الأحد، أبريل 07، 2013

سلسله باي باي صالون ، استشوري شعرك بشكل بروفشنال ♥ blow-dry ur hair like a pro



السلام عليكم وَ رحمه الله وَ بركاته  ، في سلسله من زماان كنت حابه ابدا فيها وقلت الحين الوقت المناسب ، تقريبا من سكنت هنا رحت لكذا صالون او مشاغل من اردى شي لافخم شي وَ الي لاحظته انو كل اسعارهم غاليه مقارنه بالشغل العادي جدا ، ماقدر اقول اني فريت كل الصوالين صراحه بس رحت الي اكثر شي معروفه ، ماحسيت بشي يرضيني او حسيت انو شي متعوب عليه بجد ! سويت ويفي ب٣٥٠ ريال ،، شعر ياااابس ومسوين بف واصل للسما خير ان شاء الله ؟ وانا اصلا سويته لمناسبه صغيره وحرصت عليهم كثييير وعادي مستمرين بالجل والسبراي غرقوني ههههه ، رحت لواحد ثاني وطلبت منهم ويفي وحرصت انو لمناسبه عاديه ومن كثر ماكان شغلهم ناعم اول ماطلعت من المشغل طاح الويفي وتفكك ههههههه ، مارتحت ولا اظن بلقى شي يناسب الي متعوده عليه ، فقلت ليه مابدا اعتمد ع نفسي وصارلي سنه عن المشاغل وَ حوستها كل شي اسويه بالبيت بدون صرف فلوس واهم شي اهم شي راحه البال ، ومين راح يعرف لنفسك غيرك انتي ؟ عشان كذا حبيت ابدا السلسله هذي الي طفش من الصوالين والانتظار ودفع الفلوس من غير شي يستاهل بالمقابل بيحصلون كل الاجابات بالسلسله هذي ان شاء الله ، بس بالبدايه حابه اوضح نقطه .. اذا انتي مو متعوده تسوين شغلك بنفسك اول عشر مرات ماراح تعجبك النتيجه بس بعدين بتعرفين لنفسك وتصيرين احسن من المشاغل ان شاء الله ، عن نفسي صرت اتقن كثيير شغلات وكل مره اتحسن فيها واهم شي اذا جت مناسبه فجأه ماشيل هم واتنح وادور مشغل يستقبلني صرت اعتمد ع نفسي الحمدالله  ، وَ اغلب الاشياء الي ممكن تسوينها بنفسك بحر كبيييير .. يعني طريقتي هذي صح حلوه وَ عمليه بس ممكن لو حصلت طرق افضل راح اطور من نفسي ، عشان كذا انا ممكن اعطيكم البدايه بعدين انتو انطلقو كل وحده تشوف الي يناسبها وتبحث عن اشياء ماشيه مع نوع بشرتها وَ شعرها وبالنهايه كلنا راح نستفيد ان شاء الله ، خلصت قرقر يلا نبدا بالطريقه ..


اول شي حابه اتكلم عن طبيعه شعري ، شعري ويفي بس نفس الشعره ناعمه مايتعبني بالاستشوار كثير لان من مرتين لثلاث اعيد عليه وَ يضبط .. فانتو امشو ع حسب نوع شعركم لو كان كيرلي بياخذ جهد اكثر اكيد ..



اول شي اسويه لازم اغسل شعري بما انو يميل للدهنيه ، واحط بلسم او حمام زيت ع حسب وَ بعدين اطلع بالغالب اخلي شعري اخر شي اسويه لان ابيه ينشف بدون ماعرضه للهوا لان معروف الهواء الطبيعي افضل بتنشيف الشعر عشان مايفقد الشعر لمعته وَ حيويته مع تكرار تنشيفه بالاستشوار 


 بعد كذا احط زيت المكديميا ع اطراف الشعر وَ تقدون تحطون الي يناسبكم بس انا مرتاحه عليه ، وَ في كريمات كثيره تنحط ع الشعر يسمونها leave in cream او leave in conditioner الهدف منهم تغذيه الشعر وترطيبه .. والصيدليات مليانه منها بس ماكان لي تجارب كثيره معهم صراحه وَ ان شاء الله بجرب وَ اقولكم لو حصلت شي يستاهل انو اتكلم عنه ..



بعدين احط سبراي يحمي الشعر من الحراره ، اخذته من صيدليه بوتس من فتره طويله ريحته جدا جددا جميله واحس شي ضروري تستخدمون سبرايهات حاميه من الحراره ، طبعا مو شرط تتقيدون بنفس المنتج بس انا دورت كثير وخاصه منتج تيراسيمي وماتحصلونه بسهوله اما هذا السبراي اخذته من صيدليه بوتس فان شاء الله راح تحصلونه ، وظيفه السبراي انو يغلف الشعر ويحميه من الحراره وبنفس الوقت مايعيق شغل الاستشوار بالعكس احس يساعد ع سهوله الاستشوار.

الطريقه :
قبل الاستشوار او استخدام اي جهاز خاص بالشعر ، رشي السبراي بشكل بعيد شوي تقريبا طول ذراع بعدين مشطيه ، ونصيحه منهم انو اذا قسمتي شعرك وتبين تبدين فيه رشي ع كل جزء قسمتيه بس بصراحه انا اكتفي بمره وحده.


ثاني خطوه ابدا اقسم شعري ترا هالشي جدا مهم ، لان بيسهل لك عمليه الاستشوار ، عن نفسي استخدم هذي الكلبسات اخذتها من صيدليه بوتس بس عادي استخدمو اي كلبس ، ابدا اقسم شعري من عند الاذن لقسمين مثل هالصوره :


وبعدين اقسمه لاربع اجزاء مثل هالصوره :


وننتبه لو في غره تشيلونها بكلبس بروح اكيد، بعد التقسيم يجي دور الاستشوار اخذ قسم واحد من ال٤ اقسام واجزأه ل٣ اجزاء او ٤ بالكثير ، شي مهم انو ماتحطون شعر كثير ولا قليل مره .. اذا استشورتي وماحسيتي انو انفرد الشعر فقللي الكميه ..


الاستشوار ماركه بالسون ٢٢٠٠ واط .. على كلام الخبراء احرصي لما تشترين استشوار هوائي انو مايكون اقل من ١٧٥٠ واط ولا بتضيعين وقتك على مايسخن , اذا مشتريه الاستشوار عشان تفردين شعرك احرصي يكون سيراميك ،  اخذته من اكسترا وكان سعره حول ال٣٠٠ ماخذته من مدح او شي بس شفته وشفت قوته واخذته والحمدالله ماندمت ، وزنه خفيف نسبيا مقارنه بالي استخدمتهم قبل ، غير هذا انو فيه زر للهواء البارد وزر للهواء الحار وَ اهم شي سلكه طووويل عشان مالزق بالجدار اكره الزق بالجدار تعقدت هههههه ، اظن انو مصنع للمشاغل بس كاداء حبيته جدا.




هالمشط بيني وبينه علاقه حب وَ كره ! جربت كذا فرشاه للشعر ومحد اعطاني النتيجه الي ابيها الا هالمشط بس حرقني مرتين وحرق مو لسعه :( لان راسه اظن من حديد او بلاستيك قوي ماقدرت احدد ولما يسخن يسخن مرره ، اخذته من نزيه حول ال٥٠ ريال او اكثر شوي ، هو صناعه فرنسيه بس تقدرون تحصلون بدائل له بس افضل شي من محلات تجهيزات الصوالين ، جربت من السوبر ماركت وجربت من المحلات العاديه ماجابت نتيجه ، اذا بتاخذون شي مو تمشيه حال اخذو من مكانه المخصص ، شفتو الشعر كيف كثثثيف وقريب من بعض وقصير ؟ اهم شي تنتبهون لنوعيه الشعر.

اذا شعرك طويل تحتاجين حجم فرشاه اكبر واذا شعرك قصير تحتاجين العكس ، تقدرين تستخدمين فرشاه سيراميك نصحو فيها اذا تبين نتايج اسرع بس ماجربتها للاسف ، موضوع الفرش كبييير فماقدرت اغطيه كله ممكن اخليه لبوستات ثانيه باذن الله.

الحين نبدا بالاستشوار اول ماتقسمين شعرك لاربع انصاف اخذي اول نصف ، انا احب ابدا من ورا بيكون اسهل وبعدين اسوي الي فوق ، اخذي جزء حطي الفرشاه عند جذور الشعر وامسكي الاستشوار ، لاتمسكينه من اليد حقته امسكيه من فوق -بحط فيديو تعليمي اخر شي- وابدي لفي الفرشاه ومشي الاستشوار عليها وارجعي كرري العمليه مرتين لثلاث لحد ماتحصلين النتيجه الي تبينها اذا تبين يكون في فيليوم او الشعر مو هابط من الجذور لما تستشورين شعرك اسحبيه لفوق بدال لتحت بعدين كملي باقي الشعر، انا ضبطت الاستشوار من المره الرابعه تقريبا فانتو حاولو تتدربون اكثر لان كل مره بتتقنونها ان شاء الله ، بعد ماخلص اول سكشن ابدا بالثاني من تحت وبعدين الجهه الي فوق والي جمبها ، شعري شبه طويل لنص ظهري فالعمليه تاخذ مني نص ساعه ممكن انتو ماتطولون بس انا بطيئه واروق ع كل شعره ههههههه ، اخر شي اسوي غرتي بس بالسيراميك لان الفرشاه كبيره مره وتلف غرتي بشكل يضحك :|



بعد ماخلص احط سيروم كريستال *وهل يخفى القمر* ههههههههه ، كنت بنزيه وبيسكرون للصلاه وقلت ابي سيروم للشعر وطلعه لي وحتى ماشفته لما رجعت البيت قلت اووه كريستال ماغيره :| جربته ٣ مرات ممكن ماقدر احكم عليه بس اظن معروف ، بس اخلص استشوار احط ضغطه تقريبا واوزعه بيدي وبعدين احطه ع شعري بس ماكثر عشان مايدهن ، وبس اخلص احط مسك للشعر هالخطوه اختياريه بس كيفكم ههههههههه ، وبس تمتعو باجمل شعر بلا صوالين بلا هم p:

مثل ماقلت مع التدريب بتتقنونها ان شاء الله ، دورو المنتجات الي تناسب طبيعه شعركم اكيد وهذا فيديو تعليمي استفدت منه بشكل خاص :


كلامها طويل ههههههه بس مفيد مره ونفس طريقتي بالضبط ، راح تبدا من الدقيقه الخماسه تقريبا 

في طرق كثيييره وحتى في فيديو استفدت منه بشكل كبير بس ماحصلته للاسف بس تقدرون تبحثون باليوتيوب how to blow dry your hair وبيطلعلكم مليون فيديو ، وبس هذا بوستنا لليوم ان شاء الله تكونو استفدتو واذا عجبتكم بكمل السلسله معاكم ان شاء الله ومع بعض نقدر نستغني عن المشاغل وغيرها وتبدا نعتمد ع نفسنا بشكل اكبر ان شاء الله.

للتواصل معي ع التويتر والاسك -غيرت اللنك- والانستقرام الايكونز ع يمين الشاشه

             

لاتنسين الاشتراك بالمدونه ليصلك كل جديد ..
كونو دائما جميلين ..







هناك 32 تعليقًا :

  1. كنك عارفه ان من زمان ودي اتعلم عليه بنفسي عندي واحد مره جميل بس باقيلي فرشه *.*
    شكرا قورجس شرحك مفصل واعجبني السبراي حقك *.*
    صحيح مافي احلى ولا اجمل ان تسوين اشياءك بنفسك ()

    ردحذف
  2. ربي يسلم قلللبك تقريبا نفس طريقتي

    ردحذف
  3. يعطيك العافية حبيبتي بالنسبه للفرش انصحك بالايطاليه تجلس فتره طويله ماخربت

    ردحذف
  4. ياجمالك قورجس , بصراحه المشاغل زيرو خساير عالفاضي .. بصراحه سهله وحلوه الطريقه ماتحتاج شي تقريبًا انا اسوي مثلك من ناحية التقسيم بس حسب رواقتي, وبالنسبه لسبراي الحمايه مره عجبني يبي لي اجيبه خصوصًا ان الاستشوار شبه يومي مع الجامعه , مره يجنن البوست ياليت والله تكملين سلسله <3 :*

    ردحذف
  5. اغراضك نفس اغراضي ماعاد الاستشوار

    جربت استشور شعري بس تطلع شعرات صغيرة طايرة على طول الشعر مو بس من فوق
    تحطمت ولا عاد عدتها

    ردحذف
  6. يعطيك العافيه مره ماقصرتي .. بس قلبي عندي سؤال .. انا تقريبا شعري مثل طول شعر اللي بالفيديو بس الفرشاه اللي تبع الاستشوار عندي اصغر من الفيديو .. فإذا ممكن تفيديني وش الصح اغير واشتري زي الفرشاة تبعها والا ابقى ع نفس مقاس اللي عندي ؟ ومره شكرا


    * ءء الفيديو فيه موسيقى فاكتموا الصوت .. :)

    ردحذف
  7. روووووعه ، كملي السلسلة جداً مهمة .
    أنا كل مره أطلع من المشغل أقرر إنها المره الأخيرة اللي راح أدخله P:

    ردحذف
  8. للاسف ماطلع لي الفيديو !!

    ردحذف
  9. يسلموو حبيبي افيدتيني ربي يسعدك
    وبانتظار التكمله
    متشوقه دائما لجديدك ♥

    ردحذف
  10. انا والمشاغل معاناة مستحيل اطلع منهم ويسوون اللي كنت حاطته فبالي
    عشان كذا لي ٣ سنين مااروح لهم الا اذا بغيت اقص شعري
    والحمدلله اعرف اسوي شعري بنفسي وراضيه واستخدم سيروم لوريال اللي لونه اورنج قبل الاستشوار أو بعده جداً جميل بس ماعمري استخدمت هالنوعية من الاستشوار احسها متعبه خصوصاً شعري طويل وناشف يبغاله شغل ، انا استخدم اللي يصير معاه فرشه.. هل تختلف النتيجة على حسب الاستشوار ولا على حسب الشعر والشغل؟
    وصدقتي يوم قلتي مين راح يعرف لنفسك غيرك انتي ؟
    الله يعطيك العافية حبيبتي ماقصرتي :$

    ردحذف
  11. الله يعطيكي الف عافيه كلام مفيد بصراحه استمري ياعسل♥

    ردحذف
  12. أي والله صاجه الواحد حلاته يعتمد على نفسه
    بس اذا شعرج طويل وقت المناسبات الكبيره اضطر اروح لصالون
    لاني مااتقن تساريح حدي استشوار وفير
    شكرا قورجس احب مواضيعج

    ردحذف
  13. روعه يا قورجيستا ما شاء الله عليك استفدت كثير وبوستاتك من اروع
    البوستات استمري الله يعافيك

    ردحذف
  14. جزاك اللـہ خير

    صادقه المشاغل غثاء ولهط فلوس ع الفاضي
    لوتعلمتي بنفسك بتوفرين فلوسك ووقتك وجهدك

    والأهم نتيجه ترضيك وتخليك واثقه من نفسك ..


    تقبلي مروري ♡

    ردحذف
  15. يعطيكي العآفية ،، استفدت كثيييير ❤
    بس غريبة الفيديو مايطلع لي !

    ردحذف
  16. محلاكككككي ومحلا مواضيعك
    من سنوات عجاف وصلت لقناعه ان الصالونات لم توجد لي هههههه
    اعمل شغلي بالبيت من استشوار فير ووصلت اعمل تساريح بسيطه ^^
    ياستي صدق من قال الحاجة ام الاختراع

    وطريقتك تقريبا نفس طريقتي
    الزيت ع اطراف الشعر قبل الاستشوار فضييييييييييييييع
    ينعم الاطراف ويعطي لمعه رائعه
    استخدم اي زيت حولي بس بدون ريحه
    راح اتكلم عن هالموضوع عندي ان شاء الله قريب

    يعطيك الف عافيه شقد انبسط بمواضيعك ^^

    ردحذف
  17. نفس طريقتي فعلا ممتازه

    شكرا قورجس

    ردحذف
  18. موضوع رائع ومفيد .. واحلا شي ان الواحده تشتغل اي شي يخصها بيدها
    جورجس انتي فعلا جورجس >
    ربي يحميكي

    ردحذف
  19. مقطع الفيديو مو طالع لي

    ردحذف
  20. أوه قورجس ؛ فعلاً انتي قورجس ..
    حتى بهالشي بتسآعديننآ !
    .
    .
    عندي سؤآل بس خآرج الموضوع :|
    ليش سكنتي بالريآض ؟ زوجك سعودي ؟ أو عمله هنآ !؟

    ردحذف
  21. شكرا ًكثيررررر استمري في موضعات الشعر محتاجينها كثير😢

    ردحذف
  22. ششكرا ي بعدي كنت ادور ع هالموضوع من زمان

    ردحذف
  23. رائعة وبجد حمستيني اني اعتمد على نفسي
    يسعدك ربي ويسخر لك

    بس ابي خدمة بسيطة .. اش عنوان الفيديو اللي حطيتي عشان ابحث عنه ع اليوتوب
    لانع ماطلع لي

    شااااكرة وممتنة ❤

    ردحذف
  24. اتمنى تجاوبي على سوالي انا شعري خفيييييف ودهني ومرة متعبني ابغا اشياء تغذية وتخفف الدهوون الي فية صرت انحرج من شعري حتى بدا يصلع بلييييييييييز لاتطنشين ..

    ردحذف
  25. اتمنى تجاوبي على سوالي انا شعري خفيييييف ودهني ومرة متعبني ابغا اشياء تغذية وتخفف الدهوون الي فية صرت انحرج من شعري حتى بدا يصلع بلييييييييييز لاتطنشين ..

    ردحذف
  26. مساء الخير

    من جد المشغال اسعارهم في ارتفاع و الشغل مو ذاك الزود ..
    من زمان ودي اتعلم استخدم ذا النوع من الاستشوار .. عندنا بالبيت واحد بس مررره كبير و ثقيل *_* لازم ادور لي واحد مثل الي عندك و اتعلم لي على سنع = )

    ~ توافيق

    ردحذف
  27. يعطيك الف عافيه
    حبيت السلسله
    بس الفيديو مايظهر
    حطي رابط لو سمحتي

    ردحذف
  28. يعطيكِ العافية شيوم ♥♥

    ردحذف

التعليقات الجميله ♥♥

Blogging tips