الاثنين، يناير 12، 2015

شادوهات سيفورا ل٤ لوكات متنوعه بشكل مميز | فكره لهديه ♥


السلام عليكم وَ رحمه الله وَ بركاته 
قبل فتره كنت بزياره محلي المفضل "سيفورا" باخذ اشياء ناقصه بس خلصت قالت لي الموظفه حابه تشوفين كولكشن الهوليداي ؟ انبسطت انو جايبين شي عندنا صراحه!! كولكشن الهوليداي هو كل نهايه سنه تقريبا اغلب الماركات تنزل مجموعات صغيره بشكل ملفت للنظر ، اما ينزلون شي جديد او ياخذون البرودكت الاكثر مبيعا ويحطونه كمجموعه ، الاحجام تكون اصغر ففرصه نجرب كذا منتج من الماركه بسعر حلو بدال لانشتري حجم كبير ونتوهق فيه!!

فاخترت مجموعه "4 eye look books" الي هي ٤ كتب فيها شدوهات متنوعه لتعطيك ٤ اطلالات ..




شكلها الخارجي ♥ ، صراحه اكثر شي حمسني اشتريه الشكل ومنها فرصه اجرب شدوهات سيفورا ..


مثل ماقلت هي ٤ كتب ، كل كتاب فيه ٥ شدوهات ومرايه صغيره وكيفيه الاستخدام عشان يعطيك لوك معين "مو شرط تتقيدون فيه هو مجرد اقتراح" 

لوك السموكي


اول كتاب عن السموكي بالالوان القويه "من فوق لتحت"

١. لون اسود على رمادي فيه قليتر
٢. رمادي مطفي
٣. لون كحلي فاتح ماعرفت اوصفه صراحه
٤.اسود مطفي
٥.ابيض للاضاءه

سواتش من النت :

اللوك الميتاليك


الباليت هذي الوانها ميتاليك يعني معدنيه فيها اضاءه مافيها قليتر او كتل من اللمعه
فيها ٥ الوان (من فوق لتحت)

١. ذهبي
٢. لون شامبين
٣. لون نحاسي
٤. لون رمادي غامق معدني
٥. اخضر معدني

سواتش من النت :

لوك البارتي


الباليت هذي للمناسبات والحفلات ع كلامهم ، لان قويه الوانها ، عن نفسي ماتجرآ استخدمهم :$ ممكن يكون شدو تحت العين مثلا كتغيير بس استخدمهم كلهم ماتوقع ..

١. بنفسجي غامق
٢. بينك فاتح -ينفع لاضاءه-
٣.بنفسجي معدني في ذرات سيلفر
٤. بنفسجي فيه ذرات وردي تقريبا
٥. لون تان فاتح فيه لمعه - مره حبيته-

سواتش من النت :

لوك النيود


احلى باليت بالنسبه لي لان كله مطفي والوان طبيعيه .. 

١. بيج غامق
٢. بيج فاتح
٣. بني دافي
٤. لون الكيكاو
٥. شامبين فاتح

سواتش من النت :


رآي عن الباليتات :

الباليتات الحلو فيها منوعه ، حجمها ضعيف سهله الحمل وكل مره تقدرين تاخذين اللوك الي تبينه ، فيها تعليم للوكات وشلون طريقتها للمبتدأت ، الشدو نفسه ملمسه زبده ومتماسك مايتناثر مره ، اهم شي البيقمنت للشدو هل من مسحه وحده يبان اللون ؟ بصراحه لا! يبيلك تحطين كذا طبقه ويالله يبان ، خاصه الالوان الفاتحه ، بس الحلو انها سهله الدمج وخاصه للي ماتعرف بالميك اب كثير ماتخاف انها تحط وتحوس ، يعني يمديك تحطين كذا طبقه ع راحتك ، الي جربتهم كلوك كامل باليت النود حطيته بزياره وحبيت النتيجه انها ناعمممه مو اوفر والالوان مدموجه ببعض ، الباقي جربته ع العين بس اشوف قوه اللون ومسحته يعني ماطولت فيه ، بالنسبه للثبات كان متوسط ٣ ساعات وبدا يخف ، حطيت قبله برايمر وكان مناسب بس ماتوقع بيكون ثابت بدون برايمر ، كالالوان باليت البارتي والميتاليك بعد واضحه اما النود اقدر اقول اقلهم وضوح بس مناسب للصباح يعطي لون هاااادي ، ع العموم اذا حطيتي برايمر او لون كاساس للشدو راح يمشي معك ، وجربته ايضا بالفكس بلس من ماك وخلا اللون واضح.

ايجابيات :
- الوان متنوعه
- سهوله الحمل وتكوين لوكات مختلفه
- طرق تعليميه لاستخدام الباليت
- سعره مناسب بالنسبه لتنوع الالوان ١٧٠ ريال تقريبا

السلبيات :
- الالوان صبغتها مو قويه
- العلبه الخارجيه تتوسخ لانها مطفيه

بشكل عام انصح بالباليت للبنات الي ماعندها خيارات الوان بالشدو كثير ومبتدآه ، بتكون هديه جددا مناسبه وخاصه ان شكلها حلو كديكور حتى ، سهله الدمج فالي تخاف من الالوان تجرب هالباليت يمكن يعجبها ، الي متمرسه اكثر بالميك اب ماراح تحب هالباليت لان مافيه الوان مميزه وصبغه اللون مو قويه فراح يسبب لها خيبه امل p:

انا اخذته من سيفورا - بالنخيل مول وببنوراما وبالحياه مول وبالعليا - وقبل يومين بنت تقولي انو موجود فياااارب الي يعجبها تحصله ، اذا ماحصلتيه تقدرين تطلبينه من امازون :
هنا

اشوفكم ببوستات اجمل 


هناك 11 تعليقًا :

  1. 💕💕أنتِ جميله 💕

    ردحذف
  2. الله يعطيك العافيه على المجهود اللي تبذلينه ..
    وعن نفسي تحمست له بالذات باليت النود 😍😍
    ينفع لطلعات النهار واللوك الطبيعي ❤️❤️

    ردحذف
    الردود
    1. يعافيك يارب حبيبتي ♥♥♥
      شرفتيني

      حذف
  3. يعطيكي العافية 😘

    ردحذف
  4. شكرا على البوست ، حبيت نشاطك مع بداية السنة ان شاء الله على طول الله يوفقك شيومتي

    ردحذف
    الردود
    1. الله يسعدك ♥♥♥ ان شاء الله هالنشاط يستمر D=

      حذف
  5. مرره حبيتها احس كمان تناسب المراهقات اللي ودهم يعملو ميك اب وماينفع يحطو شي ثقيل
    بجيبها لأختي ان شاء الله تنفع تكون هديه^^
    الله يسعدك والله حبيت البوست

    ردحذف
    الردود
    1. صح يصلح للصغار والمبتدئات ♥♥
      ان شاءالله تحصلينها ، شكرا ياقلبي نورتيني ♥♥

      حذف
  6. مدونتك شي جمييل ..
    احب ادخل واشوف جدييدك ع كثر البلوقرز بس هاذا اكثر بلوق حبييته ..
    اتمنى لك التووفيق ..

    ردحذف

التعليقات الجميله ♥♥

Blogging tips