الأحد، أغسطس 09، 2015

كيف حولت طاوله الطعام الى مكتب خاص ملهم ؟ | دعم المشاريع الشهري ♥


السلام عليكم وَ رحمه الله وَ بركاته 
هذا المكان أتوقع أكثر مكان اصور فيه بالسناب شات ، لأن ببساطه أكثر مكان أحبه وأقضي فيه أغلب وقتي
منطقتي الخاصه أو عالمي الخاص الي اروق فيه واخلص كلل شغلي ، بس ديم اول ماتشوفني جالسه ع الكرسي لازم لازم تجلس معاي او يمكن يصير فيها شي ههههههه بس عااادي هذي ضريبه الامومه :"(


،

المهم زماان صورت لكم مكتبي وكان من اكثر البوستات الي حبيتوها وكنت ذاكره اني بنقل المكتب لمكان ثاني
فاليوم البوست عباره عن ترتيبي لمكتبي وكيف لقيت له مكان فان شاء الله يفيد الناس الي عندها مساحات صغيره مثلي
حبيت انوه ، لما نقلت المكتب حاولت ارتبه من الي موجود عندي وبتفاصيل بسيطه وغير مكلفه ابدا 

هنا مكتبي القديم للي ماشافو البوست

،

المكتب كان بغرفه ونقلته للصاله ، بما ان جلستنا اليوميه صارت بمكان ثاني فماصرنا نستخدم طاوله الطعام
فحولتها لمكتب وكثييير تجيني اسأله عنه ، هو طاوله طعام بالاساس 


صوره المكتب من بعيد
الطاوله من ايكيا الي تكبر وتصغر انا كبرتها من جهه وحده بس ، مقدر اقول انها عمليه تماما لانها عريضه
بس الجود من الموجود لحد ماسوي مكتبي الجديد باذن الله قريبا 


من اليسار ، حطيت الاشياء الي احبها تكون قريبه مني 


استخدمت كوب احبه من رويال البرت ، الفكره هذي مره منتشره ببنترست وحبيت انفذها 


ماتكلف وشكلها مره انيق ، حطيت في الكوب مناكير ايسسي ميني ولاعه للشمعه مرطب يد وشفايف ..


القطعه الخشب من مكتبه جرير من زمان عندي ، الشمعه من باث اند بودي وركس


الي ورا هديه من متجر الانيقه ايلول
مره مرره حبيت متجرها وكيف توفر اشياء جديد غير الدارج بالسوق


اناقه متجرها جدددا اعجبتني ، قلت لها اختاري الي تبين وارسلت لي المنظم الخشبي وفيه كالندر 


قالت لي من الاشياء الي توقعت تعجبك وفعلا اعجبتني فشكرا مره ع لطفك 
حجمها بالصور توقعت صغيير بس لما وصلت لي حجمها حلو مره يشيل لي النوتات الي استخدمها 
بدال البهذله الي قبل ههههههه ، لان ماعندي درج واحتاج اشياء قريبه مني
شكرا ايلول على الهديه الجمميله


الكالندر مره حبيت فكرته مع ان عندي بالفون والايماك كالندر بس للان احس للاشياء الغير الكترونيه طعم غييير


شكلها من جنب عشان تشوفون عمقها 




ع اليمين ..


كتب كيب كالم مع المق الي احبه لان يعنيلي الكثييير


وراه مرايه وفوقها اكسسوارات ، المرايه من روائع المكتبات اخذتها بولاده ديم قديمه شوي
الهيلز هي تيب لزاق من مكتبه جرير ، الكب كيك حاطه فيه الاوراق والاشياء الصغيره
المعقم من اهم الاشياء الي لازم تكون حولي ، فريم احط فيه اقتباس احبه
مره احب هالاشياء وتلهمني وتحسسني بالايحابيه


فكرت اتكلم عن الايماك واستخدامه بس حسيت الموضوع بيطول بزياااده
فاذا يهمكم الامر قولولي وبتكلم لكم عنه من خلال خبرتي كمستخدمه لاجهزه ابل من سنه ٢٠٠٧ :)


الي تحت الماوس الي داايم تسألوني عنه ، هي نوت باد للماوس من فيرجن ميقا ستور
اخذته من دبي ، مقسم لخمس ايام بالاسبوع اكتب فيها المهام
فيرجن الي بالرياض مره فاشل مافيه شي من ناحيه الادوات المكتبيه :"(


شفتو الجمال الي ورا ؟


اللوحه الفخمه جددددا من متجر حِس 
عجبني شغلها في شي جديد ولمسه فنيه ، غير الي اشوفه بباقي الحسابات
قلت لها ارسلي الي تختارينه من شغلك وسوت شي مخصوص لي مرره حبيته
وسوت لوحه ثانيه لديم بعد كييوت! وعد بصورها لكم : )

لون اللوحه مره صار متناسق مع مكتبي وعطاه طابع شخصي ، ماحبيت احط اللوحه بالمنتصف لان بيتغطى 
من خلال اللمبه والايماك فخليته شوي ع جنب وطلع شكله حلو مع ورق الجدران

شكرا متجر حس على فنك الراقي وتعاملك الي اكثر من جميل 


مكتبي فيه ارفف يمين ويسار ..
ع اليمين حاطه الكتب الي احبها واقتباس ثاني ، اتوقع حفظتوه من كثر ماصورته p:


وجنبهم صوره ديمي ورسمه خاصه 


وهذي زاويتي الخاصه الي حبيت اشاركم فيها 
ان شاء الله تعطيكم شوي الهام .. ومره متحمسه لمكتبي الجديد بيكون ع ذوقي تمااماا
وان شاء الله اصوره لكم بالخطوات اذا ربي قدرني

،

شكرا للمتاجر الي شاركت بالدعم هذا الشهر ، شكرا لثقتهم فيني
مره سعيده بابداع بناتنا وبسعد اكثررر اذا شجعتوهم واستفادو من الاعلان
اختياري للاعلانات دقيق جدا والي يعجبه ذوقي بيعجبه الي اخترتهم ان شاءالله
شكرا متجر أيلول
شكرا متجر حِس

،

اشوفكم ببوستات جديده ان شاء الله 

هناك 27 تعليقًا :

  1. الهمتيني الله يسعدك .. كنت جالسه افكر اعمل مكتب بس متكاسله .. حمستيني ❤

    ردحذف
  2. ماشاءلله يعطيك العافية ..بس يا ريت كان فيه صورة كامله للمكتب 😕

    ردحذف
  3. حبيت البساطه والراحه فيه , والمكان الجميل يلهمك ويحمسك تخلصين اشغالك =]
    بوست جميل يعطيك العافيه

    ردحذف
  4. مساء الخير .. يعطيك الف عافية , كالعادة جميلة بما تقدميه وأنا متابعة لك بشكل مستمر حبيت فيك ظهور شخصيتك بأي عمل تقدميه ولو كان بسيط وعدم التصنع والمبالغة . تحياتي لك

    ردحذف
  5. جداً جمييل ، وانا صراحةً من اشد المعجبين والواثقين بذوقك ❤️❤️❤️

    ردحذف
  6. موضووووع جميل ..، الله يعطيك العافية
    وعجبني انك حابته ومعتنية فيه ع الرغم من انه مؤقت
    وع فكره من خلال مدونتك اجبتي ع اسئلتي اللي رسلتها اليوم بالسناب 🙈

    ومشكوووورة ياعسل 😘..، مها

    ردحذف
  7. ما شاء الله جميلة تفاصيلك قورجس ! حالياً جالسة اشتغل على مكتبي عجبني تبع متجر ايلول و اللوحة من متجر جس مرة شغل مرتب و نظيف يعطيهم العافية () وجميل مكتبك بهالنسخة والي قبل *.* يعطيك العافية :* وياليت تكتبين لنا عن الماك !ناوية اشتريه باذن الله

    ردحذف
  8. ينطق جمال كعادة تدويناتك و أغراضك
    ماشاء الله الله يوفقك يارب

    ردحذف
  9. ماشاء الله تبارك الرحمن
    التغيير واضح والاحلى انه الاشياء جداً بسيطة بس غيرت كثير بالشكل
    حبيت لوحة اسمك :* وحبيت التفاصيل الكاليندر و الكوب
    انا اؤمن بإن الاشياء الي تعنيلك لازم تكون قريبة منك او قدام عينك
    موفقة حبيبتي واكيد يهمني موضوع الجهاز ..

    ردحذف
  10. شكثر موضوعك يجنن ♡♡
    احب هالمواضيع تلهمني بششكل ..
    يمكن لاني افكر حاليا اسوي لي مكتب وألم قراشيعي فيه
    وافكر برضو بماكينة خيااطة ..
    عشان كذا حابه هالموضوع حيل ..
    ومن اول فكرة انو حطيتي المكتب بالمجلس ألهمتني وقلت بسوي كذا
    انتظر موضوع مكتبك الجديد بشغف ..
    ووين بتحطينه 😘😘

    ردحذف
  11. جمالك وجمال بساطتك ياخي.. الله يسعدك ()*

    ردحذف
  12. عجيييييييييييييب مرراااااا يجنننن حبييييييييييته
    التصويير ماعليه كلاااام خيال

    ردحذف
  13. من اكثر الاشياء اللي حبيت تتكلمين عنها ماشاءالله تتهنين
    وان شاءالله يكون لي زاويه مثلك♥نحبك شيوم

    ردحذف
  14. ماشاء اللله. من اجمل الاشياء في حياة الانسان انه يكون له زوايته الخاصة ( عالمه الخاص ) يعيش فيه بعيييد عن ضجيج الناس.

    الله يبارك لك فيها واحلى شيء انو مع التصوير مو بيان انها طاولة اكل. 😅


    يبب بلييز اتكلمي لنا عن اي ماك. ضروري جدا.

    ردحذف
  15. يختي فخامممه السمبل ♡♡♡.
    ححيل حبييت تفاصيلك الصغيره الخاصه فيك

    عفكره دائما انتي مصدر الهام ♡.

    ردحذف
  16. احب الاناقه البسيطه ❤❤❤ذوقي يميل لذوقك يعطيك العافيه جد..والمشاريع جميله جدا وخصوصا حساب اللوحات ابداااع حبيييته وان شاءالله مع الايام نطلب منها شيء..بالتووفيق

    ردحذف
  17. في نفس اليوم اللي نزلتي في التدوينه كنت اقول لنفسي
    ياليتها تنزل تدوينه عن مكتبها وسبحان الله نزلتيه على طول 😂
    ماشاء الله أنااااقه وترتيب احسه يخلي الإنسان غصب يبدع 😍
    عاد انا الحين ناويه اسوي لي مكتب جديد وانتِ الهمتيني ببعض الأفكار 💓
    شكراًً شيوم وموفقه 🙈💓

    ردحذف
  18. كل شي جميل ومرتب ويفتح النفس تسلم ايادج شيوم

    ردحذف
  19. ماشاء الله جميل و مرتب 💕💙

    ردحذف
  20. شيوووووووم تكفين اول مرة اكتب لك طلب ابي تتكلمين عن الايماك شريته ومبتلشه فيه

    ردحذف
  21. ماشاء الله ،، مرة ذوق .. بس احب تكتبينا عن ماك وكيف نعرفه اصلي او مقلد وهل اختار لاب توب او كيس.. خصوصا انه شغلي قريب من شغلك

    ردحذف
  22. السلام عليكم انا عمري ١٧ سنه و توني بديت مدونتي و ياليت تشوفينها و تقولين لي رايك 💜💜 http://linajayy.blogspot.com/?m=1

    ردحذف
  23. الجمال يحيط بك أينما تواجدتي .

    ردحذف
  24. ليت تحكين عن استخدام ماك ابل لاب توبات
    واستخدامه وبرضو الاسعار وتكتبين كتابه لان سناب شات راح على يوم تحكين عنهم ،وأهم شي الى يستخدمون ل فوتشوب

    ردحذف
  25. مشالله مكتبك يفتح النفس والحين عرفت سر الابداع ❤ ❤
    حبيت اختياراتك في دعم المشاريع جداا مميزه يعطيك العافيه

    ردحذف
  26. جميل ما شاء الله ♥♥

    ردحذف

التعليقات الجميله ♥♥

Blogging tips