الأربعاء، فبراير 27، 2013

bareMinerals starting kit | unpacking & first-impression مجموعه بيرمينريلز ، مكياج بدون مكياج











السلام عليكم وَ رحمه الله وَ بركاته 
الي متابعني ع التويتر يدري اني ضيعت شنطه الميك اب لما كنت مسافره ههههه ، مرره حزززنت اني ضيعتها صح الحمدالله مو كل شي فيها بس اغلب اشيائي اليوميه الي استخدمها كانت فيها :( بودره ماك + بودره الحواجب + فرشاه الحواجب + روج ماك جدييد الي تعبت لحد ماحصلته دايم مخلص خخخ :( وماسكرا وايلاينر ذا بالم الي اعشقه :( وَ جل ايلاينر ، مدري شبقى ، الي يقهر انو انسرق ! نسيته بالفندق لما سوينا شيك اوت وبس رجعنا له يقولون مافي شي وانا متأكده انو بالفندق وأنواع الدعاوي :$ بس لولا مانسرقت اشيائي كان ماطحت بمنتج جممميل فالحمدالله :$



if you are following me @ twitter you will know that I lost my make up bag at hotel, yea I was very mad lol but it was very beautiful coincidence cuz it gave me the chance to look for new products. I .always hear about bareMinerals and im dying to try it! so this was my chance so I got my starting kit

شركه بيرمينرلز ، مو كثير يعرفونها أو مو مشهوره عندنا ، بس كثير منتشره هالماركه عند الأجانب ويعشقونها ♥، وكل كل الريفيوز الي بحثت عنها الكل يمدح نادرا اشوف ذم! اوك انا سمعت عن الماركه بس امانه ماعرف الا اللوز باودر حقهم ولا بحثت كثير عنه ، لما طلعنا من دبي وَ رحنا قطر رحت سيفورا بشتري الي اقدر اشتريه من الاشياء الي ضيعتها ، لمحت بيرمينرلز وَ ركض عَ الستاند :$ احترت شنو أخذ في اشياء كثيره وَ انا أصلا ماعرف كثير بالماركه هذي!! فشفت بوكس اسمه get started kit مجموعه ابدأ مع بيرمينرلز حاولت اعرف شنو داخل البوكس بس حتى الي تشتغل هناك ماتدري عن شي تذكرت بناتنا المشكله هذي بكل مكان اتوقع ههههههه ، المهم توكلت عَ الله وَ أخذتها صح سعرها غالي شوي بس تحمست اخاطر وَ أجرب :$

البوست هذا عباره عن "فتح العلبه + شرح كل الأدوات الموجوده + انطباعي الأول"
- أول شي حابه أتكلم عن شركه بيرمينرليز وايش فكرتهم!هي شركه امريكيه اسست عام ١٩٧٦ ميلادي ، وهي شركه تهتم بالتجميل وَ العنايه بالبشره ، تنتج الكثير من المنتجات ولكن أهمها i.d. bareMinerals الي حازت عَ كثثييير من الجوائز ! الشركه تنتج مواد تجميل نافعه للبشره كلهااا من منتجات طبيعيه ، تخفي مشاكل البشره بشكل طبيعي "تحسين بشرتك هي نفسها بس أفضل" وَ أغلب منتجاتهم تحتوي عَ واقي من الشمس ، الشركه تقول اغلب الي استخدمو منتجاتهم شافو تحسن بالبشره! واغلب النساء الي واجهتهم حساسيه من المكياج او طلع لهم حبوب ، اختفت هذي المشكله مع بيرمينرلز.
What Bare Minerals say :
'BareMinerals Get Started Kit is the perfect introduction to the brand. Thousands of women have already experienced the foundation that started the makeup revolution with this key kit. This is the starting point for anyone new to bareMinerals. Our introductory bare basic kit will get you on your way to beautiful, radiant skin. Learn to "Swirl, Tap, and Buff" your way back to the skin you were born with.'


خلونا بالمهم الحين وايش العلبه تحتوي :$
فتح العلبه


الباكجينق او التغليف ، حسيته عادي :$ اول مافتحته ، العلبه فيها ٩ اشياء بنستعرضها مع بعض بعد شوي ، المجموعه تاخذينها ع حسب الاندرتون تبعك مو لون بشرتك ! في لايت او فاتح للشقر او الي بشرتهم تميل للحمار اكثر وفي ميديوم للحنطاويات وبشرتهم صفرا "اخذت هذي المجموعه" وفي الدارك للسمراوات ، الي يقهر لما بحثت بالنت انو برا يخلونك تختارين البودره المناسبه لبشرتك وتاخذينها مع العلبه مو احنا اخذو الي قدامكم وانتو ساكتين :@ ع حسب علمي انو في مجموعه الاورجينال الاصليه ومجموعه المات او المطفيه للبشرات الدهنيه ، بس للأسف ماحصلتها لما كنت بسيفورا :| مع المجموعه سي دي عشان يعلمك كيف تستخدمين المنتجات صح بس امانه ماشغلته اكتفيت باليوتيوب :$ بس بطل عليه بأقرب فرصه.

the bare minerals started kit which comes with :
 2 shades of foundation
mineral veil
3 brushes(full coverage kabuki,flawless face brush and a full coverage concealer brush
All over warmth face colour
prime time primer
How to dvd

مثل ماقلت العلبه تحتوي ع ٩ اشياء :


٣ فرش ( الكبيره لتوزيع الفاونديشن + الوسط لتوزيع البرونزر او اذا تبين تغطيه اقل + الصغيره للكونسيلر او تغطيه الاماكن بشكل اكثر )



برايمر ، صح شكله صغير بس نقطه منه تكفي وزوووود لانه جل وَ بسرعه يتوزع ، من خلال بحثي الي بشرتهم جافه يشتكون من البودره وانها ماتندمج مع البشره فحسيت شي ضروري برايمر قبل مانستخدم المنتج ♥


شي يقهر تنظفين العلب بس ماكأنك سويتي شي :@
٤ علب لوزباودر وهذي اهم شي :$ علبه الاورجينال بدرجتين مختلفات + علبه الورمث او البرونزر + علبه الفايل او البودره الحره الشفافه للتثبيت.
الدرجتين وحده ميديوم بيج N20 والثانيه ميديوم C25 ، بتقولون وين الكونسيلر ؟ مايحتاج لان من نفس البودره اذا استخدمتو الفرشه الصغيره بتغطي تغطيه اكبر بكثير.


- انطباعي الأول :بالبدايه كنت متحمسه لكثره المدح على البيرمينرليز ، اول مره استخدمته مادري شلون هههههه لان اول مره استخدم بودره حره او منثوره ، حطيته ع السريع وماكأني سويت شي انقهرت لاني دفعت عليه مبلغ :| سكرت العلبه من جد تضايقت :\ ثاني مره جلست وقريت اكثر عن المنتجات وَ شفت يوتيوب كثيييييير وَ جربت بنفسي ، انصدمت فعليا من النتيجه ! ابداا ماتوقعت انو كيف بودره منثوره تقدر تغيير البشره وَ توحدها بالشكل هذا ، صح بالبدايه ماحسيت التغطيه واو بس هذا من المنتجات الي تقدرين تبنين عليها يعني تحطين اكثر من طبقه ، بس لاتكثرون حتى مايبين الوجه مغبر!




- شلون نستخدم المنتجات ؟

اول شي تحطون البرايمر بشكل خفيف عَ البشره تنتظرون شوي لحد ماتمتصه البشره وَ بعدين تفتحون العلبه الدرجه الي حابينها من الاورجينال وَ تحطون شووي بغطا العلبه ، بالفرشه الكبيره تاخذون من البودره بشكل دائري *بحط فيديو تعليمي أخر شي :$* تضربون طرف الفرشه عشان تتخلصون من الزائد وَ توزعونه ع البشره بطريقه البافينق *سمعت كذا بنت انه تحطه بطريقه ثانيه مثل المد مو الدمج بجربها بأقرب فرصه* بس توصلون للتغطيه الي تبونها بالفرشه الصغيره تبع الكونسيلر تأخذون من نفس البودره وتوزعونها تحت العيون + مناطق يبيلها تغطيه أكبر ، للأمانه حطيت كونسيلر خفييف قبل الفاونديشن لان هالاتي غامقه شوي :$ ، وبعدين بالفرشه المتوسطه تاخذون من الورمث او البرونزر تحطونه اما ككونتور أو كبرونز ع عظمه الخد ، اخر خطوه تثبيت البودره باستخدام الفايل باستخدام الفرشاه الكبيره تمشونها ع الوجه كلها ، وَ بعدين كملو باقي الميك اب.

if you wanna know how to use the foundation check this video out

فيديو توضيحي أكثر :


- رأيي بالمنتج :
حسيت في شي حلو ببشرتي مادري شو بس حبيت نفسي هههههههه ، حسيت بشرتي تتنفس ماكأن حاطه اي اي شي ، خفيف ع البشره ولا باين مغبر ابببد او كيكي او طبقات ولا قلب رمادي ولاتقشر وهذي بس اول مره احطه! زرت بيت خالتي وقالت لي بنت خالتي *هاي اسوم p;* في شي حلو ولاحظته من دخلتي فاونديشنك جميل وروعه وتمشي وراي وتقول روعه روعه هههههههه مافي أجمل من إني تحصلي مدح *.* رجعت البيت وغسلته متأخر وَ ماحسيته تغير الا يمكن الهالات كان يبلها تغطيه اكثر فعادي :$ أحب المنتجات الي تبيني انا ماكأن حاطه ماسك ع وجهي ، المهم المنتج هذا مبسوطه فيه ومتحمسه اجربه اكثر واكثر عشان اقولكم روحو اشتروه ولا! ينفع للي بشرتهم فيها احمرار فيها حبوب خفيفه فيها هالات خفيفه ، تغطيته مو فل كوفرج مانصح فيه للمناسبات الكبيره او السهرات اكيد! حلو للي تبي شي خفيف ويبينها فريش ، واصلا المنتج هدفه يبين بشرتك بس افضل ، مايعطي فلولس لوك بس يعطي لوك ناتشورال جدا جدا واحلى شي انو بودره يعني لو انتي تطلعين بالشمس كثير ماراح يذوب او يخطط او يتجمع بمكان بوجهك عاد مايحتاج اقولكم عن حراره شمسنا هههههه ، انا بشرتي مو بيرفكت وعجبني ، تقدرن تحطون قبلها كونسيلر اذا تبون تغطيه اكثر :$ يبيلي اجربه اكثثثثر تحمست هههههه ، مادري لو عندنا هالشركه بسيفورا لان ماصادفتها من قبل :( بس بحثت بالنت وفي كم بنوته تقول حصلتها بسيفورا فان شاء الله تحصلونها ،

so I just try it once and my first impression was I love how well this foundation covers redness and is good for covering spots too! I'm in love with how it feels on my face too! It's so light that it basically feels like I'm wearing nothing . but makes my face feel completely flawless. I will give it a second try and will write a review about it for sure but for the first time I really like having makeup but my face is breathing in the same time.

- هل انصح فيه :
اذا تبين بشرتك انتي بس اجمل انصحك فيه ، اذا بشرتك حساسه من الكريمات والبودرات انصحك فيه ، اذا انتي موظفه او طالبه وتبين فاونديشن يومي بس مايضر بشرتك انصحك فيه.

Do I recommend it ? sure!! If you like light to medium coverage I will definitely recommend it.


* السعر : ٣٠٠ ريال قطري وعليها :$ ناسيه بالضبط اكره لما انسى الاسعار :"(
* مكان الشراء : سيفورا قطر

ان شاء الله قدرت افيدكم بشي وَ استمتعتو بالتقرير الي فجأه تحول لمقاله :( بس اجربه اكثر من مره بكتب عنه ان شاء الله.
وبالايام الجايه في مفاجئات وتغيرات كثيره بالبلوق فانتظروني :$
كونو دائما جميلين \ قورجس ♥


هناك 21 تعليقًا :

  1. جميل شكلها خصوصا اني احب الاشياء الصغيره اللي مممكن تنشال معي بأي مكان
    وشكلي راح اجربها لما انزل السوق
    بس احس فيه منتجات ثانيه تعطي نفس النتيجه والا؟
    وحبيت البوست رغم طوله ههههه :$
    عافاك الله على البوست الرائع

    ردحذف
  2. هههه يخوف ان صار لي اسبوعين ابغى انزل البوست نفسه بس صرت جدا كسولة هالايام XD
    هو الوحيد الي استخدمه و ادماني

    http://www.obscurebeauty.net/2013/02/obsessed-with-bareminerals.html

    ردحذف

  3. روووعه تحمست أجرب المجموعة خصوصا انها متكاملة
    يعطيكِ ألف عافيه قورجس
    ♥♥♥

    ردحذف
  4. طيب أنا البودره ما أستخدمتها لأن بشرتي شوي جافه في بعض المناطق ف يبان مو مررره ، بسألك إذا أخذت هذي البودره ممكن تناسبني؟؟
    أنا نفسي بمكياج يبين بشرتي طبيعيه ، مهما قللت بوضع المكياج دائماً احسه اوفر مش عارفه السبب

    ردحذف
  5. حلووة الاشياء ممكن الاقيها في سيفورا اللي في جدة ولا ماافي

    ردحذف
  6. احبك قورجس

    ردحذف
  7. انتي طاقه ايجابيه
    انا مررره معجبه فيك وبشخصيتك انا محجبه قصدي مغطيه وجهي مو زي بنات اليومين
    مو عاجبهم الحجاب
    خخخخخخخخخخ
    تنفع ليه المجموعه تعرفي لمى اكون مغطيع نص المكياج يختفي ليه مدري
    اذا انتي كذا اعطيني حل
    احبببببببك قوررررجس موووووت

    ردحذف
  8. من جد شيي حلو انك تجربين شي جديد شفتي عوضك ربي بهالأشياء الجميييييله تحمست أجربها ويارب ألقئ مثلها عندنا تتهني فيها يارب

    ردحذف
  9. Awww I wanna try this! UK women seem to love it, lovely review, bare minerals rocks, my sister has the powder & she loves it but it's a shade darker than her skin so she hardly wears it

    Thanks for this informative post !
    xxxx
    arwasblogpage.blogspot.com

    ردحذف
  10. مشكورة ياقلبي والله يعوضك في الي راح

    حبيت المجموعة يمكن يوم أجربها

    ردحذف
  11. الله يعطيك العافية
    فعلاً انا جربت المينرال بس أخذت برونزي و على قولتك كل من شافين قال فيك شي محلو ...إلا زوجي يقول وش فيك مريضه ؟؟؟. تناقض ههههههههههه

    ردحذف
  12. اوبسي اوبسي اجمل شي في حقيقة اكتشفت في الريفيو
    تحمست لو كثير ان شاء الله يكون في جدة زيو
    يعطيك العافية يا جميلة ♥♥

    ردحذف
  13. حبيبتي قوجس ،، شفت هالمجموعه في سيفورآ قبل اشوف تدوينتك وكنت متردده جدآ آخذها او لآ ..
    ولاني حطيت في سلتي كريمآت وشغلات جديده حابه اجربها آجلت شرآء مجموعة بيرمينريلز لوقت ثاني ..
    بحطها في لستتي القادمه ، شكرآ لك قورجس 3> ..

    ردحذف
  14. Howdy! I just wish to give an enormous thumbs up for the good
    info you might have here on this post. I shall be coming back to your blog for more soon.


    Feel free to visit my web page - slogans for chocolate shops

    ردحذف
  15. I am regular visitor, how are you everybody? This article posted at this web site is in fact pleasant.


    Feel free to visit my blog; anti cellulite treatment

    ردحذف
  16. Hello! I simply want to give an enormous thumbs up for the nice information you may have here
    on this post. I can be coming back to your weblog for extra soon.


    Also visit my webpage :: piano music notes meanings

    ردحذف
  17. قورجس ايش يعني فلولس لوك ؟ دايماً اسمع هالمسمى بس استحي اسأل عن معناه عشان مايقولون عني جاهله :(

    ردحذف
  18. قورجس ايش يعني فلولس لوك ؟ دايماً اسمع هالمسمى بس استحي اسأل عن معناه عشان مايقولون عني جاهله :(

    ردحذف
  19. حبيت اسالك فين نلقى منتجات ذا بالم في امريكا، هل ممكن تتواجد في سيفورا !

    ردحذف

التعليقات الجميله ♥♥

Blogging tips