الجمعة، نوفمبر 01، 2013

مراجعه لسي سي كريم كلينك | الفرق بين البي بي كريم والسي سي كريم ♥






السلام عليكم وَ رحمه الله وَ بركاته ♥ ارسلت لي شركه كلينك اصدارهم الجديد من سي سي كريم ، للأمانه من زماان واصلني وجربته كثير لأن ماقدرت احدد علاقتي معاه اذا كويس ولا!



أول شي السي سي يختلف عن البي بي كريم الي انشهر بأغلب الماركات ، السي سي اختصار ل ( colour correctors) يعني مصحح للون ، فيه حمايه من الشمس + فوائد للبشره "علاجيه ع قولتهم" + لون خفيف + يغذي البشره ، تقريبا نفس البي بي كريم بس زياده عليه انو يتحكم باحمرار البشره وبخفف منها ويعطي اشراقه لها ، الاغلب يقول انو السي سي كريم عباره عن نسخه مطوره من البي بي كريم بس الي اشوفه انو السي سي كريم تغطيته اخف من البي بي كريم ، والدرجات الموجوده اكثر بكثير من البي بي كريم ، لان الهدف الرئيسي تصحيح اللون 


اختار البي بي كريم او السي سي كريم ؟

اذا حابه بس توحدين لون بشرتك ومظهر طبيعي انصحك بالسي سي كريم ، لو عندك مشاكل بالبشره مثل اثار حب شباب وهالات خفيفه او ندوب استخدمي البي بي كريم.



اليوم بتكلم عن السي سي كريم من شركه كلينك الي اسمه moisture surge ، يناسب اغلب البشرات اذا بشرتك مختلطه عادي حطيه ع بشره نظيفه ، اذا بشرتك جافه رطبي قبلها ، اذا بشرتك عاديه حطي باودر ع التي الزون او المناطق الدهنيه.

مزايا منتج كلينك:
حمايه الشمس ٣٠٪ ، فيه نسبه ترطيب ، مصحح للون ، خالي من العطور ، خفيف كفورملا ، خالي من الدهون ، تقدرين تحطينه تحت الفاونديشن او بدونه.

تجربتي مع كلينك:

اللون الي انرسل لي light medium متوسط فاتح ، اول ماجربته كان بيدي وزعته ع بشره نظيفه ، تكتل ع البشره وماندمج بشكل صحيح مع انو تركيبته خفيفه!

رجعت بعد فتره جربته مع فرشاه سيفورا مينرال الباودر رقم ٤٥ المعتمده للفاونديشن ، توزع بشكل بسيط حبيته بس اظن اللون غلط وصار وجهي شكله طيني :| المفروض يصحح اللون بس واضح انو الدرجه اغمق مني ، ملمسه ع البشره مو مريح مايندمج بشكل صحيح تحسين انو طبقه ع بشرتك.



بعد ماشريت فرشاه سيقما f80 جربته وحطيت برايمر قبله ، صار افضل بكثييير واندمج صح ، بس المشكله باللون للان بس مو مهم اهم شي النتيجه ، حبيته بعد فرشاه سيقما لان عبت المسام وتداخل مع البشره بشكل صح.

رجعت جربته وخلطته مع الفاونديشن حقي ، التغطيه اكييد افضل بس ماحس اضاف شي لبشرتي والطله بشكل عام يعني ماحسيت بفايدته صراحه.

الخلاصه:
حبيت المنتج للصباح او الطلعات الخفيفه ، يوحد لون البشره اذا فيها احمرار او اثار خفييفه بس مايغطي الهالات او اثار الندوب الكبيره ، اندماجه مع البشره صعب شوي يعني ماينفع اذا مستعجله لازم تحطينه بشكل صح ، اذا بشرتك فيها قشور من الجفاف يتجمع فوقها ومنظر مش ولابد صراحه لوول ، فلازم ترطبين المنطقه بشكل سليم قبله ، بصراحه يوضح انك حاطه شي ع بشرتك يعني الطله مو طبيعيه وارجع لسبب انو اللون الي عندي ماناسبني بس ممكن لو اخترتي لونك صح بيصير صديقك المفضل للدوامات ، حبيته وماحبيته بس يدي ماتنمد له اذا مستعجله عندي بدائل تعطيني نتايج افضل بكثير ومايوضح انو حاطه طبقه ع بشرتي.

هل انصح بتجربته:
عن نفسي ماراح ارجع اشتريه لان طلعاتي الصباحيه قلييييله ، ينفع للي عندهم دوام بالتأكيد بس البشرات تختلف فنصيحتي جربي اخذي عينه قبل لاتشترينه ، التجربه خير برهان ، واظن هذا اصعب ريفيو كتبته بحياتي ههههههه ، الي جربته وحبته او ماحبته تكتب تجربتها عشان الكل يستفيد.



للتواصل معي ع التويتر والانستقرام 

الايكونز ع يمين الشاشه





|




لاتنسين الاشتراك بالمدونه ليصلك كل جديد ..
كونو دائما جميلين  ..


هناك 8 تعليقات :

  1. مرحبا ياعسل

    ردحذف
  2. الكريم رائع والمنتج ناسبني تماما، مشكورة عزيزتي على طرحك الرائع.

    ردحذف
  3. أزال المؤلف هذا التعليق.

    ردحذف
  4. حبيبتي قورجس ربي يسعدك ويوفقك ويحقق طموحاتك ياخي م ارتاح الا لما ادخل مدونتك جمال ربي يخليكك

    ردحذف
  5. تتشرف ذي بودي شوب المنطقتين الشرقية والوسطى بدعوتكم لحضور "فعالية المدونين" يوم الخميس الموافق 21 نوفمبر بمعرضنا بمول "غرناطة" بالرياض، وذلك للاحتفال بإطلاق أحدث عطورنا وايت مسك سموكي روز.
    يرجى تأكيد الحضور بمراسلتنا على العنوان البريدي التالي: Hossam@althomad.com مع رابط المدونة الخاصة بكم واسم صاحبة/صاحب المدونة.
    وسوف يتم تقديم هدايا قيمة للمدونين الحاضرين من شركتنا تقديرا منا لجهودكم في التدوين وتلبية الدعوة.
    وشكرا جزيلا مع تمنياتنا لكم بالتوفيق

    ردحذف
  6. حلو امانتك ماشاء الله وانك تقولين رايك بصراحة ♥
    شكرا يا قورجس ♥ ♥

    ردحذف
  7. طيب كيف البيبي كريم تبعهم قد جربتيه؟
    و عجبك ولا لا؟

    ردحذف

التعليقات الجميله ♥♥

Blogging tips