الأربعاء، مارس 18، 2015

الماسكرا المجهوله وصلت وجهتها | Benifit Roller Lash mascara



السلام عليكم وَ رحمه الله وَ بركاته. 

قبل شهر تكلمت عن ماسكرا مجهوله وصلت لي .. البوست هنا للي ماشافه
وكثييير منكم عرف شنو هي الماسكرا برافو عليكم!


مثل دايم بينفت تبهرنا بحملاتها الاعلانيه وانبسطت بكوني جزء من هالحمله وسويت فيديو ثاني قصير عن الماسكرا :


video
ماسكرا رولر لاش احدث منتج بعائله بينفت راح تكون حصريااا بسيفورا بتاريخ ١ ابريل 

،
ماسكرا رولر لاش
هي ماسكرا توعدك برموش معكوفه من دون الحاجه لعاكفه رموش او اي منتج ثاني ممكن يأذي عيونك.
الباكيجنق حقها جمممميل مثل مو متعودين على منتجات بينفت ومستوحى من حقبه الخميسينات ذكرتني باللفافه الورديه حقت الشعر اكيد مرت عليكم ههههههه


الماسكرا شعراتها بلاستيك وقصيره ترفع الرموش بشكل جممميل بدون ماتخليها بلاستيك او متخشبه ، ماسكرا ذاي ار ريل ماكنت احبها مره لان تخلي رموشي كانها دبابيس بعكس هذي صارلي شهر ماستخدم غيرها!!

ذاكرين انها تعطي فوليوم وكثافه بس بالنسبه لي لا بس ترفع الرموش وتفتح العيون وتخلي شكلي مصحصح لان رموشي مستقيمه نوعا ما ، وايضا الحلو فيها لما اشيلها ماتسيح او الفورملا نفسها ماتذوب وتصير عيوني باندا لا جدا سهله بالتنظيف عكس ماسكرا ذاي ار ريل ، بالرغم انها ضد الماي بس ماقطعت رموشي ولاتنتفو! 

بالمناسبات جربتها مع ذاي ار ريل ومعطيني شكل رااائع كثافه وطول بس بصراحه لاني ماحب ذاي ار ريل بالرغم انها تكثف فبستخدمها مع ماسكرا ثانيه ، بس للي يحب ذاي ار ريل ومرتاح معاها راح يعشقها اذا استخدمها مع رولر لاش :)

هذي تجربتي باختصار وشفافيه ، مثل ماقلت بشهر ١ ابريل بتكون بسسس بسيفورا ومن تاريخ ١ مايو بتكون بكل المحلات الي تبيع منتجات بينفت ان شاء الله .. طيب ماتقدرون تصبرون لحد ١ ابريل ؟ 


الماسكرا وكل الي بالصوره ماعدا السيكل حقي p: بيكون من نصيبكم ، تابعوني بالانستقرام لمعلومات اكثر. 
اشوفكم ببوستات ثانيه.

هناك 14 تعليقًا :

  1. 😍😍 كنت حاسه انها بنيفت الله عليهم وعلى ابداعهم ياختي 💕 جمييل البوست والفيديو 😍 انا ماجربت ذا ريل كل ماجيت بشتريها القى ناس ماحبوها حسيتها ماتناسبني .. بس هذي شكلها جميله اصلا التعليب لحاله بيخلينب اشتريها 😂😂💜

    ردحذف
    الردود
    1. صادقه التعليب بنفسه حكااايه ههه ♥♥♥
      ان شاءالله تعجبك ♥.♥

      حذف
  2. اكثر شيءيعجبني بـ بنفت حملاتهم الدعايه والباكيجنق 😅
    ربي يعطيك العافيه قورجس😍😍

    تحبي نناديك شيماء او قورجس أكثر ؟!😁🚶

    ردحذف
    الردود
    1. صح دايم مبدعين بالنقطه هذي ♥♥♥♥♥
      احب شيوم هههه محد يناديني شيماء ابدااا
      او قورجس بعد حلو ♥♥♥♥

      حذف
  3. عرضك حلووو وكلامك عن الماسكرا حمسني اكثر عشان اجربها 😍
    مشكورة شيووم مدونتك روووعة 😘😘

    ردحذف
    الردود
    1. ان شااء الله تعجبك منيره ♥♥♥♥
      شكرا لك

      حذف
  4. روووعة شيوومة مشكورة تفاصيل حلوة والفيديو كان اكثر من رائع ..

    ردحذف
    الردود
    1. ياازينك ولاء احب طلاتك ♥♥♥

      حذف
  5. برافو عليه مرا انبسط بالفيديو واسلوبك حبيتها الماسكرا من دحين وشكراً على الوقت الي تعطينى هوا؛*

    ردحذف
    الردود
    1. شكرا بسومه انبسطت بردك ♥♥♥

      حذف
  6. شكررررا شيوم جد جد انتي مبدعه ترا انا اتابع بصمت واول مره اعلق معجززه^_^

    ردحذف
  7. الماسكرا كيوت ، ذكرتني ب البن غيرلز :$
    أنا برضو ماحبيت كثير ذير ريل ! حاةولت حاولت طلعت عاديّة :(

    ردحذف
  8. مادري حاسة ما اقدر اغامر فرشاتها مادري كيف جايه حسيت شعيراتها قصيره مره !!! بس اذا كان سعرها مناسب ان شاء الله نجربها ،،، ويعطيك العافيه على البوستات الجميلة 💐

    ردحذف
  9. من وقت ما اعلنو عنها وانا شكيت انها بنفت تعليبهم الكيوووت يميزهم دايماً ♥♥

    ردحذف

التعليقات الجميله ♥♥

Blogging tips