السبت، أبريل 04، 2015

جولتي في محل توب شوب وتوب مان وشنو الجديد♥!!


السلام عليكم وَ رحمه الله وَ بركاته 
اليوم بالسناب اخذتكم جوله بمحل توب شوب وتوب مان بعد اعاده الافتتاح ومره انبسطت بتفاعلكم وانكم حبيتو القطع الي شاركتكم فيها ، للي مو ضايفني هذا حسابي يمديكم تشوفونها قبل لاتنحذف بكره GorgeousShayom ..


توب شوب وتوب مان موجودين من زمان بغرناطه مول ، بس للاسف المحل كان صغير والتشكيلات ابدا مو حلوه ولاعمري اشتريت منهم بعكس محلاتهم برا السعوديه ، بس سكرو المحل لمده ٣ شهور ورجعو افتتحوه بروح جديده وتشكيلات اجمل تناسب اسم توب شوب وقيمته بالسوق!

الي مايعرف هالمحل هو ماركه بريطانيه بدآت سنه ١٩٦٤ ، يندرج تحت هاي ستريت فاشون ، يعني من ضمن المحلات الي تواكب الموضه وكل جديد ولكن بآسعار ارخص من الماركات العالميه ، لكن الجوده جدا رائعه مقابل الاسعار الي اعتبرها متوسطه مو غاليه او رخيصه حيل.

التشكيلات الجديده تندرج تحت ٣ موضات 

Barely there
التشكيله الاقرب لذوقي ، كل الي فيها ع الموضه والقصات تكون نظيفه مستوحاه من التسعينات


اغلب الكولكشن هذا بالذات فيستات واشياء طويله ، تنفع مره للمحجبات والي يحبون الساتر ، حبيت هذا الفيست مع قميص ابيض وبنطلون انيق جدا


الستايل هذا يسمونه بمبر جاكيت ، الجاكيت متفوخ وممسوك من تحت مثل الي يركبون الدراجات الناريه ، حبيته مع جينز او تنوره.


هذا بنطلون ميدي لونه خاكي وابدا ماخترعت هاللون ههههه دورو عن معناه بقوقل ، هاللون موضه الموسم هذا وراح تشوفونه كثييير.


بلوزه فيها تفاصيل حلوه من الدانتيل.


شكل ثاني من البمبر جاكيت و خاماتهم مو ثقيله بالعكس حلوه مره


زوووم ع الكلتش ، مادري ليش ذكرتني بكلتش ارميز! نفس القصه العريضه


فستان ناعم طوله ميدي بنفس اللون الخاكي ، فيه فتحات ع الجنب بس اتوقع باللبس يبان اذا الفتحات كبيره او لا
لان الخامه استريش وتاخذ تفاصيل الجسم.



نرجع للفيست ههههه احبهم!!! وتعطي شكل حلو بدون تكلف 


لون الموضه بتشوفونه يتكرر كثير


النوعيه هذي مع البناطيل تنلبس مع هيلز وقمصان ويصير كشخه او مع تي شيرت وشوز رياضي ويطلع كاجوال 
you can dress it up or dress it down


جمب سوت ينفع للمناسبات والبنات الي ماعندهم خصر .. حلو عليهم كذا لان يرسم خصر وهمي باستخدام الحزام


احب الكارديقن الي كذا ساتر وانيق بنفس الوقت 


عندهم مجموعه تنانير طولها معقول

Troubadours tales
 الكولكشن هذا مستوحينه من السبعينات وفتره الهيبيز ، شوفو الصور وتفهمون الفكره اكثر!





هالبلوزه حبيتها لان تصير ع اليدين والكتف طالع ، اتخيلها مع جينز فاتح وشنطه بيج!



هالشنطه ذكرتني بستايل دولتشي اند قابانامن ناحيه الطباعه الي عليها 

Scouts Honour
اخر كولكشن مستوحى من فريق الكشافه اذا عندكم خلفيه عنهم ، الالوان الزيتي والكحلي والجينز الفاتح وكثير عندهم مقلم   ، الستايل يميل للتوم بوي يعني مو انثوي وناعم ابدا لا من ناحيه الالوان او القصات.



القمصان هذي احبها! واحب طولها ، يسمونها شيرت دريس يعني القميص ع شكل فستان تنلبس بروحها بس اذا ماتحبين القصير مره مثلي البسي تحتها تايت او لقينز مع فلات او تخلينه مفتوح وتحته بلوزه في افكار كثيره ، وخاصه انه موضه هالموسم





اكثر شي عجبني التيشيرتات هذي قصاتها وسيعه يسمونها بوكسر تي شيرت شكلها كانها بوكس مربع 



،

الاكسسوارات متنوعه صح مو كثيره بس اي اي شي ع الموضه ودارج شفته عندهم والحلو القطع متنوعه وتناسب الستايلات الي ذكرتها فوق يعني يمديك تنسقين اكسسوارات مناسب للستايل الي راح تختارينه من الي عرضتهم ، وصورت بعض القطع :


تذكرونه ؟؟؟ جيل التسعينات بيعرفونه اكيد هههههههه


النيكلس الناعمه رجعت موضه من جديد وتكون كذا قطعه مع بعض


مثل الهامه




هذي رجعت موضه بعد عطوني هديه نفسها لون ثاني



جدا حلو العقد للمناسبات ، ع الطبيعه يبرق p:


اخذت هالحلق وواحد ثاني نفس الفكره ، مشابهه لفكره ديور المشهوره


نفس الصوره! جدددا حلو ، وناويه ارجع اخذ حق ديور بس مو اللولو شكل ثاني

،

اكثر شي مشهوره فيه توب شوب قسم الدينم ، يعني الجينزات وماشابهها ، كنت ادور الجيقنز المقطع لونه اسود من زمان وحصلته اخيررااا عندهم واكيد مافوت الفرصه واخذته 



نفس هذا بالضبط! والحلو ان خصره مرتفع




،

صور منوعه لباقي المحل + توب مان قسم الرجال






















وبس! هذي رحلتنا في توب شوب وتوب مان ، تمنيت احط تنسيقات بس حسيت البوست طال كثير فيمكن ادرجه ببوست ثاني باذن الله ، محل توب شوب بغرناطه مول ورا دكتور كيف الي ع الشارع بالضبط وعندهم بدبنهامز المملكه نفس الكولكشن بس هذا اكبر طبعا ، موجود بعد بجده بحراء مول والتحليه مول. 

الافتتاح كان اليوم فالبضاعه موجوده ان شاءالله واختارو من البوست وروحو اشترو ع طول شفتو شلون سهلت لكم الحياه هههههه ، وقالولي ان اي شي ينزل ببريطانيا راح ينزل بالسعوديه بعد ١٠ ايام بالضبط يعني خبريه حلوه نكون مواكبين البضاعه الي برا ، وراح يكون في تعاون مع مشاهير مثل كايلي جينر قريب ، وخلال هالاسبوعين مع كل بنت او ولد يشترون منهم في هدايا متنوعه.

اشوفكم ببوستات ثانيه ان شاء الله. 

هناك 39 تعليقًا :

  1. مشكوووره ياحلوه 💕

    ردحذف
  2. جممممميل �� حبيت الفيستات اكثر شي �� يعطيك العافيه

    ردحذف
    الردود
    1. مثلي ♥♥♥ الله يعافيييك ياررب

      حذف
  3. يعطيك العافية شيوم💕 بس حبيت اسألك تجربتك مع صالون جويل ما حصلتها هنا و لا في انستقرام و شكراً لك 💓

    ردحذف
    الردود
    1. الله يعافيك ياقلبي ♥♥ ماكتبتها للان ان شاء الله اليوم بالانستقرام بنزلها ♥

      حذف
  4. يعطيك الف عافيه😍😍
    دايم احبه توب شوب كل شي تريند موجود فيه
    و تحمست له اكثر بعد تغطيتك😍

    ردحذف
    الردود
    1. فعلا التجديد مره اعجبني ♥♥♥
      الله يعافيك ياررب

      حذف
  5. تسلميي ياعسل شكراا على مجهودك

    ردحذف
  6. حبيت فكرة البوست ، نبغى بعد جولة لكي في زارا و ميسيمو دوتي و ريڤر ايلاند حلو انك تلفتينا على اشياء ما ننتبهلها و تحمسنا نغير الستايل المعتاد اللي نتبعه
    حتى نبغى الله يسعدك جولة لكي مثلا في محلات البيت مثل زارا هوم مثلا

    ردحذف
    الردود
    1. التصوير يكون باذن من الاداره صعب اشيل كاميرتي وادور ع المحلات هههه ♥ بس اذا في مجال بالمستقبل ابدا ماراح اقول لا ♥♥♥

      حذف
  7. جميل و يعطيك العافية ، سؤالي هل فيه مقاسات كبيره ؟؟ وممكن تذكرين مقاساتهم ツ

    ردحذف
    الردود
    1. الله يعاافيك ياررب .. والله ماعندي خلفيه عن المقاسات بس اتوقع لمقاس ١٦ موجود او ١٨ مو متآكده لان ماشفت :(

      حذف
  8. بوست مررة رائع اشكرك واشكر جهودك المبذوله دائمآ 😘

    ردحذف
  9. بضاعته مثل بضاعة دبي ياحضكم فيه وعقبال مايعبرونا ويفتحو فرع محترم عندنا بجدة غير التحلية

    ردحذف
  10. بوست ومجهود كبير تشكرين عليه ياقورجس رررررااائع ^_^ عجبني اللون الخاكي الدارج بهالموسم واحسه يحمس للتنسيقات ويناسب جميع الوان البشره..

    ردحذف
    الردود
    1. صح مره حابته هاللون والتنسيقات عليه كثييره ♥
      وتسلمين يارب

      حذف
  11. ماشالله جدا جميل والاجمل اسلوبك
    متابعه جديده لك وجدا استفدت منك
    الله يعطيك العافيه

    ردحذف
  12. الله يعطيك العافيه شيوم😘

    ردحذف
  13. الله يعطيك العافية شيوم 😍💟
    حبيت أسألك عن الأسعار فيه توصل لكم مثلا ؟؟ أتمنى فهمتي سؤالي 😊😚

    ردحذف
  14. الله يعطيك العافيه ♥♥♥♥♥

    ردحذف
  15. تحمست اروح له لاني كنت قبل ادخله وماتعجبني بضاعته

    ردحذف
  16. ويعطيك العافيه على البوست الرائع

    ردحذف
  17. الحلو كل الي جديد بالموقع موجود عندهم $ـ-$
    لازم ازوره بأقرب فرصة !
    ما شفتي عندهم قسم البيوتي والميك اب ؟
    شفت كثير يمدح مناكيراتهم ومكياجهم ودي اجربهم

    ردحذف
  18. يعدك ربيي .. تمنيت اني عايشه بالرياض عشان اروح :(

    ردحذف
  19. اللااااي البوست غير شكل .. على اني استمتعت في السناب بس هنا غير .. اللوكات والاكسسواريز اغلبها عجبني .. الجيقنز لفت انتباهي مع اني مو كللش كان داخل مزاجي بس مع المواصفات والصورة حبيته وقررت اجربه .. وطبعا الفلات شي 😍😘

    ردحذف
  20. يسلمو شيوم مجهودك مبين🌹
    واهم شبء عقد التسعينات كنت احس بقمه الاناقة لما البسه😂😂

    ردحذف
  21. مره اعجبني المحل ودخلته بغرناطه صدق منزلين اشياء حلوه
    ماادري اذا بيسون تخفيضات ؟
    مشكوووره مدونتك مرررررره حلووووه يعطيك العافيه

    ردحذف
  22. بوست أكثر من رائع ومفيد جداً .
    تسلمين ويعطيك العافية

    ردحذف
  23. خورااااااااافه بجد كذا عرفت الجديد وانا جالسة بالبيت وجهزت ايش اشتري للصيف 💯♥برافو عليك

    ردحذف
  24. حبيت البنطلون الاسود ♥♥♥♥

    ردحذف

التعليقات الجميله ♥♥

Blogging tips