعد عيني الله يحرسها مااجملها مشاء الله ف البدايه كنت متعقده من موضوع يكون لي اخ واخت بس لما قريت البوست اخذ قلبي الله يسعدك يارب ويخليها لك.

    ردحذف
  55. بالبيييهه ي خخ مع ااني م عرفتك الا من كم يوم بس ااحس اننك تدخلين القلب بسرععهه وكلامك بسيط وجميل ومقنعع جدا ربي يسعدك يارب ويخليلك بنوتك الجميلهه ويوفقك بحياتك يارب ..

    ردحذف
  56. الله يسعدج يارب ويهنيج ويخليها لج وتشوفينها عروسه وتشوفين احفادها ان شاء الله

    ردحذف
  57. الله يحفظها لك يارب وتشوفينها تكبر قدام عينك وتشوفينها عرووووس
    حسيتك تتكلمي عن بنتي الاولى نحييفه رغم ان صحتها زينه واللي كانو يسالوني اقولهم اهم شي انها بصحه وعافيه فالحمدلله ماواجهت ازعاج ماغير اهلي كانو يتكلمون بس انتقاداتهم عسل على قلبي لاني عارفهة يبون مصلحتي
    اما سالفه الثقب بنتي الصغيرة عندها وتو عمرها ثلاث شهور .. الحمدلله تطمنت من كلامك رغم ان بالمشتشفى قالو صغير مرة وكمان قريت .. الله يشفيها ويارب يتسكر ..


    الله يحفظ لنا ذريتنا ويرزق كل من تمنى الاطفال

    ردحذف
  58. مرررره جميل البوست وسبحان الله كأنك تتكلمين عني
    بنتي عمرها سبع شهور وخفيفة دم وتضحك للكل بس
    جسمها صغير وطبيعة جسمها كذا بس تعااااالي،شوفي
    الناس اللي اقابلهم ي الله صغيره نحيفه ما ترضعينها
    حرام عليك ، بالبدايه كنت اتضايق بس الحين عرفت
    كيف ارد عليهم هههههههههههه

    يعطيك العافيه شيوم

    ردحذف
  59. الله يحفظها ويخليها لك يارب

    ردحذف
  60. الله يحفظها لك يارب

    ردحذف
  61. سبحان الله

    انا عندي بنتين الاولى عمرها ثلاث سنوات والثانيه سنتين


    بنتي الاولى جايه علي يوم كنت صغيره انا ماكنت مربربه كنت نحيله

    فكل من شاف بنتي قالولي بنتك ماسمنت ماتعطينها ماتوكلينها ما ما ما يووووووه ياشين ذَا الكلام لين صرت أرد وأقولهم انا عا جبتني كذاااا مابيها دبيه ههههههههه فمعاد احد تكلم


    وبس هههه يسلمووووو جورجس والله يخليها لك

    ردحذف
  62. يازينها ديوم عاد ما احسها نحيفه مره بسم الله عليها بس الناس ماتخلي احد ههههههه :(

    ردحذف
  63. شكرا مرة شيوم على هالبوست 😩 انا في مرحلة انتظار ديومتي حقتي الله يجيبها بالسلامة وتعلمت كثييير من البوست تبعك الله يعطيك العافية شكرا مرة ❤❤

    ردحذف
  64. نبي بوست عن كيف استعدتي وزنك بعد الولاده

    ردحذف
  65. شيوم لمن قريت الموضوع عطيتيني اجابية بشكل 💔😩 الله يخليلك ديم وبالتوفيق حبيبتي ❤️❤️

    ردحذف
  66. ربي يحفظها ويخليها لكِ وعقبال تشوفيها عروسة زي القمر ♥♥

    ردحذف

التعليقات الجميله ♥♥

Blogging tips