الاثنين، أغسطس 24، 2015

شنو البس بجمعه صديقات ؟ روتين مكياجي اليومي ♥


السلام عليكم وَ رحمه الله وَ بركاته 

من زمان مانزلت صور تنسيقات واتوقع الكل عارف السبب مايحتاج اعيد هههههه ، بس انا في تحدي مع نفسي اطلع برا "منطقه راحتي" عشان تكون البوستات اكثر تنوع ، المهم اليوم بوست جديد علي "تجهزي معاي" الفكره منتشره باليوتيوب واحب اتابعها كثيير ، بوست اليوم عن تجهزي معاي لجمعه صديقات ، اللبس بيكون كاجوال وناعم مافيه فن لأن التركيز كله ع الشوز!
 


لبس اليوم هو مودي الايام الي فاتت ابيض وجينز مشقق
الجينز المشقق او الcut out jeans موضه دارجه ومره حابتها وعندي منها كذا قطعه
بس التقطيع يكون بس ع الركب واشياء بسيطه مو كثير من البشره مبينه
الجينز هذا من زارا والحلو فيه الخصر عالي فطالع بيرفكت مع التوب
،

التوب الابيض صاير ادمااان عندي ، اغلب لبسي ابيض صاير
التوب هذا مرره حابته كروب يعني قصير وقصته اسمها بوكسي كت boxy cut يعني كأنه مربع وخامته واقفه
ومن ورا في فتحه بالظهر ، من زارا بعد


يشبه هالطريقه باللبس


الشوز!! كثير تجيني اسئله عنه ، مره مره حابه اني اغير بلبسي لان دايم البس ع السيف سايد 
ماأخاطر باللبس ، الشوز هذا يسمونه chunky shoes ضخم والكعب متساوي
دايم الستايل الي البسه ناعم وانثوي بس هذا عجبني لان تحسين ممتع وستايلش ينفع لجمعات وكاجوال وينفع اذا تبين شي يطولك بدون صوت كعب ، هذا مريح لانه متساوي
وصلني من متجر @shosha_shop1 ، شكرا مره ع ذوقها وتغليف البوكس الجمميل حبيت خاتم التسبيح
الله يجزاك خير :*

مره مره حبيت متجرها اختيارتها للشوزات جميله! تنفع لبنات الجامعه والمدارس مره بتحبونها ثقو فيني هههههه 
 @shosha_shop1 


اتوقع هالشنطه شفتوها كثيير ، احب لونها جدا! تعطي حياه لأي لبس
وحجمها حلو تاخذ ايفون وكلينكس مرطب روج وعطر صغير
ماتوقع تحتاجين أشياء أكثر من كذا ، من مايكل كورس من زمان ماخذتها


الخواتم ذهبيه موزعه ع الاصابع


العقد سلاسل ناعمه ، الاشكال هذي موضه الحين وتقدرين تكتفين بواحد منهم
من بيرشكا وعندهم تشكيله حلوه صراحه


نجي للميك اب ، هذا صاير مكياجي اليومي  وتحسون الاغراض كثيره بس النتيجه جدااا طبيعيه
بعد غسل البشره بغسول وترطيبها أبدا مكياج
ماحط برايمر بشكل يومي مع انه يفرق كثيير بالمكياج بس لان اعرف مكياجي مايتعدا ساعتين او ثلاث فعادي استغنى
أبدا بالفاونديشن من سان لوران مررره أحبه!
خفيف وماكأنك حاطه أي طبقه ، بشرتي مختلطه واماكن جافه ومناسبني ، يقلب للباودر بس يجف
فلازم توزعينه بسرعه قبل لايجف ، تغطيته حلوه متوسطه ، حلو للصباح لان خفيف مثل ماقلت ع البشره
يعيبه سعره الغالي بس ولونه شوي فاتح بس اوازنه مع البرونزر عادي

،

بعد الفاونديشن اوزع الكونسيلر من نارس درجتي جينجر من أحلى الكونسيلرات الي استخدمتها يستاهل الضجه
اوزعه تحت عيني ع شكل مثلث مثل الصوره ، احسن طريقه لتوزيع الكونسيلر

الدمج كله بالبيوتي بليندر ، ضروري تكون عند كل احد لان تفرق جدااا بالمكياج 


بعد الدمج احط لوس باودر من لورا مارسيه تحت عيوني واكثر الكميه واخليه شوي
مثل تقنيه البيكنق او خبز الوجه بس الفرق ماراح يكون منور مره تحت العين ، التنوير له طريقه ثانيه اذا حابين تكلمت عنها
لان الفاونديشن يقلب باودر ماحط على كل الوجه باودر بس تحت العين وبنص الجبهه وعلى الذقن 
الاماكن الي ادري الفاونديشن مايثبت فيها بس الي مكياجه يتقطع ومايثبت الباودر ضروري سواء كومباكت او لوس

،

بعدها احط برونزر شانيل ع الخدود واطراف الوجه ، صايره ماحب الكونتور وخاصه كل يوم بس احطه بالمناسبات ومرات انساه بعد هههههههههه ، البرونز والكنتور الفرق بينهم ان البرونز يتوزع ع اغلب الوجه يعطى دفء للوجه
وينحط ع الاماكن الي توصلها اشعه الشمس لو بتسوين تان وين الشمس بتلمس وجهك اكثر ؟ هذا مكان البرونز
بس الكونتور تكون خطوط حاده وواضحه مثل تحت عظمه الخد وعظم الفك ، واكيد تكون مدموجه 
الكونتور يبرز الملامح ، البرونز يعطي دفء للوجه وكآنك متشمسه مثل عارضات فكتوريا سيكرت يعتمدون ع البرونز كثيير



يمين برونز | يسار كونتور



الحواجب واهم شي للوجه بالنسبه لي 
حواجبي خفيفه فألعب فيها كثير ، وهذي ميزه الحمدالله ، اغير بشكلها بدون مايبان علي
الي حواجبها ثقيله انصحها بباودر حواجب وترتيب ماتحتاج شغل مثل الحواجب الخفيفه

،

اول شي امشط حواجبي بالسبولي الي من انستازيا ، بعدها بجل الحواجب من انستازيا
اعبي الحاجب من النص بس ، احط خط من تحت وباقي الشعر ارسمه شعره شعره
اركز بأخر الحاجب اثقله شوي والباقي بالفرشاه ارسم خفييف من قدام
يصير الحاجب متدرج مو لون واحد يكون شكله طبيعي ، ولو ابي اتفنن اكثر
ارسم بالشدو كذا لون ، فاتح من قدام واغمق بالنص واخر شي غامق 
واحدد الحاجب بكونسيلر يعطي شكل نظيييف للحاجب ، واخر شي احط ماسكرا ماك اسمها بيقول Beguile
لونها بني وفيه ذرات ذهبيه ولمعه بس ماحس تبان بحاجبي ، كثير قالولي تبان عن نفسي عطتني لوك جممميل
وكثييير يسألوني عن حواجبي شلون مسويتهم ، من احلى الاشياء الي ضفتها لروتين الحواجب 
واخر شي امشط الحاجب بالسبولي عشان اوزع الماسكرا عدل وادمج كل شي مع بعض


بارت الشدو ، باليت لوراك برو من أجمل الباليتات الي جربتها مرره احبها الوانها واضحه ودمجها سهل جدااا 
بس مشكلتها تتناثر فانتبهو وانتو تحطون

احط ابيض ع كل العين يصير كأنه بيس او اساس للالوان عشان تكون واضحه تكلمت عن تثبيت اللون وابرازه ببوست
احط لون موف بكسره الحاجب يكون لون انتقالي عشان اللون يكون متدرج مو كأنه لون واحد وبس
استخدم فرشاه ماك 217 للدمج ، وبالفرشاه المسطحه احط لون شامبين يكون لؤلؤي بنص الجفن بس
واطراف العين احط لون اسبيريسو "بني" وبس!
الشكل النهائي مره ناعم واللوك هذا سهل جددددا اي احد يقدر يسويه 


الكحل الي طايحه فيه هالفتره ، كحل ذاي ار ريل من بينفت اللون البني 
ماتوقعت احبه لان من عشاق الكحل الاسود وماطلع بدونه ، بس هذا يعطي لوك حلو وناعم
ماكأنك حاطه شي بس يحلي العين ، طريقه الكحل سهله اول شي احط بيدي من الجل 
ماحط ع طول ع العين لان دايم يطلع برودكت كثيير وتبلشين فيه ، الافضل وزعيه ع يدك او اي سطح تبين
واخذي منه وحطي ، ارسم خط خفييييف قريب من منابت الرموش يعطي عييني اتساع وكثافه للرموش 

،

بس اخلص احط من كحل توفيسد الاسود ، من احلى الاكحال الي جربتها
اسود مررره وكريمي وسهل الدمج ، الثبات مو متآكده منه لان ماحط كحل بعيوني احطه من خط مدمع العين فوق
بس حبيته جدااا ، ليش احط الكحل فوق؟ يعطي كثافه للرموش وكآنك حاطه ميك اب كااامل وانتي حاطه شي بسيط



الماسكرات من بديت اتفنن فيهم استغنيت عن الرموش ههههه
مهما حطيتي ميك اب ومافي رموش شكلك بيصير باهت ، واذا كانت رموشك ثقيله وسووودا بتحسين حاطه ميك اب ثقيل!
عشان كذا صرت اركز بالرموش دايما ، استخدم لانكوم لانها تفرق الرموش وتطولها
لما احط ماسكرا احطها عند منابت الرمش واحرك الفرشاه يمين يسار كذا مره وبعدين اسحببب الفرشاه لفوق
دايم البنات يشتكون ان الماسكرا فاشله ، ترا مهما شريتي مكياج وماحطيتيه صح بيطلع فاشل
٨٠٪ من المكياج يعتمد ع يدك وطريقه الوضع فلاتتوقعون لاشريتو مكياج غالي صار مكياجكم واو!

،

ارجع احط طبقه ثانيه من نفس الماسكرا واحاول اطراف الرموش الخارجيه اطلعهم برا لان مو ماده الكحل لبرا
فبالطريقه هذي تعطيني وسع لعيوني باستخدام الماسكرا بس

بعدها اجب ماسكرا شانيل واحطها ع اطراف الرموش مو من الجذور عشان ماتتكتل
واحرص ع الرموش الي تحت بعد اكثر ماسكرا 


ارجع احط برونز من ميك اب فورايفر فيه لمعه شوي وطبيعي ع البشره ماكآن في طبقه ابدددا
حابته للاستخدام اليومي ، وفوقه بلشر من ماك اسمه جينجرلي جدددا احبه
الحلو بالبلشر هذا ان اذا حطيتي خفيف ينفع واذا زدتي الطبقات زاد اللون

لونه كذا بالضبط 




اخر شي الروج ، خلطتي الجميله ههههههه
محدد سبايس وروج بيرف كلهم من ماك ، مره مناسبني اللون حاولت ادور شي يشبه له تقريبا
سبايس شوي لونه بني مايل للوردي وبيرف وردي على موف شوي

يشبه الصوره بس اغمق شووي

وبس هذا بوست اليوم ، من زمااان ماسولفت عن المكياج ههههههه
متأكده تمامااا التطبيق العملي بتوصل المعلومه أكثر من النظري ، بس ان شاء الله تكونون استفدتو لو شوي من البوست
وان شاء الله راح انزل بوستات عن التنسيقات اجمل بس اتخطى عقده "ع اللبس احلى من الصور" p:

،

اشوفكم ببوستات ثانيه 

هناك 33 تعليقًا :

  1. تنسيقك بطل جبيت اللوك مره هادي و ناعم
    الشوز جممميل ماشاء الله
    تتهني يارب

    ردحذف
  2. ذوق شيوم 😍 حبيت موضوع الحواجب بجرب الطريقه .. سؤال .. لوس باودر لورا مارسيه فيه منه بسيفورا ؟ وايش الدرجه اللي تستخدمينها 🙊

    ردحذف
  3. مرررا حبيت التنسيق ومن جد الاحمر يدي حيويه للبس ، حمستيني اجرب شوز نفس دا الاستايل لاني اول مو مقتنعه اني البسو 😅
    على انك قوورجس تقولي منتي راضيه عن البوست بس احسو مرررا مرتب والتصوير اهم شيي قميل😍

    ردحذف
  4. ذوق شيوم 😍 حبيت موضوع الحواجب بجرب الطريقه .. سؤال .. لوس باودر لورا مارسيه فيه منه بسيفورا ؟ وايش الدرجه اللي تستخدمينها 🙊

    ردحذف
  5. يعطيك العافيه يارب

    ردحذف
  6. اللوك مررره جميل انا استعمل نفس الباليت واحبه مرره حتى في الوان بدت تخلص 😂💔 و احط اللون اللحمي على كسرة العين ودمجه مع بني فاتح و على الجفن المتحرك البنك الفاتح و الباقي مثلك بالضبط مع اختلاف الاشياء اللي تناسب بشرتي و البراند و يطلع شيء جميل و ناعم بنفس الوقت 👌❤️❤️، احب اللوكات هاذي تعطيني ايحاء للوكات ثانية 👌❤️❤️

    ردحذف
  7. يعطيك العافيه يارب

    ردحذف
  8. شكرا قورجس ❤️❤️

    ردحذف
  9. حبييييييييت اللوك مره
    انت اكثر انسانة استفدت منها بكل شي بالتنسيق وبغيره
    و مواضيعك دايم متكاملة ماشالله عليك
    شششكرا لك

    ردحذف
  10. اللوك مره جمييل 😻👌
    نوع الشوز دا زيك ما احبه بس تخيلته مع الستايل مره تحمست اجربه 😍😍😍💜
    يعطيك العافيه بوست جميل ♡♡

    ردحذف
  11. حبيت البوست و حبيت التصوير كثير ❤️❤️❤️❤️❤️

    ردحذف
  12. شكراً شكراً قورجس مره استفدت والتصوير يفتح النفس ماشاءالله

    ردحذف
  13. حبيت البوست ❤️
    بجرب طريقتك بالميك اب ان شاء الله ❤️.❤️
    شكرا قورجس ❤️

    ردحذف
  14. يعطيك العافيه شيوم ����

    ردحذف
  15. ماشاءالله يعطيك العافيه جميل البوست

    ردحذف
  16. يخزي العين شو هالحلا 😍😁 ..
    احب لمساتك !! انتي سحر ترا احنا راضيين عن البوست انتي شتين !!
    اول شي الشوز انا حبيته كشكل بس ماعرفت امشي فيه
    حاولت وحاولت احسه يجمد رجلي
    حاولت اجرب بالبيت ماعرفت 😢
    يعني الودج يعطيني نفس المشية بس اسهل !!
    طريقة الظل ما فهمتها !!
    وين نحط اسبرسو بالضبط .. 😕
    وشكرا لك يا جميلة ♡

    ردحذف
  17. انبسطت عالمكياج اكثر من اللبس 😅جميل. لازم اطبقه ولو بالمتوفر عندي

    ردحذف
  18. تجهزي معاي من المواضيع اللي دايم استمتع وانا اشوفها
    حبيت التنسيق مره ذوووق وجميل ♥♥
    الميك اب ستايلي بالضبط ♥♥

    يعطيك العافية على البوست الممتع ياعسل ..

    ردحذف
  19. ماشاء الله عليك ذوووق حبيت كثير تفاصييل
    مثل لون الشنطه والشوز فعلاً مختلف حابه اجرب هالاستايل كنوع
    من التغيير أتوقع بيكون بيرفيكت
    الاكسسواريز حلووين بس برشكا عندنا مافي اكسسواريز أتوقع لان ماقد شفت
    والميك آب جممميل وحبيت أختياراتك كانت موفقه
    يسلم الايادي ياجميله سعيده بقراءة البوست كامل
    تحياتي Ab_S35 أنستا أتشرف بمرورك

    ردحذف
  20. حبييييت الميك اب كثير ❤️❤️ بس عندي نفس سؤال اللي فوق وين نقدر نحصل باليت الشدو لوراك برو ياليت فيه محل معين ؟؟ ما احب اطلب ..

    ردحذف
  21. جميييل جداً تنسيقچ ❤️❤️👌😻
    استمري بالبداع. 👏😻❤️❤️❤️

    ردحذف
  22. حبييييييييييت
    كثري بوستات زي كذا 😢

    ردحذف
  23. يعطيك العافيه بوست جميل كالعاده

    ردحذف
  24. مشكوره وايد شيوم

    ردحذف
  25. الروج فيه درجه شبهه من فور ايفر النوع المات رقم ٤

    ردحذف
  26. ماشاء الله تنسيقك مريح و جميل فنفس الوقت الميك اب 😭💔💔 ليت لك صورهه بعد ماسويته اتخيلت شكله 😢💖💖💖 ربي يسعدكك قورجس

    ردحذف
  27. يعطيك العافية قورجس مرة حبيت اللوك () ولون الروج بالميك اب لازم اجربه أحب هذه الدرجات من الألوان !

    ردحذف
  28. حبيييت خصوصاً المكياج واعجبني تنسيقك خاصة الشوز احس م اتجرأ البسه بس اكيد بيطلع بطل باللبس❤️❤️

    ردحذف
  29. I'm so in love with the shoes it looks amazing mashallah and also the colors of the outfit are awesome, i think its pretty and i think it looks amazing on you too. the
    makeup choice is perfect for a casual/classy look. Loved it. xx

    http://sparklingcoffee23.blogspot.com/

    ردحذف
  30. ما شاء الله تنسيقك جدا جميييل💕 تعجبني الاشياء الناعمه والهاديه😍😍

    ردحذف

التعليقات الجميله ♥♥

Blogging tips