الأربعاء، يوليو 16، 2014

اختياراتي للعيد لأميراتنا الصغيرات من موقع شيلدرن صالون ♥



السلام عليكم وَ رحمه الله وَ بركاته ، تو أحس بمعاناه الامهات وخاصه مع البنوتات ههههه! قبل اذا رحت السوق اشوف ملابس البيبيز وانبهر فيها وابي اشتريها كلها ، الحين اذا بشتري لديم اتعب عليها اكثر من اتعب ع نفسي :(

من زمان اسمع بموقع شيلدرن صالون وكنت بجهز منه بحملي لديم بس ماحصلت فرصه ، فانبسطت انهم دعوني استكشف هالعالم ومنها اشوف تنسيقات لديم واشاركم بالاشياء الي عجبتني بالموقع.


في مدينه تونبريدج ويلز \ انقلترا كان تأسيس محل شيلدرن صالون سنه ١٩٥٢ وكان هدفهم ان الاطفال لازم يلبسون ملابس انيقه ومرتبه ، ومرت السنين وصار اضخم موقع الكتروني مختص لملابس الاطفال ، الموقع يحتوي على ٢٧٠ ماركه ، والي لاحظته بس نزلت صوره هالبوكيه في انستقرامي :



ان كذا بنت قالت ان خدمه عملائهم ممتازه ودايما يتعاملون مع الموقع ، فماستغربت فوزهم بجائزتين :

١. افضل خدمه عملاء
٢. افضل بائع بالتجزئه “ماعرفت اترجم معنى ريتايلر” :$

الجميل بالموقع انه متعدد اللغات وضايفين اللغه العربيه كخيار ، لان كثار ودهم يطلبون من النت بس اللغه تعيقهم فأحس هالموقع بيفيدهم كثيير ، بالنسبه للتوصيل السعر يعتبر رخيص وثابت ٤٠ ريال تقريبا ، بالنسبه للطلب اون لاين ومن خلال تجربتي بعض المتاجر ماتشحن برا امريكا فاضطر اجمع الطلبات بصندوق امريكي والشحن ياخذون ع الوزن! فحسيت سعرهم مرره ممتاز ويوصلونه لباب البيت :)

من خلال محادثتي مع المسؤوله الجميله بمتجر شيلدرن صالون ، كان اهتمامهم بالعملاء وكيف علاقتهم معاهم محور الحديث ، فحسيت التسوق من متجرهم تجربه حميميه ههههه كأنك مع صديقات تسولف معاهم وتشترون مع بعض! خدمه العملاء بصراحه في عالمنا العربي ياخذون ايي ملاحظه كشي شخصي ماكأنه بزنس ودايما المفترض الزبون على حق! فانبسطت بمادرتهم هذي وحرصهم ع رضاء عملائهم ومشاركتهم لاختيارات الزباين في مواقع التواصل الاجتماعي :)


موقع شيلدرن صالون يحرص على المناسبات الدينيه مثل رمضان والاعياد ، بمناسبه رمضان اختارو مصوره سعوديه وموديل بنوته سعوديه اتوقع كثار يعرفونها “رند” وسو معاهم جلسه تصوير كيوت حتى تكون بطاقتهم لمعياده زباينهم واحباء موقهم ، حبيت الفكره ودعمهم للمواهب المحليه
 
وخصصو رابط بمناسبه العيد فيها اقتراحات لملابس للبنات والاولاد تنفع لكشختهم بالعيد ، تسهل عليكم البحث!
البنوتات:
الاولاد:
الاطفال:
الماركات الي بالموقع كثييره! والاسعا في الغالي وفي الرخيص

الفيرو مارتيني حسيته المفضل لشعبنا العزيز :p
مثل ماقلت الماركات كثيره والاسعار متنوعه وصار الاغلب ياخذ ماركه مرتفعه مثل قوتشي او ديور ويلبسها مع ماركات اقل! المكس اند ماتش جمميل لان مانستنزف الميزانيه وبنفس الوقت مو مهم اسم الماركه قد مو مهم الكشخه والاناقه

هذي اختياراتي الي حسيتها مناسبه للعيد او تبديله بالعيد للبنوتات الصغار بعمر ديومي "اقل من سنه":

هالفستان جدا فخم ولونه وخامته بطله تخيلته مع باند شعر ع شكل فيونكه كبيبيير وشوز ذهبي بيطلع جمميل
الرابط:
http://www.childrensalon.com/girl/eid/baby-girls-gold-jacquard-dress.html


يزنن هالفستان هههه! حبيت التفاصيل الصغيره مثل الورود والابه والاكمام البف والدانتيل الي تحت!حسيته فستان اميرات وسعره حلو بعد
مع شوز دانتيل وشباصه فيونكه بيطلع انيق
الرابط:
http://www.childrensalon.com/catalog/product/view/id/425101/s/baby-girls-ivory-dress-with-collar/?rocket=products-related-to-product
حاليا مو متوفر بالموقع بس افكر اخذه للعيد الجاي p:

بربري من اختيارات الكثيير من الامهات و اسعاره حلوه و اشكالها انيقه تنفع للصباح والليل
حبيت هالفستان منهم , الرابط:
http://www.childrensalon.com/baby-cotton-check-beige-dress.html


هذا بعد من بربري للي مايحب ان الطباعه تكون ع كامل الفستان هذ خيار ممتاز وموديله جميل كأنه تنوره وبلوزه
الرابط:
http://www.childrensalon.com/baby-girls-white-dress-with-exploded-check.html

الفستان الجممميل من يونق فيرزاتشي لونه والخامه فخاامه .. جميل بس سعره شوي مرتفع :$ بس مايمنع اشاركم بأسعار متنوعه وكل شخص وميزانيته
الرابط:
http://www.childrensalon.com/silk-chiffon-baroque-print-dress-and-knickers-set.html?rocket=products-related-to-product

الفستان الججميل طبقات وفيونكه مثالي للعييد حبيته مره من روبيرتو كفالي .. عليه خصم 50%
الرابط:
http://www.childrensalon.com/baby-girls-silk-dress.html
وشوفو تشكيله فساتين روبيرتو كفالي الاغلب عليه خصم يسوى







هذا بعد من روبيرتو كفالي حبيته وحبيت الوانه كتغيير عن البينك المعتاد وعليه خصم 50% بعد
الرابط:
http://www.childrensalon.com/purple-silk-bubble-hem-dress.html






للي يجب الفساتين الناعمه هذا من بربري وسعره ممتاز عليه خصم .. احب الفساتين الي معاها شورتات تحسين بتناسق مع اللبس ولايبان الاندروير الشاطح :$
الرابط:
http://www.childrensalon.com/sale/baby-girls-ivory-silk-and-linen-dress-with-knickers.html


 

الفستان الجميل من ديور .. على الرغم البعض ممكن يتغالاه بس احس سعره لئطه لان عليه 50% وباقي كم قطعه بس!
الرابط:
http://www.childrensalon.com/blue-cotton-floral-dress-and-knickers-set.html?rocket=products-related-to-product

انا احب الفساتين بالعيد احسه انسب شي ودايما عندي"الفساتين" مرتبطه بالعيد وفرحه الاطفال .. بصراحه اول مابديت اشوف القطع ماعجبني شي ابد وكنت مقرره ماكتب هالبوست لان مستحيل اكتب عن شي مو عاجبني بشكل شخصي بس لما توغلت بالموقع وجلست ابحث بدقه اكثر شفت اشياء تستاهل وحبيتها مره مرره .. واحترت واخترت كم قطعه كنت بكمل بعد بس قلت اترك شي لاختياركم وذوقكم الشخصي مثل القطع الي اخترتها تعبر عن ذوقي انا .. شوفو التخفيضات واستغلوها الموقع منوع بين الغالي والرخيص وكل شخص وميزانيته اكيد.

للي حاب يطلب للعيد اخر فرصه لكم 25 من رمضان الموافق 23 يوليو عشان يوصلكم بالموعد المضبوط..

لفتت نظري شنطه ديم كثار سألوني عنها وماحصلوها بالمحلات .. حصلتها بالموقع بس لون غير :

http://www.childrensalon.com/baby/baby-bags/pink-baby-bag-40cm.html 

واخر شي لفت نظري بعد قسم الهدايا .. للي يحتار شنو يجيب للمواليد او كهديه لاي مناسبه موقع شيلدن صالون موفر قسم كامل بس الي عليك تختارين العمر ويحطلك الاقتراحات من خلال هالرابط :
http://www.childrensalon.com/gifts/

اخيرا بالنسبه للأسعار انا ماقارنتها صراحه .. بس صديقات لي يقولون لي افضل موقع يتسوقون منه لصغار وخاصه وقت التخفيضات وحابينه جدا .. ان شاءالله بيكون لي تجربه بنفسي وبحكم عليه بس كرأي اولي حابته وحابه بضايعهم وقالولي راح يضيفون قطع جديده وماركات افضل ..

بالنسبه لطريقه التسجيل سهله مره بس اتبعي الخطوات مضبوط وكل شي بالعربي مكتوب.

الموقع :
http://www.childrensalon.com/

Facebook: https://www.facebook.com/pages/Childrensalon/6122733865

 Youtube:  http://www.youtube.com/user/childrensalon

 Twitter: https://twitter.com/Childrensalon


انستقرام للموقع الاصلي وواحد مخصص للعرب

 http://instagram.com/childrensalon/

http://instagram.com/childrensalon_arabic


ان شاءالله تكونون حبيتو البوست وشاركوني رايكم واذا جربتو الموقع قبل

هناك 6 تعليقات :

  1. ماشاءالله لبس العافيه لآحلا ديووومه،، انا أخذت منه كم مره لولدي

    ردحذف
  2. لبس العافيه ياقلبي

    ردحذف
  3. ya zeen el banat w lebshom lebas el 3afyah ya rab

    ردحذف
  4. أزال المؤلف هذا التعليق.

    ردحذف
  5. البوست حيفيدني مستقبلاً :D
    بس للاسف اغلب الصور ما تفتح :(

    ردحذف
  6. مره تحمست بس الصور ماطلعت معي

    ردحذف

التعليقات الجميله ♥♥

Blogging tips