الجمعة، أبريل 17، 2015

اكلما اشتهيت اشتريت ؟ | نظمي احتياجاتك ودولابك ووفري فلوسك! ♥♥


السلام عليكم وَ رحمه الله وَ بركاته .. 
تكلمت عن هالموضوع كحلطمه بالسناب وماتوقعت التفاعل ماشاء الله ههههه!! تلاحظون السناب صار منبع افكاري ؟ جدا جدا تلهموني هناك واحب اسولف معاكم احس نمون ع بعض p:

كثير تجيني حالات ابي اشتري بس مو عارفه شنو ومرات يكون معاي مبلغ ويروح ع اشياء تافهه ماتنذكر! واتحسف عليها بعد فتره ، متآكده كثير يشتركون معاي بنفس الفكره ، ويطري ببالي داايماا اتخلص من كل لبسي واجيب جديد ، لان كثير مايمشي مع كثير وكثير تم استهلاكه وكثير اما راحت موضته او او ..


فدايما لما احس عندي مشكله شلون احلها ؟ لما اقعد مع نفسي قعده جاده واقول لازم القى حل ، اما اذا فكرت وفكرت بدون تطبيق فماراح احل هالمشكله ابد !

نبدا بمشكله الملابس :

١. تنظيف الدولاب بشكل دوري.
قبل التنظيف متى تعرفين ان جد تحتاجين تنظفين الدولاب ؟
- الدولاب مليان بشكل حرفي.
- ماتلقين الي تحتاجينه بسرعه.
- دايما تقولين ماعندي شي البسه.
تقريبا هذا الي ببالي ، وبشكل عام يبيلك تنظفين اقل شي كل ٦ شهور مره ، ويعتمد عليك لان مثلا انا مو النوع الي اشتري لبس دايماااا بس في غيري يشترون وخاصه الي يداومون يحتاجون لبس دايما بعكسي ، يعني يرجع لك .. هذا غير التنظيف الموسمي انك تاخذين لبس الشتا وتشيلينه وتطلعين الصيفي والعكس

شلون تعرفين هالشي لازم تتخلصين منه او لا ؟
شفت هالصوره وجدا تلخص الي ابي اقوله :


١. هل الشي هذا مقاسك ؟
٢. هل لبسته خلال ال١٢ شهر الي فاتت ؟
٣. هل من الممكن البسه قريبا ؟
٤. هل هالشي ع الموضه ؟ او يمثل ستايلي ؟
٥. اذا القطعه خربانه هل من الممكن اصلحها ؟ او تستاهل فلوس التصليح ؟
٦. اذا رايحه اتسوق الحين هل فعلا بشتري شي يشابهه هالقطعه ؟
٧. هل احس بالثقه لما البس هالقطعه ؟

وجاوبو على هالاسئله بشكل صادق بدون لف ولا دوران هههههه ، في كثار يقولون يمكن يمكن احتاجها بعدين! حبيبتي اذا مالبستيها الحين ماراح تلبسينها بعدين فلا تتعبين نفسك p: دايما يقولون اذا فضيت الدولاب بتحس هم وانزاح وتحس تقدر تلبس ع راحتك وتحسين في سعه عندك لاشياء احسن! فلاتحرمون نفسكم من هالشعور عشان كلمه "يمكن البسه"

وانا جربت هالطريقه قبل وجدا جدا حبيت هالتجربه وودي اكررها باقرب وقت ان شاء الله ، اذا طلعتي بالدولاب افرزيه لشي ممتاز وشي ماينلبس .. غسلي الممتاز وكويه وحطيه بصندوق وتبرعي فيه او عطيه احد من اهلك او صديقاتك وخاصه لو كانت القطعه حلوه وجديده تعتبر ..

٢. نسقو نسقو نسقو 
الحين عشان نتخلص من كلمه شنو البس!
اذا طلعتي كم قطعه حلوه وللطلعات ، سوي لها تنسيقين او حطي تنسيق كامل مع بعض وعلقيه ، في فكره جدا حلوه خاصه للي يداومون عشان ماتضيعين وقتك تدورين شي ينلبس ، سوي تنسيقات من الاحد للخميس ، حطي كل شي مع بعض الاكسسوار والشنطه وكل شي وعلقي عليه تاق او علامه سبت ،، احد ،، اثنين وهكذا .. شفت هالطريقه بالانستقرام ياليت اعرف الحساب عشان اوريكم بس ناسيته :\ وقتها تمنيت اداوم عشان اسوي كذا ههههههه!

الطريقه هذي توفر وقت وجهد بشكل كبير وسويها كل ويك اند وخلاص ، في بنات يسونها كل ليله بس احس تسوينها مره بالويك اند اريح ولا ؟

٣. اهم شي الاساسيات
دايم خلو عندكم قطع اساسيه مثل بنطلون جينز مرتب او تنوره سودا انيقه او بلوزه ساده بيضا ، اي شي من الاساسيات ، بتساعدكم بالتنسيق ، بس تكملون اللبس باكسسوار فخم وشوز او شنطه ويطلع لكم شكل انيق 

٤. الاكسسوارات
الاكسسوار او الشنطه او الشوز خلو بدولابكم الوان اساسيه مثل الاسود والبني والنيود ، هالالوان تمشي مع اغلب الستايلات وماتاخذ وقت بالتنسيق ، ممكن تلبسون قطع فخمه مع شنطه كلاسيك سودا او شوز نيود ويطلع شكلكم مرتب! انا مو ضد الالوان اكيد بس الالوان الاساسيه تمشي مع اغلب القطع وتكرفونها بشكل اكبر !

خلصنا من الدولاب نجي لفقره شنو اشتري !
اول شي واهم شي اذا بتشترين شي هل تحتاجينه او بس ودك تشترين ؟ اكلما اشتيهت اشتريت ؟ تذكرون الحلقه الي بخواطر بنفس العنوان ؟ الي ماشافها انصحه يشوفها .. جدا اثرت فيني لاني اشتري اشياء مالها داعي ، ولما تجي مناسبه اتذكر ناقصني كذا وكذا وابي عبايه جديده ونسيت اشتري عدسات وقبل المناسبه اركض بالسوق اكمل الناقص هههههههه!! بالنسبه لي اشياء كثيره ماحتاجها بس انا كبلوقر لازم اشتري واجرب ولا مايصير عندي شي اتكلم عنه! بس نجي لغيري ، عندك ٥ ماسكرات جديده مانفتحت غير الي تستخدمينها هل فعلا تحتاجين جديده ؟ قبل ماتشترين شي هل جد جد تحتاجين هالشي ؟ وترا مو شرط لازم تشترين اشياء غاليه في ناس فلوسها تضيع ع ميك اب وفي ناس ع سوبر ماركت حتى لو ماتحتاج هالشي تاخذه ، التبذير وعدم صرف الفلوس بموقعها الصح ينطبق ع اشياء كثيره.


في فكره كتبتها قبل بالانستقرام وفعلا فعلا فادتني وخلتني اخلص الاشياء الي عندي ، صرت اكتب كل شي عندي ، كريمات العين حطيتهم لست وكريمات الوجه وكريمات الجسم يعني كل شي عندي كتبته ، كل ماخلص شي اشطب ع الي عندي ، شنو فادتني هالحركه ؟

غير اني عرفت الي عندي ومانسيت شي ، اذا جيت بشتري شي اعرف شنو الي عندي وماجيب مثله ، اي صارت لي اشتري كريمات وعندي منها تو مانفتح هههههههه ، واعرف اذا بشتري كريم وجه مثلا ان عندي كريمات كثيره واحاول اخلص الي عندي اول بعدين اشتري.

يمكن البعض يشوفه شي تافهه بس انا الي يعرفني مدمنه كريمات واشتري كثير وماخلص الي عندي فصرت الحين مخلصه كميه كبيره الحمدالله ففادتني هالطريقه كثييير .. وترا اذا كتبتي بورقه الاشياء ماراح تترتب بنفسها طبعا! هي بس ترتيب افكار وتعرفين كل شي عندك وكل شي يرجع لك بالاول والاخير بس في طرق تساعدك بتحقيق اهدافك لا اكثر ولا اقل.

،

لا تآجلين كل شي لاخر لحظه! 
في بعض الحلول خلتني دايما مستعده لاي مناسبه وماحوس كل مره واضغط نفسي ، دايما يكون عندي احتياط ، يعني اشوف العبايات مثلا اشوف محتاجه عبايه مناسبات او لا ؟ عندي شي مرتب او احتاج اشتري ؟ اذا محتاجه شريت حتى لو مافي مناسبه ، هالمثل ماينطبق تحت "اكلما اشتهيت اشتريت" ليش ؟ لان عارفه شنو احتاج وشنو اشتري ماروح السوق بشكل عشوائي ،، ومثال ثاني انا البس عدسات نظر وعندي الملونه مثل الرمادي مالبسها الا لمناسبات بس اذا جت مناسبه فجآه ابتلشت فصرت اشتري واحط بدرج "الاشياء الجديده الي بحتاجها" اي عندي درج مسميته كذا هههههه ، لازم يكون عندنا باك اب لاشياء نحتاجها فعلا للمناسبات .. في نقطه اعرف كثار يسونها ، اذا ناويه تغييرين ستايل مكياجك فجآه تتذكرين عندك مناسبه وودك تغيرين ستايل الميك اب ، اكبر غلط وكنت اسويه دايما ، اولا شي جديد علي ومرات يضبط ومرات مايضبط للمناسبه وثانيا اذا اشتريت شي لمناسبه معينه ينتهي الامر باني انساه بدرج لان ماستخدمته بشكل صح!

اذا بتسون شي لاتخلونه لاخر لحظه ، اذا نويتي تغيرين ستايلك لاتضغطين ع نفسك ، جربي واخذي وقتك قبل اي مناسبه عشان تضبطين اللوك الي ببالك وتعرفين شنو تسوين بالضبط ، وشي ثاني عشان مايضيع وقتك اذا رحتي السوق وعجبتك قطعه فخمه سويلها تنسيق كامل واخذيها وحطيها بالدولاب حتى لو مافي مناسبه ، الاغلب اذا مو الكل اذا طلعت لهم مناسبه فجآه ويضطرون يروحون السوق مايعجبهم شي ولا مايلقون الي ببالهم فيتآزمون ويطلعون بشكل مو عاجبهم ، وبنفس الوقت اذا شريتو قطعه حاولو تاخذون شي ينفع له اكثر من تنسيق ، جربو ابحثو صور من النت ودورو ع الهام وطبقو ع الي عندكم بالدولاب ، عشان تستفيدون من القطعه بكذا شكل ..


شفتو هالقطعه ؟ نزلت عنها بوست قبل هالبوست .. كان لها تنسيق مختلف تماماااا القطعه الي ع الصدر كنت حاطتها ورا وصارت فتحه ع الصدر ساده ولبست فوقه جاكيت فخم للشتا وطلع شكله جداااا حلو ، حاولو توسعون مخيلتكم شوي وتفرجو ع كثييير فاشون شو او سترتيت ستايل واخذو افكار. 


اكتبو لسته!
الي يعرفني يعرف شكثر اقدس شي اسمه نوتات وورقه وقلم ، عندي الكتابه والتوثيق ترتيب لحياتك وافكارك حتى لو مو يوميا تكتبين وتدونين يكفي شعور الامان الي تحسينه ان افكارك بمستودع خاص ماراح تطير ، ماودي اتعمق بالموضوع اكثر ابي اخصص له موضوع مستقل افضل ..

- حطو لسته بالاشياء الي ضروري تشترونها وماعندكم بديل لها حالي
- اشياء راح تشترونها اذا خلصتو من البديل الي عندكم
- اشياء للمستقبل بخاطركم تشترونها

بالطريقه هذي ترتبين نفسك وفلوسك تحفظينها وتعرفين وين تصرفينها ، عن نفسي اذا ببالي اشتري ماركه معينه اشتريها اذا سافرت لان بالغالب ماحصلها هنا .. فقبل اي سفره يكون عندي مبلغ مناسب واكتب لست بالاشياء الي محتاجتها وكم تكلف بشكل تقريبي واذا سافرت اشتري الي محتاجته واذا بقى شي ممكن اخذ اشياء ادلع نفسي فيها ، احس الواحد كل ماكان مرتب بحياته كل ماينعكس على نفسه وذاته ، من طبقت الافكار هذي واحس صار عندي متسع باللبس والفلوس الحمدالله ، دايم وابدا عندي مبلغ بالبنك مالمسه! عادي يمر عليه ٣ شهور وماحركه ترا موشرط اذا معاك فلوس لازم تطيرينها ابد ابد مو شرط ، ومرات تجي سفرات مفاجآه وانبسط اني ماضيعت فلوسي باشياء خربوطيه ويمديمي ادلع نفسي بالسفر ، صرت مانزنق اذا جتني مناسبه دايما عندي لبس احتياط بالدولاب وعندي عبايه احتياط لاي ايفنت كان ..

هذا بوست اليوم سواليف ونصايح عامه .. فكرت احطه بالستور هاوس لان اغلب البوست سواليف عشوائي بس كثار طلبوني احطه هنا لان ماعندهم ستور هاوس فلكم ماطلبتهم فان شاء الله تكونون استفدتو 

اذا عندك نصائح بترتيب الاحتياجات او الدولاب يسعدني مشاركتكم بالكومنتات .. اشوفكم ببوستات جديده 

هناك 42 تعليقًا :

  1. مشاء الله عليك جداااااااً أستفدت منك 👌🏽 وكتبتي كل بالضبط الي نبيه مشاء الله عليك😢❤️ وبعد يااااااخي احب ذوقك مرااا مرااا🔥 وكيف تستفدين من القطعه وتحولينه الى اكثر من ستايل اتمنى في يوم اكون مثل ذوقك وخيالاتك بالتنسيق 💜💜💜💜🙌🏻

    ردحذف
  2. كلام جمييييييل واستفدت بصراحه من ناحيه ترتيب الأفكار 🌹🌹🌹

    ردحذف
  3. كلام جمممميل جدا ومفيد يعطيك العافية 💜

    ردحذف
  4. ماشاء الله عليك شيوم 💜تعجبني افكارك
    كل ماشفت عندك فكرة جديدة خصوصاً بالسناب احاول اطبقها.
    بالنسبة للتدوينه افدتيني انا من النوع اللي ما اعرف امس فلوسي على طول تطير واحيانا على اشياء تافهه :(
    بحاول اطبق بعض اقتراحاتك
    عجبتني كثير فكرة ترتيب الملابس والتنسيقات ان شاء الله حاطبقها قريب 😍

    ربي يسعدك 💜 نستفيد منك واصلي 😘

    ردحذف
  5. ماشاء الله عليك شيوم 💜تعجبني افكارك
    كل ماشفت عندك فكرة جديدة خصوصاً بالسناب احاول اطبقها.
    بالنسبة للتدوينه افدتيني انا من النوع اللي ما اعرف امس فلوسي على طول تطير واحيانا على اشياء تافهه :(
    بحاول اطبق بعض اقتراحاتك
    عجبتني كثير فكرة ترتيب الملابس والتنسيقات ان شاء الله حاطبقها قريب 😍

    ربي يسعدك 💜 نستفيد منك واصلي 😘

    ردحذف
  6. حلوه افكارك وتحمس الواحد يروح يقلب دولابه 😁ويعيد تنظيمة الصراحه من جد الواحد يحس براحه اذا شال الأشياء الي ما يحتاجها ونظم اغراضه يعطيك الف عافيه على مجهودك 😘

    ردحذف
  7. تدوينه جميلة و فعلا لما اكتب الأشياء اللي احتاجها ما اصرف فلوسي بشكل عشوائي ويجي اخر الشهر و انا ما معي شي
    ربي يسعدك 💜💜

    ردحذف
  8. شكراً لك شيوم استقدت من البوست وجاري التطبيق 💕

    ردحذف
  9. يعطيكةالعافيه

    ردحذف
  10. شكراً لك شيوووم 😘😘 يا الله على كمية الإلهام مرررة استفدت من البوست، الافكار اللي ذكرتيها حلووة جداً .. إن شاء الله راح أطبقها ❤️❤️

    ردحذف
  11. حبيت البوست يمكن ينظمني شوي😂:p عاد انا اروح واشتري كذا من ادخل السوق ما اعرف اللي احتاجه او اللي ما احتاجه اي شيء يعجبني اخذه حتى لو مافبالي تنسيق له فهذا البوست الهمني بكذا شيء وعلمني الاساسيات ، تحمست اروح افرز دولابي😂شكراً شيوم❤️❤️

    ردحذف
  12. انا مدمنة صررف بطريقه مو طبيعيه 😩
    كثيررر حبيت البوست وانا ببالي ارتب دولابي وكل اللسته الي تمثلني يمكن البسه بيوم من الايام ومدري اليوم ذا متى بيجي شكلي بفضي الدولاب كله 😅
    ومنجد اللسته الي تنظم حياة الواحد انا مؤخرا بديت فيها وحسيت اني برتاح كذا ❤️
    تسلمين عالبوست الرائع 🌹

    ردحذف
  13. بالنسبه لي لما كنت اداوم بالجامعه كنت كل ليبه اجهز اللي راح
    البسه و كنت مرتاحه ل هالطريقه مافي حوسه و زحمه الصباح
    و من جد اكثر شي يأزم وقت المناسبات لما تركضين بالسوق و
    ماتلقين اللي يرضيك صرت اذا سافرت اخذ اشياء فخمه بدون
    مناسبات و ما اعرف وين البسها بس الحمدلله كثير استفيد منها
    يعطيك العافيه قورجس بوست جدا مفيد تحمست اطبق بعض
    النصائح 😍🙊

    ردحذف
  14. جداااا شكرا على التنسيق الراقي، الفكره مكتوبه بسلاسه و مفهومه و جد احتاجها حاليا xD كثير عجبتني الأسئلة اللي تستخدميه للفرز لان عندي كثير ثياب مو عارفه شسوي فيها but not anymore
    الحين بقوم انظف الدولاب ، شكرا عملاقه

    ردحذف
  15. يعطيج العافيه ع البوست جد يا في وقته كبتي مليان ملابس بس لما يكون عندي مناسبه او شي اروح تمبلر او بنتريست ادور صوره عشان تلهمني و تساعدني في التنسيق

    مشكوره ❤️❤️❤️❤️❤️

    ردحذف
  16. حبيت مررره كلامك
    عاد جد دولابي يبيله قطع كثاااار
    يسلموووووو من جد استفدت

    ردحذف
  17. شكرا على مواضيعك المتجددة دائما و المفيدة ...
    بالنسبة لي اذا ملابس الطلعات قدمت ألبسها في البيت بتنسيقات مو مرة فخمة زي حق الطلعات بس مرتبة و مقبولة في البيت

    ردحذف
  18. شكرا شيوم فكيتي لي أزمه مرررره شكرا عندي ضغوط بالبس ومناسبات كثيره ومادري وش أسوي وش احط وخايفه تضيع إفلوسي على أشياء تافهه الله يسعدك الله يسعدك ويرفع قدرك

    ردحذف
  19. يعطيك العافية ع هالبوست الحمدلله كتبتيه هنا لان فاتني بالسناب و عطيتيني افكار لاشياء ماني عارفه كيف ألبسها والحين بابدا اكتب وش ناقصني ووش عندي شكككككرا مرا. <3

    ردحذف
  20. موضوع جاء بوقته شكرا لك

    ردحذف
  21. ما شاء الله علييج تعجبني أفكاارج وموااضيعج وكلاامج ويعجبني أسلووبج ف الكلاام تشجعيين الواحد وتحطين طموح تخلين الواحد يحس بقيمته ...

    ردحذف
  22. ما شاء الله علييج تعجبني أفكاارج وموااضيعج وكلاامج ويعجبني أسلووبج ف الكلاام تشجعيين الواحد وتحطين طموح تخلين الواحد يحس بقيمته ...

    ردحذف
  23. ما شاء الله علييج تعجبني أفكاارج وموااضيعج وكلاامج ويعجبني أسلووبج ف الكلاام تشجعيين الواحد وتحطين طموح تخلين الواحد يحس بقيمته ...

    ردحذف
  24. جاني حمماس مو طبيعي اقوم ارتب دولابي اللي من دهر ماترتب .. ربي يسعددك ياشيخه ع هالكلام والاسلوب اللي يفتح النفس ♡♥

    ردحذف
  25. شيوم مشكوره على هذي التدوينه ، كثير محتاجين مثل هذي التذكيرات ، و دايم تجي في بالي مقولة عمر رضي الله عنه .. بالنسبة لي اذا لبست القطعة موسمين ورا بعض بالغالب أطلعها يعني شتائين ورا بعض مثلا .. مدونتك تجيب السعاده .. و بوسه لديم..

    ردحذف
  26. شكرًا شيومة ربي يسعدك يارب🌺

    ردحذف
  27. كلام من ذهب ممكن اعرف سنابك

    ردحذف
  28. انا من سمعت المقولة في البرنامج اثرت فيني .. شكراً لج مواضيعج ملهمة وثمينة ومحفزة ومبدعة ومنبهة 🙏💜

    ردحذف
  29. موضوع مرة جميييل يعطيك العافية ❤️

    ردحذف
  30. جدا ملهمة ومبدعة لا حرمناك ♥

    ردحذف
  31. حبيت فعلا شي مفيد في كم شغله راح أنفذها وبتساعدني كثيرأناأوريدي كنت متأزمه من المناسبات والزنقات
    ف بدآت فعلياً أشتري قطع راح تخدمني ف هالمناسبات المفاجىْه وراح اختصر بالترتيب والكتابه عن الموجود والضروري واللي ممكن أحتاجه الله يسعدك ^^

    ردحذف
  32. احب المواضيع الي تختص بالبس و الاحتياجات بس المشكله عندي لما اشتري من النت شي مرا أعجبني ومحتاجتو يطلع اللون مو نفس الدرجة الي بصوره وما تناسبني درجات الألوان مع البشره مشكله كبييير بزغت معايه :(

    ردحذف
  33. مررررا جميل البوست. بدأت من فترة ارتب نفسي ومشترياتي ودا البوست ساعدني كثير.
    كلمة دايما اقولها لك. انت مصدر الهامي. شكرا جزيلا يا رقي

    ردحذف
  34. حطيت البوست هذا كإشاره مرجعية. ✨👌 ،، لأني أكيييييد راح احتاجه بيوم من الأيام 😻👌👗💛 ،، شكراً قورجس 💜✨

    ردحذف
  35. موضوع اكثر من روعة وعجبني ومرة فادني

    ردحذف
  36. مشكوره ع الموضوع الجميييل

    ردحذف
  37. موضوع رائع سلمت أناملك

    ردحذف
  38. موضوع مهم وضرووري وحيفيد فئة كبيرة من البنات واولهم انا ههههههه
    شكراً شيوم ♥♥

    ردحذف
  39. ماشاء الله حلو..حبيت فكرة اني اكتب الاغراض اللي عندي هاذي جد حبيتها وان شاء الله اجربها رغم اني مو من النوع اللي يشتري واجد ولافاشونية بس بجربها ان شاء الله بيوم من الايام ياخي انتي سعععععععععععععععااااادة وربي مرة احب مدونتك رغم اني عرفتها الان وكذا بس منجد قاعدة ابدا اقرا مدوناتك
    احبك شيوم❤

    ردحذف
  40. الصراحه شكرا على هالموضوع المفيد جدا فادني جدا
    و انا باذن الله بحاول اطبق هالاشياء
    جد موضوع التسوق قبل العزيمه احس كابوس خصوصا بعض الاحيان تكون مو متوفره الفلوس اللي تكفي وتذكرين انك حطيتي فلوسك على شيء تافه ولا استفدتي

    ردحذف
  41. مااتفق معاكي فيه لبس يجلس عندي سنتين ماجاوقت البسه ورجعت لبسته وتحصل كتير معايا موشرط نرمي أجل ليش اشتريناه واحنا موواثقين في زوقنا
    محد أجبرنا نشتريه
    بس انا أؤمن بمبدا كل شي له وقته

    ردحذف
  42. مااتفق
    فيه ملابس تجلس سنتين ماجاوقت البسها
    بعدها جاوقت ولبستها

    ردحذف

التعليقات الجميله ♥♥

Blogging tips