الاثنين، أكتوبر 26، 2015

تجربتي بتبيض الاسنان بتقنيه الزوم الجيل الرابع ♥


السلام عليكم وَ رحمه الله وَ بركاته 

الي يعرفني يعرف شكثر أقدس الابتسامه واحب الناس البشوشه المبتسمه ، وماتكتمل الابتسامه الا بأسنان بيضا نظيفه ، أنا حريصه ع تنظيف الاسنان مو عشان تكون صحيه لا عشان ماضطر اروح لدكتور الاسنان ! عندي فوبيا دكاتره الاسنان وروحاتي لهم تنعد على الاصابع ، بس اقدر اقول وكلي فخر ان هالخوف انكسر بأخر زياره لعيادات رافال الاستشاري الطبي ، ابدا ماكنت حاطه ببالي ان الدكتور ونفسيته ممكن تأثر على نفسيه المريض ويكون مرتاح وبدون خوف! 



عيادات رافال دعوني ، وللامانه قلت لهم بتكلم عنكم بعد ماجرب الخدمه حتى انقل التجربه بكل شفافيه ، امس كانت زيارتي الثانيه لهم واخذت فكره وانطباع كامل عنهم وعن الخدمات المقدمه ، بالبدايه هم عياده جلديه تجميل وليزر واسنان ، الي جربته فقط الاسنان ، اخترت التبيض لأنه الشي الوحيد الي محتاجه له ، متابعاتي عارفين شلون صرت مدمنه قهوه هالسنه وهالشي اثر على بياض اسناني وخلاها صفراء ، الي جربته تقنيه الزوم ، التبييض واجهزته مختلفه مو كل انواع التبييض مناسبه بس بعياده رافال يستخدمون الزوم الجيل الرابع وهي من احدث التقنيات الامنه ان شاءالله ، طريقتها يحطون ماده حول اللثه عشان ماتتآثر وتحط الجهاز هذا :


وتخليه لمده ربع ساعه ، هو ضوء انا توقعته بيكون شي يخوف صراحه! بس طلع ضوء عادي جدا
الدكتوره قالت لي تحتاجين فقط 3 دورات وبدينا ولاحسيت بألم وطمعت وقلت كملي للرابعه 
وياليت ماكملت ههههههه جا الم مثل الكهربا اقدر اوصفه بأحد الاسنان ، ابن ادم طماع P:


من البدايه كنت مخبره الدكتوره ابي بياض طبيعي جدا يميل للؤلؤي مو الازرق!
وورتني عينه كيف اسناني ممكن تفتح ، وطلعت مقاربه للعينه جدا ، كل مازدتي الدورات كل مازاد البياض
فيرجع للسن نفسه ودرجه تحملك ، البياض الي طلعت فيه مره حلو! 
بياض طبيعي جدا بس اطراف اسناني المينا فيها ضعيف وهالشي ملاحظته من قبل حتى توقعت انه تأكل حمضي
بس الدكتوره اكدت لي ان اسناني بنيتها كذا ، مع التبيض صار في تباين اول ماسويت حسيت فيه
بس ثاني يوم صار اخف ، هذي ملاحظه للي نفس اسناني بالبدايه بتلاحظين الفرق بس بعدين يخف ومحد يقدر يفرق الا الي تلزق حيل بوجهك ..


ملاحظه ثانيه ، الافضل تسون تنظيف قبل التبييض عشان تشيلون الجير ، وبعد اذا سويتو التبيض وانتو تستخدمون الجهاز لاتتحركون ابد ابد عشان مايجي على اللثه مثل ماصار معاي هههههه المني شووي بس اللون الابيض اختفى بعد ربع ساعه من التبيض 

،

سويت التبييض 13 اكتوبر يعني صارلي 13 يوم بالضبط
البياض للان موجود بس اكيد مو نفس اول اسبوع ، الي خف اللمعه والبريق بس كلون مستمر الحمدلله
كثار قالولي ان الاسنان ترجع صفرا اكثر من قبل بس هالشي ماصارلي ابد ، مع اني اشرب قهوه للحين ومشروبات غازيه
يعني لو خففت منهم اتوقع اسناني بتكون افضل كلون .. 



ملاحظات :
- التبييض مافيه الم ، بس يرجع لتحسس السن واللثه.
- الافضل ماتشربين قهوه وشاي وعصائر وغازيات الا بالسترو او المزاز لأن بدايه التبيض السن يكون حساس ويمتص اي لون يجيه ، مع هذا شربت انا هههههه مع اني كنت مخففه قهوه للامانه خاصه بالبدايه بس الي حاب يحافظ على النتيجه يتجنب هالاشياء ويستبدلها بحليب او لبن وماشابهه لأن الاسنان تمتص ويعكس على لون السن نفسه.
- اول يوم حسيت بوخزات بالسن الي المني بالتبييض بالدوره الرابعه اما باقي الاسنان ماحسيت فيها.
- اللثه اول يوم تألمني مع التفريش بس ثاني يوم رجعت طبيعي جدا.
- شربت حار وبارد بنفس اليوم وماحسيت بحساسيه او الم.
- النتيجه ماتعتبر مؤقته بالعكس مستمره معاي بس اكيد مو نفس بريق اول ٣ ايام من التبيض.


الدكتوره نصحتني اسوي قوالب التبييض المنزلي عشان اعزز بياض الاسنان واحافظ عليه للمدى البعيد
للأن ماجربتها فماقدر انقل لكم تجربتي ، بس من خلال اطلاعي هي أأمن طريقه للتبييض
خاصه الي اسنانهم حساسه او ماتتحمل شي ، من تجربه صديقاتي مره مره يمدحونها 


القوالب سويتها بالعياده ، وضروري ياخذون مقاس الاسنان نفسها 
وتستلمينها بعد كم يوم مع الماده الي معاها ..
اذا حابين خبروني اتكلم عنها ببوست منفصل عشان ماطول اكثر 

،


طلبت منكم تسألوني أسئله اطرحها على الدكتوره وانقل الجواب :

،
  
بالنسبه لدكتورتي هي الدكتوره جمانه ، الله يسعدها مره ماقصرت معاي وكلامها وتفهمها لخوفي كسر الحاجز هههههههه
يدها خفيفه لما سوت لي التنظيف ، وروحها حلوه ومرحه وحبيت انها تجاوب على كل اسئلتي بصدر رحب 

بالنسبه لتجربتي بشكل مجمل كانت ناجحه الحمدلله ، البياض كان طبيعي جدا وماحسيت بالام ولا اثرت على اسناني ، بالنسبه ارشح اي نوع من التبيض؟ اذا كانت عندك مناسبه ومستعجله سوي الزوم واذا لا سوي القوالب لانها تاخذ على الاقل اسبوع من الاستخدام اليومي عشان تبان النتيجه ، على العموم قولولي لو حابين اسوي عنه بوست

سعر التبييض ١٦٠٠ ريال وكل شهر ينزلون عروض جديد ، شهر اكتوبر هذا عندهم عرض الفتره الصباحيه ٩٠٠ ريال والمساء ١٠٩٩ ريال ، القوالب سعرها ٧٠٠ ريال وبالعرض ٥٩٩ ريال 



هاتف / ٠١١٤٧١٥٧٩٩
عيادات رافال رقمهم واتس اب / ٠٥٣٤١٥٥٢٦٦
حسابهم بالانستجرام / @rafalclinics

الكروكي :


شكرا دكتوره جمانه وشكرا ايناس انو خليتو ابتسامتي اجمل :)


هناك 14 تعليقًا :

  1. ماشاء الله مشكوورة عالمعلومات . . و مبروك عالابتسامة الجديدة �� ..
    انا مقررة من ضمن مخططاتي للشهر الجاي اعمل تبييض وان شاء الله تكون النتيجة حلوة

    ردحذف
  2. ماشاءالله تبارك الله حمستينن اسحب ع الزيت زيتون واسوي القوالب احسهن اخف على الاسنان.. وحطي لنا بوست عنهم❤ دمت بحب😍

    ردحذف
  3. حمستيني اكثر انا كنت خايفه من التجربه كثيير خصوصا عندي نفس مشكلتك اطراف اسنانس خفيفه وكمان مدمنة قهوه بس خلاااااص بسويها ان شاء الله

    ردحذف
  4. الحمددلله ، عندي تبلد من دكاترة الاسنان ، بس من جد لاحظت نفسية الدكتور تفرق 💖💐

    ردحذف
  5. ماشاء الله حبيت تجربتك
    وححمممستيني على تبييض القوالب , كنت حاطته في بالي من أول
    وإن شاءء الله ربي يكتبلي اياه قريب ♥

    ردحذف
  6. وشكرا لك يا شيوم لانك دايماً ترسمين ابتسامتنا ❤️

    ردحذف
  7. اشكرك علي هالموضوع الجميل وتجربتك الحلوه

    ردحذف
  8. ياليت حبيبتي تتكلمين عن تجربتك بقوالب التبييض ببوست كامل لحاله
    وعن نوعية الجل وتركيزه ..
    ننتظر هالبوست قريب :)

    ردحذف
  9. ياليت حبيبتي تتكلمين عن تجربتك بقوالب التبييض ببوست كامل لحاله
    وعن نوعية الجل وتركيزه ..
    ننتظر هالبوست قريب :)

    ردحذف
  10. ياليت حبيبتي تتكلمي عن تجربتك بقوالب التبييض المنزلي وعن نوعية الجل وتركيزه...
    ويكون ببوست كامل لحاله ❤
    ننتظركك 😘

    ردحذف
  11. الله يسعدك حبيبتي ممكن تقولين طريقة استخدام القوالب اللي تجي مع تبييض الزوم لاني مسوية التبييض بالزوم وادتني الدكتورة لكن ماشرحت لي استخدامها ����

    ردحذف
  12. انا استخدمت القوالب 5 ايام بعدها مرضت ووقفت وجات الاختبارات وانشغلت اخاف تكون المادة انتهت صلاحيتها ودي اكمل بس خايفة اذا عندك اي خلفية افيديني

    ردحذف

التعليقات الجميله ♥♥

Blogging tips