الاثنين، فبراير 11، 2013

Cooking 101 | سلسه الطبخات السريعه وَ السهله : دجاج بالكزبره وَ الثوم مع الصوص الابيض ♥

،



السلام عليكم وَ رحمه الله وَ بركاته 





نزلت هالصوره بالانستقرام وَ قلت لازم اعلمكم عَ هالطريقه :$
لما يكون مالي نفس اسوي غدا غدا او محتار ايش اسوي او مافي وقت 
دايما الجأ للطبخه هذي منقذتني بكل لحظه :$
سهوله وَ طعم لذيذ ماشاء الله وَ لامره خربت p;

الطبخه اخذتها من المبدعه - كأنه مو عاجبك -
الله يجزاها الف خير :$
بس غيرت شوي بالمقادير ،

* المقادير:
- صدور دجاج وأفضل أفضل شي دجاج اسمه -اليوم-
مستحيل لاتجربون غيره لذيذ ويكون مبرد مو مجمد وبعدين عادي جمدوه بالبيت مو مشكله

- ملعقتين طحين ابيض او أكثر ع حسب الكميه

- ملح + فلفل أسود

- تتبيله كنور بالكزبره والثوم 
صورتها :


- زيت للقلي ، انا استخدم بخاخ الزيت ومايفرق بالطعم

- كريمه خفق

الطريقه :
اول شي نغسل الدجاج كويس وبعدين بصحن عميق نحط الطحين + التتبيله + الملح والفلفل
نقصص الدجاج شرائح بس لاتخلونه مرره نحيف ولا مره ثقيل قصصوه شرايح معقوله يعني
نسخن المقلاه ونحط الزيت ، نغمس الدجاج بالطحين وننفضه شوي عن الزايد ونحطه بالمقلاه ع طوول
بعد مانخلص من كل الدجاج نسكر المقلاه بغطا ، احس هالخطوه مهمه عشان يبقى الدجاج مويست او طري
بسبب البخار وكذا ، ننتظر خمس دقايق بس نشوف اذا تحمرت الجهه نقلب الدجاج للجهه الثانيه
ماراح يطول لحد مايستوي فانتبهو له ، ممكن تجربون تذوقون وتشوفون بس يخلص

بس يخلص الدجاج ويتحمر من كل الجهات نطلعه ونحطه بصحن التقديم
بنفس المقلاه نحط كريمه الخفق ، ممكن نضيف ملعقه جبن سايل يعطي طعم
بس ماسويها دايما احس دسم ..

بس يبدا يغلي شوي نحطه فوق الدجاج وبسس !

*ملاحظات :
- ممكن تسسون الدجاج بصوص الماشروم.
- ممكن تتبلون الدجاج قبلها بيوم بالليمون .
- ممكن تستغنون عن تتبيله كنور وتسوون تتبيلتكم الخاصه.
- ممكن تحطون صوصات جانبيه بتعطي طعم مثل الرانش او الباربكيو صوص
- ممكن تقدمونه مع رز ابيض او خبز محمص او بطاطا 

- رابط الوصفه الاصليه هنا*

وبس عليكم بألف عافيه : )
اذا طبقتوها وعجبتكم بنبسط لو وريتوني *.*

لتواصل معي أو استفسارات أو ملاحظات :
| |

الايميل :
gorgeousta@gmail.com
وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه
كونو دائما جميلين \ قورجس

هناك 11 تعليقًا :

  1. حلوة الوصفة سهلة جدا و تفك ازمات :)

    يعطيكي العافية قورجس .

    ردحذف
    الردود
    1. الله يعافيك ياجميله ♥♥

      حذف
  2. Yummy! i love it!! thanx sweetie :))))

    ردحذف
  3. عاد أنا أحب الثوم :* يعطيك العافية يارائعة

    ردحذف
    الردود
    1. نفسسي !! عاد زيدي للتبيله ثوم وبيطلع يمي اكثثر ♥.♥

      حذف
  4. ماشاء الله
    بسيطة و تفتح النفس
    تسلم ايديكِ يا قمر
    ♥♥♥

    ردحذف
  5. يعطيك العافيه ♡ ♡ ♡ جربتهااا كانت لزيززززه وكانت أول طبخه اسويها p;
    بس كنت بقولك إنو كاتبه تتبيلة كنور وبالصوره "مآجي" عاد يوم وصيتهم جابو كنور عاديه .. بس برضو حلوه ..

    ردحذف
  6. شكلها يفتتتتح النفس ماشاءالله �� �� �� بس فية شي ما فهمته :$ يعني بعد ما قليتي الدجاج وطلعتيه حطيتي كريمة الخفق علية ؟ شلون :$؟
    ولا انتي حمرتي الدجاج بالزيت ما قلتيه ؟
    معليش لو كانت أسئلتي غبية لاني عليمية في الطبخ �� :(

    ردحذف
  7. هالقسم بيكون مرجعي بعد الزواج هههههههههههه
    يعطيكِ العافية ♥♥

    ردحذف

التعليقات الجميله ♥♥

Blogging tips