الأحد، أبريل 12، 2015

اناقه الاخضر | شنو نلبس لمناسبه مسائيه ؟ ♥


السلام عليكم وَ رحمه الله وَ بركاته  ..
كنوع من التغيير حبيت انزل بوست فاشوني ، عشان تعرفون ذوقي اكثر وبنفس الوقت يمكن البوست يلهم البعض وياخذ منه افكار ، اكثر شي اشيل همه اللبس اذا عزيمه او جمعه مسائيه ماتدرين تلبسين شي ناعم وتصيرين عاديه بين الناس او تلبسين شي فخم وتصيرين اوفر .. خاصه اذا ناس ماتعرفينهم ولاتعرفين طبيعه لبسهم ، بس حطو ببالكم مو عشان الناس لبسهم بسيط جدا لازم تصيرين نفسهم ، عن نفسي لكل مكان مقال ، لو عزيمه مسائيه اكشخ بحدود المعقول حتى لو الناس الي بزورهم بسيطين لان بالاول والاخير احب اكون كاشخه اكثر من ان اكون عاديه.



في مره اسولف مع منسقه مظهر وسآلت لو انا رايحه لناس ماعرفهم شنو البس ؟ قالت لي البسي بالشكل الي تحبينهم يشوفنك فيه ، هل تحبين يشوفونك بسيطه وناعمه او تحبين يشوفونك رسميه او او ، يعني نلبس الي يريحنا بحدود طبعا يعني اذا عزيمه ماروح بجينز وتي شيرت الا اذا كانت جمعه بنات او ماروح بفستان فخم والوان الا اذا كانت عزيمه كبيره جدا لمناسبه ، وماقصد زواج لان اتوقع الكل عارف شنو يلبس وقتها .. اتمنى نقطتي واضحه ، واذا عندكم رايي بالموضوع يسعدني مناقشتكم بالكومنتات 

نرجع للبوست ، اللبس هذا لبسته بزواره لوحده من اهلنا جايبه بيبي ، مع اني امون عليهم بس لانها مسائيه ومناسبه تعتبر حبيت اكشخ شوي ، لبست جمب سوت الي هو بنطلون بس كامل ، وطبعا شكله ع المنيكان مايشبهه شكله ع الجسم ههههه ، خامته خفيفه جداااا ولونه يفتن راقي! ترا بالحقيقه اخضر اكثر 



هذا اكثر لون قدرت اقربه منه .. نظامه مزموم بالنص بس مو اوفر ، وفي قطعه تغطي الصدر حبيتهاا ع اللبس ..


هذا شكله من قدام ، بس صاير منفوخ بزياده ههههههه بالطبيعه طايحه اكثر لان خامته خفيفه 
احب هالنوعيه من الخام لان ياخذ شكل الجسم وخاصه الي فيه لمعه يناسب السهرات كثير بشكل غير متكلف



 لبست معاه حزام ، لان الجمب سوت وسيع والحزام يحدد الخصر ويعطي توازن للجسم 
مادري لو الكل ينفع له ، بس الي نفس جسمي الساعه الرمليه جربو الحزام باللبس عن نفسي ماستغنى عنه 


عشان اعطي اللبس فخامه لبست الستيتمنت نيكلس ، كسر اللون باللبس وعطاه حياه اكثر
بمناسبه ثانيه لبست الجمب سوت مع سلسال طويل ، يعني الخيارات مفتوحه


لبست شنطه لونها رمادي ميتاليك فيه لمعه ، منو قال مايصير ندمج الذهبي والرمادي ؟



اخر شي الشوز اسود كلاسيك


الاكسسوارات ماحبيت اكثر ساعه واسواره بيد واليد الثانيه خاتمين مع بعض وحلق ناعم 



وبس! هذا بوست اليوم ..
تفاصيل :
الجمب سوت من زارا اخذته من فتره بس دايم ينزل اشياء مشابهه
الشنطه دولتشي اند قابانا
الشوز لوبتان
الساعه مايكل كورس
العقد ماركه EK Thongprasert
الخواتم ال في
الحلق توب شوب

اشوفكم ببوستات اجمل ان شاء الله 

هناك 93 تعليقًا :

  1. مرررا جميل ماشاءالله انتي ذوق دايم ربي يسعدك

    ردحذف
    الردود
    1. حبيبتي روان كلك ذوق ♥♥♥

      حذف
    2. شيوم حبيبتي بكم اخذتي خواتم ال في؟

      حذف
  2. يازييينك والله ويازين ذوقك ماشاءالله❤️❤️❤️

    ردحذف
    الردود
    1. ياززينك انتي والله من ذوقك الحلو ♥♥

      حذف
  3. جميل جدا ام ديم ياريت دايم تنزلين لنا تنسيقاتك ❤️❤️❤️

    ردحذف
    الردود
    1. عطوني فرصه اضبط التصوير اكثر وابشرو هههههه ♥♥♥
      وعيونك الجميله

      حذف
  4. جميل ❤️

    ردحذف
  5. جماااااال 😍😍😍 مرره حبيت
    اللبس مره جميل وبسيط و ذوق في نفس الوقت 👗
    يعطيك الف عافيه كنت انتظر البوست من الصباح 😍❤️😘

    ردحذف
    الردود
    1. حبيبتي دلو ♥♥♥♥♥
      تسلمين ياقلبي والله من ذوقك ومبسوطه انو عجبكم ♥

      حذف
  6. ررررووووععهه يازينك 😍💗 ودايم اشطحي وحطي تنسيقات 😍😍💗

    ردحذف
    الردود
    1. ابشرو بالشطحات دام عاجبتكم هههههه ♥♥♥

      حذف
  7. اناقه البساطه والفخامه يعطيج العافيه ياقلبي😘

    ردحذف
    الردود
    1. الله يعااافيك فطوم مره سعيده فيك ♥

      حذف
  8. مره عجبني ذوقك وتنسيقك ... الله يعطيك العافيه

    ردحذف
    الردود
    1. تسلمين وجدان والله يعاافيك يارب ♥

      حذف
  9. حبيته ، ذوقك يختشي ماشاءالله ♥
    اعشق الازرق والأخضر الرويال ؛ جددددًا ..

    ردحذف
    الردود
    1. جدا فخم صح ♥♥♥♥
      ونورتيني الاء ♥.♥

      حذف
  10. ماشاء الله مرة جميل

    ردحذف
    الردود
    1. تسلمين جوجو من ذوقك ياقلبي ♥

      حذف
  11. ماشاء الله مرة جميل

    ردحذف
  12. ياختي انتي مُلهمه دايمآ احب اشوف بوستاتك 🌸الله يسعدك ويوفقك 💞💞

    ردحذف
    الردود
    1. يسعدني هالشي جدا جدا ♥♥♥♥♥♥♥♥♥♥♥♥♥♥♥♥
      اجمعييين يارب ♥

      حذف
  13. تنسيقك جميل ما شاء الله و انا احب هذا اللون

    ردحذف
  14. يهبل مرره ياشيماء :)
    مره حلوو وكلاسي
    طيب لو كنت رايحة لزواج ابنة لشخصية مرموقة بالمجتمع وهي صديقتي الروح بالروح والفرق بيننا فقط بالوضع الاجتماعي برأيك إيش ألبس ؟ لأن ماأقدر على لبس فالنتيتنو والبقية
    برأيك أفصّل فستان يكون أفضل ؟
    وشكرا شيوم :*

    ردحذف
    الردود
    1. تسلمين حبيبتي ♥
      منو قال الكشخه بالماركات بس ؟
      شوفي موقع لاتي تكلمت عنه قبل ، خامات لبسهم مرتبه وعندهم اسعار حلوه
      اختاري شي بسيط وحطي اكسسوارات حلوه مثل الفضه او مشابهه لها ولاتنسين المكياج والشعر هم الي يحلون اللبس ♥♥♥♥

      حذف
    2. شيوم حبيبتي بكم اخذتي خواتم ال في؟
      و وين القى ال في بالرياض لو تعرفين؟💜

      حذف
  15. ذووووق ماشاءالله ...حبيييت❤

    ردحذف
  16. ذووووق ...ماشاءالله حبييييت❤

    ردحذف
  17. مره جميل ماشاءالله لونه روعه بس حسيت من كلامك السلسل الطويل احلئ من العريض ذا تخيلت صح بسالك صحيح شنط دولتشي جلدها حساس ولا يتحمل ؟

    ردحذف
    الردود
    1. ع حسب اللوك السلسال الطويل كان معاه جاكيت فكمل اللوك ♥
      وشنطه دولتشي الي عندي جلدها خشن ماتوقع يتخمش ♥♥♥

      حذف
  18. جمممميل جدا مرا حبيت اللون و الرمادي معاه ابداع مرا شيك ومو اوفر ابدا حبيت تتهني ❤️❤️

    ردحذف
    الردود
    1. تسلمين سارون ♥
      صح الرمادي كسر اللون ♥♥♥
      تسلمين ياقلبي

      حذف
  19. ذووق ماشاء الله 💕
    انا عندي تنوره تفته لونها اخضر مرره مقارب لهاللون ، احترت شركب معاها!! فكرت البس معاها قميص اسود ،

    ردحذف
    الردود
    1. ممكن اوف وايت قميص وشوز رمادي او اسود ♥♥

      حذف
  20. مررا جممييل وذوق😍

    ردحذف
  21. روعة ماشاء الله الجمب سوت لونه يججججننن و هالقماش حلو ع الجسم خفيف وبارد ههههه يارب احصله و اخذه 💜💜💜
    ودي اسألك عن الشنطة ايش رايك بالجلد تبعها ! ودي اخذها بس ترددت بعد ماشفت بلوقر تقول جلدها حساس جدا و يتمخش :(

    ردحذف
    الردود
    1. الي عند نوره خامتها غير عن الي عندي ♥♥♥♥
      انا جلد شنطتي خشن اكثر ♥♥

      حذف
  22. ماشاءالله ذووووق ولون يجنن واحس البس مرريح
    وناااعم يعطيك العافيه الله يسعدك ع طرح هالبوست ♡♡

    ردحذف
    الردود
    1. صح كثيير مريح ♥♥♥♥
      تسلمين ياقلبي

      حذف
  23. ممممممرا حبييييييت 😍😍😍😍

    ردحذف
  24. جميل جدا راقي وانيق ماشاءالله دائما ذوق ومصدر إلهام لي في التنسيق
    تسلمين ي جميله

    ردحذف
    الردود
    1. شرف لي والله ♥♥!!
      شجعتوني انزل بوستات فاشونيه اكثر هههه ♥♥♥

      حذف
  25. يعطيك العافيه حلوه بوستات الفاشن
    اعجبتني مقوله ( كيف تحبي الناس يشوفونك ) راح اطبع هذي العباره و اخليها بغرفة ملابسي

    ردحذف
    الردود
    1. صح لازم تكون هالكلمه دايم ببالنا ♥♥
      تسلمين وعد

      حذف
  26. أنآآآقه ونزآآكه .. واللون فتنه <3
    حبييت اللوك <3

    ردحذف
    الردود
    1. حبيبتتي ♥♥♥♥♥
      تسلميين والله من ذوقك ♥

      حذف
  27. رووووعه مبدعه مبدعه ححبيت كثير الله يسعدك والى الامام ي مُلهمتي والله يوفقك ي قمر❤️❤️❤️❤️❤️✨.
    نوف🌸.

    ردحذف
    الردود
    1. نوف الي بالتويتر ماغيرها :(
      حبيبتي اللله يسعدك مهما كنتي ♥♥♥♥

      حذف
  28. يازينك ويازين ذوقك مبدعه ودائما متميزه الله يسعدك ومن نجاح للنجاح اكبر يارب

    ردحذف
    الردود
    1. شكرا سميه اخجلتي تواضعنا :$ ♥♥♥♥

      حذف
  29. صراحه مره حبيت وانتي دائما مبدعه ومتميزه مو غريب عليكي ام ديم ومن نجاح للنجاح اكبر يارب الله يسعدك

    ردحذف
  30. تنسيق رااااقي 🌹 ياريت كل اسبوع تنزلين لنا تنسيقات حلوه جذي

    ردحذف
  31. مررررررة روعة التنسيق فخامة مع بساطة
    عجزت اصيغ الكلمات ماشاء الله ذوووقك راقي

    ردحذف
  32. ماشاء الله تنسيق حلو،،بس معليش كله ماركات واكيد مش الكل عنده مقدره ينسق بماركات اعملي بوست يكون بأشياء سعرها في متناول الجميع لكي ترضي جميع الاطراف،،كثير ميك اب ارتست وبلوقرز يعملوا تحدي ميك اسعاره قليله وفاشن عشان يلهموا الناس انه الاناقه مش بس بالغالي

    ردحذف
    الردود
    1. اتوقع كاتبه فوق "تستلهمون منه" مو تنسخون اللوك ♥♥
      الهدف من البوستات هذي تعطيكم فكره عن تركيب الالوان والستايل بشكل عام
      وانتو تختارون الي يعجبكم وتطبقون عليه من دولابكم
      ومحد قال الاناقه بالغالي ،، الاناقه بالتنسيق اولا واخيرا
      نورتيني ♥

      حذف
  33. مررا حبيت اللون والقصه مشكورة شيوم احب دايم اتابعك ف السناب هنا والانستغرام يسعدلي قلبك

    ردحذف
    الردود
    1. حبيبتي نورتيني بكل مكان ♥♥♥♥

      حذف
  34. مرا جميل ماشاء الله ، من وين اخذتي اللبس 😢

    ردحذف
    الردود
    1. تسلمين حبيبتي ♥ كاتبه كل شي بالبوست بس كملي قراءه p:

      حذف
  35. اللہ اللہ وش ذا الجمال مشاءالله جدا حلو وانيق مرا حبيت اللون كثير والموديل غير متعارف عليه 👌🏻

    ردحذف
    الردود
    1. الجمب سوت من اللبس الي احبه ويعطي اناقه ♥♥♥♥
      تسلمين نوف

      حذف
  36. -


    عشقي اللون الأخضر الداكن .. 💜💜
    بس الا الان مالبست ولا لقيت اللي في بالي 🙍💕

    ردحذف
    الردود
    1. زارا دايم تنزل اشياء مشابهه ان شاء الله تلقين ♥♥♥

      حذف
  37. ماشاء الله ذوقك مره حلو أحب الجمب سويت ولونه من جد يفتن يعطيك العافيه 😘

    ردحذف
  38. جميـلة التنسيقات جداً جداً أنيقة :) انا ادور جمب سوت أبيض ما حصلت :""( بس صراحة اللون الي اخترتيه جدا رائع . والستيتمنت نيكلس زاده اناقة .ما قد شفت بزارا جمب سوتس يبيلي أمرهم :) بالتوفيق وبانتظار جديدك :)

    ردحذف
  39. الجمب سوت جداا جميييل وراقي
    حسيت فيه جراءه شوي كيف نسقتي الفضي والذهبي والرمادي وطلع فخم وراقي
    يعطيك العافيه عالالهام ❤️❤️

    ردحذف
  40. ماشاء الله حبيت تنسيقك وتري وانا اقرا البوست كأنك قاعده تقولينه بصوتك تعودت ع السناب تشات الله يحفظك يا شيوم

    ردحذف
  41. مساء الخير شيوم :*
    مشكورة جدا انك رديتي علي وشفت موقع لاتي واعجبنييييييييييي مره
    لكن فيه مشكلة ثانية اني ماأعرف ايش البس معاه . اقصد مجوهرات او اكسسورات او ماأعرف صراحة 
    تصدقين خايفة أحرج نفسي واندم اني ما أعتذرت عن الزواج
    وبرضو شيوم انا جمعت 2000 ريال عشان اهديها ومالقيت شيئ بهالمبلغ صراحة فخفت أكثر واكثر
    دليني شيوم والله جدا محتارة
    وترى ماسألتك والله الا لأنك قلتي بالبوست يسعدني مناقشتكم بالكومنتات :*
    شكرا شيوم :*

    ردحذف
  42. مساء الخيير ..
    ماشاءالله ذوق ذووووق مو بس حبيت الا طحت في غرام التنسيق ❤️❤️❤️
    ؛لبسي بالشكل الي تحبينهم يشوفنك فيه ، هل تحبين يشوفونك بسيطه وناعمه او تحبين يشوفونك رسميه؛ <-- فعلا اكثر شي يأزم اذا بروح ناس ماقد شفتهم يحير اللبس لكن اوافقها برأيها لازم نلبس بالشكل اللي نحب يشوفونا فيه ويعبر عننا
    حبيت لونه عندي فستان نفس اللون وعجبني تنسيقك للالوان بستفيد منها لفستاني
    يعطيك العافيه حبيت كثير وكثري لنا من الفاشونيات ❤️❤️❤️ استمري في ابداعك ❤️❤️❤️

    ردحذف
  43. جمييييييييييييييييل كتيييييييييييييير ^^

    بس طلبتك ام ديم علمينا كيف نحول القطع لتنلبس مع حجااب يعني ايش الي ينفع معها جكت والي لا مابعرف اذا فهمتي عليا
    بس كتيير بتغلب مع الحجاب ياريت لو تعملينا بوست كيف تكون محجبة وعاى الموضة مشكووورة ^__^

    ردحذف
  44. ياجمال ذوووقك ونعومتك ♥♥

    ردحذف
  45. ماشاء الله ، مررره حلو تنسيقك بس العقد لو تخلينه ذهبي أحلى وملبوس العافيه شيوم ☺️💜

    ردحذف
  46. ذووووق كاعادتك شيوم ..يعطيك العافيه ياجميلة

    ردحذف
  47. مبدعة ومللللللهمة كالعادة الله بيسعدك 💠

    ردحذف
  48. عندي عقده من الاكسسورز ما احب البس بس دايمن مضاربات مع ماما ما احبها احسها تبين دفاشه مدري ليش الناس تهتم ليها وتحبها حلو يكون الاكسسورز اسكارف شنطه كعب غيرو لا وللآن خايفه ايش بسوي بفرح اخواني بشهر ١١ وجالسه افكر كيف رح احل العراك :(

    ردحذف
  49. ساعتج نفس ديزاين روليكس

    ردحذف
  50. جميييل ما شاء الله ♥♥

    ردحذف
  51. منجد ياخي انتي روعة يخلي الواحد يقرى ويحبك غصب منجد شيوم انتي سعادة..
    والله بنفسي اقابلك
    ذوقك راقي وجميل عجبني لون اللبس مررة واضافتك للحزام كانت جميل واعطت تدرجات اللبس حاجة جميل كمان الجزمة والشنطة والاكسسورات احسها تعطي اطلالة مميزة يعني دمج بين الاناقة والبساطة
    استمر يحبيبتي

    ردحذف
  52. يسعدك ربي تنسيقك بطططططططططل 👌🏻
    الله يزيدك من واسع فضله



    * الله يسلمك ، يدك حبيبتي بتكون طالعه
    حلو لو يكون فيها كم لو أصابع بسيطة

    ردحذف

التعليقات الجميله ♥♥

Blogging tips