الخميس، ديسمبر 11، 2014

اختياراتي من محل فورايفر ٢١ | Forever21 haul ♥



السلام عليكم وَ رحمه الله وَ بركاته! 

هالبوست تعاون مع فورايفر ٢١ ، مريت ع محلهم واخترت كم قطعه للشتاء ، وقتها كان عندي سفر
والمحل كبيييير يحييييير ماخذت راحتي تماما وحقدت على اميره قاعده تتفرج ع رواق وانا اركض رايحه جايه هههههه

اخترت كم قطعه حبيتهم كثيير وبالواني المفضله الابيض والاسود والرمادي الي كل دولابي هالالوان ماأمل منهم p:



هذا فيديو بسيط لزيارتي ، نزلته بالانستقرام بس الكواليتي مو مره كانت للاسف!

نشوف شنو اخترت :)♥؟؟





بلوفر او جمبر له كذا اسم ، كاروهات واحلى شي الخيوط الي طالعه منه fuzzy ودايما اخذ مقاس وسيييع احبه علي كذا 

سعره ب١٣٩ ريال




نفس الشي جمبر او بلوفر مقلم بتقليمات عريضه ، الحلو فيه مو ماسك ع الجسم من تحت وطرف اطول من الثاني
احب كذا مره ، ومتخيلته مع ليقنز وستيتمنت نيكلس بيطلع مرتب 
سعره ١١٩ ريال



اكثر شي حبيته بالمجموعه كلها ههههه اوفر سايز جاكيت يعني يطلع عليك وسيييع ، جدددا حلو ع اللبس بس متى يبرد الجو متتتتى :(( لونه رمادي عشان يمشي مع كثير تنسيقات ، كان في بينك عجبني كثيير يمكن ارجع اخذه واطقم مع اميره p: سعره ب٢٧٩ ريال ، وترا جددددا حلو مقارنه بخامته الي تبين اغلى!!





لو سمحتو لحد يضحك ع تصويري للبناطيل ههههههههههه ماعرررف بس نتعلم لخاطركم p:
اخذت سويت بانتس الي هو بنطلون رياضي اتوقع وماسك من تحت ، دارج حيل هالموسم ويلبسونه مع هيلز تخيلو!
غريب شوي بس شفت له تنسيقات كثييره وحبيته ، ومافي احلى من الكشخه المررررريحه P;
سعره ب٨٩ ريال 




ليقنز جلد مدموج مع استريش ، افضل هالشكل على الجلد الكامل بالنسبه لي 
اخذت واحد الشتاء الي فات وكرفته كررررف ، تحطينه مع بلوفر او مع قميص او مع تيشيرت او جاكيت
اي شي يعطيه اناقه وستايل!
سعره ١٠٩ ريال


طبعا ديم لازم تحشر عمرها :| وقاعده تشرح لكم التفاصيل الي ع الليقنز وان له سحاب من تحت هههههه



شال كاروهات اخضر ، كان عاجبني الرمادي بس لان لبسي كله رمادي اصلا فهذا بيكسر اللون شوي
ب ٦٩ ريال 



قبعه صوفيه كيوت :$ ب ٤٩ ريال 


نجي للخواتم!! كان قسم الاكسسوارت مو خالص تمااماا :( فاخذت هذا السريع بس ضروووري ارجع اخذ منهم
اسعارهم غير انها رخيصه تحصلين اكسسوارات الي تشوفينها بالتمبلر او اللوك بوك عندهم فاتحمس لهم كثيير!! 

يجون بنص الاصبع وهم ٣ الوان ب٢٥ ريال


الي بالنص فوقمدري ليه اخذته واضح مستعجله هههههه تشكيله ببدايه ونص الاصبع ب١٩ ريال


حبييته بنص الاصبع وبدايته ب٩ ريال


احلى شي ومن زماان كنت ادوره وتحسفت ماخذت اكثر :"( ب٩ ريال بس 

وبس هذي اختياراتي ، وجد يبيلي رجعه له ان شاء الله وخاصه قسم الاكسسوارات والبجايم ، بس امانه خلو لي شي هههههه لان من قبل الافتتاح والمحل زحمه ماشاء الله !! واليوم الساعه ٨ هو الافتتاح الرسمي ، شوفو جولتي بالمحل هنا :

http://igorgeousta.blogspot.com/2014/12/forever21-in-riyadh.html

منو رايح اليوم ؟ يمكن اشوفكم هناك D= 





















هناك 5 تعليقات :

  1. مرة ودي اروح له اليوم بس اكيييييييد بيكون زحمة
    غير انه فوريفر توني ون .. اليوم خميس يعني ويكند
    وحياة مول من غير شي اصلاً زحمة تقطع القلب :(
    يالله بستنى شهر وبروح له ان شاء الله لين توقف طفة الناس فيه :p

    ردحذف
  2. انتي تبغي تجيبي الجاكيت البينك وانا ابغى زي حقك هههههه
    ويسعدها ديم وامها ♥

    ردحذف
  3. أنا على طول ادخل محلهم عندنا بالخبر ,, يجيب السعادة ماشاء الله أحب فساتينهم الناعمه مررة تجنن وكيوت وزي ماقلتِ اكسسواراتهم ماينشبع منها ابدا جميله جدا ورخيصة
    تتهني باللي اشتريته ان شاء الله

    ردحذف
  4. ماكنت متحمسه له مره بس حمستيني ان شاء الله اروح له قريب ♡

    ردحذف
  5. اسعارهم تحمس الواحد يخم هههههههههه

    ردحذف

التعليقات الجميله ♥♥

Blogging tips