الأربعاء، مايو 29، 2013

طريقتي بإخفاء الهالات بالتفصيل ♥ #قورجستا



السلام عليكم وَ رحمه الله وَ بركاته  وحشتوني كثيير ، يارب ماغيب كذا مره ثانيه :( بس لو غبت عن المدونه انا دايما متواجده بالانستقرام والتويتر "الروابط ع يمين الشاشه" اليوم حابه اتكلم عن موضوع انطلب مني كثير وخاصه من ريم متابعتي الجميله فالموضوع اهداء لها.
كثير يشتكي من هالات والي ماعنده فهو انسان محظوظ فيشكر ربه هههههه ، انا اعاني منها وكثرت بالفتره الاخيره وخاصه انو ٢٤ ساعه ع الاجهزه ، الكلام عن الهالات واسبابها طويل بس دايما وابدا انصحكم تستشيرون شخص ثقه مثل دكتور يشوف لو هالاتكم وراثيه بيحلها بالعياده عنده ولو كانت خفيفه او نتيجه سهر وتعب وغيره حلها مع الكريمات المتوفره بالصيدليات ، فالاول استشيرو دكتوركم وبعدين ابدو بالحلول ، اليوم بتكلم عن اخفاء الهالات بشكل مؤقت باستخدام الميك اب ، المنتجات الي بعرضها مو أفضل شي لاتعتمدون عليها جربو لحد ماترسون ع شي مناسبكم ، انا بس بعرض لكم طريقه اخفاء الهالات والمنتجات الي ناسبتني.




اول خطوه ، ترطيب المنطقه ، المنطقه الي حول العين حساسه جدا رطبوها بمرطب خاص افضل شي ، انا استخدم بوبي براون وللاسف انتهت صلاحيته قبل لا اخلصه نسيته بالدرج هههههه ، المهم لما ترطبون وجهكم قبل الميك اب رطبو تحت العين وانتظرو لحد ماتمتصه البشره وبعدين كملو مكياجكم.

طريقه استخدام:
وزعي نقط صغيره من الكريم حول العين من فوق وتحت وبعدين وزعيه بالطبطبه وليس المسح! لان المسح يشد المنطقه وهي حساسه حبتين وبالطبطبه نفيد البشره نحرك الدوره الدمويه ونخليها تستفيد من الكريم اكثر.

رأيي:
المرطب روعه وينعش المنطقه وخفف هالاتي ، ماأخفاها تماما بس الي هالاتها خفيفه او تبي تعتني بالمنطقه هذي لانها عرضه للتجاعيد تستخدم المرطب هذا انصح فيه كثير.


ثاني خطوه ، الكوركتور .. في ناس تقول احط الكوركتور قبل ولا بعد الفاونديشن ؟ اقدر استغني عن الكوركتور ؟ الكوركتور يكفي بدون كونسيلر ؟
اول شي بالنسبه لي احب احط ميك اب العيون كااامل وبعدين احط فاونديشن والاشياء الباقي لان بكذا المكياج يكون انظف ، ماحس في فرق كبير اذا حطيت الفاونديشن قبل ولا ؟ بس اذا بعض الفاونديشنز ثقيله فتغطي الهالات فتحتاجين كوركتر بكميه اقل ، هل تحتاجين كوركتور ؟ بالنسبه لي اي ويفرق الكونسيلر معه لانه مع الهالات الغامقه ، اللون الاورنج يكسر اللون الغامق تحت العين ، الكونسيلر بروحه يقلب الهالات رمادي ، وافضل كوركتور هو الاورنج او البيتشي "المشمشي"
استخدم تبع بوبي براون لان ماحصلت لا بماك ولا ميك اب فور ايفر كل شي مخلص ، بس ماندمت انو شريته مره حابته.

 طريقه استخدام :
اوزع الكوركتور بعد الفاونديشن ع الهالات واوزعه باصبعي بالطبطبه او باستخدام البيوتي بليندر الرائعه بالتوزيع وخاصه انو كريمي فصعب شوي.


رأيي:
حبيته بس لو كان لونه اكثر يميل للبرتقالي احس بيغطي بشكل احلى ، بس بشكل عام حابته وبس يخلص افكر اشتري من ماركات ثانيه ودي اجرب شي ثاني.



ثالث خطوه ، الكونسيلر ، يفضل تاخذين كونسيلر درجه افتح من الفاونديشن عشان ينورلك المنطقه ، استخدم تبع بوبي براون بس صارله فتره يخطط ومايغطي كويس اظن انتهت صلاحيته والله اعلم :\ 
كان ماشي معاي تمام وحلو ، بس شريت بعده من استي لودر حبيت اجرب شي جديد ومره انبسطت انو جربت هالشي ! عجبني اكثر من بوبي براون ، حسيت يميل للبينك شوي فاحس ينور المكان بشكل احلى! الدرجه الي عندي رقم ٢ ماعندهم درجات كثيره بس الدرجه الي اختارتها كانت موفقه.


 طريقه استخدام :

اوزعه بالطبطبه وأحاول اخليه ع شكل مثلث مثل كذا :


عشان ينور المنطقه وبعدين ادمج كل شي بالبيوتي بليندر ، استي لودر سائل اوزعه باصبعي بعدين ادمجه بالبيوتي بليندر *صورتها فوق اول صوره وهي اسفنجه خاصه بالدمج* وبالنسبه لبوبي براون منتج كريمي اوزعه باصبعي او بفرشاه سيقما الخاصه بالكونسيلر وبعدين كشكل نهائي ادمجه بالاسفنجه.




رأيي:
كنت احب بوبي براون بس بعد استي لودر غيرت رايي وممكن اغير رايي لو جربت شي افضل ، فمثل ماقلت التجربه دايما خير برهان ، بس احس اختيار اللون يأثر بشكل كبير بالنتيجه فيمكن العيب مو من بوبي براون لا من اللون الي اخترته ، بالنسبه للتغطيه احس استي لودر افضل .



رابع خطوه ، تثبيت الكونسيلر + الكوركتور ،، واهم شي تثبتينهم ببودره منثوره شفافه عشان مايخططون!!!  جربت البودره المضغوطه حلوه بالبدايه بعدين تحصلين تحت العين مخطط ، فالافضل البودره المنثوره ولو ماعندك جربي بودره مضغوطه ووزعيها بالفرشاه مو بالاسفنج ، المكياج ابدا مو رياضيات ١ + ١ يساوي ٢ ، كل شخص له تجارب تختلف والي ينفع معي يمكن ماينفع معك فمالك الا التجربه.



 طريقه استخدام :


استخدم بودره بير مينرلز فييل ، بودره شفافه كانت جايه مع الفاونديشنز الي تكلمت عنهم قبل ، استخدمتها لتثبت الكونسيلرات وشفت فرق كبير ، اوزعها بشكل خفيف بفرشاه بير مينرلز.


رأيي:

جربت هالطريقه من فتره قريبه ، وحبيتها كثيير افضل من البودره بمراااااحل ، وشكلها طبيعي اكثر.



شي اضافي ، لما اسوي ميك اب الصبح وابي شي سريع استخدم كونسيلر قارنييه درجه رقم ٢ ، خفيف ويغطي الهالات صح مو بيرفكت بس مين يبي يكون ببشره فلولس الصباح؟ حلو نكون ع طبيعتنا لوو شوي ، انصح فيه وثبتيه ببودره سائبه مثل ماقلت ، عيبه الوحيد انو مايثبت مره ، بس خلصته وحبيته وبرجع اخذه.

بالنهايه ، المكياج تجارب حلو نتعلم ونجرب طرق جديده ونشوف الي يناسبنا ، انا مو ميك اب ارتيست وماصارلي فتره طويله احط مكياج صراحه هههههههه بس كل يوم اتعلم واتحسن ، ويارب اوصل لمرحله ترضيني ، اذا حبيتي شي تعلميه ومع الممارسه والتجارب راح تتقنينه ، محد يعرفك الا انتي ، فطلعي جمالك بنفسك لاتنتظرين احد يطلعه لك.

الاماكن:
- منتجات بوبي براون بالهارفي نيكلس الفيصليه ، ناسيه الاسعار تماما.
- استي لودر بالهارفي نيكلس الفيصليه واظن باغلب المحلات الكبيره.
- قارنييه رول من اي سوبر ماركت تحصلينه انا اخذته من هايبر بنده.


للتواصل معي ع التويتر والانستقرام الايكونز ع يمين الشاشه

     

لاتنسين الاشتراك بالمدونه ليصلك كل جديد ..
كونو دائما جميلين  ..



هناك 48 تعليقًا :

  1. تسلم يدك، عاد انا حالتي مع الهالات حالة مشوووهتني بشكل كبير
    والمشكلة أنها وراثيه جربت كريمات كلها ب٢٠٠ وفوق اخر واحد جربته ب٥٩٠
    اخر شي قولت بسوي إبر اي حاجة ، روحت لطبيب قالي لسى صغيرة ع الإبر و أصلن نتيجتها
    مؤقتة وحتى غير مرضيه ف بطلت والحمدلله أنها جات على هالات مو حب شباب او شي أصعب
    دوبي قريب اشتريت كونسيلر ومصحح بوبي براون ،حق آستي لودر بكم ؟ شكلي حقلدك p:
    بودرة مينرالز سألتك عنها قبل فترة ع الإيميل متذكرتني؟
    المهم ترددت كثير وفي الآخر بطلت خخخ

    ردحذف
    الردود
    1. صح بعض الاشياء ممكن نتغاضا عنها ومانهتم كثير لها لان كل مادققنا بنتعب ♡ الاسعار والله ناسيه للاسف :((( بس يمكن ١٨٠ مدري ههههههههه
      ارسلتيلي ايميل؟؟ ترا يجيني سبام اى ايميلات عشوائيه كثيييييييييييير فاضيع :( ارجعي ارسليلي وبرد ان شاءالله ♡

      حذف
  2. أثق فيك واحب تجاربك وطريقة سردك، الله يخليك لنا ويخلي لك أحبابك ♥

    ردحذف
    الردود
    1. حبيلك ♡ اميين يارب ويارب دايما اقدر افيدكم :")
      تسلمين ياقلبي

      حذف
  3. واااااااااااااو
    مفيد مفيد مفييييييد

    و اول وحده تكتب تعليق ههههه مو مصدقه

    3>>3>>

    ردحذف
    الردود
    1. ياازينك ♡ شكررا ع كتابه التعليق :$

      حذف
  4. اوف وين اكلك الصحي ونام بكير واصحي بكير واخر شي هالات سوجاء وكميه كريمان مهوله!!!!

    ردحذف
    الردود

    1. الهالات من زمان عندي وتعتبر وراثيه وتخف مع الاهتمام بس ماتروح!! ووين الكريمات المهووله كلها كريم واحد بالموضوع ههههههه!
      مدري ليش مصدومه هدي ياقلبي :/

      حذف
    2. خخخخخخ كل هالكونسلر والكوركتر و و و وتقولين وين هالكريمات المهوله - مسويه فيها انك تعتنين واخر شي هالات !!!

      حذف
    3. شوفي بشرحلك بالترتيب لان شكلك مو فاهمه طيب
      كريم العين اي شخص بالعالم يهتم يستخدمه
      الكوركتر يخفي الهالات والكونسيلر ينور المنطقه كلها ثلاث خطوات مثل لما تحطين برايمر للوجه وفاونديشن وبودره تثبيت يعني اي شخص يبي مكياج نظيف وبروفشنال بيستخدم هالطريقه :)
      وهالاتي وراثيه ماتروح الا بتدخل جراحي مالها علاقه بالاهتمام ، فيا حبيبتي انتي لاتحاولين تقزمين الناس خليك ارقى ♡

      حذف
    4. أولا عجبني أسولبك بالرد على ذي البنت بينتي أنك مرره راقية ، ثانياآ البنت ألي قاعدة تتكلم

      ترى قورجس ربة بيت ومتزوجة يمكن أحيانا مايكفيها الوقت تعتني بنفسهاآ وتهملهاآ وهذا كل البنات كذا يصير لناآ ، والهالات تجي عند كل البنات في ألي تعتني ببشرتهاآ ليل ونهار بس عندها هالات تراه أحيانا وراثية ، والكيريمات ألي تستعملهم مو كثيرة هو كريم يرطب وهذا لازم حتى منطقة العين لا تشيخ والكنسيلر ....الخ هذولا أكيد مو كل يوم يعني يوم تكون رايحة لطلعة او عرس ، يعني ترووح بهالاتهاآآ ، فكري شوي وخليك راقية الاعتناء بالبشرة شئ صعب خصوصا عندنا احنا البنات ، علينا كثر أمور لازم نسويهاآ ولا بعد نعتني بنفسناآ، فخلي طريقتك بالكلام جيدة

      حذف
    5. حبيلك والله ♥
      ترا هي فاهمه الكلام بس تعرفين الناس الفاضيه وعندها طاقه سلبيه تبي تفرغها بأحد
      وبالغالب تفرغها بالناس الي تشوفهم سعيدين بحياتهم ومبسوطين ، تبي الناس كلها سلبيه مثلها
      الله يهديها ان شاء الله ♥

      حذف
  5. ماشاء الله تجربتك حلوة و واضحة ,, يعطيكي العافية قورجس :-)

    ردحذف
    الردود
    1. يعااافيك ياقلبي ♡ شكرا لك كثيير :*

      حذف
  6. حبييييت ... شكراا مررة بجد كنت محتاجة لزي هالموضوع المتكامل ...

    ردحذف
  7. حبييييت ... شكراا مررة بجد كنت محتاجة لزي هالموضوع المتكامل ...

    ردحذف
  8. يعطيك الف عافية حبيبتي.. بوست مفيد جدًا

    بسألك كونسيلر استي لودر يحتاج تحته كوركتر؟

    وشكرًا لك يا جميلة ♡

    ردحذف
    الردود
    1. اذا هالاتك قويه شوي يس لازم ♡
      والعفو ياقلبي

      حذف
  9. زيييينتتتس اعشقك ي قورجس الجمميلهه انا نفسك وراثيهه :( وغامقهه حيل كل اهلي كذذذا فرق بينها وبين وججهي عممري 19 واحلم اكون ميك اب ارتست 😍

    ردحذف
    الردود
    1. يازينك انتي ♥♥
      من جد كل شي مع الميك اب نقدر نتحكم فيه والطب يتطور وبنلقى الحل ان شاء الله
      والله يحقق أحلامنا جميعا ♥♥

      حذف
  10. موضوع فعلا مفيد للي يعانون من الهالات مثلي طبعا ...
    وزي ماقلتي الترطيب مهم يوخر السواد بنسبه بسيطه و يحسسج ان
    المنطقه فيها مو يابسه جربتي حق كريولان العجله ؟؟وناويه اجرب كوركتر كريولان البرتقالي يعطي نتيجه افضل من العجله بس دايما خالص
    شكراااا ي قورجس

    ردحذف
    الردود
    1. يس سمعت فيه ، بس عيبه ثقيل مره فلازم دمج صح ولا يتكتل
      ع العموم المنتجات كثييييره ودي اجرب كل شي هههههه
      يعافيك ياقمر ♥♥

      حذف
  11. جزاك الله كل خير ♥♥♥♥♥
    فعلا الكثير يعني من الهلات تحت العين وانا منهم معاناه كل يوم وإن شاء الله لي تجربه لهذا الكونسيلر

    ردحذف
  12. شو يعني كوكتور مافهمت انا يعرف ترطيب وميك اب كونسيلر او خافي عيوب وبودرة ناشفه ووباقي المكياج

    ردحذف
    الردود
    1. كوركتور ، معناته مصحح بالغالب لونه برتقالي وينحط قبل خافي العيوب او الكونسيلر يوحد اللون ♥

      حذف
  13. اذا ممكن ي جميلة ابي اعرف فين الاقي البودرة المنثورة شنو الماركات اللي توفرهااا وشكرااااا

    ردحذف
    الردود
    1. اغلب الماركات توفرها وتكون شفافه او ملونه
      الي عندي من سيفورا ♥

      حذف
  14. انا من اشد متابعينك ..من زمان اتابع بس ع الصامت حبيتك وحبيت فيكي اخلاقك ماشاءالله ومساعدتك للغير ..جدا مواضيعك مفيده وجميله كجمال روحك ..بس ابغاك حبيبتي تتكلمي اكثر عن البشره الجافه يعني افضل غسولات لها ومرطبات ...لاني بجد اعاااااااني من جفاف بشرتي .الله ييسر لك ويسعدك يااارب

    ردحذف
    الردود
    1. يسعدلي قلبك ♥♥♥
      انا بشرتي مختلطه تميل للدهني
      فصعب اتكلم عن شي مو مجربته بنفسي بس بحاول ان شاء الله♥

      حذف
  15. انا معك الكونسيلر اللي من استي لودر مره جميل من احسن الكونسيلات اللي جربتهم

    ردحذف
  16. انتي كل ادواتك و الاغراض تبعك يعني سعرها غالي شوي و مو الكل يقدر عليها نادر ما احصل اشياء من الدرق ستور وانا ميزانيتي ماتسمح لي و كثير مثلي ف ليش ماتفيدينا احنا بعد : (

    ردحذف
    الردود
    1. عندك كونسيلر ريميل جميل مره وبحاول اخصص موضوع للاشياء الرخيصه ولايهمك :)♥

      حذف
  17. أزال المؤلف هذا التعليق.

    ردحذف
  18. أزال المؤلف هذا التعليق.

    ردحذف
  19. عنجد شكرا كثير على هالموضوع والشرح بس بدي قول للبنت يعني مش كثير الاشياءيالي يعني كريم العنين من الاشياء المهمه في الروتين اليومي لتنظيف البشره ومش بس عشان الكونسيلر بس حبيت الرد عليها وبعديم اهم ايشي في البنت بشرتها يعني اذا منقدر ما يبين علينا الكبر والتجعيد لفتره كبيره لي لأ احلى شغله العنايه في البشره :) :P
    بس بدي اسئل سؤال انا ما عندي هالات سودا لازم جط كوركتور
    وانا بشرتي دهنيه شو استعمل فاونديشن وبدي منك شغله يعني انا نفسي استعمل من الشركات يالي بتستعمليها بس ما بكون عنا هالشركه في بلدي بنفع مره تعملي موضوع انو نشتري عن طريق الانترنيت انتي تكتبي مواقع نسطتيع الشراء منها وتكون المنتجات اصليه يعني مثل بوبي براون واستي لورد ..........

    ردحذف
  20. الكونسيلر الي كانه قلوس =D
    اقدر استبدله بكونسيلر مايبيلين الي كانه قلوس ؟
    وشكرا عالبوست ياقورجستا ()*
    انا مناير متابعه لك ياجميله <3

    ردحذف
  21. انا محب الخرابيط الكثيره برايك ينفع بس احط كونسيلر الي يجي عشكل قلوس! انا هالاتي جدا خفيفه عطيني نصيحتك

    ردحذف
  22. شكرا لاني استفدت منك واجد وربي يسعدك
    أخذت كونسيلر الباليت حق ميك اب فور ايفر وماعرفت له غشيمة بالميك أب . حطيت اللي يجي لونه على اورنج وفوقه البيج بس يخطط فشلني وعلى فكرة مارطبت المنطقه و بأصبعي بدون اسفنجه .. يارب تكون طريقتي صح ولايصير مصيرة ( الزباله)
    ;-)

    ردحذف
  23. اول ماعرفتك من منتدى اقلاع ولما حصلت مدونتك
    مرره انبسطت لاني من زمان ادور عليها

    شكككرا لك مرره استفدت *ّ

    ردحذف
  24. مرا يعجبني شرحك 3>
    شكرا لك :)

    ردحذف
  25. تجربه مره جميله $_$
    وخصوصا انو عندي هالات انا ومشوهه شكلي مررره فادتني تجربتك 3>
    أنا شريت كوركشن طبي وجداً فادني وخفف الهالات جدًا :*

    ردحذف
  26. تجربه مره جميله $_$
    وخصوصا انو عندي هالات انا ومشوهه شكلي مررره فادتني تجربتك 3>
    أنا شريت كوركشن طبي وجداً فادني وخفف الهالات جدًا :*

    ردحذف
  27. تجربه مره جميله $_$
    وخصوصا انو عندي هالات انا ومشوهه شكلي مررره فادتني تجربتك 3>
    أنا شريت كوركشن طبي وجداً فادني وخفف الهالات جدًا :*

    ردحذف
  28. الله يعطيك العافيه شرح مفيد

    ردحذف
  29. انا بجيزان اتأزمن من ناحية الميك اب بالاغلب مخلص او مو متوفر
    لانها اماكن محدودة فالكوركتر الاورنج او المشمشي مره ما احصلو
    فأجيب روج أحمر بما انو ماعندي اورنج وأحط منو على يدي اول شي
    وبعدين بصباعي أخد من يدي اللون واحطو مكان الهالات وتزبط معايا هههههههههههههه شفتها من اجنبيه بس هي تحط الروج دايركت على تحت العين جربتها بس سار اللون الاحمر غالب في الوجه فسرت احطو بيدي اول :DDDD

    ردحذف
  30. الله يسعدك ع مجهودك حبيت اسالك سؤال مالقيت اجابته بقوقل . انا اعاني من اثار اكزيما بخدودي .الزبدة بستخدم كوركتر برتقالي وبعده كونسيلر وبعده الاساس . حلو ؟ طيب الكونسيلر اللي احطه ايش تكون درجته ؟ افتح او اغمق من الاساس وكم درجة الفرق بينهم ؟

    ردحذف

التعليقات الجميله ♥♥

Blogging tips