اساور جوسي كوتور ، اثنين في واحد | اخذيها او خليها ♥

السلام عليكم ورحمه الله وبركاته ♥♥

عوده من جديد مع سلسله اخذيها او خليها ، استعرض معاكم بعض القطع الماركه وانطباعي عنها.

بحاول انوع من الغالي والرخيص ومو معناته اذا ماركه لازم غالي ، نقدر ناخذ اي شي دام عاجبنا اكييد ♥♥

اليوم بتكلم عن جوسي كوتور ، جوسي كوتور من الماركات الي اعشقها والي احب اشتري منها من زماان ، الوانها وديزاينتها تمثلني! صح انو صارلي سنتين خف حبي لهم لان ستايلاتهم كل ماالها تصير بناتيه او للمراهقات اكثر فصرت ماخذ منهم واعوض واخذ لديم منهم p: اسعارهم متوسطه نفس مستوى كارولينا هيريرا ، اكسسواراتهم جدا جدا جميله وعمليه ، مثل ماقلت تنفع للصغار اكثر او ستايل السبورت *هذا الي اشوفه* وعلى فكره خلاص ماراح يصير في شي اسمه جوسي :"( لان الماركه انباعت لشركه ثانيه وراح يغيرونها ، سمعت انها بتنظم لماركه كيت سبيد "الي اكرهها :"( * صح اني ماراح اشتري منهم شي بس احس وحب وولاء للماركه ، مواقف كثييره مرتبطه معاهم ، جد حزنت p:

المهم ، بتكلم اليوم عن اساور جوسي اثنين في واحد ، لانها تعتبر اسواره وربطه شعر ..

كل فتره ينزلون شكل جديد من الاساور ع حسب السيزون ، هذي ثالث اسواره ، جتني هديه وعندي منهم ثنين من زمان وكل مره احس شكلها يتغير ، خاصه الالوان وسمك الاسواره وضعفها ، الاكسسوار الي عليها بعد يتغير ، احبهم للبيت او للبس كاجوال ، قويه جدا اذا بتربطين شعرك ، بعض الربطات اول ماتحطينها ترخي ، هذي لا راكزه "خاصه السميكه منهم" القديمات كرفتهم كرررف واخذتهم اختي الصغيره وكرفتهم ورجعتها لي وللان مانقطعت او تغيرت ماشاء الله ، بالنسبه لسعرها حول ١٠٠ ريال واتوقع اقل ، مره تستاهل اذا تحبين مثل هالديزاينات ، تنفع للابتدائي والمتوسط والثانوي بعد

هي تجي ٣ حبات مع بعض ، تنباع كذا بدون علبه بس انا احب احتفظ فيهم بالعلب اسهل لي اذا بطلع شي ومستعجله ، تنفع هديه بس بالاضافه لشي ثاني يعني احس مو حلوه كذا بروحها p;

بالنسبه للاكسسوار الي فيها ، القديمات ماتغيرو ابدد كأنها جديده بس اكيد مع شد المطاط ارتخى شوي

الايجابيات:

تنفع ربطه شعر واسواره ، سعرها ممتاز ، جودتها ممتازه ،

السلبيات:

ماحصلت سلبيه صراحه :|

اخذيها او خليها؟

اكيد اخذيها ، اذا تحبين هالستايل او تنفع لهديه

شوفو موقعهم فيه اشكال جممميله

http://www.juicycouture.com/Accessories-Hair/l/504

اشوفكم ببوستات أجمل ♥♥