مجرد فضفضه ~

-

السسلام عليكم ، بوست أقدر أسميه عشوائي موب تحت أي تصنيف ..

حابه أتكلم وأخربط <- كن ماكفاك الي كتبتيه قبل :$

بتكلم عن نفسي شوي ، بعيد عن الرسميات ولو إني ماأعترف فيها أحب أتكلم بعفويه : )

حلم التدوين وَ بناء مدونه خاصه فيني حتى لو ماأحد تابعها الا أنا كاني يراودني من زمااااااان ، بس مدري ليه كنت خايفه أو متردده .. قلت اييش ممكن أضيف شي جديد ؟ هل عندي خبره كافيه إنو أتكلم وَ أتفلسف ؟

صح عندي إطلاع كبييير الحمدالله ، وَ خاصه لغتي الانجليزيه ساعدتني أتابع مدونات وَ يوتيوبات أجنبيه وَ أستفيد منها.

بس كتجريب فعلي مو مره! وماا أحب أكذب على أحد وأمدح أي منتج وأنا اصلا ماجربت شي بنفسي :/؟

عشقي للمكياج بدا من 3 سنين ، ايوا بسس ثلاث سنين بديت أشتري وَ أستكشف وَ أجرب ..

عائلتي ماتحب المكياج يادوب اشياء اساسيه وَ عاديه ، بس مدري ليه إنجذبت للعالم هذا!

تضحكون علي لو أقول ماأعرف أحط كحل أو أختار كريم أساس مناااسب :/ ؟؟؟

بس الحين لا الحمدالله تحسنت وَ يدي تمرنت كثييير ، صح ماوصلت لمرحله البروفشنال بس وصلت لمرحله

أعرف أطلع أحلى مافيني ، أقدر أروح لأي مناسبه وأنا واثقه من شكلي وَ كل هذا بنفسي ..

يعني لو صارت مناسبه فجأه ماأخاف أو أشيل هم ، قبل أدور أحد يميكجني ومؤات يضبط ومرات يجيبون العيد بوجهي

بس محد يعرف لنفسه الا نفسسه ، حطوها قاعده ، يعني لو أحط مكياج وماعجبني وأدري بايخ بس الي حولي عاجبهم ماأقتنع لسبب واحد الناس طبعها تجامل .. مو شرط تكونين فنانه أبسط الأشياء وتبرزين جمالك يكفيك ،

الشي الثاني ، الي هو الفاشن .. هذا شي ثاااني أحببه كثير ()

أحب أنسق وَ أجرب ستايلات كثير ، دائمااا وَ أبدااااا أواجه النقد أو النظره الي من تحت لتحت ، ما أمدح نفسي بس أي شي جديد بالسوق أنا أول من يشتريه ، وأعرف إيش الجميل والمناسب لي .. بس اذا كنت واثقه باختياري يجيني تطنز وَ ضحك لووول مدري إيش السبب ، بس أنا من النوع اذا ماعجبني شي أقول حلو عليك بالعافيه ، يعني عيب الشخص الي قدامي تعب عليه وإشتراه ومبسوط فيه ليه أكسره ؟ يشهد علي ربي ماعمري حطمت أحد أو خليته مطنزه لأن شكله موو عاجبني ،، بس أعرف كثير إما يكونون من الأهل أو من برا اذا شافو علي شي بدت روح الدعابه تطفو عندهم هههههههههههههههه

بتقولون يمكن جد ماعجبهم ؟ لا عاجبهم لأن بس يخلصون ضحك تنهمر الأسئله :

1-   من وين ؟

2-   بكم اخذتيه ؟

أو يمدحون من ورا ظهري : ( طيب قولوها بفيسي ماراح أزعل والله ههههههههههه

والشي الي يقتلني ضحك ، يسب يسب وبعدين يقلللللد بالحرف : )

مدري تحت أي بند أصنف هذي النوعيه ؟

وين الغلط لو شفنا شي جميل مدحنا وذكرنا الله ؟ وين الغلط لو جاملنا حتى لو ماعاجبنا .. الشخص أهم شي أخلاقه قبل أي شي ثاني ، شلون تحبك الناس وانت قلبك أسوود وحسسود <- ترا مو عشان اللبس بس أتكلم بشكل عام

ندخل بموضوع ثاني ، الحسسسد اففف أكررهه !! طيب تغارين مني صيري أحسن أما تدورين زلاتي والمشاكل ليه ؟

مدري ليه في ناس عادي تضييع وقتها عشان تتبع شخص تكرهه أو تحسده وتتصيد أخطاءه ؟ عادي تسوي لها أكاونت بتويتر عشان تسب ؟ طيب في شيم و عاجبك فيني نتناقش أنا أتحمل النقد بس سب من هنا والطريق فإنتي مريضه نفسيه بشكل رسمي ، كل هذا بكفه والي تقول والله لا أخرب حياتك بكفه ههههههههههههههههههههههههههههههههههههههههههههههههههههههههههههههههه عادي تجيني تهدديات كثيره بس خير خير خير شسويه لك ؟ ماأذكر أذيت أحد الا وهو "يستاهل" وأخذ جزاه بس لأنو إنتي تحت إسم مستعار فلا تتوقعين محد راح يعرفك ، الحمممدالله على قانون الجرائم الالكترونيه ، وترا سبق وَ إشتكيت <- عندها سوايق :$

لأن في ناس مريضه تقدر تسوي أي شي بس عشان ماتشوفك مرتاح بحياتك ، نصيحه لأي أحد وَ خاصه من عالم الانترنت ، لاتحسبون إنو أي أحد يقدر يتخفا ورا إسم مستعار وياخذ راحته بالسب وماعنده مشاكل ، ممكن تسوون له بلوك "لوكنتو من التويتر" وممكن لو ماقدرتو تشتكون عليه ، ترسلون له صوره من عقائب الجرائم الالكترونيه ..

راح يبلع العافيه ويذلف ههههههههههههههه ولو مانفع تشتكون بشكل رسمي ، لاتسكتون عن حقكم لأن في ناس مريضه تنكد عليك حياتك كذا بس مزاج وَ فراغه !

ربي يحفظنا من كل شر إن شاء الله ()

ترا أتكلم بشكل عشوائي لأن مدري وش أقول هههههههههه

أي صح أكمل الي بديت فيه .. فتحت المدونه لأني عارفه بكتب شي الي متأكده منو بأحاول أكون صادقه بشكل كبييير ، المدونات كثييره صح بس أحس الي يميز مدونتي إنو ماأحاول أغفل عن أي معلومه أحب أشمل كل شي ، والحممممممممممممدالله لقت أصداء واسعه والمدونه كملت بسس 9 ايام ()

وطبعا ماأقدر أسوي شي من غير دعمكم وَ وقفتكم معي !

أذكر أقول لماما / ترا بفتح مدونه عن البنات وخرابيطنا

قالت / طيب وش راح تستفسدين ؟

هههههههههههههههههههههههههههههههههههههههههههههه تحطيمي ياأمي : ( بس الحين لا متحمسسه معي وكل مره تقولي هاا وش نزلتي وش صار ؟ يازينها بس ()

الداعم الرئيسي : ربي لايحرمني منك () من غير دعمك ماأتوقع بكون سويت شي من الأساس ، دائما يقول لي إنتي عندك قدرات بس لاتستهنين بنفسك !

مدونتي ترا تجارب بسيطه أحاول أوسع مدراكي وَ بنفس الوقت افيدكم بالي أعرفه

حلمي إنو أعتمد عَ نفسي ! بدون ماأضطر لأحد لا مشاغل ولا يحزنون ، أقدر أقول وصلت ل50% ومع الوقت بعتمد عَ نفسي أكثر وَ أكثر إن شاء الله ..

شطحه : الحياه تغيير كثيير وَ كثيير ، هذا الي يضايقني بنفسي أحس تغيرت كثييييييير بس بنفس الوقت هذا التغيير لازم ! الى متى وَ الشخص دايما يعطي من دون ماياخذ ، واذا اخذ ماياخذ الا خيبه وجرح .. حلو نعيش علاقتنا بشكل متوسط .. مانبعد عن الناس ولا نقرب منهم كثير ، تبين ترتاحين بحياتك خلي بينك وَ بين غيرك مسافه ، صعب بس راح تتعودين ، أحس من كثر التجارب الي عشتها عندي خبرات تبع عجوز أم 80 سنه ههههههههههههههه

جتني فكره ، لو عندك مشكله أو متضايقه أو تحتاجين فضفضه بس ، تقدرين ترسلين لي إيميل بتكونين مجهوله تمااامااا وأنا برد عليك بالبلوق ، مافي أحسن من شخص يكون حيادي ولا ؟

كنت مفكره بالفكره هذي من زمااان بس ماأعرف كيف الناس راح تتقبل فكره تهدي سرها لشخص ماتعرفه وَ بنفس الوقت هي أساسااا ماعرف هالشخص ؟ ممكن يكون أأمن لها وَ اريح من إنو تفضفض لشخص وتخاف يتغير نظرته أو ماراح تأمن لسره ولا شرايكم ؟

مدري وش أقول بعد بس خلاص لازم أسكت هههههههه

بس كلمه لكل متابعاتي : الله لايحرمني هالقلوب الطيبه ، وأشكركم على دعمي ()

وإن شاء الله أكون قد ثقتكم وتستفيدون أكييييد : )

*ملاحظه : مارجعت أقرا كلامي لان لو بقرا بمسح كل شيم و طبعي أفضفض أو أتكلم بصوت عالي عند 750 شخص ههههههههههههههههههه فاذا شفتو أخطاء مششو .. أحبكم

قورجيس ××